ᐅᖃᓚᐅᑎᓯᐅᑏᑦ

You are here

ᑲᓇᑕᓕᒫᒥ ᐱᕋᔭᒃᑕᐅᓯᒪᔪᓄᑦ ᐊᓂᒍᐃᓯᒪᔪᓄᓪᓗ ᐱᓇᓱᐊᕈᓯᖅ

ᒪᐃ 16, 2022

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᑦ

ᑲᓇᑕᓕᒫᒥ ᐱᕋᔭᒃᑕᐅᓯᒪᔪᓄᑦ ᐊᓂᒍᐃᓯᒪᔪᓄᓪᓗ ᐱᓇᓱᐊᕈᓯᖅ

ᑲᓇᑕᓕᒫᒥ ᐱᕋᔭᒃᑕᐅᓯᒪᔪᓄᑦ ᐊᓂᒍᐃᓯᒪᔪᓄᓪᓗ ᐱᓇᓱᐊᕈᓯᕆᔭᐅᓂᐊᖅᐳᖅᒪᐃ 15−ᒥᑦ-21−ᒧᑦ, 2022. ᑕᒪᑐᒪᓂ ᐊᕐᕌᒍᒥ ᐅᓇ ᐱᔾᔪᑕᐅᓂᐊᖅᑐᖅ ᑲᑐᔾᔨᖃᑎᒌᒍᓐᓇᕐᓂᖅ.

ᐱᔾᔪᑎᒋᓪᓗᒍ ᐱᓕᕆᖃᑎᒌᓐᓂᖅ/ᐃᑲᔪᖅᑎᒌᓐᓂᖅ (ᐱᓕᕆᖃᑎᒌᒡᓗᑕ ᑲᑐᔾᔨᖃᑎᒌᒡᓗᑕ ᑐᕌᖅᑕᑦᑎᓐᓄ) ᓄᓇᕗᒻᒥ ᐱᕋᔭᒃᑕᐅᔪᕕᓂᕐᓄᑦ ᐱᔨᑦᑎᕋᖅᑏᑦ ᐊᕿᒃᓱᐃᓂᐊᕐᒪᑕ ᖃᓄᐃᓕᐅᕈᑕᐅᓂᐊᖅᑐᓂ ᐱᔨᑦᑎᕋᑦᑎᓄᑦ, ᐱᖃᖅᑎᐅᖃᑕᐅᔪᓄ, ᓄᓇᓕᖕᓄᓪᓗ ᐃᓚᒋᔭᐅᔪᓄᑦ ᐊᔾᔨᒌᖏᑦᑐᑦ ᓄᓇᓕ`ᓄᑦ.

ᐱᓇᓱᐊᕈᓯᐅᑉ ᐃᓗᐊᓂ, ᓄᓇᕗᒻᒥᑦ ᐱᕋᔭᒃᑕᐅᔪᕕᓂᕐᓄᑦ ᐱᔨᑦᑎᕋᖅᑏᑦ ᑐᓴᐅᒪᔭᐅᔭᕆᐊᖃᖅᑐᓂ ᑲᑎᑦᑎᓛᕐᒪᑕ ᐱᔨᑦᑎᕐᓂᕐᒧᑦ, ᓄᓇᓕᖕᓂ ᓂᕆᑎᕐᑎᓗᑎ ᓄᓇᓖᑦ 8−ᖑᔪᑦ ᐊᒻᒪᓗ ᐃᓯᑐᐃᓐᓇᕈᓐᓇᕐᓗᑎ ᑲᖏᖅᖠᓂᕐᒥᑦ ᐅᖃᖃᑎᒌᒡᓗᑎ ᑲᔪᓯᑎᑦᑎᓗᑎ ᐃᓄᐊᖅᑕᐅᓯᒪᔪᓂᑦ ᐊᓯᐅᓯᒪᔪᓂᓪᓗ ᓄᓇᖃᖅᑳᖅᓯᒪᔪᓂᑦ ᐊᕐᓇᓂᑦ ᓂᕕᐊᖅᓵᓗ.

ᐱᕋᔭᒃᑕᐅᓯᒪᔪᑦ ᐊᓂᒍᐃᓯᒪᔪᓪᓗ ᐱᕋᔭᖕᓂᒃᑯᑦ ᐱᑕᖃᖅᐳ ᐃᑲᔪᖅᑕᐅᔾᔪᑎᓂᑦ ᒪᒥᓴᕐᓐᓂᒃᑯᑦ, ᐱᕋᔭᒃᑕᐅᓯᒪᔪᓄᑦ ᐱᔨᑦᑎᕋᐅᑏᑦ ᑕᑯᔭᒃᓴᖑᖅᑎᑕᐅᓂᒃᑯᑦ, ᐱᕋᔭᒃᑕᐅᓯᒪᔪᑦ ᐊᒃᑐᖅᑕᐅᓯᒪᓂᖏᓐᓄᑦ ᓇᓗᓇᐃᔭᖅᓯᒪᔪᑦ  ᐃᑲᔪᕈᑎᒃᓴᐃᓪᓗ ᐃᓚᒌᓄᑦ ᐊᒃᑐᖅᑕᐅᓯᒪᔪᓄᑦ ᐃᓄᐊᖅᑕᐅᓯᒪᔪᓂᑦ ᐊᓯᐅᓯᒪᔪᓂᓪᓗ ᓄᓇᖃᖅᑳᖅᓯᒪᔪᓂᑦ ᐊᕐᓇᓂᑦ ᓂᕕᐊᖅᓵᓗ. 

ᐱᕋᔭᒃᑕᐅᓯᒪᔪᑦ ᐱᔨᑦᑎᕋᖅᑎᖏᑦ ᐅᖃᐅᓯᐅᕈᓘᔭᔾᔮᙱᑦᑐᑦ, ᑲᒪᒋᔭᐅᔪᒧᑦ−ᑐᕌᖓᓪᓗᓂ ᐃᑲᔪᖅᑐᐃᔨᑦ ᐱᔨᑦᑎᕋᕐᕕᖏᑦ ᐱᕋᔭᒃᑕᐅᔪᓄᑦ ᐊᒻᒪ ᐊᓂᒍᐃᓯᒪᔪᓄᑦ, ᓄᓇᕘᓕᒫᒥ ᐊᑐᐃᓐᓇᐅᓪᓗᓂ. ᐱᕋᔭᒃᑕᐅᓯᒪᒍᕕᑦ ᖃᐅᔨᒪᔭᖃᕈᕕᓪᓘᓐᓃᑦ ᐱᕋᔭᒃᑕᐅᓯᒪᔪᒥᒃ, ᐅᖄᓚᕝᕕᒋᓗᒋᑦ ᐱᕋᔭᒃᑕᐅᓯᒪᔪᓄᑦ ᐱᔨᑦᑎᕋᖅᑎᑦ ᐅᕗᒐ 1-866-456-5216 ᐃᕐᙲᓐᓈᖅᑕᐅᒃᑯᓪᓘᓐᓃᑦ VictimServices@gov.nu.ca−ᒧᑦ.

ᑐᑭᓯᒋᐊᒃᑲᓂᕋᒪᒍᕕᑦ ᖃᓄᐃᓕᐅᕐᓇᐅᓂᐊᖅᑐᓂᑦ, ᖃᐅᔨᒋᐊᕐᕕᒋᔪᓐᓇᖅᐸᑦ ᑕᕕᓐ ᒧᑎᒪ dmutema@gov.nu.ca ᐅᕝᕙᓗᓐᓃ ᐅᖃᓗᒡᓗᑎᑦ 867-975-6373

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᒋᖕᒍᕋᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca