ᐅᖃᓚᐅᑎᓯᐅᑏᑦ

You are here

The Nunavut Coroner’s Office is recruiting for community coroners throughout Nunavut and in Iqaluit.

ᒫᑦᓯ 11, 2020

OFFICE OF THE CHIEF CORONER
ᑎᑎᕋᕐᕕᖓ ᑐᖁᖓᔪᓕᕆᔨᒻ ᒪᕆᐅᑉ
HAVAKVIA ATANGUYAATA TUQUNGALIQIYIIT
BUREAU DU CORONER CHIEF CORONER
NUNAVUT
ᓄᓇᕗᒥ


ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕘᒥ ᑐᖁᖓᔪᓕᕆᔨᒃᑯᑦ ᑎᑎᕋᕐᕕᖓ ᐃᖅᑲᓇᐃᔭᖅᑎᒃᓴᓂᒃ ᑲᑎᖅᓱᐃᕙᓪᓕᐊᔪᑦ ᓄᓇᓕᖕᓂᑦ ᑐᖁᖓᔪᓕᕆᔨᒃᓴᓂᒃ ᓄᓇᕘᓕᒫᒥ ᐃᖃᓗᖕᓂᓪᓗ.
ᕕᕗᐊ2020


ᓄᓇᓕᖕᓂᑦ ᑐᖁᖓᔪᓕᕆᔩᑦ ᐊᑐᐃᓐᓇᐅᑎᑦᑎᕙᒃᑐᑦ ᐱᔨᑦᑎᕋᕈᑎᓂᒃ ᐱᔭᕆᐊᖃᓕᕌᖓᑕ ᐊᑭᓕᖅᑕᐅᕙᒃᖢᑎᒡᓗ ᐱᔨᑦᑎᕋᕈᑎᖏᓐᓄᑦ, ᐊᑕᐅᓯᐅᑦᑕᖅᖢᑎᒃ. ᖃᐅᑕᒫᑦ ᐃᖅᑲᓇᐃᔭᕐᓇᙱᑦᑐᖅ. ᑐᖁᖓᔪᓕᕆᔩᑦ ᑲᒪᒋᔭᖃᕆᐊᓖᑦ ‘ᑐᖁᖓᔪᓕᕆᔩᑦ ᒪᓕᒐᖓᓂᑦ’ ᒪᓕᒃᖢᑎᒃ ᐱᓕᕆᑦᑎᐊᖅᖢᑎᒃ, ᐃᓛᒃᑯᑦ ᖃᐅᔨᓴᖅᐸᒃᖢᑎᒃ ᑕᒪᐃᓐᓂᒃ ᑐᖁᑳᓪᓚᒃᑐᓂᒃ, ᓂᕆᐅᓇᙱᑦᑐᓂᑦ ᐊᒻᒪᓗ ᑐᑭᓯᐅᒪᔭᐅᙱᑦᑐᓂᒃ ᑐᖁᔪᓂᒃ ᓇᓗᓇᐃᖅᓯᓪᓗᑎᒃ ᑭᓇ ᑐᖁᓐᓂᕐᒪᖔᑦ, ᖃᖓ, ᖃᓄᖅ ᑐᖁᓚᐅᕐᒪᖔᑦ ᓇᓗᓇᐃᖅᓯᓂᕐᒥᒡᓗ ᑭᓇᐅᖕᒪᖔᑦ. ᑐᖁᖓᔪᓕᕆᔨᑦ ᖃᐅᔨᓴᕐᓂᖏᑦ ᓇᓗᓇᐃᖅᓯᓂᐊᕐᓗᑎᒃ ᑐᖁᔪᖅ ᖃᐅᔨᔭᐅᖏᓐᓂᖓᓂᑦ, ᐃᔨᖅᑕᐅᓯᒪᓂᖓᓂᒃ ᐅᕝᕙᓘᓐᓃᑦ ᓱᖁᑎᒋᔭᐅᙱᓐᓂᖓᓂᒃ ᐊᒻᒪᓗ ᐱᒻᒪᕆᐅᓂᖅᐹᖅ ᐱᔾᔪᑎᖓ ᑐᖁᖓᔪᓕᕆᔨᑉ ᖃᐅᔨᓴᕐᓂᖓ ᓇᓗᓇᐃᖅᓯᒋᐊᖃᖅᖢᓂ ᐊᑦᑕᓇᖅᑐᑦ ᐱᔾᔪᑕᐅᔪᓂᒃ ᐊᔾᔨᐸᓗᐊᓂᒃ ᑐᖁᔪᖃᓛᖁᙱᖦᖢᒍᓂᑦ ᓯᕗᓂᒃᓴᑦᑎᓐᓂᒃ.

ᐱᓕᕆᖃᑦᑕᖅᓯᒪᓂᑯᖏᑦ ᐱᔪᒪᔭᐅᓂᖅᓴᐃᑦ ᓄᓇᓕᖕᓂᑦ ᑐᖁᖓᔪᓕᕆᔨᑦ ᐃᓕᓐᓂᐊᖃᑦᑕᖅᓯᒪᓂᖏᑦ ᖃᐅᔨᒪᓂᖏᓪᓘᓐᓃᑦ ᒪᓕᒐᖅᑎᒍᑦ, ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᖃᑦᑕᓂᕐᓘᓐᓃᑦ. ᐅᖃᕈᓐᓇᕐᓂᖅ ᑎᑎᕋᕈᓐᓇᕐᓂᕐᓗ ᖃᓪᓗᓈᑐᑦ ᐱᔭᕆᐊᓕᒃ ᐊᑐᐃᓐᓇᐅᑎᑦᑎᖃᑦᑕᕆᐊᖃᕐᒪᑦ ᓈᒻᒪᒃᑐᓂᒃ ᑎᑎᕋᖅᓯᒪᔪᓂᑦ ᑭᒃᑯᕈᓘᔭᕐᓄᑦ ᐃᓄᖕᓄᑦ, ᐸᓖᓯᒃᑯᓐᓄᑦ ᐊᒻᒪᓗ ᐋᓐᓂᐊᕐᕕᖕᒥ ᐃᖅᑲᓇᐃᔭᖅᑎᓄᑦ. ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓴᐅᒪᑎᑦᑎᔪᓐᓇᑦᑎᐊᕆᐊᖃᖅᑐᑦ ᖃᐅᔨᓴᕈᓐᓇᑦᑎᐊᕐᓗᑎᒡᓗ ᐱᓕᕆᖃᑎᖃᕐᓂᐊᓕᕌᖓᑕ ᐃᓄᖕᓂᒃ, ᐸᓖᓯᒃᑯᓐᓂ ᐊᒻᒪ ᐋᓐᓂᐊᕐᕕᖕᒥ ᐃᖅᑲᓇᐃᔭᖅᑎᓂᒃ.

ᐱᓇᔪᒃᑐᑦ ᓇᓗᓇᙱᑦᑕᕆᐊᖃᖅᐳᑦ ᐱᓕᕆᖃᑎᖃᕈᓐᓇᕐᓂᕐᒥᓂᒃ ᕿᒃᓵᒃᑐᓂᒃ ᐃᓚᒌᓂᒃ ᐃᒃᐱᒋᑦᑎᐊᕐᓗᓂᒋᑦ, ᐃᑲᔪᑦᑎᐊᖓᕐᓗᓂᒋᑦ ᓯᕗᓕᖅᑎᐅᕝᕕᒋᔪᓐᓇᕐᓗᓂᒋᓪᓗ, ᖃᓄᐃᑦᑐᖃᖅᑎᓪᓗᒍ ᐊᐅᓚᑦᑎᔨᐅᔪᓐᓇᕐᓗᓂ, ᑐᓴᐅᒪᑎᑦᑎᕙᒡᓗᓂ ᖃᐅᔨᑎᑦᑎᕙᒡᓗᓂᓗ ᐃᑲᔪᖅᓱᐃᔪᓐᓇᖅᑐᓂᒃ ᐊᒃᓱᕈᕐᓇᖅᑐᖅᓯᐅᖅᑎᓪᓗᒋᑦ. ᑐᖁᖓᔪᓕᕆᔨᑦ ᐱᓕᕆᓪᓚᕆᓲᖑᕗᑦ ᐃᓄᖕᓂᒃ ᐃᓱᒫᓗᒃᑐᓂᒃ ᓄᓇᓕᖕᓂᑦ ᐊᑦᑕᓇᖅᑐᒦᑦᑐᖃᙱᒃᑲᓗᐊᕐᒪᖔᑦ, ᐱᓕᕆᖃᑎᖃᖅᐸᒡᓗᑎᒡᓗ ᕿᒃᓵᒃᑐᓂᑦ ᐃᓚᒌᓂᒃ ᐋᓐᓂᕐᓇᓪᓚᕆᑦᑐᒥᑦ ᐃᓱᒪᔮᖅᑐᓂᓪᓗ ᖃᓄᐃᓐᓂᐅᔪᓂᑦ ᐃᓅᑉ ᐃᓅᓯᖓᓂᑦ.

ᑐᖁᖓᔪᓕᕆᔨᒃᑯᑦ ᐱᔨᑦᑎᕋᖅᑎᖏᑦ ᐊᑐᐃᓐᓇᐅᑎᑦᑎᔪᑦ ᑕᒪᐃᓐᓂᒃ ᐃᓕᓐᓂᐊᕐᕕᐊᕈᓯᕐᒥᑦ ᐱᓕᒻᒪᒃᓴᖅᑎᑦᑎᓂᕐᒥᑦ ᓄᓇᓕᖕᓂᑦ ᑐᖁᖓᔪᓕᕆᔨᓂᑦ. ᑐᖁᖓᔪᓕᕆᔨᒃᑯᑦ ᒪᓕᒐᖅᑎᒍᑦ ᓈᓚᒃᑎᑦᑎᔪᓐᓇᖅᑐᑦ, ᑐᖁᖓᔪᓕᕆᔨᑦ ᐱᔨᑦᑎᕋᓲᖑᕗᑦ ᐃᓚᒋᔭᐅᔪᑦ ᑐᑭᓯᓇᓱᐊᕐᓂᒥᑦ, ᓵᑕᒃᓴᒃᓯᐅᖅᑎᐅᙱᑦᑐᑦ ᑐᑦᑕᕐᕕᐅᓪᓗᑎᒃ ᐊᑐᐃᓐᓇᐅᑎᑦᑎᓲᑦ ᐃᓛᒃᑰᖅᑐᓂᒃ ᐱᔨᑦᑎᕋᕐᓂᕐᒥᑦ ᐃᓚᒌᓄᑦ, ᓄᓇᓕᖕᓄᑦ, ᒐᕙᒪᒃᑯᓐᓂᑦ ᑎᒥᐅᔪᓄᑦ ᐊᒻᒪ ᐊᓯᖏᓐᓂᑦ ᑲᑐᔾᔨᖃᑎᒌᓄᑦ.
ᐃᖅᑲᓇᐃᔮᖅᑖᖅᑐᑦ ᐊᐅᓪᓚᑲᑕᒍᓐᓇᕆᐊᓕᑦ ᑐᖁᖓᔪᖃᕐᕕᖕᒧᑦ ᐃᓂᒋᔭᖓᓄᓪᓘᓐᓃᑦ ᑐᖁᕕᕕᓂᐅᑉ ᓯᓚ ᖃᓄᐃᑦᑑᒐᓗᐊᖅᐸᑦ ᖃᖓᑐᐃᓐᓇᖅ ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ. ᑲᒪᒋᔭᖃᕈᓐᓇᕆᐊᓕᒃ ᑐᖁᖓᔪᓕᕆᔨᐅᑉ 

ᐃᖅᑲᓇᐃᔮᖏᓐᓂᑦ ᐅᐃᒪᔮᖏᓪᓗᓂ, ᐱᓕᕆᑦᑎᐊᕈᓐᓇᕐᓗᓂ ᖁᕕᐊᓇᙱᑦᑐᓂᑦ ᖃᓄᐃᓐᓂᐅᔪᓂᑦ ᐊᒻᒪᓗ ᖃᓄᐃᓕᖓᓂᕆᔭᖏᓐᓂᑦ ᑲᒪᔪᓐᓇᕐᓗᓂ ᐃᓱᒪᔮᖅᑐᓂᑦ ᖁᕕᐊᓱᙱᑦᑐᓂᑦ ᑭᒃᑯᑐᐃᓐᓇᕐᓂᑦ. ᑐᖁᖓᔪᓕᕆᔨ ᐋᓐᓂᐊᖅᑐᓕᕆᓂᕐᒧᑦ-

ᒪᓕᒐᕐᑎᒍᑦ ᑐᖁᔪᓂᑦ ᖃᐅᔨᓴᕐᑎᐅᕗᖅ ᑎᒃᑯᐊᖅᑕᐅᓯᒪᓪᓗᓂ ᒥᓂᔅᑕᒧᑦ ᒪᓕᒐᓕᕆᔨᒃᑯᓐᓄᑦ ᐊᑐᓕᖁᔭᐅᔪᓂᑦ ᑐᖁᖓᔪᓕᕆᔨᒻᒪᕆᖕᒧᑦ ᐃᓱᓕᕝᕕᖃᕐᓗᓂ ᐊᕐᕌᒍᓐᓄᑦ ᐱᖓᓱᓄᑦ.
ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᓇᔭᖅᐳᖅ.
ᑐᖁᖓᔪᓕᕆᔨᓂᒃ ᕿᓂᖅᑐᒍᑦ ᓄᓇᓕᓕᒫᓂᒃ ᓄᓇᕗᒻᒥ.

ᐱᓇᔪᖃᑕᐅᔪᒪᒍᕕᑦ, ᑐᓴᖅᑕᖃᒃᑲᓐᓂᕈᒪᒍᕕᓪᓘᓐᓃᑦ, ᐅᓇ ᖃᐅᔨᒋᐊᕐᕕᒋᓗᒍ:

ᐃᓕᓴᐱ ᑳᑉᓚᓐ
ᑐᖁᖓᔪᓕᕆᔨᒻᒪᕆᒃ
ᒪᓕᒐᓕᕆᔨᒃᑯᑦ
ᑐᖁᖓᔪᓕᕆᔨᓪᓗᐊᑕᐅᑉ ᑎᑎᕋᕐᕕᖓ
ᐃᓂᐊ 590, ᑎᑎᖅᑲᒃᑯᕕᐊ 1000
ᐃᖃᓗᐃᑦ, ᓄᓇᕗᑦ
867 975 6318 (ᑎᑎᕋᕐᕕᖕᒥ)
867 975 6367 (ᓱᒃᑲᔪᒃᑯᑦ)
ᐃᕐᖐᓐᓈᖅᑕᐅᒃᑯᑦ: ecopland@gov.nu.ca