ᐅᖃᓚᐅᑎᓯᐅᑏᑦ

You are here

ᒥᓂᔅᑕ ᐃᕼᐊᓗᐊᒃ ᐅᖃᐅᓯᑦᓴᓕᒃ ᐸᓖᓯᒃᑯᑦ ᖃᓄᐃᓕᒍᑎᖃᖅᑐᒥᓂᐅᓂᖏᓐᓂᒃ ᑭᙵᕐᓂ

ᔫᓂ 02, 2020

ᓇᓗᓇᐃᕈᑎ

ᒥᓂᔅᑕ ᐃᕼᐊᓗᐊᒃ ᐅᖃᐅᓯᑦᓴᓕᒃ ᐸᓖᓯᒃᑯᑦ ᖃᓄᐃᓕᒍᑎᖃᖅᑐᒥᓂᐅᓂᖏᓐᓂᒃ ᑭᙵᕐᓂ

ᔩᓂ ᐃᕼᐊᓗᐊᒃ, ᒥᓂᔅᑕ ᒪᓕᒐᓕᕆᔨᒃᑯᓐᓄᑦ, ᐅᓪᓗᒥ ᓴᖅᑭᖅᑎᑦᓯᖅᑲᐅᔪᖅ ᐅᑯᓂᖓ ᓇᓗᓇᐃᕈᑎᖏᓐᓂᒃ:

“ᑕᑯᓯᒪᓕᖅᑕᕋ ᐊᔾᔨᓕᐅᖅᑕᒥᓂᖅ ᑭᙵᕐᓂ ᓴᖅᑭᔮᖅᑎᑕᐅᔪᖅ ᐃᓅᖃᑎᒌᓄᑦ ᖃᕆᓴᐅᔭᒃᑰᕈᑎᒃᑯᑦ ᐃᓱᒫᓘᑎᖃᒻᒪᕆᑦᑐᖓᓗ ᐊᑦᓱᕉᑎᖃᓗᐊᓚᐅᕐᓂᖓᓄᑦ ᑕᐃᒪᐃᒋᐊᑐᒐᓂ, ᐋᓐᓂᖅᑎᕆᓂᒥᓂᖓ ᐅᐱᒋᔭᖃᙱᓗᐊᕐᓂᖓᓂᓪᓗ ᑕᑯᓯᒪᔭᕋ. ᓄᓇᕗᒻᒥᐅᑦ ᑲᑉᐱᐊᓱᒋᐊᖃᙱᑦᑑᒐᓗᐊᑦ ᑕᐃᒪᐃᑦᑐᒥᒃ ᐱᓂᕐᓗᑦᑕᐅᒐᔭᕐᓂᕐᒥᒃ ᐃᑉᐱᒋᔭᐅᑦᓯᐊᙱᓐᓂᕐᒥᓪᓗ ᐊᑦᑕᓇᖅᑐᒦᑦᑕᐃᓕᑎᑕᐅᒋᐊᖃᕐᓂᕐᒥᒃ ᐃᓅᓂᕐᒧᓪᓗ ᐱᔪᓐᓇᐅᑎᖏᓐᓂᒃ ᐃᑉᐱᒋᔭᐅᙱᓗᐊᖅᓯᒪᓂᕐᒧᑦ.

ᑲᑎᖃᑎᒋᓚᐅᖅᑕᒃᑲ ᐸᓖᓯᒃᑯᑦ “V” ᐊᖏᔪᖅᑳᖓᑦ ᐅᓐᓄᓴ ᓇᓗᓇᐃᔭᕐᕕᒋᓪᓗᒍ ᐃᓱᒫᓘᑎᖃᕐᓂᕋᖅᑐᖓ ᓂᙵᓯᒪᓂᕋᖅᑐᖓᓗ ᑕᒪᑐᒪ ᒥᑦᓵᓄᑦ. ᖃᐅᔨᒃᑲᖅᑕᐅᓯᒪᔪᖓ ᐊᖏᔪᖅᑳᖓᓄᑦ ᑎᓕᓯᓯᒪᓂᕋᖅᑐᓂ ᐃᒻᒥᒃᑰᖅᑐᓄᑦ ᓯᓚᑖᓐᓂᒃ ᖃᐅᔨᓴᖅᑕᐅᓂᐊᕐᓂᖓᓂᒃ ᐊᒻᒪᓗ ᐸᓖᓯᒃᑯᑦ ᐃᓗᐊᓂ ᖃᐅᔨᓴᖅᑕᐅᒻᒥᓗᓂ ᖃᓄᐃᓕᒍᑎᒥᓂᖏᓐᓄᑦ ᐸᓖᓯᐅᑉ. ᖃᐅᔨᒃᑲᖅᓯᒪᔭᒃᑲ ᒪᐅᓇᑐᐃᓐᓇᖅ ᐸᓖᓯᒃᑯᓐᓅᙱᑦᑐᓄᑦ ᕿᒥᕐᕈᔩᑦ ᐅᓐᓂᕐᓘᑕᐅᔪᓂᒃ ᑲᑎᒪᔨᖏᑦ ᑎᑎᖅᑲᑎᒍᓪᓗ ᑐᑦᓯᕋᓛᖅᑐᖓ ᕿᒥᕐᕈᔭᐅᖁᓪᓗᒍ ᓯᓚᑖᓃᖔᖅᑐᓄᑦ ᖃᐅᔨᓴᖅᑕᐅᓂᖓ ᐱᔭᕇᖅᑕᐅᓯᒪᓕᖅᑲᑦ.

ᑕᖅᑭᒐᓚᐅᓯᒪᔪᓂ ᐊᔪᕐᓇᖅᑑᓯᒪᒻᒪᑦ ᓄᓇᕗᒻᒥ ᓇᓗᓇᐃᕐᕕᒋᒍᒪᔭᑦᓯ ᑕᒪᓐᓇ ᐃᓱᒫᓘᑎᒋᒻᒪᕆᒃᑲᒃᑯ ᖄᖏᖅᑎᑕᐅᑐᐃᓐᓇᖁᓇᒍᓗ ᐃᓱᒪᑦᓴᖅᓯᐅᕈᑎᖃᑦᓯᐊᖅᓯᒪᓗᖓᓗ ᖃᓄᐃᓕᒋᐊᕈᑎᖃᕐᓂᐊᖅᑐᖓ ᑲᒪᒋᔭᐅᖁᓪᓗᒍ ᑕᒪᓐᓇ. ᓵᑕᒃᓴᐅᒍᑎᖃᕐᓂᒃᑯᑦ ᐸᓖᓯᒃᑯᑦ ᑲᔪᓯᒍᑎᖃᕈᓐᓇᖅᑐᑦ ᑐᙵᕕᓕᐅᕐᓂᕐᒥᒃ ᐃᓅᖃᑎᒌᑦᓯᐊᖃᑎᖃᕐᓂᒥᓪᓗ ᓄᓇᕗᒻᒥᐅᓂᒃ.”

###

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ:

ᔨᐊᓯᑲ ᔭᖕ
ᑐᑭᒧᐊᖅᑎᑦᓯᔨ ᐊᑐᐊᒐᓕᕆᓂᕐᒧᑦ ᐸᕐᓇᐃᓂᕐᒧᓪᓗ
ᒪᓕᒐᓕᕆᔨᒃᑯᑦ
867-975-6158
Jessica.Young@gov.nu.ca