ᐅᖃᓚᐅᑎᓯᐅᑏᑦ

You are here

ᒪᓕᒐᓕᕆᔨᒃᑯᓐᓄᑦ ᑲᑎᒪᔨᕋᓛᒃᓴᖅᓯᐅᖅᑐᑦ ᑭᒻᒥᕈᕐᒥ ᑲᖏᖅᑐᒑᐱᖕᒥᓗ

ᑎᓯᐱᕆ 17, 2019

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᒪᓕᒐᓕᕆᔨᒃᑯᓐᓄᑦ ᑲᑎᒪᔨᕋᓛᒃᓴᖅᓯᐅᖅᑐᑦ ᑭᒻᒥᕈᕐᒥ ᑲᖏᖅᑐᒑᐱᖕᒥᓗ

ᖃᐅᔨᒪᔭᖃᖅᐱᑦ ᐊᒻᒪ ᐱᓕᕆᓯᒪᓂᑰᕕᑦ ᐃᓄᖕᓂ ᐱᔾᔪᑕᐅᕙᒃᑐᓂᒃ, ᐋᖅᑭᐅᒪᓂᕐᒧᑦ ᐃᖅᑲᖅᑐᐃᓂᕐᒥᒃ ᐊᒻᒪ ᐃᓄᐃᑦ ᐃᓕᖅᑯᓯᑐᖃᕆᓚᐅᖅᑕᖓᓂ ᐊᓐᓂᕆᔭᐅᔪᓄᑦ? ᐃᑲᔪᖃᑕᐅᔪᒪᓇᔭᖅᐱᑦ ᐱᕋᔭᒃᑕᐅᓲᓄᑦ ᐊᒻᒪ ᐸᓯᔭᒃᓴᙳᖅᑎᑕᐅᓲᓄᑦ?

ᐅᖃᐅᔾᔨᒋᐊᖅᑏᑦ ᒪᓕᒐᓕᕆᓂᕐᒧᑦ ᑲᑎᒪᔨᕋᓛᖏᑦ ᑭᒻᒥᕈᕐᒥ ᐊᒻᒪ ᓱᓗᒑᖅᒪᓕᒐᓕᕆᓂᕐᒧᑦ ᑲᑎᒪᔨᕋᓛᑦ ᑲᖏᖅᑐᒑᐱᖕᒥᒫᓐᓇ ᐃᓚᒋᔭᒃᓴᒥᓂᒃ ᑲᑎᒪᔨᕋᓛᖑᖃᑕᐅᓂᐊᖅᑐᓂᒃ ᕿᓂᕐᒪᑕ. ᑲᑎᒪᔨᕋᓛᑦ ᐊᑭᓕᖅᓱᖅᑕᐅᓇᑎᒃ ᐱᓕᕆᖃᑦᑕᖅᑐᑦ ᐊᒻᒪ ᑲᑎᒪᔾᔪᓯᐊᖅᑎᑕᐅᓲᑦ ᑲᑎᒪᒐᖔᑕ. ᓄᓇᒋᔭᖓᓂ ᐅᕝᕙᓘᓃᑦ ᐊᐅᓪᓚᕋᔭᖅᑐᑦ ᐱᓕᒻᒪᒃᓴᕐᓂᕐᒧᑦ ᐃᓕᓐᓂᐊᖅᑎᑕᐅᓗᑎᒃ.

ᐱᓇᔪᖃᑕᐅᓂᕐᒧᑦ ᐃᓱᓕᕝᕕᖃᖅᑐᖅ ᔭᓄᐊᕆ 16, 2020. ᐊᑏ ᐱᓇᔪᖃᑕᐅᔪᒪᒍᕕᑦ, ᐱᓕᕆᐊᕆᖃᑦᑕᖅᓯᒪᔭᕕᑦ ᐃᖅᑲᓇᐃᔭᕐᓂᒃᑯᑦ ᐅᓂᒃᑳᖓ ᐊᒻᒪ ᐱᕋᔭᖕᓂᑰᖕᒪᖔᖅ ᖃᐅᔨᓴᖅᑕᐅᔾᔪᑎᖓᑕ ᑎᑎᖅᑲᖓ ᐅᕗᖓ ᑐᕌᖅᑎᓪᓗᒍ:

ᐅᖃᐅᔾᔨᒋᐊᖅᑏᑦᒪᓕᒐᓕᕆᕐᓂᕐᒧᑦ ᑲᑎᒪᔨᕋᓛᑦ, ᑭᒻᒥᕈᑦ ᐹᐳᕋ ᓵᒋᐊᖅᑐᖅ, ᑭᒻᒥᕈᕐᒥ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎ ᐃᕐᖐᓐᓈᖅᑕᐅᑎᖃᖅᑐᖅ bsagiaktuk@gov.nu.ca ᐅᖄᓚᕝᕕᒋᔪᓐᓇᖅᑕᐃᓪᓘᓃᑦ 867-939-2001−ᒧᑦ
ᓱᓗᒑᖅᒪᓕᒐᓕᕆᓂᕐᒧᑦ ᑲᑎᒪᔨᕋᓛᑦ, ᑲᖏᖅᑐᒑᐱᒃ ᔮᓱᐊ ᐋᑲᕚᒃ, ᑲᖏᖅᑐᒑᐱᖕᒥ ᐃᖅᑯᖅᑐᐃᕕᓕᕆᔨᒃᑯᓐᓄᑦ ᐃᑲᔪᖅᑎ ᐃᕐᖐᓐᓈᖅᑕᐅᑎᖃᖅᑐᖅ joshua_akavak@ilisaqsivik.ca ᐅᕝᕙᓘᓃᑦ ᐅᖄᓚᕝᕕᒋᔪᓐᓇᕐᒥᔭᐃᑦ 867-924-6565−ᒧᑦ.

ᐱᓇᔪᒍᑎᒋᔭᐅᔪᑦ ᐊᐅᓪᓚᖅᑎᑕᐅᔪᓐᓇᕐᒥᔪᑦ ᐅᐃᕕᕈ ᑕᒃᐸᐅᖓᐃᒧᑦ utapaungai@gov.nu.ca ᓱᒃᑲᔪᒃᑯᑦ 867-897-3687-ᒧᑦ ᐅᕝᕙᓘᓃᑦ ᐅᖄᓚᔪᓐᓇᖅᐳᑎᑦ ᐊᐱᖅᑯᑎᒃᓴᖃᕈᕕᑦ ᐅᕗᖓ 867-897-3642-ᒧᑦ.

ᒪᓕᒐᓕᕆᓂᕐᒧᑦ ᑲᑎᒪᔨᕋᓛᑦ ᓄᓇᕗᒻᒦᑐᑦ ᑐᙵᕕᖃᓲᖑᔪᑦ ᓄᓇᓕᖕᓂᖔᖅᑐᐃᑦ ᐋᖅᑭᒃᓱᖅᑕᖏᓐᓂᒃ ᐱᕋᔭᒃᑕᐅᔪᕕᓂᕐᓂᒃ ᐃᑲᔪᕋᓱᒃᖢᑎᒃ ᐊᒻᒪ ᐸᓯᔭᒃᓴᓕᐊᙳᖅᓯᒪᔪᖅ ᐋᖅᑭᒃᓱᐃᖃᑎᒋᔭᐅᓇᓱᒃᐸᒃᖢᑎᒃ ᑲᑎᒪᔨᕋᓛᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑳᕐᓖ ᑭᓐᑖᓪ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6174
kkendall@gov.nu.ca