ᐅᖃᓚᐅᑎᓯᐅᑏᑦ

You are here

ᓄᓇᓕᖕᓂ ᑐᓴᕆᐊᕐᕕᖃᕐᓂᐊᖅᑐᑦ ᓴᖅᑭᖅᑕᐅᔪᒪᔪᒧᑦ ᐃᓅᖃᑎᒌᑦ ᐃᖅᑲᖅᑐᐃᕕᒃᑯᑦ ᐱᖁᑎᖏᓐᓂᒃ ᐊᖅᓵᖅᑕᐅᔾᔪᑎᒥᒃ ᒪᓕᒐᕐᒥᒃ

ᓄᕕᐱᕆ 12, 2015

ᑭᒃᑯᓕᒫᓄᑦ ᑐᓴᒐᒃᓴᖅ 

ᓄᓇᓕᖕᓂ ᑐᓴᕆᐊᕐᕕᖃᕐᓂᐊᖅᑐᑦ ᓴᖅᑭᖅᑕᐅᔪᒪᔪᒧᑦ ᐃᓅᖃᑎᒌᑦ ᐃᖅᑲᖅᑐᐃᕕᒃᑯᑦ ᐱᖁᑎᖏᓐᓂᒃ ᐊᖅᓵᖅᑕᐅᔾᔪᑎᒥᒃ ᒪᓕᒐᕐᒥᒃ 

ᓄᓇᕗᒻᒥ ᒐᕙᒪᒃᑯᑦ ᑐᒃᓯᕋᕐᒪᑕ ᓄᑖᒥᒃ ᒪᓕᒐᕐᒥᑦ ᑐᕌᕆᓗᒍ ᐱᕋᔭᖕᓂᖅ ᓲᕐᓗ ᐃᒥᐊᓗᖕᓂᑦ ᓂᐅᕕᐊᒃᓴᖃᕐᓂᖅ ᐋᖓᔮᖕᓇᖅᑐᓂᒡᓗ ᓂᐅᕕᐊᒃᓴᖃᕐᓂᖅ ᓄᓇᕗᒻᒥ. 

ᓄᑖᖅ ᒪᓕᒐᖅ ᐱᕕᖃᖅᑎᑦᑎᓂᐊᖅᑐᖅ ᓄᓇᕗᒻᒥ ᒐᕙᒪᒃᑯᓐᓂ ᑎᒍᓯᓗᑎᒃ ᐃᖅᑲᖅᑐᐃᕕᒃᑯᑦ ᑎᓕᓯᔾᔪᑎᒥᒃ ᐊᖅᓵᖅᓯᓂᕐᒥᑦ ᓇᖕᒥᓂᕆᔭᐅᔪᓂᒃ ᓇᓕᐅᒃᑰᑐᐃᓐᓇᖅᑐᒥᒃ “ᖃᑭᒍᑕᒥᓂᕐᓂᒃ” “ᐱᕋᔭᔾᔪᑎᖏᓐᓂᓪᓘᓐᓃᑦ” ᐱᕋᔭᖕᓂᒃᑯᑦ ᖃᓄᐃᓕᐅᕈᑎᓄᑦ. ᓲᕐᓗ, ᒐᕙᒪᒃᑯᑦ ᑎᒍᓯᔪᓐᓇᕐᓗᑎᒃ ᑮᓇᐅᔭᓂᒃ ᐱᔭᐅᔪᓂᒃ ᐱᕋᔭᖕᓂᒃᑯᑦ ᐃᒥᐊᓗᖕᓂᑦ ᐋᖓᔮᖕᓇᖅᑐᓂᒡᓗ ᓂᐅᕕᐊᒃᓴᖃᖅᑐᓂᑦ, ᐃᖏᕐᕋᔾᔪᑎᓂᒃᓗ ᐊᓯᖏᓐᓂᒃᓘᓐᓃᑦ ᐱᖁᑎᓂᑦ ᐊᑐᖅᑕᐅᔪᓂᒃ ᐃᒥᐊᓗᖕᓂᑦ ᓂᐅᕕᐊᒃᓴᖃᖅᑐᓄᑦ, ᑎᒃᓕᒃᑐᓄᑦ, ᐊᔾᔨᕐᓚᖏᓐᓄᓪᓘᓐᓃᑦ ᐱᕋᔭᒃᑐᓄᑦ ᖃᓄᐃᓕᐅᕈᑎᓄᑦ. 

ᐃᓱᒪᕖᑦ ᐃᓅᖃᑎᒌᑦ ᐃᖅᑲᖅᑐᐃᕕᒃᑯᑦ ᐱᖁᑎᖏᓐᓂᒃ ᐊᖅᓵᖅᑕᐅᔾᔪᑎᒥᒃ ᒪᓕᒐᖅ ᐊᑑᑎᖃᕋᔭᕐᒫᖔᑦ ᓄᓇᕗᒻᒥ? ᐅᖃᐅᓯᑦᓴᖃᕈᓐᓇᖅᑐᑎᑦ ᐃᓱᒪᒋᔭᕐᓂᒃ ᒥᑦᓵᓄᑦ ᑐᒃᓯᕋᖅᑕᒧᑦ ᓄᑖᒧᑦ ᒪᓕᒐᕐᒧᑦ. 

ᑐᓴᕆᐊᕐᕕᖃᖃᑦᑕᓛᖅᑐᑦ ᐅᑯᓇᓂ ᓄᓇᓕᖕᓂ: 

  • ᐸᖕᓂᖅᑑᒥᑦ ᓄᕕᐱᕆ 17, ᐱᙳᐊᕐᕕᐊᓂᑦ 7−ᒧᐊᖅᐸᑦ ᐅᓐᓄᒃᑯᑦ 
  • ᒥᑦᑎᒪᑕᓕᖕᒥᑦ ᓄᕕᐱᕆ 26, ᐱᙳᐊᕐᕕᐊᓂᑦ 7−ᒧᐊᖅᐸᑦ ᐅᓐᓄᒃᑯᑦ 
  • ᐃᖃᓗᖕᓂᑦ ᑎᓯᐱᕆ 2, ᐊᖕᓕᑲᓐᑯᑦ ᑲᑎᒪᕕᐊᓂᑦ 7−ᒧᐊᕐᐸᑦ ᐅᓐᓄᒃᑯᑦ 

ᑕᒧᓗᒐᒃᓴᑦ ᐱᑕᖃᖅᑎᑕᐅᓂᐊᖅᑐᑦ, ᐃᓚᐅᔪᓪᓗ ᐱᕕᖃᕐᓂᐊᖅᑐᑦ ᓴᓛᖃᕈᑎᓂᒃ. 

ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓴᕆᐊᕐᕕᖃᖃᑦᑕᓛᕐᓂᖏᑕ ᒥᑦᓵᓄᑦ, ᖃᐅᔨᒋᐊᕐᕕᒋᓗᒋᑦ ᒪᓕᒐᓕᕆᔨᒃᑯᑦ ᐊᑐᐊᒐᓕᕆᔨᖏᑦ,, ᓄᓇᓕᔅᓯᓐᓂ ᐃᖅᑲᑐᐃᔨᓕᕆᔨ, ᓄᓇᓕᔅᓯᓐᓂᓘᓐᓃᑦ ᐃᖅᑲᖅᑐᐃᔨᓕᕆᓂᕐᒧᑦ ᑭᒡᒐᖅᑐᐃᔨᒧᑦ. 

### 

ᐱᕙᓪᓕᐊᔪᓄᑦ ᑐᓴᕆᐊᕐᕕᒃᓴᖅ: 

ᐹᑉᕋ ᐋᓐ ᑎᐅᓂ 
ᐊᑐᐊᒐᓄᑦ ᖃᐅᔨᓴᖅᑎ 
ᒪᓕᒐᓕᕆᔨᒃᑯᑦ 
867-975-6335
btierney@gov.nu.ca