ᐅᖃᓚᐅᑎᓯᐅᑏᑦ

You are here

ᑲᓇᑕᓕᒫᒥ ᐱᕋᔭᒃᑕᐅᓯᒪᔪᓄᑦ ᐊᓂᒍᐃᓯᒪᔪᓄᓪᓗ ᐱᓇᓱᐊᕈᓯᖅ

ᓄᕕᐱᕆ 15, 2021

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᑲᓇᑕᓕᒫᒥ ᐱᕋᔭᒃᑕᐅᓯᒪᔪᓄᑦ ᐊᓂᒍᐃᓯᒪᔪᓄᓪᓗ ᐱᓇᓱᐊᕈᓯᖅ

ᓄᕕᐱᕆ 15-ᒥᑦ 20−ᒧᑦ, 2021 ᑲᓇᑕᓕᒫᒥ ᐱᕋᔭᒃᑕᐅᓯᒪᔪᓄᑦ ᐊᓂᒍᐃᓯᒪᔪᓄᓪᓗ ᐱᓇᓱᐊᕈᓯᕆᔭᐅᓂᐊᖅᐳᖅ. ᑕᒪᑐᒪᓂ ᐊᕐᕌᒍᒥ ᐅᓇ ᐱᔾᔪᑕᐅᓂᐊᖅᑐᖅ ᑲᑐᔾᔨᖃᑎᒌᒍᓐᓇᕐᓂᖅ.

ᐱᐅᓯᕚᓪᓕᖅᑎᓪᓗᒍ ᐊᐅᓚᑦᑎᓂᖅ, ᐱᓕᕆᖃᑎᒌᖕᓂᖅ ᐊᒻᒪᓗ ᐅᓄᖅᑐᓂᑦ−ᐃᓂᖅᑎᕆᔾᔪᑎᓄᑦ ᑭᐅᔾᔪᑕᐅᔪᑦ ᐱᕋᔭᒃᑕᐅᕙᒃᑐᑦ ᐃᑲᔪᖅᑕᐅᑦᑎᐊᒃᑲᓐᓂᖁᓪᓗᒋᑦ ᐊᒻᒪᓗ ᐱᓕᕆᕝᕕᐅᖃᑎᒌᑦ ᑲᑐᔾᔨᖃᑎᒌᒃᑐᑦ ᐅᓄᖅᓯᒋᐊᕐᓗᒋᑦ, ᓄᓇᕗᒻᒥ ᐱᕋᔭᒃᑕᐅᓯᒪᔪᓄᑦ ᐱᔨᑦᑎᕋᖅᑏᑦ ᐱᔭᕆᐅᖅᓴᔾᔪᑎᒃᓴᓂᒃ ᓴᖅᑭᑎᑦᑎᓂᐊᖅᐳᑦ ᐅᓂᒃᑲᐅᓯᖃᕐᓗᑎᒡᓗ ᐃᓄᖕᓂᑦ ᐱᔨᑦᑎᕋᖅᑎᒋᔭᐅᕙᒃᑐᓄᑦ, ᓲᕐᓗ ᓄᓇᓕᖕᓂ ᐃᖅᑲᖅᑐᐃᕕᓕᕆᔨᒃᑯᑦ ᐃᑲᔪᖅᑎᖏᓐᓄᑦ ᐊᒻᒪᓗ ᐸᓖᓯᒃᑯᓐᓄᑦ.

ᓄᓇᕗᒻᒥ ᐱᕋᔭᒃᑕᐅᓯᒪᔪᑦ ᐱᔨᑦᑎᕋᖅᑎᖏᑦ ᐱᓇᔪᖃᑦᑕᖅᐳᑦ ᐱᑕᖃᙱᓐᓂᖏᑦ ᑲᒪᒋᔭᐅᓇᓱᒃᖢᑎᒃ ᐱᔨᑦᑎᕋᖅᑕᐅᖏᓐᓇᕆᐊᓕᖕᓄᑦ ᐊᒻᒪᓗ ᐊᑑᑎᖃᑦᑎᐊᖅᑐᒥᒃ ᐃᓕᖅᑯᓯᑦᑎᓐᓄᓪᓗ ᐊᒃᑐᐊᓂᓕᖕᒥᒃ ᐃᑲᔪᖅᑐᐃᔾᔪᑎᓂᒃ ᓴᖅᑭᑎᑦᑎᖁᓪᓗᒋᑦ ᐱᕋᔭᒃᑕᐅᓯᒪᔪᓄᑦ ᑕᑎᒋᔭᐅᔪᓐᓇᖅᑐᓂᑦ ᐃᖅᑲᖅᑐᐃᕕᓕᕆᓂᖅ ᐱᕙᓪᓕᐊᓂᓕᒫᖏᓐᓂ.

ᒪᓕᒐᓕᕆᔨᒃᑯᑦ ᐱᕋᔭᒃᑕᐅᓯᒪᔪᓂᑦ ᐊᓂᒍᐃᓯᒪᔪᓂᓪᓗ ᖃᐅᔨᒪᖁᔨᕗᑦ ᐃᓄᑑᙱᓐᓂᖏᓐᓂᒃ. ᐱᕋᔭᒃᑕᐅᓯᒪᔪᑦ ᐱᔨᑦᑎᕋᖅᑎᖏᑦ ᐅᖃᐅᓯᐅᕈᓘᔭᔾᔮᙱᑦᑐᑦ, ᑲᒪᒋᔭᐅᔪᒧᑦ−ᑐᕌᖓᓪᓗᓂ ᐃᑲᔪᖅᑐᐃᔨᑦ ᐱᔨᑦᑎᕋᕐᕕᖏᑦ ᐱᕋᔭᒃᑕᐅᔪᓄᑦ ᐊᒻᒪ ᐊᓂᒍᐃᓯᒪᔪᓄᑦ, ᓄᓇᕘᓕᒫᒥ ᐊᑐᐃᓐᓇᐅᓪᓗᓂ.

ᐱᕋᔭᒃᑕᐅᓯᒪᒍᕕᑦ ᖃᐅᔨᒪᔭᖃᕈᕕᓪᓘᓐᓃᑦ ᐱᕋᔭᒃᑕᐅᓯᒪᔪᒥᒃ, ᐅᖄᓚᕝᕕᒋᓗᒋᑦ ᐱᕋᔭᒃᑕᐅᓯᒪᔪᓄᑦ ᐱᔨᑦᑎᕋᖅᑎᑦ ᐅᕗᒐ 1-866-456-5216 ᐃᕐᙲᓐᓈᖅᑕᐅᒃᑯᓪᓘᓐᓃᑦ VictimServices@gov.nu.ca−ᒧᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᓴᐱᐅᓪ ᒋᖕᒍᕋᔅ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6324
igingras@gov.nu.ca