You are here
ᐅᔾᔨᖅᓱᕐᓗᒋᑦ ᐊᑦᑕᕐᓇᕐᓂᖏᑦ ᓄᑕᖅᑲᑦ ᐊᖅᑯᑎᑦ ᖃᓂᒋᔮᓂ, ᐱᓱᒋᐊᒃᑯᑦ ᐊᒻᒪ ᖃᖅᑲᓂᑦ
ᑭᒃᑯᑐᐃᓐᓇᓄᑦ ᑐᓴᒐᒃᓴᑦ
ᐅᔾᔨᖅᓱᕐᓗᒋᑦ ᐊᑦᑕᕐᓇᕐᓂᖏᑦ ᓄᑕᖅᑲᑦ ᐊᖅᑯᑎᑦ ᖃᓂᒋᔮᓂ, ᐱᓱᒋᐊᒃᑯᑦ ᐊᒻᒪ ᖃᖅᑲᓂᑦ
ᓄᓇᕗᒻᒥ ᑐᖁᖓᔪᓕᕆᔨᒃᑯᑦ ᑎᑎᕋᕐᕕᖓᑦ ᐅᖃᐅᔾᔨᕗᑦ ᓄᓇᕗᒻᒥᐅᓂᒃ ᐅᔾᔨᖅᓱᖁᔨᓪᓗᑎᒃ ᖁᐊᖅᓵᕐᓇᕐᓂᖏᓐᓂᒃ ᓄᑕᖅᑲᑦ ᐊᖅᑯᑎᖏᑕ ᖃᓂᒋᔮᒍᑦ ᓯᑭᑑᒃᑯᓪᓗ ᐊᖅᑯᓯᓂᕆᔭᐅᕙᒃᑐᑦ ᓄᓇᓕᑦᑎᓐᓂ.
ᑐᖁᖓᔪᓕᕆᔨᒃᑯᑦ ᑎᑎᕋᕐᕕᖓ ᐱᖁᔨᔪᖅ ᐊᖁᑎᑦ ᐅᔾᔨᖅᓱᑦᑎᐊᕐᓗᑎᒃ ᐊᐅᓚᑦᑎᓕᕌᖓᑕ ᓄᓇᓯᐅᑎᓂᒃ ᓄᑕᖅᑲᑦ ᐱᙳᐊᕐᕕᖏᓐᓂ ᖃᓂᒋᔭᖓᓂ, ᐃᓚᐅᓗᑎᒃ ᖃᓕᕈᓯᑦ, ᓯᓚᒥ ᐱᙳᐊᕐᕖᑦ ᐊᒻᒪ ᐱᓱᒡᕖᑦ.
2020−ᒥᓂᓂᑦ, ᑐᖁᖓᔪᓕᕆᔨᒃᑯᑦ ᖃᐅᔨᓴᖅᓯᒪᔪᑦ ᑐᖁᔪᓂᑦ ᑎᓴᒪᓂᑦ ᓄᑕᖅᑲᓂᑦ ᐃᓚᐅᔪᓂᑦ ᓄᓇᓯᐅᑎᒃᑯᑦ ᐱᕐᕈᓗᐊᕿᔪᓂᑦ ᓄᑦᑕᖅᑎᓪᓗᒋᑦ ᐱᙳᐊᖅᖢᑎᒡᓗ ᐊᖅᑯᑎᑦ ᖃᓂᒋᔭᖓᓂᑦ. ᑕᒪᒃᑯᐊ ᒪᒥᐊᓇᖅᑑᒐᓗᐊᖅ ᓱᓕ ᓴᖅᑭᖃᑦᑕᕐᒪᑕ ᓄᓇᕗᑦ ᓄᓇᓕᖁᑎᖏᓐᓂ ᐊᒻᒪᓗ ᐱᓂᕐᓗᒃᑕᐃᓕᒪᑎᑕᐅᔪᓐᓇᖅᑐᑎᒃ.
ᐊᖓᔪᖅᑳᕆᔭᐅᔪᑦ ᑎᓕᐅᖅᑕᐅᕗᑦ ᐅᖃᐅᓯᖃᖁᔭᐅᓪᓗᑎᒃ ᐱᒻᒪᕆᐅᓂᖓᓂᒃ ᐊᑦᑕᕐᓇᙱᑦᑐᒥᒃ ᐊᖅᑯᑎᓂᒃ ᐅᖓᓯᒋᐊᖃᕐᓂᕐᒥᒃ ᐊᖅᑯᑎᓂᒃ, ᐊᖅᑯᑎᕐᔪᐊᓂᒃ, ᐊᒻᒪ ᓯᓚᒥ ᐊᑦᑕᕐᓇᖅᑕᐃᓕᒪᓂᕐᒥᒃ ᕿᑐᕐᖓᒥᓄᑦ.
ᓄᓇᕗᒻᒥᐅᑕᐅᓪᓗᑕ, ᑲᒪᒋᔭᒃᓴᖃᖅᑐᐃᓐᓇᐅᕗᒍᑦ ᓄᑕᖅᑲᕗᑦ ᐊᑦᑕᕐᓇᖅᑐᒦᖁᙱᖦᖢᑎᒍᑦ ᐊᓃᕋᔭᒃᑎᓪᓗᒋᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ:
ᑭᐊᓐ ᓴᒐᑐᕌᑲ
ᑐᖁᖓᔪᓕᕆᔨᒻᒪᕆᒃ
ᐃᕐᖐᓈᖅᑕᐅᑦ: ksagadraca@gov.nu.ca
