ᐅᖃᓚᐅᑎᓯᐅᑏᑦ

You are here

“ᑐᕌᒐᖃᕐᓂᖅ ᐊᑎᖅᑖᖅᑎᑦᓯᓂᕐᒧᑦ” ᓄᑖᕐᒧ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓇᓱᐊᕐᓂᕐᒧᑦ

ᓯᑎᐱᕆ 03, 2021

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

“ᑐᕌᒐᖃᕐᓂᖅ ᐊᑎᖅᑖᖅᑎᑦᓯᓂᕐᒧᑦ” ᓄᑖᕐᒧ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓇᓱᐊᕐᓂᕐᒧᑦ

ᐱᐅᓂᖅᐹᖅ ᐱᓇᓱᐊᕐᓂᖅ ᓄᓇᕗᒻᒥᐅᓄᑦ ᓴᓇᔭᐅᓯᒪᔪᒥ ᓄᓇᕗᒻᒥᐅᓄᑦ. ᑕᐃᒪᐃᒻᒪᑦ ᒪᓕᒐᓕᕆᔨᒃᑯᑦ ᐃᑲᔪᖅᑕᐅᒍᒪᔪᑦ ᐃᓕᓐᓄᑦ “ᑐᕌᒐᖃᕐᓂᖅ ᐊᑎᖅᑖᖅᑎᑦᓯᓂᕐᒧᑦ” ᓄᓇᕗᒻᒥ ᓄᑖᒥ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᐱᓇᓱᐊᕐᓂᕐᒧᑦ!

“ᑐᕌᒐᖃᕐᓂᖅ ᐊᑎᖅᑖᖅᑎᑦᓯᓂᕐᒧᑦ” ᓵᓚᑦᓴᕋᓱᐊᕐᓂᖅ ᐊᐱᕆᔪᖅ ᐃᓄᖏᓐᓂᒃ ᓄᓇᕗᑦ ᑐᓂᓯᖁᔨᓂᕐᒧᑦ ᐊᑎᑦᓴᖓᓂᑦ ᐊᒡᒋᐸᓪᓕᐊᔪᒧᑦ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᐱᓇᓱᐊᕐᓂᕐᒧᑦ. ᐱᓇᓱᐊᓂᖅ ᑎᓕᐅᕆᔪᖅ ᐊᑐᑦᓯᐊᕐᓂᕐᒧᑦ ᑐᖅᑯᖅᓯᓂᕐᒧᓪᓗ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᐃᓚᑦᑎᓐᓂᒃ ᓄᓇᓕᓐᓂᓪᓗ.

ᓵᓚᑦᓴᖅᑐᖅ ᐊᑎᖅᑖᖅᑎᑦᓯᓂᕐᒧᑦ ᐱᓂᐊᖅᑐᖅ $300 ᓂᐅᕕᕈᓐᓇᐅᑎᒥ ᑲᓇᐃᑎᐊᓐ ᓄᐊᑦ ᖃᖓᑕᔫᓕᕆᔨᒃᑯᓐᓂᑦ. ᐊᒻᒪᓗᑦᑕᐅᖅ, ᐱᖓᓱᑦ ᐃᓚᒋᔭᐅᔪᑦ ᓵᓚᖃᕐᓂᐊᖅᑐᑦ $100 ᓇᓪᓕᐊᓄ ᑯᐊᐸᒃᑯᓐᓄᑦ ᓂᐅᕕᖅᑎᒃᑯᓐᓄᓪᓘᓐᓃᑦ ᑐᓂᔭᐅᓂᐊᖅᑐᑦ ᐊᒧᔭᐅᔪᓄᑦ.

ᐱᓇᓱᐊᕐᓂᕐᒧᑦ, ᑐᓂᓗᒍ ᖁᑭᐅᑎᓄᑦ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᐱᓇᓱᐊᕐᓂᕐᒧᑦ ᐊᑎᒥ ᐃᓱᒪᒋᔭᕐᓂᑦ ᐃᓄᒃᑎᑐᑦ ᐃᓄᐃᓐᓇᖅᑐᓐᓘᓐᓃᑦ ᐃᓚᒋᔭᐅᑎᓪᓗᒍ ᖃᓪᓗᓈᑎᑑᖅᑐᖅ ᑐᑭᓕᐅᖅᑕᐅᓯᒪᔪᖅ ᐅᕗᖓ aimforaname@gov.nu.ca. ᐃᓚᒋᔭᐅᑎᓪᓗᒍ ᐊᑏᑦ, ᓄᓇᓕᒃ, ᐅᖄᓚᐅᑎᐅᑉ ᓈᓴᐅᑎᖓ ᐊᓯᐊᓂᓪᓘᓐᓃᑦ ᖃᐅᔨᒃᑲᖅᑕᐅᔾᔪᑎᒍᒪᔭᓐᓄᑦ.

ᑐᓂᔭᐅᔪᑦᓴᐃᑦ ᓯᑦᑎᒻᕙ 30-ᒥ ᐃᓱᓕᕝᕕᑦᓴᖃᖅᑐᖅ 11:59-ᒨᖅᐸᑦ ᐅᓪᓗᒃᑯᑦ ᑲᓇᓐᓇᐅᑉ ᓯᕿᕐᖑᔭᖓ.

ᑐᑭᓯᒋᐊᑲᓐᓂᕈᒪᒍᕕᑦ, ᖃᐅᔨᒃᑲᕐᓗᒍ ᕼᐋᓕ ᕘᒐᓴᓐ ᐅᕙᓂ hfergusonjus@gov.nu.ca.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᒍᕆᖕᕋᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca