ᐅᔾᔨᖅᓱᕆ, ᐊᑦᑕᕐᓇᖅᑐᒦᖏᓪᓗᑎᑦ ᐊᖁᒋᑦ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐅᓪᓗᑐᐃᓐᓇᖅ, ᐅᑐᐱᕆ 18, 2019
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᐅᔾᔨᖅᓱᕆ, ᐊᑦᑕᕐᓇᖅᑐᒦᖏᓪᓗᑎᑦ ᐊᖁᒋᑦ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᓄᓇᕗᒻᒥᐅᓂ ᐃᖅᑲᐃᑎᑦᑎᕗᑦ ᐊᑦᑕᕐᓇᖅᑐᒦᖁᔨᖏᑉᐳᑦ ᐊᖁᑦᑐᖃᕌᖓᒥ, ᐅᔾᔨᖅᓱᐃᓐᓇᖅᐸᒡᓗᑎᑦ ᓱᒃᑲᓂᕆᔭᕆᐊᖃᖅᑕᖏᓐᓂ ᖃᐅᑕᒫᖅ.
ᐊᖁᑦᑐᑦ ᐅᔾᔨᖅᓱᕐᔪᐊᕆᐊᖃᖅᐳᑦ ᐱᓗᐊᖅᑐᒥᑦ ᐃᓕᓐᓂᐊᕐᕖᑦ ᖃᓂᒋᔭᖏᓐᓂ, ᐅᔾᔨᖅᓱᕐᓗᑎᒃ ᓱᕈᓯᖅᑕᐅᑎᓂ ᐊᐃᔭᐅᓕᕌᖓᒥᒃ ᐋᑕᐅᓕᕌᖓᒥᒡᓗ ᐃᓕᓐᓂᐊᖅᑎᓂ ᐊᒻᒪ ᖃᐅᔨᓴᖅᐸᒡᓗᑎᒃ ᐅᑯᓂᖓ ᒪᓕᒐᕐᓂᑦ:
- ᓄᖃᓚᐅᕐᓗᑎᒃ ᑕᒪᕐᒥᑦ ᐊᖅᑯᑏᑦ ᑕᑯᒋᐊᖅᑳᓚᐅᕐᓗᑎᒃ ᓱᕈᓯᖅᑕᐅᑎᑦ ᑎᑭᐅᑎᓚᐅᖅᑎᓐᓇᒋᑦ ᐃᑯᒪᖏᑦ ᐃᑭᑦᑕᕌᖓᒥ ᓄᖃᖅᐸᒡᓗᑎᒡᓗ ᓄᖃᐅᑎᐊ ᐃᑯᒪᖓ ᓴᖅᑭᑦᑕᕌᖓᒥᒃ.
- ᖃᐅᔨᒋᐊᖅᐸᒡᓗᑎᑦ ᓱᕈᓰᑦ ᐊᓂᔭᕌᖓᒥᒃ ᐃᓯᕌᖓᒥᒡᓘᓐᓃᑦ ᓱᕈᓯᖅᑕᐅᑎᓂ ᐊᒻᒪ ᐃᑯᒻᒪᖅᑕᐅᑎᖏᑦ ᐊᒻᒪ ᓄᖃᕌᖓᒥᒃ ᐃᑭᑦᑕᐅᑎᖏᑦ ᖃᒥᑕᐅᔭᕌᖓᒥᒃ.
ᓱᒋᐊᖅᑕᐅᒐᔭᖅᑐᑦ ᓄᖅᑲᕐᓂᖏᒃᑯᑎᒃ ᓱᕈᓯᖅᑕᐅᑎᓂ ᑎᓴᒪᓂ ᐊᖁᑎᓐᓇᐅᑎᖃᖅᑐᑦ ᐱᕋᔭᒃᑐᖃᖅᑎᓪᓗᒍ ᐊᒻᒪ ᐊᑭᓕᒐᒃᓴᑖᕋᔭᖅᑐᑦ $115−ᒥᑦ. ᐊᖁᑦᑐᓐᓇᐅᑎᒥ ᓱᕋᐃᔪᑦ ᓇᐃᓴᖅᑕᐅᒐᔭᖅᐳᑦ ᐊᖁᑦᑐᓐᓇᐅᑎᓐᓄᑦ. ᑲᑎᑉᐸᓪᓕᐊᒐᔭᖅᑐᑦ 15−ᓂᑦ ᓇᓴᖅᑕᐅᓗᑎᒃ ᓱᕋᐃᔪᑦ ᓄᖃᖓᑎᑕᐅᓕᕋᔭᖅᐳᑦ ᐊᖁᑐᓐᓇᐅᑎᓐᓄᑦ.
ᐊᖓᔮᖏᓪᓗᑎᒃ ᐊᖁᖃᑦᑕᕆᑦ ᐊᑦᑕᕐᓇᖅᑐᒦᖏᓪᓗᑎᒡᓗ ᑭᒃᑯᓕᒫᑦ ᑎᑭᐅᑎᔪᒪᔭᖏᓐᓂ ᑎᑭᐅᑎᑦᑎᐊᕐᓂᐊᕐᒪᑕ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᒫᑎᐅ ᐃᓛᓯᕗᐃᒃᔅ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
867-975-7818
@email