40 (ᐊᕙᑎᑦ ᒪᕐᕈᒃ) ᐅᖓᑖᓂ ᐅᑭᐅᖃᖅᐱᑦ? ᐃᓱᒪᒃᓴᖅᓯᐅᕈᓐᓇᖅᓯᕗᑎᑦ ᑎᒥᒃᑯᑦ ᓱᑲᖃᓗᐊᕐᒪᖔᕐᓂᒃ
ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ
40 (ᐊᕙᑎᑦ ᒪᕐᕈᒃ) ᐅᖓᑖᓂ ᐅᑭᐅᖃᖅᐱᑦ? ᐃᓱᒪᒃᓴᖅᓯᐅᕈᓐᓇᖅᓯᕗᑎᑦ ᑎᒥᒃᑯᑦ ᓱᑲᖃᓗᐊᕐᒪᖔᕐᓂᒃ
ᓄᕕᑉᐱᕆᒥᑦ ᑎᒥᒃᑯᑦ ᓱᑲᖃᓗᐊᖅᑐᓂᑦ ᐅᔾᔨᕈᓱᖕᓇᐅᕗᖅ! ᖃᔅᓯᑲᓪᓚᐃᑦ ᑲᓇᑕᒥᐅᑕᐃᑦ ᑎᒥᒃᑯᑦ ᓱᑲᖃᓗᐊᖅᑐᒃᓴᐅᒐᓗᐊᖅᖢᑎᒃ ᖃᐅᔨᒪᙱᒻᒪᑕ. ᐊᐅᖏᖅᑕᐅᕌᕐᔪᒡᓗᑎᑦ ᖃᐅᔨᔭᐅᔪᓐᓇᖅᐳᑎᑦ ᑎᒥᒃᑯᑦ ᓱᑲᖃᓗᐊᕐᒪᖔᑦ.
ᑎᒥᒃᑯᑦ ᓱᑲᖃᓗᐊᖅᑐᐃᑦ ᐱᔪᓐᓃᖅᐸᓪᓕᐊᕙᙱᑦᑐᒥᒃ ᐋᓐᓂᐊᖃᖅᑐᑦ ᑎᒥᖓ ᓱᑲᓕᐅᒡᒐᖅᑑᓐᓂᕌᖓᑦ ᐅᕝᕙᓘᓃᑦ ᐃᓅᑉ ᐊᐅᖓ ᓱᑲᕐᒥᒃ ᐊᑐᒡᒐᖅᑑᒑᖓᑦ ᑎᒥᖓᑕ ᓴᓇᔭᕋᓗᐊᖓᓂᒃ. ᓱᑲᖃᓗᐊᔾᔭᐃᒃᑯᑎ ᑎᒥᒥᒃ ᐊᐅᑦᑕ ᖄᖏᐅᑎᑎᑉᐸᙱᒻᒪᒍ ᖃᓄᑎᒋ ᓱᑲᓕᐅᕆᐊᖃᕆᐊᒃᓴᖅ ᑎᒥᐅᑉ ᐊᑐᕐᓂᐊᖅᑕᖓᓂᒃ.
ᐅᑯᐊ ᑕᕝᕙ ᐃᒃᐱᒋᔭᐅᒐᔪᒃᑐᑦ ᐊᐅᒃᑯᑦ ᓱᑲᖃᓗᐊᓕᖅᑐᕕᓂᕐᒥᒃ ᐊᒃᓱᐊᓗᒃ ᐃᒥᕈᓱᒃᖢᑎᒃ, ᖁᐃᓱᒍᒃᓴᕋᐃᖦᖢᑎᒃ, ᓴᓗᒃᑎᖦᖢᑎᒃ ᓴᓗᒃᑎᓴᙱᒃᑲᓗᐊᖅᖢᑎᒃ, ᑕᖃᖓᔪᐊᓘᕙᒃᖢᑎᒃ, ᑕᐅᑐᑦᑎᐊᕈᓐᓃᖅᖢᑎᒃ, ᐅᕕᓂᒃᑯᓪᓗ ᐊᒦᖅᓴᕋᐃᖦᖢᑎᒃ ᑭᓕᕈᑎᒡᓘᓃᑦ ᒪᒥᓴᕋᐃᑦᑐᓐᓃᖅᐸᒃᖢᑎᒃ. ᑭᓯᐊᓂᑦᑕᐅᖅ, ᐃᓛᓐᓂᓚᐅᓱᖓᖅ, ᐃᓚᖏᑦ ᓱᑲᖃᓗᐊᖅᑑᒐᓗᐊᑦ ᑎᒥᒥᒍᑦ ᐊᐅᖕᒥᒍᓪᓘᓃᑦ ᖃᓄᐃᖅᑰᔨᕙᙱᒻᒥᔪᑦ.
ᑎᒥᒃᑯᑦ ᓱᑲᖃᓗᐊᕐᓂᖅ 2 ᐋᓐᓂᐊᕆᔭᐅᒐᔪᓛᖑᔪᖅ ᑖᒃᑯᓇᓂ ᐊᐅᒃᑯᑦ ᖃᓄᐃᔾᔪᑕᐅᕙᒃᑐᓂ. ᑭᓇᑐᐃᓐᓇᖅ 40 (ᐊᕙᑎᑦ ᒪᕐᕈᒃ) ᐅᑭᐅᓕᒃ ᐅᖓᑖᓂᓗ ᖃᐅᔨᓴᖅᑕᐅᖃᑦᑕᓪᓗᐊᖅᑐᖅ ᐅᑭᐅᑦ ᐱᖓᓱᑦ ᓈᓯᒪᓕᕌᖓᑕ ᑎᒥᒃᑯᑦ ᐊᐅᖃᓗᐊᕐᒪᖔᕐᒥᓂᒃ ᖃᐅᔨᓇᓱᒡᓗᑎᒃ. ᐱᔾᔪᑕᐅᓕᕈᓐᓇᖅᑐᐃᑦ ᑎᒥᒃᑯᑦ ᓱᑲᖃᓗᐊᓕᕐᓂᕐᒧᑦ ᐃᓚᖃᖅᑐᑦ ᒪᑯᓂᖓ, ᖃᑕᙳᑎᖃᕈᕕᑦ ᑎᒥᒃᑯᑦ ᓱᑲᖃᓗᐊᖅᑐᒥᒃ, ᑎᒡᓕᕐᓂᕆᔭᐃᑦ ᖁᕝᕙᓯᓗᐊᖃᑦᑕᖅᐸᑦ ᓱᑲᒃᓴᖃᓗᐊᖅᐸᓪᓘᓃᑦ, ᐅᖁᒪᐃᓗᐊᖅᐸᑦ ᑎᒦᑦ − ᐱᓗᐊᖅᑐᒥ ᓈᒃᑯᑦ/ᕿᑎᖅᐸᓯᒃᑯᑦ ᖁᐃᓂᓂᖅᓴᐅᒍᕕᑦ.
ᖃᐅᔨᒪᓕᖅᐹᓪᓕᕈᒪᒍᕕᑦ ᑎᒥᒃᑯᑦ ᓱᑲᖃᓗᐊᓕᕐᓂᐅᑉ ᒥᒃᓵᓄᑦ ᐋᓐᓂᐊᓯᐅᖅᑎᒧᑦ ᐅᖃᓪᓚᒡᓗᑎᑦ ᓄᓇᒋᔭᕐᓂ ᐋᓐᓂᐊᕐᕕᖕᒥᓘᓃᑦ.
###
ᑐᓴᒐᒃᓴᓕᐅᖅᑎᓄᑦ ᖃᐅᔨᒋᐊᕐᕕᒃ:
ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email