ᐅᖃᓚᐅᑎᓯᐅᑏᑦ

You are here

“ᖁᑭᐅᑎᓕᕆᑦᓯᐊᕐᓂᖅ ᓄᓇᕗᒻᒥ” − ᓄᑖᖅ ᐊᑎᖓ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᑐᕌᒐᕆᔭᖅ

ᑎᓯᐱᕆ 15, 2021

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

“ᖁᑭᐅᑎᓕᕆᑦᓯᐊᕐᓂᖅ ᓄᓇᕗᒻᒥ” − ᓄᑖᖅ ᐊᑎᖓ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᑐᕌᒐᕆᔭᖅ

ᓯᑦᑎᒻᕙᒥ, ᒪᓕᒐᓕᕆᔨᒃᑯᑦ ᐱᒋᐊᖅᑎᑦᓯᓯᒪᔪᑦ “ᑐᕌᒐᖃᕐᓂᕐᒧᑦ ᐊᑎᕐᑖᖓᓂ”, ᐊᐱᕆᓯᒪᔪᑦ ᓄᓇᕗᒻᒥᐅᓂᑦ ᐃᑲᔪᖅᑕᐅᔪᒪᑦᓱᑎᒃ ᐃᓕᖅᑯᓯᒨᖓᔪᒥ ᓈᒻᒪᑦᑐᒥ ᐊᑎᕐᑖᕐᑎᑦᓯᓂᕐᒧᑦ ᓄᑖᒥ ᐱᓕᕆᕝᕕᐅᔪᒧ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᑐᕌᒐᕆᔭᖃᕐᓂᕐᒧᑦ.

ᖁᕕᐊᓱᖃᑎᒋᕙᑦᑎᒋᑦ ᓵᓚᖃᖅᑐᖅ ᓵᓚᖃᕋᓱᐊᕐᓂᕐᒧᑦ, ᑭᒻ ᐊᐅᐸᓗᒃᑐᖅ ᖃᒪᓂ'ᑐᐊᖅᒥ, ᓵᓚᖃᖅᑐᖅ $300-ᕌᖅᑐᓂ ᓂᐅᕕᕈᓐᓇᐅᑎᒥ ᑲᓃᑎᐊᓐ ᓄᐊᑦ ᖃᖓᑕᔫᓕᕆᔨᒃᑯᓐᓂᑦ. 

ᓄᓇᕗᑦ ᓄᑖᖅ ᑐᕌᒐᕆᔭᖅᒧᑦ ᐊᑎᖓ ᖁᑭᐅᑎᓕᕆᑦᓯᐊᕐᓂᖅ ᓄᓇᕗᒻᒥ - ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᑎᑦᓯᓂᕐᒧᑦ ᓄᓇᕗᒻᒥ. ᑖᓐᓇ ᑐᕌᒐᕆᔭᖅ ᐅᓄᕈᓐᓃᑎᑦᓯᓂᕐᒧᑦ ᖁᑭᐅᑎᓂᒃ ᐊᑦᑐᐊᓂᖃᖅᑐᓂᑦ ᖃᓄᐃᓐᓂᕆᔭᐅᔪᓂᑦ ᓄᓇᕗᒻᒥ ᑎᓕᐅᕆᑲᓐᓂᕐᓂᕐᒧᑦ ᐊᑦᑕᓇᖏᑦᑐᒥ ᖁᑭᐅᑎᓕᕆᓂᕐᒧᑦ, ᑐᖅᑯᖅᓯᓂᕐᒧᑦ ᐊᑐᕐᓂᕐᒧᓪᓗ.  ᒐᕙᒪᒃᑯᑦ ᓄᓇᕗᒻᒥ ᑎᓕᐅᕆᑲᓐᓂᖅᑐᑦ ᓇᓗᓇᐃᖅᓯᓂᕐᒧᑦ ᐃᓄᓐᓂᑦ ᖁᑭᐅᑎᖏᑦ ᓴᒃᑯᓕᖅᓯᒪᖏᒃᑯᓗᐊᕐᒪᖔᑕ ᑕᐃᒪᖓᓕᒫᖅ ᑮᑦᓯᒪᔪᒦᑦᓯᐊᕋᓗᐊᕐᒪᖔᑕᓗ ᐊᑐᖅᑕᐅᑎᓐᓇᒋᑦ.

ᒪᓕᒐᓕᕆᔨᒃᑯᑦ ᓇᑯᕐᒦᕈᒪᔪᑦ ᓄᓇᕗᒻᒥᐅᓂᑦ ᐃᓚᒋᔭᐅᓚᐅᖅᑐᓂᑦ ᓵᓚᖃᕋᓱᐊᕐᓂᕐᒧᑦ. ᐊᐱᖅᑯᑎᑦᓴᖃᕈᕕᑦ ᐱᔾᔪᑎᒋᑦᓱᒍ ᖁᑭᐅᑎᓕᕆᑦᓯᐊᕐᓂᖅ ᓄᓇᕗᒻᒥ, ᖃᐅᔨᒃᑲᕐᓗᒍ ᕼᐋᓕ ᕘᒍᓴᑦ ᐅᕙᓂ  hfergusonjus@gov.nu.ca.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᒋᖕᒍᕋᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca