ᐅᖃᓚᐅᑎᓯᐅᑏᑦ

You are here

ᑕᕝᕚᑭ ᑕᒫᓂ ᐃᓂᒃᓴᖃᙱᓚᖅ ᖃᓄᐃᙱᑦᓯᐊᕐᓂᐅᑉ ᒥᒃᓵᓄᑦ ᐱᓕᕆᑎᑦᑎᓂᐊᖅᑐᑦ, ᓂᕆᕕᒡᔪᐊᖅᑎᑦᑎᓪᓗᑎᒃ ᖁᙱᐊᖅᑎᑦᑎᓪᓗᑎᒡᓗ ᐃᖃᓗᖕᓂ

ᔭᓐᓄᐊᓕ 23, 2014

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᑕᕝᕚᑭ ᑕᒫᓂ ᐃᓂᒃᓴᖃᙱᓚᖅ ᖃᓄᐃᙱᑦᓯᐊᕐᓂᐅᑉ ᒥᒃᓵᓄᑦ ᐱᓕᕆᑎᑦᑎᓂᐊᖅᑐᑦ, ᓂᕆᕕᒡᔪᐊᖅᑎᑦᑎᓪᓗᑎᒃ ᖁᙱᐊᖅᑎᑦᑎᓪᓗᑎᒡᓗ ᐃᖃᓗᖕᓂ

ᐱᒋᐊᕐᕕᖓ: ᔮᓄᐊᕆ 23, 2014

ᐃᓱᓕᕝᕕᖓ: ᔮᓄᐊᕆ 25, 2014

ᐃᖃᓗᐃᑦ, ᓄᓇᕗᑦ 60 ᑎᑦᑕᑯᓗᐃᑦ

 

ᑕᕝᕚᑭ ᑕᒫᓂ ᐃᓂᒃᓴᖃᙱᓚᖅ ᑐᙵᓵᕆᕗᑦ ᐃᓕᖕᓂᑦ ᖃᓄᐃᙱᑦᓯᐊᕐᓂᐅᑉ ᒥᒃᓵᓄᑦ ᐱᓕᕆᑎᑦᑎᓂᕐᒥᒃ, ᓂᕆᕕᒡᔪᐊᕐᓂᕐᒥᒃ ᖁᙱᐊᖅᑎᑦᑎᓂᕐᒥᒡᓗ ᓈᑦᓰᖑᔭᓛᕐᓂᐊ, ᔮᓄᐊᕆ 25-ᒥᑦ. ᑖᓐᓇ ᖃᓄᐃᓕᐅᕈᑕᐅᔪᖅ ᐃᓕᓴᖅᓯᔾᔪᑕᐅᓪᓗᓂ ᑲᓇᑕᓕᒫᒥ ᓱᐴᖅᑐᕐᓇᙱᓐᓂᐅᑉ ᐱᓇᓱᐊᕈᓯᖓᓂ ᐅᐃᕖᒃᑯᑦ ᑲᑎᙵᕝᕕᖓᓂ, ᐃᒡᓗ 981, ᐃᖃᓗᐃᑦ. ᖃᓄᐃᙱᑦᓯᐊᕐᓂᕐᒧᑦ ᖃᓄᐃᓕᐅᕈᑕᐅᔪᖅ ᐱᒋᐊᕐᓂᐊᖅᐳᖅ 2-ᒥᑦ ᐅᓐᓄᒃᓴᒃᑯᑦ 5-ᒧᑦ, ᓂᕆᕕᒡᔪᐊᓕᕐᓗᑎᒡᓗ ᖁᙱᐊᖅᑕᐅᔪᖃᓕᕐᓗᓂᓗ, ᐱᒋᐊᕐᓗᓂ 5:30-ᒥᑦ ᐅᓐᓄᒃᓴᒃᑯᑦ.

ᐃᖅᑲᓇᐃᔭᖅᑏᑦ ᓄᓇᕗᑦ ᒐᕙᒪᒃᑯ ᐋᓐᓂᐊᖃᕐᓇᖏᑦᑐᓕᕆᔨᒃᑯᖏᓐᓂ ᓄᓇᓕᖕᓂᓪᓗ ᐋᖅᑭᒃᓱᐃᔨᓂᒃ ᑕᐃᑲᓃᓐᓂᐊᖅᑐᑦ ᐱᖃᖅᑎᑦᑎᓗᑎᒃ ᑐᑭᓯᒋᐊᕈᑎᓂᒃ ᐃᑲᔪᕈᑎᓂᒡᓗ ᓄᖅᑲᕋᓱᐊᕆᐊ ᑕᕝᕚᑭᓂᒃ, ᓂᕿᑦᑎᐊᕙᖕᓄᑦ, ᐃᓅᖃᑎᒌᑦᓯᐊᕐᓂᕐᒧᑦ, ᐃᖃᐃᓕᓴᖅᐸᖕᓂᕐᒧᑦ, ᐃᒻᒥᓃᖅᑕᐃᓕᒪᓂᕐᒧᑦ ᐊᒻᒪᓗ ᐊᓯᒃᑲᓐᓂᖏᓐᓂ. ᑕᒧᓗᒐᒃᓴᖅᑕᖃᕐᓂᐊᖅᑐᖅ ᓱᕈᓰᓪᓗ ᖃᓄᐃᓕᐅᖅᑎᑕᐅᑲᑕᖕᓂᐊᖅᖢᑎᒃ -- ᐃᓚᒌᓯᒍ ᖃᐃᒋᔅᓯ!

ᓂᕆᕕᒡᔪᐊᕐᓂᖅ ᐱᒋᐊᕐᓂᐊᖅᑐᖅ 5:30-ᒥᑦ ᐅᓐᓄᒃᓴᒃᑯᑦ ᖁᙱᐊᖅᑕᐅᓗᑎᒡᓗ ᐃᓄᒃᓱᒃ ᕿᓚᐅᔾᔭᖅᑏᑦ, ᑰᐃᐅᓪᑯᑦ (Koel & the Twin Otters), ᐊᒻᒪᓗ ᔮᓇᑕᓐ ᐱᑦᓯᐅᓛᖅ.

ᑖᓐᓇ ᐊᑭᖃᙱᑦᑐᖅ, ᑭᓇᒃᑯᑐᐃᓐᓇᑦ ᑐᙵᓱᒃᑐᑦ!

###

ᑐᓴᒐᒃᓴᒧᑦ ᑐᑭᓯᒋᐊᕐᕕᒃ:

ᕌᓐ ᕙᓯᓐᒃ ᑐᓴᒐᒃᓴᓕᕆᔨ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ 867-975-5710 rwassink@gov.nu.ca