ᐅᖃᓚᐅᑎᓯᐅᑏᑦ

You are here

ᑲᓇᑕᒥ ᐅᑎᖅᑎᑦᑎᓂᖕᒧᑦ ᐃᓕᖅᑯᓯᑐᖃᕆᓚᐅᑕᖓᓄᑦ ᒪᓕᒐᓕᕆᓂᖕᒧᑦ ᐱᓇᓱᐊᕈᓯᐊᓂᑦ

ᓄᕕᐱᕆ 22, 2021

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᑲᓇᑕᒥ ᐅᑎᖅᑎᑦᑎᓂᖕᒧᑦ ᐃᓕᖅᑯᓯᑐᖃᕆᓚᐅᑕᖓᓄᑦ ᒪᓕᒐᓕᕆᓂᖕᒧᑦ ᐱᓇᓱᐊᕈᓯᐊᓂᑦ

ᐅᑭᐅᖑᔪᖅ ᑲᓇᑕᒥ ᒪᓕᒐᓕᕆᓂᒃᑯᑦ ᐃᓕᖅᑯᓯᑐᖃᐅᓚᐅᖅᑐᒧᑦ ᐅᑎᖅᑎᑦᑎᓇᓱᐊᕐᓂᖅ ᐱᓇᓱᐊᕈᓯᖃᕐᓂᐊᖅᑐᖅ ᓄᕕᐱᕿ 21-ᒥᑦ 28−ᒧᑦ. ᐱᓇᓱᐊᕈᓯᖃᖅᑎᑕᐅᓂᖓᓕ ᐱᔾᔪᑎᖃᖅᑐᖅ ᑐᑭᓯᐅᒪᔭᐅᓂᖅᓴᐅᓕᖅᑎᑕᐅᓇᓱᐊᖅᖢᓂ ᐅᖃᐅᓯᖅᑕᖓᒍᑦ ᐊᑐᖅᑕᐅᕙᖕᓂᖓᒍᓪᓗ ᑲᓇᑕᒥ ᓄᓇᓕᖕᓂ ᐱᕋᔭᒃᑐᓕᕆᓂᖅ.

ᐱᕋᔭᓚᐅᖅᓯᒪᔪᕕᓂᕐᓄᑦ ᒪᓕᒐᓕᕆᖃᑦᑕᕐᓂᖅ ᓄᓇᓕᖕᒥᐅᑦ ᑭᐅᔾᔪᑎᒋᕙᒃᐸᐅᒃ ᐱᕋᔭᒍᑕᐅᕙᒃᑐᓄᑦ. ᐱᓇᔫᑕᐅᔪᖅ ᑕᒪᑐᒥᖓᓕ ᓄᓇᕗᒻᒥᐅᑦ ᐃᓚᐅᖃᑕᐅᖃᑦᑕᖁᔭᐅᓪᓗᑎᒃ ᐱᕋᔭᒃᑐᓕᕆᓂᖅ ᑎᑎᖅᑲᓕᕆᔭᐅᕙᖕᓂᖓ ᑲᒪᒋᔭᐅᓂᖓᓗ ᓄᓇᓕᖕᒥᐅᓄᑦ. ᑲᑎᔾᔪᑕᐅᕙᒃᐳᖅ ᐱᕋᔭᒃᑕᐅᔪᕕᓂᖅ, ᐱᕋᔭᒃᑐᕕᓂᖅ ᐊᒻᒪᓗ ᐊᓯᖏᑦ ᓄᓇᓕᖕᒥᐅᑦ ᐊᑕᐅᓯᕐᒧᐊᖅᑕᐅᓪᓗᑎᒃ ᖃᓄᖅ ᑖᓐᓇ ᐱᕋᔭᒃᑕᐅᔪᕕᓂᖅ ᐱᔭᕆᐊᓕᖏᓐᓂᒃ, ᐱᕋᔭᒃᑐᕕᓂᖅ ᓵᑕᐅᔭᕆᐊᖃᕐᓂᖓᓄᑦ ᐊᒻᒪᓗ ᑭᓱ ᐱᔾᔪᑕᐅᖕᒪᖔᖅ ᐱᕋᔭᖃᑦᑕᕐᓂᕐᒧᑦ ᖃᓄᖅᑑᕈᑕᐅᓪᓗᓂ.

ᓄᓇᓕᖕᒥ ᒪᓕᒐᓕᕆᓂᕐᒧᑦ ᑲᑎᒪᔩᑦ, ᓄᓇᓕᖕᒥ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎᑦ ᐊᒻᒪᓗ ᓄᓇᓕᖕᓂ ᐃᖅᑲᖅᑐᐃᔪᓕᕆᔨᒃᑯᑦ ᓄᓇᕗᒻᒥ ᐱᓕᕆᔨᒻᒪᕆᐅᖕᒪᑕ ᒪᓕᒐᓕᕆᓂᕐᒥᒃ ᓄᓇᓕᖕᓂ ᐱᕋᔭᒃᐸᒃᑐᓂᒃ ᑖᒃᑯᓇᓂᓗ 25−ᓂ ᓄᓇᓕᖕᓂ ᓯᕗᓕᖅᑎᐅᖃᑕᐅᓪᓗᑎᒃ. ᐱᕋᔭᖕᓂᐅᖃᑦᑕᖅᑐᖅᑕᐅᖅ ᐱᓕᕆᐊᖑᓇᓱᐊᖅᐸᒃᑭᕗᖅ ᐱᕋᔭᒃᑑᑉ ᐃᓕᖅᑯᓯᖓ ᒪᓕᒃᑕᐅᓪᓗᓂ ᐊᒻᒪ ᓈᒻᒪᒃᑑᓇᓱᐊᖅᖢᑎᒃ ᓲᕐᓗ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᖅᑕᐅᓪᓗᑎᒃ ᑲᒪᒋᔭᖃᓕᕌᖓᒥᒃ ᐱᕋᔭᖕᓂᕐᒥᒃ.

ᓄᓇᕗᒻᒥᐅᑦ ᐃᑲᔪᖅᓯᖅᑕᐅᕗᑦ ᓄᓇᓕᖕᒥ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎᒧᑦ ᑐᑭᓯᒋᐊᒃᑲᓐᓂᖁᔭᐅᓪᓗᑎᒃ ᑐᑭᓯᐅᒪᓂᖅᑖᒃᑲᓐᓂᕈᓐᓇᕐᓂᐊᕐᒪᑕ ᐃᓕᑦᑎᒃᑲᓐᓂᕐᓗᑎᒡᓗ ᒪᓕᒐᓕᕆᓂᒃᑯᑦ ᐃᓕᖅᑯᓯᕆᔭᐅᕙᒃᑐᓂᒃ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᐅᕙᓂ ᓇᓂᓯᔪᖃᕈᓐᓇᖅᐳᖅ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᒋᖕᒍᕋᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca