ᐅᖃᓚᐅᑎᓯᐅᑏᑦ

You are here

ᐅᖃᐅᓯᖃᕐᓂᖅ ᐃᓱᒪᒋᔭᖃᖅᓯᒪᓂᕐᒥᒃ ᐱᔭᑦᓴᑖᖅᑎᑕᐅᔪᒪᓂᕐᒧᑦ ᐅᑯᓄᖓ ᐃᖅᑲᓇᐃᔭᖅᑏᑦ ᒪᓕᒋᐊᓕᖏᓐᓄᑦ ᑲᑎᒪᔩᑦ

ᐊᒐᓯ 09, 2021

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐅᖃᐅᓯᖃᕐᓂᖅ ᐃᓱᒪᒋᔭᖃᖅᓯᒪᓂᕐᒥᒃ ᐱᔭᑦᓴᑖᖅᑎᑕᐅᔪᒪᓂᕐᒧᑦ ᐅᑯᓄᖓ ᐃᖅᑲᓇᐃᔭᖅᑏᑦ ᒪᓕᒋᐊᓕᖏᓐᓄᑦ ᑲᑎᒪᔩᑦ

ᒪᓕᒐᓕᕆᔨᒃᑯᑦ ᕿᓂᖅᐳᑦ ᐱᔪᒪᓂᖃᑦᓯᐊᖅᑐᓂᒃ ᐃᓄᓐᓂᒃ ᐱᔨᑦᑎᕋᕐᕕᖃᕈᒪᓇᔭᖅᑐᓂᒃ ᐃᖅᑲᓇᐃᔭᖅᑏᑦ ᒪᓕᒋᐊᓕᖏᓐᓄᑦ ᑲᑎᒪᔨᓄᑦ.

ᑲᑎᒪᔩᑦ ᓴᖅᑭᑕᐅᔪᑦ ᐊᑖᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᖁᔭᖓᓂ ᑲᒪᒋᔭᖃᖃᑦᑕᖅᓱᑎᓪᓗ ᖁᑦᓯᓂᖅᓴᒧᑦ ᐅᓐᓂᕐᓘᑎᓂᒃ ᓴᖅᑭᖅᑎᑕᐅᔪᓂᑦ ᐃᖅᑲᓇᐃᔭᕐᕕᐅᔪᓄᑦ ᐃᖅᑲᓇᐃᔭᖅᑎᓄᓪᓘᓐᓃᑦ ᐱᔾᔪᑎᖃᖅᑐᓄ ᐃᓱᒪᓕᐊᕆᔭᐅᔪᓄᑦ ᐃᖅᑲᓇᐃᔭᖅᑐᓕᕆᔨᒧᑦ.

ᐱᓇᓱᐊᖅᑐᑦ ᐱᓕᕆᖃᑦᑕᖅᓯᒪᓂᑰᓪᓗᐊᖅᐳᑦ ᐊᒻᒪᓗ/ᐅᕝᕙᓗᓃᑦ ᖃᐅᔨᒪᓗᑎᒃ ᐃᖅᑲᓇᐃᔭᕐᓂᐅᕙᒃᑐᓂᒃ ᓇᖕᒥᓂᕆᔭᐅᔪᓂᓪᓘᓐᓃᑦ ᐅᑎᖅᑎᑦᑎᓂᐊᕐᓗᑎᒃ ᒪᓕᒐᓕᕆᓂᕐᒥᒃ. ᐅᖃᐅᓯᒃᑯᑦ ᑎᑎᕋᖅᓯᒪᔪᑎᒍᓪᓗ ᐊᔪᙱᓐᓂᖃᑦᑎᐊᕐᓂᖅ ᖃᓪᓗᓈᑎᑐᑦ ᐱᒻᒪᕆᐊᓘᕗᖅ, ᐃᒪᒋᔭᐅᓂᐊᕐᓗᓂ ᑖᒃᑯᓄᖓ ᐱᔭᕆᐊᖃᕐᓂᖓᓂᒃ ᐊᖏᔪᒻᒪᕆᖕᓂᒃ ᐅᖃᓕᒫᖅᓯᓂᕐᒥᒃ, ᑐᑭᓯᓂᕐᒥᒃ ᒪᓕᒐᑎᒍᑦ ᐃᓱᒪᒋᔭᒃᓴᓂᒃ, ᐊᔪᙱᓐᓂᖃᕐᓂᕐᒥᒡᓗ ᕿᒥᕐᕈᐊᖅᓯᒃᑲᓐᓂᕈᓐᓇᕐᓂᕐᒥᒃ/ᑎᑎᕋᖅᓯᔪᓐᓇᕐᓂᕐᒥᒃ ᑐᑭᓯᓇᑦᑎᐊᖅᑐᒃᑯᑦ ᓇᐃᑦᑐᑎᒍᓪᓗ ᐋᖅᑭᒃᓯᒪᓕᖅᑎᑕᐅᔪᑎᒍᑦ. ᐅᖃᓪᓚᒍᓐᓇᑦᑎᐊᕐᓂᖅ ᑎᑎᕋᕈᓐᓇᑦᑎᐊᕐᓂᕐᓗ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᐊᒻᒪᓗ/ᐅᕝᕙᓘᓐᓃᑦ ᐅᐃᕖᑎᑐᓪᓘᓐᒡᓂᑦ ᐱᓇᔪᒃᑐᓄᑦ ᐱᕚᓪᓕᕈᑕᐅᓯᒪᓇᔭᖅᐳᖅ.

ᐱᓇᓱᐊᖅᑐᑦ ᐱᑐᐃᓐᓇᕆᐊᖃᖅᓯᒪᓪᓗᐊᖅᐳᑦ ᐊᑐᕐᓂᕐᒥᒃ 5-ᓂᑦ 15−ᓄᑦ ᐃᑲᕐᕋᓂᒃ ᐊᑕᐅᓯᕐᒥ ᐱᓕᕆᕝᕕᒋᔭᐅᔪᒥ ᐃᓚᐅᖃᑦᑕᕐᓂᐊᕐᓗᑎᒃ ᑲᑎᒪᔩᑦ ᐱᔭᒃᓴᖏᓐᓄᑦ ᓲᕐᓗ ᕿᒥᕐᕈᐊᖅᓯᒃᑲᓐᓂᕐᓂᕐᒥᒃ ᐱᓇᔪᒍᑕᐅᒃᑲᓐᓂᖅᑐᓂᒃ ᐊᖏᖅᑕᐅᙱᓐᓂᕐᒧᑦ ᑎᑎᕋᖅᑕᐅᔪᕕᓂᕐᒥᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᖁᔭᒥ, ᕿᒥᕐᕈᐊᖅᓯᒃᑲᓐᓂᖅᐸᒡᓗᓂ/ᑎᑎᕋᖅᓯᕙᒡᓗᓂ ᐋᖅᑭᒃᓯᒪᓕᕈᑕᐅᔪᓂᒃ ᑲᔪᓯᑎᑦᑎᕙᒡᓗᓂᓗ ᑐᓵᑎᑦᑎᓂᕆᔭᐅᔪᓂᒃ. ᐱᔭᕇᖅᑕᐅᓛᖅᐳᖅ ᐱᓕᕆᐊᖑᓂᖓ ᐅᐸᒍᑎᓯᒪᖏᒃᑲᓗᐊᕐᓗᓂ . ᐃᓕᓐᓂᐊᖅᑎᑕᐅᓇᔭᖅᑐᖅ ᐊᒻᒪ ᑲᑎᒪᔩᑦ ᐊᑭᓕᖅᑕᐅᖃᑦᑕᕐᓂᐊᖅᐳᑦ ᐱᔨᑦᑎᕋᕐᕕᒋᔭᕆᐊᖃᖅᑕᒥᓂᒃ ᐅᓪᓗᕐᓂᒃ.

ᓄᓇᓕᓐᓂᒥᐅᑕᐃᑦ ᓄᓇᕘᓕᒫᒥ ᐱᓇᓱᐊᖁᔭᐅᕗᑦ. ᐱᓇᓱᐊᕈᒪᔪᑦ ᐊᑐᐃᓐᓇᐅᑎᑦᓯᔭᕆᐊᓖᑦ ᑎᑎᖅᑲᕐᒥ, ᐃᖅᑲᓇᐃᔮᕆᓯᒪᔭᖏᓐᓂᑦ ᑎᑎᕋᖅᓯᒪᔪᓂᑦ, ᐊᒻᒪᓗ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᓂᒃ ᐱᕝᕕᐅᔭᕆᐊᓕᒃ ᐅᕗᖓ nlsb@gov.nu.ca.

ᑐᑭᓯᒋᐊᑲᓐᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᓄᓇᕗᒻᒥ ᐃᖅᑲᓇᐃᔭᖅᑏᑦ ᒪᓕᒋᐊᓕᖏᓐᓄᑦ ᑲᑎᒪᔨᖏᓐᓄᑦ ᐅᕗᖓ ncrb@gov.nu.ca ᐅᕝᕙᓘᓐᓃᑦ ᐅᕗᖓ 867-975-6159.

ᐱᓇᓱᐊᓂᕐᒧᑦ ᐱᕕᖃᖅᑎᑕᐅᔪᑦ ᐃᓱᖃᕐᓗᓂ ᐊᐅᒡᒍᓯ 20, 2021−ᒥ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᖏᖕᖑᓚᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca