ᐅᖃᓚᐅᑎᓯᐅᑏᑦ

You are here

ᓂᕈᐊᕋᑦᓴᙳᑎᑦᓯᓂᖅ ᓄᓇᕗᒻᒥ ᐱᕋᔭᖅᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ

ᐊᒐᓯ 09, 2021

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓂᕈᐊᕋᑦᓴᙳᑎᑦᓯᓂᖅ ᓄᓇᕗᒻᒥ ᐱᕋᔭᖅᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ

ᒪᓕᒐᓕᕆᔨᒃᑯᑦ ᐱᓇᓱᐊᕈᑎᓂᑦ ᐱᔪᒪᓕᕐᒥᔪᑦ ᑭᒃᑯᑐᐃᓐᓇᕐᓂᑦ ᐱᔪᒪᓂᖃᖅᑐᓂᑦ ᓄᓇᕗᒻᒥ ᐱᕋᔭᖅᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ (NCCRB).

ᐱᔭᕆᐊᖃᕐᓂᕐᒧᑦ ᐱᕋᔭᑦᑐᓄᑦ ᒪᓕᒐᖓ ᑲᓇᑕᒥ, ᓄᓇᕗᒻᒥ ᐱᕋᔭᖅᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᑦ ᓇᓗᓇᐃᖅᓯᓲᑦ ᐃᓄᒃ ᐃᖅᑲᖅᑐᐃᔨᒧᑦ ᐃᓱᒪᖃᑦᑎᐊᙱᓐᓂᖓᓄᑦ ᐃᖅᑲᖅᑐᕋᒃᓴᐅᙱᓐᓂᕋᖅᑕᐅᓲᖅ ᐅᕝᕙᓘᓐᓃᑦ ᐃᓱᒪᖓ ᖃᓄᐃᑦᑐᒥᓂᐅᓂᖓᓄᑦ ᐱᕋᔭᒍᓐᓇᕆᐊᒥᒃ ᐊᔪᕐᓂᕋᖅᑕᐅᔪᖅ. ᑖᒃᑯᐊ ᐃᓂᑖᖅᑎᑦᓯᓂᐅᔪᑦ ᐃᓚᖃᖅᑐᑦ ᑎᒍᔭᐅᓯᒪᔪᓂᑦ ᐋᓐᓂᐊᕐᕕᒻᒥ, ᐊᓂᑎᑕᐅᓂᕐᒧᑦ ᓄᓇᓕᓐᓄᑦ ᒪᓕᒋᐊᖃᖅᑎᑕᐅᓗᓂ, ᐱᕋᔭᓐᓂᑖᖅᑎᑕᐅᙱᑦᑐᓄᓪᓘᓐᓃᑦ ᑕᐃᒃᑯᓄᖓ ᐃᓱᒪᒋᔭᐅᔪᓄᑦ ᐱᕋᔭᑦᓯᒪᙱᑦᑐᑦ.

ᐃᓱᒪᓕᕆᔩᑦ, ᒪᓕᒐᓕᕆᔩᑦ ᐃᓚᒋᔭᐅᑦᓯᐊᕆᐊᓖᑦ ᒪᓕᒐᓕᕆᓂᕐᒧᑦ ᑲᑎᒪᔨᓄᑦ, ᐃᓚᒋᔭᐅᑦᓯᐊᓗᑎᓪᓗ ᑭᒃᑯᑐᐃᓐᓇᕐᓄᕐᑦ ᓄᓇᓕᓐᓂᑦ ᓄᓇᕘᓕᒫᒥᑦ ᖃᐃᖁᔭᐅᔪᑦ ᐱᓇᓱᐊᕈᔭᐅᑦᓱᑎᒃ. ᓄᓇᕗᒻᒥ ᐱᕋᔭᖅᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᑲᑎᒪᔾᔪᓯᐊᖃᑦᑕᕐᓂᐊᖅᐳᑦ ᐱᔨᑦᑎᕋᐅᑎᒥᓄᑦ.

ᐱᓇᓱᐊᕈᒪᒍᕕᑦ, ᐊᑐᐃᓐᓇᐅᑎᑦᓯᓗᑎᑦ ᑎᑎᖅᑲᕐᒥ ᐃᖅᑲᓇᐃᔮᕆᓯᒪᔭᑎᓪᓗ ᑎᑎᕋᖅᓯᒪᔪᑦ ᐅᕗᖓ ncrb@gov.nu.ca.

ᑐᑭᓯᒋᐊᑲᓐᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᓄᓇᕗᒻᒥ ᐱᕋᔭᖅᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᐅᕗᖓ ncrb@gov.nu.ca ᐅᕝᕙᓘᓐᓃᑦ ᐅᕗᖓ 867-975-6533.

ᐱᓇᓱᐊᓂᕐᒧᑦ ᐱᕕᖃᖅᑎᑕᐅᔪᑦ ᐃᓱᖃᕐᓗᓂ ᐊᐅᒡᒍᓯ 20, 2021−ᒥ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᖏᖕᖑᓚᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca