ᓄᓇᕗᑦ ᓇᓪᓕᐅᓐᓂᖅᓯᐅᖅᑎᓪᓗᒍ ᐃᓱᒪᒧᑦ ᖃᓄᐃᖏᑦᑎᕐᓂᕐᒧᑦ ᐱᓇᓱᐊᕈᓯᐊᓂ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓄᓇᕗᑦ ᓇᓪᓕᐅᓐᓂᖅᓯᐅᖅᑎᓪᓗᒍ ᐃᓱᒪᒧᑦ ᖃᓄᐃᖏᑦᑎᕐᓂᕐᒧᑦ ᐱᓇᓱᐊᕈᓯᐊᓂ
ᐃᓱᒪᒧᑦ ᖃᓄᐃᖏᑦᑎᐊᕐᓂᕐᒧᑦ ᐱᓇᓱᐊᕈᓯᒋᕚ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓄᓇᕗᒻᒥᑦ ᑲᔪᖏᖅᓴᐃᕗᑦ ᐅᖃᓪᓚᖃᑎᖃᕐᓗᑎᑦ ᑲᑎᓪᓗᑎᒡᓗ ᐱᖃᓐᓇᕆᔭᕐᓂ, ᖃᑕᙳᑎᒌᓂ ᐃᓐᓇᕐᓂᒡᓗ ᐃᓱᒪᒧᑦ ᖃᓄᐃᖏᑦᑎᕐᓂᕐᒧᑦ ᐃᓅᓯᖃᑦᑎᕐᓂᕐᒧᓪᓗ.
ᑎᒥᒃᑯᑦ ᖃᓄᐃᖏᑦᑎᕐᓂᖅ ᐊᑑᑎᕐᔪᐊᕆᕗᖅ ᐃᓱᒪᒧᑦ ᖃᓄᐃᖏᑦᑎᐊᕐᓂᑐᑦ. ᖃᓄᐃᖏᑦᑎᐊᕐᓂᖅ ᐃᓱᒪᒃᑯᑦ ᐃᑲᔫᑎᐅᕗᖅ ᐃᓅᓯᖃᑦᑎᐊᖁᓗᑕ ᓇᓕᒧᒌᒃᑎᑦᑎᖃᑦᑕᕐᒪᑦ ᐃᓅᓯᕆᔪᒪᔭᑦᑎᓐᓂ.
ᐃᓱᒪᒧᑦ ᖃᓄᐃᖏᑦᑎᕐᓂᖅ ᐃᓱᒫᓗᑎᐅᔪᓐᓇᖅᐳᖅ ᐃᓱᒪᓐᓄᑦ, ᐃᒃᐱᖕᓂᐊᓂᕆᔭᕐᓄᑦ, ᐃᓕᖅᑯᓯᕐᓄᑦ ᐃᒃᐱᒋᔭᕐᓂᓪᓗ ᑎᒥᒃᑯᑦ. ᑎᒥᒃᑯᑦ ᐋᓐᓂᐊᖃᖅᑐᖃᖅᑎᓪᓗᒍ ᖃᐅᔨᓇᑲᐅᑎᒋᖃᑦᑕᖅᐳᖅ, ᑭᓯᐊᓂ ᖃᐅᔨᔪᓐᓇᖏᑐᐃᓐᓇᕆᐊᖃᖅᐳᑎᑦ ᐃᓱᒪᒃᑯᑦ ᐋᓐᓂᐊᕈᑎᑕᖃᕐᓂᕈᓂ. ᑖᓐᓇ ᑐᑭᖃᖏᑉᐳᖅ ᐃᓱᒪᒥᒍᑦ ᐋᓐᓂᐊᕈᑎᖃᖅᑐᖅ ᐋᓐᓂᐊᖏᑉᐳᖅ ᐃᑲᔪᖅᑕᐅᒋᐊᖃᖏᖢᓂᓘᓐᓃᑦ. ᐃᑲᔪᖅᑕᐅᔪᓐᓇᐃᓇᐅᔭᕆᐊᖃᖅᐳᒍᑦ ᒪᒥᓴᕐᓂᒃᑯᑦ ᒪᒥᓴᕐᓂᖅᓴᖃᑦᑕᕋᑦᑕᓗ ᐊᑕᐅᑦᑎᒃᑯᑦ.
ᐃᑲᔪᖅᑕᐅᔪᒪᓗᓂ ᑕᒻᒪᕐᓂᐅᖏᓚᖅ ᐃᓅᓕᓴᖅᑕᐅᔪᒪᓗᓂᓘᓐᓃᑦ ᐃᓱᒪᑦ ᖃᓄᐃᖏᑉᐹᓪᓕᖁᓗᒍ. ᐳᐃᒍᖅᑕᐃᓕᒋᑦ ᐃᓄᑑᖏᓐᓇᕕᑦ. ᐃᑲᔪᖅᑕᐅᔭᕆᐊᖃᕈᕕᑦ ᐃᑲᔪᖅᑕᐅᔭᕆᐊᓕᖕᒥᓪᓘᓐᓃᑦ ᖃᐅᔨᒪᒍᕕᑦ, ᐅᖃᓪᓚᖃᑎᖃᕆᑦ ᐱᖃᓐᓇᕆᔭᕐᓄᑦ, ᖃᑕᙳᑎᖕᓄᑦ, ᐃᓕᓴᐃᔨᒧᑦ, ᐃᓅᓯᓕᕆᔨᒧᑦ ᐅᕝᕙᓘᓐᓃᑦ ᐃᓐᓇᕐᒧᑦ. ᐋᓐᓂᐊᕐᕕᔅᓯᓐᓂᑦᑕᐅᖅ ᐃᑲᔪᖅᑕᐅᔪᓐᓇᕐᒥᔪᑎᑦ.
ᑭᓇᐅᓂᕐᓂ ᖃᐅᔨᔭᐅᖏᓪᓗᑎᑦ ᐃᑲᔪᖅᑕᐅᔪᒪᒍᕕᑦ, ᐅᖄᓚᓗᑎᑦ:
- ᓄᓇᕗᒻᒥᑦ ᑲᒪᑦᑎᐊᖅᑐᑦ ᑕᓚᕘᖓ (ᐃᑲᕐᕋᓄᑦ 24−ᓄᑦ ᐅᖄᓚᕝᕕᒃᓴᐅᔪᖅ, ᐱᓇᓱᐊᕈᓯᓕᒫᖅ) 867-979-3333−ᒧᑦ ᐅᕝᕙᓘᓐᓃᑦ ᐊᑭᖃᖏᑦᑐᒥᑦ 1-800-265-3333−ᒧᑦ.
- ᐊᒃᓱᕈᓐᓇᖅᑐᓄ ᐱᔨᑦᑎᖅᑏᑦ ᑲᓇᑕᒥᑦ – ᐊᑐᕐᓗᒍ ᖃᕋᓴᐅᔭᒃᑯᑦ ᐅᖃᖃᑎᖃᕈᓐᓇᖅᑐᑎᑦ ᐅᕙᓂ (www.crisisservicescanada.ca), ᑕᓚᕘᕐᓗᑎᑦ, ᐅᕝᕙᓘᓐᓃᑦ ᑎᑎᕋᕐᕕᒋᓗᒋᑦ ᑕᓚᕘᕋᓛᒃᑯᑦ 1-833-456-4566.
- Youthspace.ca − ᖃᕋᓴᐅᔭᒃᑯᑦ ᐅᖃᓪᓚᖃᑎᖃᕈᓐᓇᖅᐳᑎᑦ, ᑕᓚᕘᕐᓗᑎᑦ ᑎᑎᕋᕐᓗᑎᒡᓘᓐᓃᑦ ᑕᓚᕘᕋᓛᒃᑯᑦ ᒪᐅᙵ 1-833-456-4566−ᒧᑦ.
- ᐃᓵᒃᓯᒪᒋᑦ ᐃᓅᓯᕐᒥᑦ ᑲᑎᒪᔨᖃᑎᒌᑦ ᐃᑭᐊᕿᕝᕕᐊ www.inuusiq.com-ᖑᕗᖅ).
- ᓱᕈᓰᑦ ᐃᑲᔪᖅᑕᐅᕕᖕᒧᑦ ᑕᓚᕘᖓ − 1-800-668-6868-ᖑᕗᖅ, ᐊᑐᕐᓗᒍ ᐃᕐᖏᓇᑲᐅᑎᒋᑦ ᐅᖃᓪᓚᖃᑎᖃᕈᓐᓇᖅᑐᒥᑦ ᒫᓂ www.kidshelpphone.ca−ᒧᑦ, ᐅᕝᕙᓘᓐᓃᑦ ᑎᑎᕋᕐᓗᑎᑦ ᑕᓚᕘᕋᓛᒃᑯᑦ “ᐅᖃᓪᓚᖃᑎᖃᕐᓗᑎᑦ 686868−ᒧᑦ.
ᐊᑦᑕᕐᓈᕿᓐᓂᕈᕕᑦ ᖃᐅᔨᒪᔭᕐᓂᓪᓘᓐᓃᑦ, ᑕᓚᕘᕐᓗᑎᑦ ᐸᓖᓯᒃᑯᓐᓄᑦ ᑐᐊᕕᕐᓇᖅᑐᒥᒡᓘᓐᓃᑦ, ᐋᓐᓂᐊᕕᔅᓯᓐᓄᐊᑲᐅᑎᒋᓗᑎᒡᓘᓐᓃᑦ ᓄᓇᔅᓯᓐᓂ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕗᐊᓐᑎ ᕼᐊᓗᓐᐃᓐ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
@email