ᐅᖃᓚᐅᑎᓯᐅᑏᑦ

You are here

ᑐᓴᕋᓱᖕᓂᐅᓚᐅᖅᑐᑦ ᑲᓇᑕᓕᒫᒥᑦ ᐅᓪᓗᕆᔭᐅᑎᓪᓗᒍ ᓱᓕᔪᒥᒃ ᑭᒡᓕᓯᓂᐊᕐᓂᕐᒧᑦ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ

ᒫᑦᓯ 29, 2022

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᑐᓴᕋᓱᖕᓂᐅᓚᐅᖅᑐᑦ ᑲᓇᑕᓕᒫᒥᑦ ᐅᓪᓗᕆᔭᐅᑎᓪᓗᒍ ᓱᓕᔪᒥᒃ ᑭᒡᓕᓯᓂᐊᕐᓂᕐᒧᑦ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ  

ᒪᓕᒐᓕᕆᔨᒃᑯᑦ ᓴᖅᑭᑦᑎᔪᒪᖕᒪᑕ ᓄᑖᒥ ᒪᓕᒐᕐᒥ ᑲᓇᑕᓕᒫᒥᑦ ᐅᓪᓗᕆᔭᒧᑦ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᓐᓂᕐᒧᓪᓗ ᕿᑲᕐᓇᐅᓕᖅᑎᓪᓗᒍ ᓄᓇᕗᒻᒥ, ᖃᐅᔨᒪᔭᐅᒥᔪᖅ ᐃᓕᑕᕆᔭᐅᓯᒪᔪᖅ ᕿᑲᕐᓇᖅ ᒪᓕᒡᓗᒍ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᖁᔭᖅ.

ᑲᓇᑕᓕᒫᒥᑦ ᐅᓪᓗᕆᔭᐅᑎᓪᓗᒍ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᓐᓂᕐᒧᓪᓗ, ᓯᑎᐱᕆ 30, ᐅᐱᒍᓱᒃᑐᑦ ᐃᖅᑲᐅᒪᔭᐅᓂᖏᓐᓄᑦ ᓄᑕᖅᑲᑦ ᐃᓅᔪᓐᓃᖅᐸᓚᐅᖅᑐᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓂᑦ ᑲᓇᑕᓕᒫᒥᑦ, ᐅᐱᒋᔭᐅᓪᓗᑎᒡᓗ ᐊᓂᒍᐃᓯᒪᔪᑦ, ᐃᓚᒌᑦ ᓄᓇᖅᑲᑎᒌᓪᓗ ᐊᒃᑐᖅᑕᐅᓯᒪᔪᑦ ᐃᖅᑲᐅᒪᔾᔪᑎᒃᓴᖏᓐᓂ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ.

ᒪᓕᒐᓕᕆᔨᒃᑯᑦ ᑭᐅᔭᐅᑲᑕᒍᒪᒐᓗᐊᕐᒪᑕ ᓄᓇᕗᒻᒥ ᓇᖕᒥᓂᖃᕐᕕᖕᓂᒃ ᐊᑎᓕᐅᖅᑕᐅᖃᑕᐅᓯᒪᔪᓂᒃ ᐊᒻᒪ ᑲᑐᔾᔨᖃᑎᒌᒡᕕᖕᓂ ᐅᑯᐊ ᐱᔾᔪᑎᒋᓗᒋᑦ:

ᐃᕝᕕᓪᓘᓐᓃᑦ ᑲᑐᔾᔨᖃᑎᒌᒡᕕᒋᔭᐃᓪᓘᓐᓃᑦ ᐃᑲᔪᖅᑐᐃᕕᓯ ᑲᓇᑕᓕᒫᒥᑦ ᐅᓪᓗᕆᔭᐅᑎᑕᒧᑦ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ ᕿᑲᕐᓇᐅᑎᓪᓗᒍ ᒪᓕᒡᓗᒍ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᖁᔭᖅ? ᐃᑲᔪᖅᑐᖅᑕᐅᓐᓂᙱᑉᐸᑦ, ᑭᓱᒃᑭᐊᕐᖓᐃ ᐱᔾᔪᑎᒋᓪᓗᒋᑦ ᐃᑲᔪᖅᓱᖅᑕᐅᙱᓚᖅ ᐱᓕᕆᐊᖑᕙᓪᓕᐊᔪᒪᔪᖅ?
ᓂᕆᐅᒋᔭᖃᖅᐲᑦ ᐊᒃᑐᖅᑕᐅᓂᕐᓗᖕᓂᖃᕋᔭᕐᓂᖓᓂᒃ ᑲᑐᔾᔨᖃᑎᒌᕕᒋᔭᕐᓄᑦ ᑲᓇᑕᓕᒫᒥᑦ ᐅᓪᓗᕆᔭᐅᑎᓪᓗᒍ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ ᕿᑲᕐᓇᐅᓕᖅᐸᑦ? ᐊᖏᕈᕕᑦ, ᒥᒃᓴᐅᑦᑎᔪᓐᓇᖅᐱᑦ ᓱᓇᐅᓂᐊᕐᒪᖔᑕ ᐊᒃᑐᖅᑕᐅᔾᔪᑕᐅᒐᔭᖅᑐᖅ (ᑐᑦ)?
ᓂᕆᐅᒋᔭᖃᖅᐲᑦ ᕿᑲᕐᓇᖅ ᐊᒃᑐᐃᓂᖃᕐᓂᐊᕐᒪᖔᑦ ᑲᑐᔾᔨᖃᑎᒌᕕᒋᔭᕐᓂᑦ ᑮᓇᐅᔭᓕᕆᓂᒃᑯᑦ?

ᑭᐅᔾᔪᑎᓯ ᓇᒃᓯᐅᑎᔪᓐᓇᖅᑕᓯ ᐅᕗᖓ ᐃᑭᐊᖅᑭᕕᖕᒧᑦ TRHolidayConsultations@gov.nu.ca ᐅᕗᖓᓘᓐᓃᑦ ᐅᖄᓚᓗᓯ 867-975-6170. ᐃᓱᓕᕝᕕᒃᓴᖓ ᓇᒃᓯᐅᑎᓂᐊᕐᓗᒋᑦ ᑭᐅᔾᔪᑎᓯ ᐊᐃᕆᓕ 8, 2022.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᒋᖕᒍᕋᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca