ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓴᖅᑭᑕᐅᕙᓪᓕᐊᔪᑦ - ᔪᓚᐃ 13, 2020

ᒥᓂᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᖅᖢᒍ ᓯᕗᓕᖅᑎᒧᑦ ᓄᑖᙳᕆᐊᖅᑎᑕᐅᔪᑦ:

ᐅᓪᓛᒃᑯᑦ. ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᐱᖃᕋᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ.

ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 1,553-ᖑᓕᖅᐳᑦ. 163-ᖑᓪᓗᑎᒃ ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.

ᖁᕕᐊᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᒫᓐᓇ ᓂᕿᓪᓚᑦᑖᖃᖅᑎᑦᑎᖃᑦᑕᓕᖅᐳᒍᑦ ᐅᐸᒃᑕᐅᑦᑕᐃᓕᒪᕝᕕᖕᓂ. ᑕᓐᓇ ᐱᓕᕆᐊᖑᔪᖅ ᐱᓕᕆᐊᖑᕙᓪᓕᐊᓕᓵᖅᐳᖅ, ᐊᖅᑭᒃᓱᐃᕋᓂᓕᖅᖢᑕᓗ ᐊᐅᓪᓚᖅᑎᑕᐅᔪᒃᓴᓂᒃ ᐊᑐᕙᒧᑦ, ᐃᐊᑦᒪᓐᑕᓐᒧᑦ ᐊᒻᒪ ᐅᐃᓂᐹᒡᒧᑦ.

ᖁᕕᐊᓱᑦᑎᐊᖅᐳᒍᑦ ᐊᖏᕐᕋᖅᓯᒪᑦᑎᐊᖅᑎᑦᑎᔪᓐᓇᕋᑦᑕ ᑕᐃᒃᑯᓂᖓ ᐃᓄᑐᒃᑯᕕᖕᒦᑦᑕᕆᐊᓕᖕᓂᒃ ᓄᓇᕗᒻᒧᑦ ᐅᑎᓚᐅᙱᑎᓪᓗᒋᑦ, ᐊᒻᒪ ᐃᓂᖃᑦᑎᐊᕐᓂᖅᓴᐅᖁᒐᓗᐊᖅᐸᕗᑦ. ᖁᔭᓐᓇᒥᕈᒪᑦᑎᐊᖅᑕᒃᑲ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓕᒫᑦ ᐱᓕᕆᖃᑎᒋᔭᕗᓪᓗ ᓄᓇᕗᑦ ᑐᙵᕕᒃᑯᓐᓂ ᑕᒪᓐᓇ ᓴᖅᑭᑎᑕᐅᔪᓐᓇᕐᒪᑦ.

ᑕᐃᒪᐃᑉᐸᖕᒪᑦ, ᖁᔭᓕᔭᕗᑦ ᐅᓪᓗᓂᒃ 14-ᓂᑦ ᐊᓂᑦᑕᐃᓕᔭᕆᐊᖃᖅᑎᓪᓗᒋᑦ ᐊᔪᕐᓇᖃᑦᑕᕋᓗᐊᖅᑎᓪᓗᒍ, ᖁᔭᓐᓇᒦᖅᐸᕗᓪᓗ ᐱᓕᕆᖃᑕᐅᖃᑦᑕᖅᑐᓕᒫᑦ ᓄᓇᑦᑎᓐᓂ ᐊᑦᑕᕐᓇᖅᑕᐃᓕᒪᑎᑦᑎᓪᓗᑎᒃ.

ᒫᓐᓇ ᑐᓂᓕᖅᐸᕋ ᓘᒃᑖᖅ ᐹᑕᓴᓐᒧᑦ, ᐱᓕᕆᐊᖑᓂᐊᓕᖅᑐᓂᒃ ᑐᓴᒐᒃᓴᓂᓪᓗ ᑐᓴᖅᑎᑦᑎᓂᐊᖅᑐᒥᒃ ᐅᑯᐃᒃᑲᓐᓂᕐᓂᐊᓕᖅᑐᓂᒃ ᓄᓇᕗᒻᒥ ᐊᑐᕐᓂᐊᖅᑕᖓᓂᒃ.

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ ᓴᖅᑭᑕᐅᕙᓪᓕᐊᔪᑦ

ᓄᓇᕗᒻᒥ ᐊᑐᕐᓂᐊᖅᑕᖓᓂᒃ ᑲᔪᓯᕙᓪᓕᐊᑎᓪᓗᑕ, ᐊᓕᐊᓇᐃᒍᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᑭᒡᓕᖃᖅᑎᑦᑎᙱᓐᓂᖅᓴᐅᓂᐊᓕᕋᑦᑕ ᓄᓇᕗᒻᒥ.

ᔪᓚᐃ 20−ᒥᑦ, ᐱᔪᓐᓇᐅᑎᓖᑦ ᑕᒪᕐᒥᒃ ᓄᓇᕗᒻᒥ ᐅᒃᑯᐃᖅᑕᐅᔪᓐᓇᖅᓯᔪᑦ ᐃᖃᓇᐃᔭᕐᕕᐅᑉ ᐃᑲᕐᕋᖏᑦ ᒪᓕᒡᓗᒋᑦ.

ᓄᓇᕗᒻᒥᑦᑕᐅᖅ ᐊᐅᓪᓚᕐᕕᐅᒐᔪᒃᑐᓂᑦ ᐅᖓᕙᕆᐊᖅᑎᑦᑎᓂᐊᓕᕐᒥᔪᑦ ᑰᒡᔪᐊᕋᓗᒃ, ᒫᓂᑑᐸ ᐱᖃᓯᐅᔾᔭᐅᓗᓂ. ᑕᒃᑯᐊ ᐊᔪᙱᑎᑕᐅᔪᑦ ᑰᒡᔪᐊᕋᓗᖕᒧᑦ ᐊᑐᖅᑕᐅᔪᑐᐊᖑᕗᖅ ᐊᓯᖏᓐᓄᓪᓗ ᐊᕕᒃᑐᖅᓯᒪᔪᓄᐊᖅᑕᐅᙱᖦᖢᓂ ᒫᓂᑑᐸᒥ.

ᐊᐅᓪᓚᕐᕕᐅᒐᔪᒃᑐᑦ ᐊᑐᖅᐳᑦ ᖃᖓᑕᓲᒃᑯᑦ, ᓄᓇᒃᑯᑦ ᐅᒥᐊᒃᑯᓪᓗ ᐊᐅᓪᓚᖃᑦᑕᖅᑐᓄᑦ ᑭᑭᑕᐅᓪᓗᑎᒡᓗ ᐊᐅᓪᓚᖅᐸᒃᑐᑦ ᐃᓄᑑᔭᕆᐊᖃᖅᑎᑕᐅᓪᓗᑎᒃ ᓄᓇᕗᒻᒥ ᑰᒡᔪᐊᕌᓗᖕᒥᓪᓘᓐᓃᑦ ᒪᓕᒋᐊᖃᖅᑎᑕᐅᓪᓗᑎᒃ:

• ᐊᐅᓪᓚᕆᐊᖃᖅᑐᑦ ᓄᓇᕗᒻᒥᙶᕆᐊᓕᑦ ᑰᒡᔪᐊᕌᓗᖕᒧᑦ ᐅᕝᕙᓘᓐᓃᑦ ᑰᒡᔪᐊᕌᓗᖕᒥᑦ ᓄᓇᕗᒻᒧᑦ.
• ᐊᐅᓪᓚᕐᓂᐊᖅᑐᑦ ᑰᒡᔪᐊᕌᓘᑉ ᓄᓇᕗᓪᓘᓐᓃᑦ ᓯᓚᑖᓂᙶᖅᓯᒪᔭᕆᐊᖃᙱᑦᑐᑦ ᐱᓇᓱᐊᕈᓰ ᒪᕐᕈᖕᓂᑦ ᐊᐅᓪᓚᓚᐅᙱᑎᓪᓗᒍ.
• ᐊᐅᓪᓚᖃᑦᑕᖅᑐᑦ ᓄᓇᕗᒻᒦᖏᓐᓇᕆᐊᓕᑦ ᑰᒡᔪᐊᕌᓗᖕᒥᓪᓘᓐᓃᑦ ᐊᐅᓪᓚᖅᓯᒪᓂᓕᒫᖓᓂ.

ᓄᓇᕗᑦ ᓯᓚᑖᓄᑦ ᐊᐅᓪᓚᓚᐅᙱᑎᓪᓗᒍ, ᐊᐅᓪᓚᕐᓂᐊᖅᑐᑦ ᓄᓇᕗᒻᒧᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ ᖃᐅᔨᒋᐊᕆᐊᖃᖅᐳᖅ ᐅᑯᓂᖓᓗ ᑐᓂᓯᓗᓂ:

• ᖃᐅᔨᒋᐊᕐᕕᒃᓴᒥᑦ, ᓲᕐᓗ ᑐᕌᕈᑎᒥᑦ ᐅᖄᓚᐅᑎᒥᒡᓗ, ᐃᓅᑉ ᓄᓇᖓᓂᑦ; ᐊᒻᒪ
• ᑎᑎᕋᖅᓯᒪᔪᒥᒃ ᓱᓕᓂᕋᕈᑎᒥᒃ ᐃᕐᙲᓐᓈᖅᑕᐅᒃᑯᑦ ᐱᔭᐅᔪᓐᓇᖅᖢᓂ @email ᑎᑎᕋᕐᕕᒋᓗᒋᑦ ᐅᕝᕙᓘᓐᓃᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓄᐊᕐᓗᑎᑦ.

ᖃᖓᑕᓲᒃᑯᑦ ᐊᐅᓪᓚᕐᓂᐊᕈᕕᑦ, ᑎᑎᖅᑲᒥᒃ ᐱᔭᕆᐊᖃᖅᐳᑎᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ ᐊᐅᓪᓚᕈᓐᓇᖅᑎᑦᑎᓂᕋᐃᔪᒥᒃ ᑐᓂᓯᙱᒃᑯᕕᑦ ᑎᖕᒥᓲᒧᑦ ᐃᑭᔪᓐᓇᖅᑎᑕᐅᔾᔮᙱᑦᑐᑦ. ᐊᐅᓪᓚᕐᕕᐅᒐᔪᒃᑐᒥᑦ ᐊᐅᓪᓚᕐᓂᐊᖅᑐᑦ ᑰᕐᔪᐊᕌᓘᑉ ᓯᓚᑖᓄᑦ ᐅᓪᓗᓄᑦ 14-ᓄᑦ ᐊᓂᑦᑕᐃᓕᒪᔭᕆᐊᖃᕐᓂᐊᖅᐳᑦ ᒐᕙᒪᒃᑯᑦ ᐃᓂᒋᑎᑕᖓᓃᓪᓗᑎᒃ ᓄᓇᕗᒻᒧᑦ ᐅᑎᓚᐅᙱᓐᓂᖓᓂ.

ᓄᓇᕗᒻᒥᐅᓕᒫᑦᑕᐅᖅ ᖁᔭᓐᓇᒦᕈᒪᖕᒥᔭᒃᑲ ᕿᓄᐃᓴᖃᑦᑕᕐᒪᑕ ᐱᓕᕆᖃᑎᒌᒃᑎᓪᓗᑕ ᓄᓇᕗᒻᒥᐅᑕᓂᒃ ᖃᑕᙳᑎᖏᓐᓂᒡᓗ ᓴᐳᔾᔨᓇᓱᒃᖢᑕ ᓄᕙᒡᔪᐊᕐᓇᖅ-19−ᒥᑦ. ᖁᔭᓐᓇᒦᒃ.

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒡᔪᐊᕐᓇᖅ-19−ᒥᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ

ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᖅᑐᖅ ᓄᕙᒡᔪᐊᕐᓇᖅ-19−ᓕᖕᒥᑦ ᐅᐸᒍᑎᓯᒪᓚᐅᕋᓱᒋᓗᓂ ᐅᖃᐅᔾᔭᐅᕗᑦ ᐅᖄᓚᖁᔭᐅᓪᓗᑎᒃ ᓄᕙᒡᔪᐊᕐᓇᒧᑦ−ᐅᖄᓚᕝᕕᐅᔪᓐᓇᖅᑐᒥᒃ ᐅᕗᖓ, 1-888-975-8601 10−ᒥ ᐅᓪᓛᒃᑯᑦ 6−ᒧᐊᕋᓱᖕᓂᖓᓄᑦ ᐅᓐᓄᒃᓴᒧᑦ, ᖃᐅᔨᑎᓪᓗᒋᓪᓗ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᖕᒥᓂᒃ ᖃᐅᔨᑎᑲᐅᑎᒋᓗᒋᓪᓗ, ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᖅᓯᒪᓗᓂᓗ 14−ᓄᑦ ᐅᓪᓗᓄᑦ.

ᑭᓇᐃᓐᓇᖅ ᖃᕆᑕᐅᔭᖃᕈᓂ ᖃᕆᑕᐅᔭᒃᑯᑦ ᓇᖕᒥᓂᖅ ᖃᐅᔨᓴᕈᓐᓇᖅᑐᑦ nu.thrive.health

ᐅᐸᒃᑕᐅᑦᑕᐃᓕᒪᕝᕕᐅᔪᓂ ᐃᓱᒫᓘᑎᖃᕈᕕᑦ ᐴᖅᓯᕕᒃ

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᓯᒪᔪᖃᓕᖅᐳᖅ ᑭᐅᔭᐅᑦᑎᐊᖃᑦᑕᕐᓂᖅᓴᐅᖁᓪᓗᒋᑦ ᐃᓱᒫᓘᑕᐅᔪᑦ ᐅᖃᐅᓯᐅᓯᒪᔪᓪᓗ ᐱᓕᕆᕝᕕᒋᔭᐅᓯᒪᔪᓂᑦ ᐅᓪᓗᓄᑦ 14−ᓄᑦ ᐱᔭᕇᖅᓯᔪᓂᑦ ᐅᐸᒃᑕᐅᑦᑕᐃᓕᒪᕕᖕᓃᑦᑐᓂᒃ ᖃᓪᓗᓈᓂ ᑲᓇᑕᒥ. ᑖᓐᓇ ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᒃ ᐊᒃᓱᕈᕐᓇᓗᐊᕈᓐᓃᖅᑎᑦᑎᓂᐊᖅᐳᖅ ᓄᕙᒡᔪᐊᕐᓇᒧᑦ ᐊᑭᖃᙱᑦᑐᒧᑦ ᐅᖄᓚᕝᕕᒃᓴᒧᑦ, ᐃᓗᐊᖅᓴᖅᑕᐅᔭᖅᑐᖅᓯᒪᔪᓂᒃ ᑐᓴᐅᒪᑎᑦᑎᔨᓂᒃ ᐊᒻᒪᓗ CPHOTravelRequests ᐴᖅᑲᐃᕕᖕᒧᑦ. ᐅᕝᕙ ᓄᑖᖅ ᑐᕌᕈᑖ @email.

ᐅᓄᕐᓂᖏᑦ

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑎᑦ

ᔪᓚᐃ 11−ᒥ ᐱᒋᐊᖅᖢᓂ, 2,467−ᓂᒃ ᑐᒃᓯᕋᖅᑐᖃᓚᐅᖅᐳᖅ, 1,622−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᕈᑕᐅᔪᑦ.

ᐱᔨᑦᑎᕋᖅᑕᐅᖏᓐᓇᖅᑐᑦ:

• ᐋᓐᓂᐊᖃᕐᓇᙱᑦᑐᓕᔨᓄᑦ ᐱᔨᑦᑎᕋᖅᑕᐅᕙᒃᑐᓄᑦ ᐃᑲᔪᖅᑕᐅᖃᑦᑕᖅᑐᑦ ᓱᓕ ᐊᑐᐃᓐᓇᐅᔪᑦ ᑕᒪᐃᓐᓄᑦ ᓄᓇᓕᖕᓂ ᐱᓇᓱᐊᕈᓯᓕᒫᖅ ᐅᓪᓗᓄᑦ 7-ᓄᑦ. ᑐᐊᕕᕐᓇᙱᑦᑐᓕᒫᑦ ᑲᒪᒋᔭᕆᐊᓖᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᖃᐅᑕᒫᑦ ᑐᐊᕕᕐᓇᓂᖏᑎᒍᑦ ᒪᓕᓪᓗᒋᑦ. ᑐᐊᕕᕐᓇᖅᑐᓕᕆᔨᓄᑦ ᐋᓐᓂᐊᕕᖕᒥᑦ ᐱᔨᑎᕋᐅᑎᖏᑦ ᓱᓕ ᐊᑐᐃᓐᓇᖏᓐᓇᕐᓂᐊᖅᑐᑦ 24−ᓄᑦ ᐃᑲᕐᕋᓄᑦ, ᐱᓇᓱᐊᕈᓯᓕᒫᑦᑎᐊᖅ. ᐃᓗᐊᖅᓴᖅᑕᐅᔭᕆᐊᖃᖅᑐᓕᒫᑦ ᐅᖄᓚᖃᑦᑕᖁᔭᐅᕗᑦ ᓴᖅᑭᓚᐅᙱᓐᓂᕐᒥᓂ ᐋᓐᓂᐊᕐᕕᖕᒧᑦ.
• ᔫᓂ 8−ᒥᑦ ᐱᒋᐊᖅᖢᓂ, ᐅᓄᕐᓂᖅᓴᓂᒃ ᐊᑐᐃᓐᓇᐅᔪᖃᖃᑦᑕᕐᓂᐊᓕᖅᐳᖅ ᐅᐸᒍᑎᓗᑎᒃ ᖃᓄᐃᓐᓂᖏᓐᓂᒃ ᖃᐅᔨᓴᖅᑕᐅᔪᒪᔪᓄᑦ ᐋᓐᓂᐊᕕᖕᓂ ᐅᑭᐅᖅᑕᖅᑐᓕᒫᒥ.
• ᐃᖃᓗᖕᓂ, ᐅᖁᒪᐃᓐᓂᕐᓂᐊᕐᕕᒃ, ᑐᐊᕕᕐᓇᖅᑐᓕᕆᕝᕕᒃ ᐃᒡᓗᕈᓯᖅ ᐅᓂᒃᓯᒪᕝᕕᐅᕙᒃᑐᕐᓗ ᒪᑐᐃᖓᐃᓐᓇᕐᓂᐊᖅᑐᑦ.
• ᓄᑕᕋᓛᑦ ᖃᓄᐃᙱᑦᑐᑦ ᐱᓕᕆᐊᖑᕙᒃᑐᑦ, ᓯᖓᐃᔪᓄᑦ ᑕᑯᔭᐅᕙᒃᑐᑦ ᑲᐱᔭᐅᕙᒃᑐᓪᓗ ᓱᓕ ᑲᔪᓯᕗᑦ ᓄᓇᕘᓕᒫᒥ.
• ᓘᒃᑖᑦ ᓄᓇᓕᖕᓄᑦ ᐳᓚᕋᖃᑦᑕᖅᑐᑦ ᑲᔪᓰᓐᓇᕐᓂᐊᖅᐳᑦ. ᑕᒪᓐᓇ ᐊᔪᕐᓇᕐᓂᖅᐸᑦ, ᑕᑯᔭᐅᖃᑦᑕᕐᓂᐊᖅᑐᑦ ᑕᓚᕖᓴᒃᑯᑦ ᐃᓗᐊᖅᓴᖅᑕᐅᓗᑎᒃ ᐅᖄᓚᐅᑎᒃᑯᓪᓘᓐᓃᑦ.
• ᐊᐅᖏᖅᑕᐅᓯᒪᔪᓂᑦ ᖃᐅᔨᓴᕐᕕᖓ ᐊᒻᒪ ᑕᕐᕋᖅᑐᖅᑕᐅᕕᖓ ᕿᑭᖅᑕᓂ ᐋᓐᓂᐊᕕᖕᒥ ᐃᓚᐃᓐᓇᖏᓐᓂᑦ ᑲᒪᖃᑦᑕᕐᓂᐊᖅᑐᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

• ᐃᓂᒃᓴᓕᐅᖅᑐᑦ ᐋᓐᓂᐊᕕᖕᒧᑦ ᑐᐊᕕᕐᓇᕐᓂᖏᑦ ᒪᓕᒃᑕᐅᖃᑦᑕᕐᓂᐊᖅᐳᑦ; ᑕᐃᒪᐃᒻᒪᑦ ᐅᖃᓘᑎᒃᑯᑦ ᐃᓂᒃᓴᓕᐅᖃᑦᑕᕐᓂᐊᖅᐳᑦ ᐅᕝᕙᓘᓐᓃᑦ ᐅᐸᒡᓗᑎᒃ.
• ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᑦ ᐅᓄᕈᓐᓃᕆᐊᖅᑕᐅᔪᑦ ᑭᓯᐊᓂ ᑐᐊᕕᕐᓇᓐᑐᓄᑦ ᐋᓐᓂᐊᕕᓕᐊᕆᐊᓕᖕᓄᑐᐊᖅ ᐊᐅᓚᖅᑎᑕᐅᖃᑦᑕᕐᓂᐊᖅᑐᑦ. ᑲᒪᒋᔭᐅᕙᒃᑐᑦ ᐅᖃᐅᔾᔪᖅᑕᐅᓂᐊᖅᐳᑦ ᐊᓯᔾᔨᖅᑕᐅᔪᓂᑦ ᐅᖃᖃᑎᒌᖃᑕᐅᓗᑎᒡᓗ ᑐᓴᕆᐊᓕᖏᓐᓂᑦ.
• ᐃᖃᓗᖕᓂ, ᐋᓂᐊᕐᕕᓕᐊᖃᑦᑕᖅᑐᓄᑦ ᐊᒻᒪ ᑎᒥᒃᑯᑦ ᐃᖃᐃᓕᓴᕆᐊᓖᑦ ᑕᑯᔭᐅᖃᑦᑕᖅᑐᑦ ᑐᐊᕕᕐᓇᕐᓂᖏᑦ ᒪᓕᓪᓗᒋᑦ ᑕᑯᔭᐅᖃᑦᑕᖅᑐᑦ ᐊᒻᒪ ᑕᑯᔭᒃᓴᓕᐊᖑᓯᒪᔪᓂ ᓱᓕ ᑕᑯᖃᑦᑕᖅᑐᑦ. ᑕᒪᕐᒥᑦᑎᐊᖅ ᑕᑯᔭᒃᓴᓕᐊᖑᓯᒪᔪᑦ ᐃᓂᒃᓴᓕᐅᖅᑕᐅᓯᒪᔪᑦ ᑐᐊᕕᕐᓇᓂᖏᑦᑎᒍᑦ ᒪᓕᓪᓗᒋᑦ ᐋᖅᑭᒃᒋᐊᖅᑕᐅᒃᑲᓐᓂᖅᐸᓪᓕᐊᕗᑦ.
• ᐋᓐᓂᐊᕐᕕᖕᒧᑦ ᐅᓂᒃᑐᑦ ᕿᑭᖅᑕᓂ ᐋᓐᓂᐊᕕᖕᒥ ᖃᔅᓰᓐᓇᕐᓂᒃ ᐳᓛᖅᑕᐅᑎᑦᑎᑲᑕᒃᑐᑦ ᐊᐱᖅᓱᖅᑕᐅᑲᑖᓪᓚᓚᐅᖅᖢᑎᒃ.
• MHA−ᑯᑦ ᐅᖄᓚᐅᑎᒃᑯᖔᖅ ᖃᐅᔨᓴᖅᑕᐅᖃᑦᑕᕐᓂᐊᓕᖅᑐᑦ ᐃᑲᔪᖅᑕᐅᖃᕐᓗᑎᓪᓗ ᐃᓚᖏᓐᓄᑦ ᐃᓄᓕᕆᔭᐅᖃᑦᑕᖅᑐᓄᑦ. ᑕᑯᔭᒃᓴᓕᐊᖑᓯᒪᔪᑦ ᐃᔭᒐᖏᓐᓂᑦ ᐊᐃᒃᓯᕆᐊᓖᑦ ᐊᒻᒪ ᐱᓕᕆᖃᑦᑕᕐᓂᕆᕙᒃᑕᖏᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ. ᐊᖏᕐᕋᕆᔭᐅᔪᓂ ᐅᐸᒃᐸᒃᑐᑦ ᐃᓗᐊᖅᓴᐃᔭᖅᑐᕐᓗᓂ ᐱᓕᕆᐊᖑᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ ᑕᐃᒪᐃᓕᐅᕆᐊᖃᖅᐸᑕ.
• ᔫᓂ 15-ᒥ ᐱᒋᐊᕐᓗᓂ, ᑭᒍᑎᓕᕆᔨᒃᑯᑦ ᐅᒃᑯᐃᕈᓐᓇᖅᓯᓂᐊᓕᖅᑐᑦ, ᑕᒪᓐᓇ ᐱᔨᑦᑎᕋᐅᑎ ᐃᕐᙲᓐᓇᖅ ᐊᑐᐃᓐᓇᐅᙱᑐᐃᓐᓇᕆᐊᓖᑦ ᓄᓇᓕᓕᒫᓂ. ᓄᓇᓕᖕᓄᑦ ᐱᔨᑦᑎᕋᐅᑎᑦ ᑭᖑᕙᓯᖕᓂᐊᖅᑐᓄᑦ ᐱᔨᑦᑎᕋᕐᓂᐅᔪᓄᑦ, ᑐᐊᕕᕐᓇᖅᑐᒃᑯᑦ ᐱᔨᑦᑎᕋᐅᑎᑦ ᓱᓕ ᐊᑐᐃᓐᓇᐅᕗᑦ.
• ᔫᓂ 29−ᒥ ᐱᒋᐊᕐᓗᓂ, ᓄᓇᕗᒻᒥ ᑲᒪᒋᔭᐅᖏᓐᓇᖅᑐᒃᑯᕖᑦ ᐃᓐᓇᐃᓪᓗ ᐊᖏᕐᕋᖏᑦ ᐳᓛᕆᐊᖅᑕᐅᔪᓐᓇᕐᓂᐊᖅᐳᑦ ᑭᒡᓕᖃᖅᑎᑕᐅᕙᒡᓗᑎᒃ. ᐊᑐᓂᑦ ᑕᐃᑲᓂᕐᒥᐅᑦ ᐅᓂᒃᓯᒪᔪᓪᓘᓐᓃᑦ ᒪᕐᕉᒃ ᐅᖓᑖᓂ ᐳᓛᖅᑎᖃᕆᐊᖃᙱᓚᑦ ᐊᑕᐅᑦᑎᒃᑯᑦ ᑕᒪᒃᑯᐊᓗ ᐳᓛᕆᐊᖅᑐᑦ ᑭᒡᓕᖃᖅᑎᑕᐅᓂᐊᖅᐳᑦ ᐃᓚᒋᔭᐅᔪᓄᑐᐊᖅ, (ᐃᓚᒋᔭᐅᓪᓗᑎᒃ ᐃᕐᙳᑕᖏᑦ ᐃᓗᓕᖏᓪᓗ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

• ᐊᔾᔨᒌᙱᑦᑐᓄᑦ ᐋᓐᓂᐊᕕᖕᒥ ᑕᑯᔭᐅᖃᑦᑕᖅᑐᑦ ᓄᖅᑲᖅᑎᑕᐅᔪᑦ. ᐱᓕᕆᔪᖃᖅᐸᓪᓕᐊᕗᖅ ᖃᐅᔨᓇᓱᒃᖢᑎᒃ ᓇᓕᐊᒃ ᐃᓗᐊᖅᓴᖅᑕᐅᔭᕆᐊᓖᑦ ᑲᒪᒋᔭᐅᔪᓐᓇᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᑦ ᑲᒪᒋᔭᐅᓗᑎᒃ.
• ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᖏᑦᑐᑦ ᐃᓱᒪᓕᕆᔨᒃᑯᑎᒍᑦ ᐱᓕᕆᕝᕕᐅᕙᒃᑐᓄᑦ ᐃᓚᒌᓐᓄᓪᓗ ᓄᖅᑲᖅᑎᑕᐅᕗᑦ. ᐊᐅᓪᓚᕆᐊᖃᖅᑐᓕᒫᑦ ᖃᑕᙳᑎᒥᓂᒃ ᐋᓐᓂᐊᕐᕕᖕᒦᑦᑐᒥᒃ ᑕᑯᔭᖅᑐᖅᐸᒃᑐᑦ ᓄᖅᑲᖅᑎᑕᐅᔪᑦ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᐱᔪᒪᔾᔪᑕᐅᔪᑦ ᐃᓯᕈᒪᓗᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒧᑦ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓄᒃᑕᕈᒪᓗᓂᓘᓐᓃᑦ ᐊᕕᒃᓯᓂᐅᑉ ᐃᓗᐊᓂ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓇᒃᓯᐅᔾᔭᐅᔪᓐᓇᖅᐳᑦ ᐅᕗᖓ,  @email

ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᓂᕐᒥᒃ ᒫᓐᓇᒧᑦ ᑎᑭᖦᖢᒍ: 495

ᓄᓇᕗᑦ ᒐᕙᒪᖓᑕ ᑎᑎᕋᕐᕕᖏᑦ ᑕᒪᐃᓐᓂ ᓄᓇᓕᖕᓂ ᓱᓕ ᒫᓐᓇ ᒪᑐᓯᒪᕗᑦ ᑭᒃᑯᑐᐃᓐᓇᓄᑦ ᐅᐸᒃᑕᐅᔪᓐᓇᙱᖦᖢᑎᒃ ᒫᓐᓇᐅᔪᒃᑯᑦ. ᑭᓇᑐᐃᓐᓇᒥᒃ ᑕᖅᑳᙵᑐᐃᓐᓇᖅ ᑲᑎᖃᑎᖃᕆᐊᖃᖅᑐᖃᖅᐸᑦ ᓄᓇᕗᑦ ᒐᕙᒪᖓᑕ ᐊᑐᕆᐊᖃᓪᓚᕆᒃᑐᓂᒃ ᐱᔨᑦᑎᕋᕐᕕᖃᕐᓂᕐᒧᑦ ᐃᖅᑲᓇᐃᔭᖅᑎᒥᒃ, ᐊᓯᐊᒍᖔᖅ ᐋᖅᑭᒃᓱᖅᑕᐅᔪᓂᒃ ᐋᖅᑭᒃᓱᖅᑕᐅᔪᖃᕆᐊᖃᖅᐳᖅ. ᐅᖄᓚᖅᑳᕐᓂᐊᖅᐳᑎᑦ ᓯᕗᓂᑲᓪᓚᖓᒍᑦ ᐃᓂᒃᓴᓕᐅᕐᓗᑎᓪᓗ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᒫᑦᓯ 17−ᒥᓂᓂᑦ, ᐃᓕᓐᓂᐊᕐᕖᑦ ᒪᑐᓚᐅᖅᐳᑦ ᐃᓕᓐᓂᐊᕐᑎᓄᑦ, ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᖃᑎᖃᑦᑎᐊᕐᓯᒪᐃᓐᓇᕐᑐᑦ ᐱᕙᒌᔭᐅᓪᓗᑎᒃ ᐊᒡᒋᖅᑐᒧᑦ 2020-21 ᐃᓕᓐᓂᐊᕐᓇᐅᑉ ᐊᕐᕌᒍᐊᓄᑦ, ᐱᓕᕆᐊᖃᓗᐊᕐᓗᑎᒃ ᓄᕙᒡᔪᐊᕐᓇᖅ-19 ᓄᓇᕐᔪᐊᒥᑦ ᖃᓂᒪᓐᓇᖅ.

ᑐᓴᒐᒃᓴᒃᑲᓐᓃᑦ ᐸᕐᓇᐅᑎᓄᑦ ᐊᑐᖅᑕᐅᔭᕆᐊᓕᖕᓄᓪᓗ ᐅᒃᑯᐃᕐᓂᐊᓕᕐᓗᓂ ᐃᓕᓐᓂᐊᕐᕖᑦ ᐊᑐᐃᓐᓇᐅᓛᖅᑐᑦ ᐃᓄᓕᒫᓄᑦ ᐱᐊᓂᒃᑕᐅᒃᐸᑕ. ᐃᓚᖃᕐᓂᐊᖅᑐᖅ ᓇᓗᓇᐃᔭᑦᑎᐊᕐᓯᒪᔪᓂᑦ ᐊᑐᖅᑕᐅᔭᕆᐊᓕᖕᓂᑦ ᐋᓐᓂᐊᖅᑕᐃᓕᒪᑎᑦᑎᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ, ᐃᓕᓐᓂᐊᕐᓂᕐᓗ ᖃᐅᔨᓴᕐᓂᕐᓗ, ᐃᓕᓐᓂᐊᖅᑎᑦ ᐃᖅᑲᓇᐃᔭᖅᑎᓪᓗ ᖃᓄᐃᙱᑦᑎᐊᕐᓂᖏᑦ.

ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑦᑎᓂᐊᕐᑐᑦ ᓯᕗᓪᓕᖅᐹᒥᑦ ᑎᑎᖅᑲᒥᑦ ᐃᓕᓐᓂᐊᕐᕕᑦ ᐅᒃᑯᐃᓛᖕᓂᖓᑕ ᐸᕐᓇᐅᑖᓂ ᑕᖅᑭᐅᑉ ᓄᙳᐊᓂᑦ, ᕿᒥᕐᕈᔭᐅᓚᐅᕐᓗᓂ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ ᐱᓕᕆᕝᕕᐅᔪᓪᓗ ᑐᓴᖅᓯᒪᓕᕐᓗᑎᒃ ᐃᓕᓐᓂᐊᕐᓂᕐᒧᑦ ᐱᖃᖃᑕᐅᔪᓂᑦ.

ᐃᖅᑲᓇᐃᔭᖅᑎᕗᑦ ᐃᓕᓐᓂᐊᖅᑎᕗᓪᓗ ᐊᑦᑕᕐᓇᖅᑕᐃᓕᒪᓂᖏᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᓯᓯᕗᓪᓕᐅᔾᔭᐅᕗᖅ. ᐱᓕᕆᖃᑎᒌᑦᑎᐊᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᑐᑭᓯᓇᑦᑎᐊᖅᑐᓂᒡᓗ ᐊᑐᖅᑕᐅᔭᕆᐊᖃᕐᓗᓂ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ, ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᖅᑎᖁᑎᑦᑎᓐᓂ ᐃᓕᓐᓂᐊᖁᔨᕗᑦ ᐊᑦᑕᕐᓇᙱᑦᑐᒥᑦ, ᐃᑲᔪᖅᑐᐃᔪᒥᓪᓗ.

ᐱᖓᔪᐊᓂ ᔪᓚᐃ 15, ᑕᐃᕕᑦ ᔪᐊᓇᓯ, ᒥᓂᔅᑕ ᐃᓕᓐᓂᐊᕐᓂᓕᕆᓂᕐᒧᑦ, ᐊᒻᒪ ᓘᒃᑖᖅ ᒪᐃᑯᓪ ᐸᑕᓴᓐ, ᐊᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᐅᖃᓘᑎᒃᑯᑦ ᑲᑎᒪᖃᑎᑲᕐᓂᐊᖅᑐᑦ, ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑎᒪᔨᖏᓐᓂᒃ ᓄᓇᕗᒻᒥ, ᐊᒻᒪ ᑲᑐᔾᔨᖃᑎᒌᑦ ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᓐᓂ ᐅᖃᐅᓯᖃᕐᓗᑎᒃ ᖃᓄᐃᙱᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐃᓱᒪᒋᔭᕆᐊᓕᖕᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕐᕕᖕᓂ ᐅᒃᑯᐃᖅᓯᔪᒪᓂᕐᒧᑦ ᐸᕐᓇᐅᑎᒧᑦ ᐊᒃᑐᐊᓂᓕᖕᓂᒃ.

ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐊᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐅᓕᒪᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.