ᐱᕋᔭᒃᑕᐅᔪᕕᓂᕐᓄᑦ ᐱᔨᑦᑎᕋᐅᑏᑦ ᐊᑭᖃᙱᑦᑑᓪᓗᓂ ᐊᒻᒪ ᓇᒧᑐᐃᓐᓇᖅ ᐅᖃᐅᓯᐅᔭᕆᐊᖃᙱᖦᖢᓂ ᐃᑲᔪᖅᑕᐅᕝᕕᐅᔪᖅ ᑕᐃᒃᑯᓄᖓ ᐱᓂᕐᓗᒃᑕᐅᔪᕕᓂᕐᓄᑦ. ᐱᔨᑦᑎᕋᐅᑏᑦ ᐋᖅᑭᒃᓯᒪᔪᑦ ᐊᑐᓂ ᐱᕋᔭᒃᑕᐅᔪᕕᓂᕐᓄᑦ ᓈᒻᒪᒃᓯᓕᖅᓯᒪᓪᓗᑎᒃ − ᐱᕋᔭᒃᑕᐅᔪᕕᓂᐅᓂᕐᒧᑦ ᐳᑭᖅᑕᓕᖕᓄᑦ ᐅᖃᐅᓯᖃᕈᒪᖕᒪᖔᑕ, ᐅᖃᓪᓚᒡᕕᒃᓴᖃᕈᓐᓇᕐᓗᑎᒃ ᐃᖅᑲᖅᑐᐃᕕᒃᑰᓕᒑᑎᓪᓗᒋᑦ, ᐅᕝᕙᓘᓃᑦ ᑐᑭᓯᒋᐊᒃᑲᓐᓂᕈᒪᔪᖃᖅᐸᑦ ᐃᖅᑲᖅᑐᐃᔨᒧᑦ ᑎᓕᐅᖅᑐᕈᑎᑖᖅᑐᖃᓚᐅᖅᑎᓪᓗᒍ ᖃᓄᒃᑲᓐᓂᐅᔭᕆᐊᖃᕐᒪᖔᖅ ᖃᐅᔨᒋᐊᕈᒪᔪᓄᑦ. ᐃᑲᔪᕈᓐᓇᖅᑕᑦᑎᒋᑦ ᖃᓄᖅ ᐱᓕᕆᔪᓐᓇᖅᑕᕐᓂᒃ ᕿᓂᖅᓴᖃᑎᒋᓗᑎᒋᑦ, ᑐᓴᐅᒪᔭᕆᐊᖃᖅᑕᑎᑦ ᐱᓯᒪᒐᓗᐊᕐᒪᖔᖅᐱᑦ ᐊᒻᒪ ᐃᑲᔪᖅᓯᖅᑕᐅᒃᑲᓐᓂᕈᓐᓇᖅᖢᑎᑦ ᐃᓱᒪᓕᐅᕆᐊᖃᕈᕕᑦ.
ᐱᕋᔭᒃᑕᐅᔪᕕᓂᕐᓄᑦ ᐱᔨᑦᑎᕋᐅᑏᑦ ᐃᑲᔪᕈᓐᓇᖅᐳᑦ:
- ᐱᕋᔭᒃᑐᕕᓂᕐᓄᑦ ᐃᖅᑲᖅᑐᐃᕕᒃᑰᕆᐊᓕᖕᓄᑦ ᑐᓴᐅᒪᔭᐅᔭᕆᐊᖃᓲᑦ ᖃᓄᕐᓗ ᐃᑲᔪᖅᑕᐅᒃᑲᓐᓂᕈᓐᓇᕐᒪᖔᖅᐱᑦ;
- ᑐᓴᖅᑎᑕᐅᕙᒡᓗᑎᑦ ᐃᖅᑲᖅᑐᐃᕕᒃᑰᕈᑎᒋᔭᐃᑦ ᖃᓄᐃᑉᐸᓪᓕᐊᓕᕐᒪᖔᖅ;
- ᐱᕋᔭᒃᑕᐅᓯᒪᔪᑦ ᐊᒃᑐᖅᑕᐅᓯᒪᓂᖏᓐᓄᑦ ᓇᓗᓇᐃᔭᖅᓯᒪᔪᑦ ᐊᒻᒪ/ᐅᕝᕙᓘᓃᑦ ᐱᕋᔭᒃᑕᐅᔪᕕᓂᐅᓂᕐᒧᑦ ᑎᑎᕋᕐᓗᑎᑦ ᐱᔪᒪᒍᕕᑦ;
- ᖃᐅᔨᑎᑕᐅᓗᑎᑦ ᐅᐸᒋᐊᖃᕈᕕᓪᓗ ᐃᓂᒃᓴᓕᐅᕈᔾᔭᐅᓗᑎᑦ ᓄᓇᓕᖕᓂ ᐱᓕᕆᐊᖃᖅᑐᓄᑦ; ᐊᒻᒪ
- ᐃᒃᐱᖕᓂᐊᓂᒃᑯᑦ ᐊᒃᓱᕈᕈᑎᒋᔭᑎᑦ ᐃᑲᔪᖅᑕᐅᔾᔪᑎᒋᓗᒋᑦ ᐃᖅᑲᖅᑐᐃᕕᒃᑰᕆᐊᖃᕐᓂᐊᖅᑎᓪᓗᑎᑦ.
ᐱᕋᔭᒃᑕᐅᔪᕕᓂᐅᓂᕐᒧᑦ ᐱᔨᑦᑎᕋᐅᑏᑦ ᐃᓱᒪᖅᓲᑕᐅᕗᑦ; ᐃᓚᐃᓐᓇᖏᓐᓄᑦ ᐃᑲᔪᖅᑕᐅᔪᓐᓇᖅᖢᑎᑦ ᐅᕝᕙᓘᓃᑦ ᑕᒪᐃᓐᓂᒃ ᐱᔨᑦᑎᕋᐅᑎᖏᓐᓂᒃ ᐊᑐᕈᓐᓇᕆᓪᓗᑎᑦ, ᑭᓯᐊᓂ ᐃᓱᒪᖅᓱᖅᐳᑎᑦ. ᐃᓕᖅᑯᓯᕆᔭᕗᑦ ᑐᙵᕕᐅᓪᓗᓂᓗ ᑕᐃᒃᑯᐊ ᐱᕋᔭᒃᑕᐅᔪᕕᓂᓕᒫᑦ ᐊᑐᓂ ᑐᙵᓱᒃᑎᖃᑦᑕᖅᖢᑎᒍ, ᓇᒡᓕᖕᓂᖃᕐᕕᒋᓪᓗᑎᒍ ᐊᒻᒪ ᐃᒃᐱᒋᑦᑎᐊᕋᓱᒃᐸᒃᖢᑎᒍ.
Email:
Phone:
1-866-456-5216