ᐅᖃᓚᐅᑎᓯᐅᑏᑦ

You are here

ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19 ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ ᑐᓴᒐᒃᓴᑦ

ᔪᓚᐃ 20, 2020

ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᔪᓚᐃ 20, 2020

ᒪᓕᒐᖅᑎᒍᑦ ᓇᓗᓇᐃᖅᓯᔨᑦ ᑎᑎᕋᕐᕕᖓ ᐅᒃᑯᐃᒃᑲᓐᓂᓛᓕᖅᐳᖅ ᑭᒃᑯᑐᐃᓇᓄᑦ ᐊᑐᖅᑕᐅᔪᓐᓇᖅᓯᓗᓂ ᓇᒡᒐᔾᔭᒥ, ᔪᓚᐃ 20-ᒥ ᐱᒋᐊᕐᓗᓂ. ᐊᑕᐅᓯᕐᒥᒃ ᐃᓄᖕᒥᒃ ᐊᑐᖅᑕᐅᔪᓐᓇᕐᓗᓂ.

ᐱᔨᑦᑎᕋᖅᑕᐅᔪᓕᒫᑦ ᑭᒡᓕᒋᑎᑕᐅᔪᓂᒃ ᓈᓚᑲᑕᒡᔫᒥᖁᔭᐅᔪᑦ ᐅᖓᓯᒌᒃᑕᑲᑕᐃᓐᓇᕐᓗᑎᒡᓗ 2 ᒦᑕ (6 ᐃᓯᒃᑲᓄᑦ). ᐱᔨᑦᑎᕋᖅᑕᐅᔪᑦ ᐅᖃᓗᖃᑦᑕᖁᔭᐅᕗᑦ 1-867-975-6590−ᒧᑦ ᐅᕝᕙᓘᓐᓃᑦ ᐃᕐᖐᓐᓈᖅᑕᐅᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ Corporate.Registries@gov.nu.ca ᐊᐱᖅᑯᑎᒃᓴᖃᑐᐊᕈᔅᓯ ᐃᓱᒫᓘᑎᖃᑐᐊᕈᔅᓯᓘᓐᓃᑦ ᒪᓕᒐᖅᑎᒍᑦ ᓇᓗᓇᐃᖅᓯᔨᑦ ᐱᔨᑦᑎᕋᐅᑎᖏᓐᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᒪᓕᒐᖅᑎᒍᑦ ᓇᓗᓇᐃᖅᓯᔨᑦ ᐃᑭᐊᖅᑭᕕᖓᓐᓄᐊᕐᓗᓯ ᖃᐅᔨᒋᐊᕈᓐᓇᖅᐳᓯ ᐅᓇ ᓇᕿᓪᓗᒍ.


ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒪᐃ 15, 2020

ᐃᓚᒋᔭᐅᔪᐃᑦ ᐳᓛᕆᐊᖃᑦᑕᕈᓐᓇᖅᓯᖕᒥᔪᑦ ᑎᒍᔭᐅᒪᕕᑦᑎᓐᓂᑦ ᐃᓂᒃᓴᓕᐅᕐᓂᒃᑯᑦ.

ᐃᓚᖏᓐᓂᑦ ᑭᒡᓕᖃᖕᓂᐊᕐᑐᑦ ᐊᑦᑕᖕᓇᖅᑕᐃᓕᒪᐃᓐᓇᖁᓪᓗᒋᑦ ᑎᒍᔭᐅᒪᔪᑦ ᐃᖅᑲᓇᐃᔭᖅᑎᓪᓗ. ᑲᔪᓰᓐᓇᖕᓂᖓᓂᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑐᖅ ᐊᓯᔾᔨᑐᐃᓐᓇᕆᐊᓕᒃ ᑐᓴᖅᑎᑦᑎᙱᓪᓗᑎᒃ.


ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒪᐃ 06, 2020

ᓄᓇᕗᑦ ᒐᕙᒪᖓ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᖃᐅᖅᐳᖅ ᐱᔨᑦᑎᕋᖁᑎᖃᐅᖅᐳᕐᓗ ᒪᓂᒪᓪᓗᑎᒡᓗ ᐃᑲᔪᖅᑐᐃᔾᔪᑕᐅᔪᒪᓪᓗᑎᒃ ᐱᓂᕐᓗᒡᕕᐅᓯᒪᔪᓂᒃ ᐋᓐᓂᖅᓯᖅᑕᐅᖃᑦᑕᖅᓯᒪᔪᓂᓪᓗ. ᐃᖅᑲᐃᑎᑦᑐᒪᕙᕗᑦ ᓄᓇᕗᒻᒥᐅᑦ ᓱᓕ ᑕᒫᓃᑉᐳᒍᑦ, ᐃᑲᔪᕈᓐᓇᖅᖢᑕᓗ ᑕᒪᑐᒪᓂ ᒫᓐᓇ ᐊᔪᕐᓇᓯᑐᖅᓯᐅᓇᖅᑐᒻᒪᕆᐊᓗᖕᒦᓐᓂᑦᑎᓐᓂ. ᖃᐅᔨᒪᕗᒍᑦ ᐃᓅᓯᖅ ᐊᔪᕐᓇᖅᑐᒻᒪᕆᐊᓘᓂᖓᓂᒃ ᐊᒥᓱᓄᑦ ᐃᓚᒌᓄᑦ ᐃᓄᑐᐃᓐᓇᓄᓪᓗ, ᑕᒪᓐᓇᓗ ᐊᒃᓱᕈᕐᓇᖅᓱᖅᑎᐅᖅᑎᑦᑎᒃᑲᓐᓂᕈᓐᓇᖅᖢᓂ ᐊᖏᕐᕋᕆᔭᐅᔪᓂ. ᐃᓱᒪᑦᑕᐃᓕᒋᑦ ᐃᒃᓯᓐᓇᑰᓇᓱᒋᓗᑎᑦ ᐃᓄᑑᓇᓱᒋᓗᑎᓪᓘᓐᓃᑦ, ᑕᒫᓃᑉᐳᒍᑦ ᐃᑲᔪᕈᒪᓪᓗᑕ.

ᐃᓄᐃᑦ ᐊᐱᕆᔭᐅᕗᑦ ᖃᐅᔨᒋᐊᕐᕕᖃᖁᔭᐅᓪᓗᑎᒃ ᐃᓚᒌᓂ ᐋᓐᓂᖅᓯᔪᖃᖅᐸᖕᓂᖓᓄᑦ ᐱᓕᕆᕝᕕᖃᖔᓕᕐᓂᕐᒧᑦ ᐱᖁᔭᕐᒧᑦ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦᐆᒥᖓ ᓈᓴᐅᒻᒥᒃ ᐊᑐᕐᓗᑎᒃ, 1-844-534-1038. ᑕᒪᓐᓇ ᐅᖄᓚᓂᖅ ᖃᐅᔨᓴᖅᑕᐅᓂᐊᖅᐳᖅ ᖃᐅᔨᒪᓕᕈᒪᓂᕐᒧᑦ ᐃᑲᔪᖅᑕᐅᔭᕆᐊᖃᕐᓂᕐᒧᑦ ᐱᔭᐅᔭᕆᐊᓕᖕᒧᑦ ᑐᕌᖅᑎᑕᐅᓗᓂ ᓄᓇᓕᖕᓂ ᐱᑐᐃᓐᓇᐅᙱᑦᑐᓕᕆᓂᕐᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᒋᔭᐅᔪᓄᑦ ᐊᑐᖅᑕᐅᔪᓐᓇᖅᑐᓂᒡᓗ ᓇᓗᓇᐃᖅᓯᔪᓐᓇᖅᖢᓂ. 

ᐱᓂᕐᓗᒡᕕᐅᓯᒪᔪᑦ ᐱᔨᑦᑎᕋᕐᕕᐅᕙᖕᓂᖏᓐᓄᑦ ᑎᑎᕋᕐᕕᒃ ᒫᓐᓇ ᑭᒃᑯᑐᐃᓐᓇᓄᑦ ᒪᑐᓯᒪᑲᓚᐅᖅᐳᖅ. ᑭᓯᐊᓂᓗᑦᑕᐅᖅ, ᓄᓇᕗᒻᒥᐊᑦ ᑎᑎᕋᕐᕕᖕᒧᑦ ᐅᖄᓚᔭᕆᐊᓖᑦ ᐅᖄᓚᔪᓐᓇᖅᐳᑦ ᐅᕗᖓ ᐊᑭᓕᕆᐊᖃᙱᑦᑐᒧᑦ, 1-866-456-5216-ᒧᑦ ᐅᕗᖓᓘᓐᓃᑦ ᖃᕆᑕᐅᔭᒃᑯᑦ ᑎᑎᕋᕐᓗᑎᒃ,victimservices@gov.nu.ca. ᐱᔨᑦᑎᕋᕐᓂᕆᔭᐅᔪᑦ ᐱᑎᑕᐅᖃᑦᑕᕐᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ.

 


ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒪᐃ 01, 2020

ᓄᓇᓕᖕᓂ ᒪᓕᒐᓕᕆᔨᑦ

ᑲᔪᓯᑎᑦᑎᕙᖕᓂᕆᔭᕗᑦ ᐱᓕᕆᖃᑎᖃᕐᓂᕐᒥᒃ ᐱᓕᕆᖃᑎᒋᔭᕆᐊᖃᖅᑕᑦᑎᓐᓂᒃ ᐊᑕᐅᓰᓐᓇᓕᓯᒪᐃᓐᓇᖅᐳᖅ ᐊᑐᖅᖢᓂ ᐋᖅᑭᒃᑕᐅᒃᑲᓐᓂᕆᐊᓚᐅᖅᓯᒪᔪᒥᒃ ᑲᔪᓯᑎᑦᑎᕙᖕᓂᕐᒧᑦ ᑲᔪᓯᔾᔪᑕᐅᑲᑦᑕᖅᑐᒥᑦ. ᐊᐴᑎᓯᒪᓗᑎᒃ ᑲᑎᒪᓃᑦ ᑕᒪᒃᑯᓄᖓ ᑭᓯᐊᓂ ᑐᐊᕕᕐᓇᖅᑐᓄᑦ ᐊᔪᕐᓇᙱᑎᑕᐅᕗᑦ, ᑕᐃᓐᓇ ᐱᓕᕆᖃᑎᒋᔭᐅᔪᖅ ᐅᖄᓚᐅᑎᖃᕈᓐᓇᙱᑉᐸᑦ ᑯᐊᖅᓵᕐᓇᙱᑦᑐᒥᓘᓐᓃᑦ ᐃᓂᒥᒃ ᐊᑐᕈᓐᓇᙱᓪᓗᓂ ᐱᓕᕆᔨᑦᑎᓐᓄᑦ ᖃᐅᔨᒋᐊᕆᐊᒃᓴᖅ ᐅᖄᓚᐅᑎᒃᑯᑦ. ᐃᓄᐃᑦ ᐊᐱᕆᔭᐅᕗᑦ ᖃᐅᔨᒋᐊᕐᕕᖃᖁᔭᐅᓪᓗᑎᒃ ᐃᓚᒌᓂ ᐋᓐᓂᖅᓯᔪᖃᖅᐸᖕᓂᖓᓄᑦ ᐱᓕᕆᕝᕕᖃᖔᓕᕐᓂᕐᒧᑦ ᐱᖁᔭᕐᒧᑦ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦᐆᒥᖓ ᓈᓴᐅᒻᒥᒃ ᐊᑐᕐᓗᑎᒃ, 1-844-534-1038. ᑕᒪᓐᓇ ᐅᖄᓚᓂᖅ ᖃᐅᔨᓴᖅᑕᐅᓂᐊᖅᐳᖅ ᖃᐅᔨᒪᓕᕈᒪᓂᕐᒧᑦ ᐃᑲᔪᖅᑕᐅᔭᕆᐊᖃᕐᓂᕐᒧᑦ ᐱᔭᐅᔭᕆᐊᓕᖕᒧᑦ ᑐᕌᖅᑎᑕᐅᓗᓂ ᓄᓇᓕᖕᓂ ᐱᑐᐃᓐᓇᐅᙱᑦᑐᓕᕆᓂᕐᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᒋᔭᐅᔪᓄᑦ ᐊᑐᖅᑕᐅᔪᓐᓇᖅᑐᓂᒡᓗ ᓇᓗᓇᐃᖅᓯᔪᓐᓇᖅᖢᓂ. 

ᓄᓇᓕᖕᓂ ᐃᑲᔪᖅᑕᐅᕕᑦ

ᓄᓇᓕᖕᓂ ᑎᒍᔭᐅᓯᒪᔪᓕᕆᔨᑦ ᐊᒡᓚᕝᕕᖏᑦ ᑭᒃᑯᑐᐃᓐᓇᓄᑦ ᒪᑐᓯᒪᔪᑦ ᑭᓯᐊᓂ ᑐᓴᖅᑎᑦᑎᔾᔪᑕᐅᒃᑲᓐᓂᖅᐸᑦ. ᓄᓇᓕᖕᓂ ᑎᒍᔭᐅᓯᒪᔪᓕᕆᔨᒧᑦ ᑕᑯᔭᐅᖃᑦᑕᖅᑐᑦ ᐅᖃᓘᑎᒃᑯᑦ ᑐᓴᖅᑎᑦᑎᔭᕆᐊᖃᖅᐳᑦ ᐊᕕᒃᑐᖅᓯᒪᔪᓂ ᐊᐅᓚᑦᑎᔨᖓᓄᑦ.

ᖃᐅᔨᒋᐊᕐᕕᐅᔪᓐᓇᖅᑐᑦ ᑎᑎᕋᖅᓯᒪᔪᑦ ᐅᕙᓂ ᓇᓂᔭᐅᔪᓐᓇᖅᐳᑦ: https://www.gov.nu.ca/justice


ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᐄᐳᕈ 24, 2020

ᒪᓕᒐᓕᕆᔨᒃᑯᑦ ᐱᓕᕆᖃᑎᖃᓚᐅᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᒃ ᐋᖅᑭᒃᓱᐃᓂᐊᖢᑎᒃ ᓄᑖᒥᒃ ᑎᓕᓯᔾᔪᑕᐅᔪᒥᒃ ᐱᔾᔪᑎᖃᕐᓗᓂ ᓄᑖᒥᒃ ᑎᓕᓯᔾᔪᑕᐅᔪᒥᒃ ᐃᓅᖃᑎᒌᓂ ᐅᖓᓯᒌᒋᐊᖃᕐᓂᕐᒥ ᐃᓄᒋᐊᓪᓗ ᑲᑎᑉᐸᖕᓂᕆᔭᖓᓐᓂᒃ, ᖃᐅᔨᒪᑦᑎᐊᕈᒪᓂᕐᒧᑦ ᐅᖃᐅᓯᖅᑕᖏᑦ ᓇᓗᓇᙱᑦᑎᐊᕋᓗᐊᕐᒪᖔᑕ ᑐᑭᓯᓇᕐᓗᑎᒡᓗ, ᑕᐃᒪᐃᓐᓂᕐᒥᓂᓗ ᑐᕌᕆᔭᒥᓄᑦ ᓱᓖᓐᓇᕐᓗᑎᒃ. ᑖᓐᓇ ᓄᑖᖅ ᑎᓕᓯᔾᔪᑕᐅᔪᖅ ᐊᓕᓕᕐᓂᐊᖅᐳᖅ ᐅᓪᓗᑐᐃᓐᓇᖅ, ᐊᐃᕆᓕ 24, 2020-ᒥ 11:59−ᒧᐊᖅᐸᑦ ᐅᓐᓄᐊᒃᑯᑦ.

ᐊᒻᒪᓗᒃᑲᓐᓂᖅᑕᐅᖅ, ᒪᓕᒐᓕᕆᔨᒃᑯᑦ ᐃᒪᓐᓇᐅᖁᔨᒐᓗᐊᖅᐳᑦ, ᐊᐱᖅᑯᑎᒃᓴᐃᑦ ᑭᐅᔾᔪᑕᐅᔪᓪᓗ ᐊᑖᓃᑦᑐᑦ ᑐᑭᓯᓇᖅᓯᑎᑦᑎᒃᑲᓐᓂᕐᓂᐊᖅᐳᑦ ᐃᑲᔪᕐᓗᑎᒡᓗ ᓄᓇᕗᒻᒥᐅᓂᒃ ᑐᑭᓯᐅᒪᑦᑎᐊᒃᑲᓐᓂᕐᓂᕐᒥᒃ ᐱᔾᔪᑎᒋᔭᖓᓂᒃ ᑕᒪᑐᒪ ᑎᓕᓯᔾᔪᑕᐅᓯᒪᔫᑉ.

ᖃᖓᕐᑯᓪᓕ ᒪᓕᒐᕐᓂᒃ ᐊᑐᖅᑎᑦᑎᔨᒻᒪᕆᒃ ᐃᒡᓗᖕᓄᑦ ᑭᒃᑯᑐᐃᓐᓇᓪᓘᓐᓃᑦ ᐃᓂᒋᕙᒃᑕᖓᓄᑦ ᐃᓯᕈᓐᓇᖅᐸ?

ᑎᓂᓯᔾᔪᑕᐅᔪᓂ ᓴᑭᖅᑭᑎᑕᐅᔪᓂᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᑦ, ᑐᑭᓯᓇᑦᑎᐊᖅᖢᓂ ᓇᓗᓇᐃᖅᓯᒪᕗᖅ ᐃᒡᓗᕐᔪᐊᕐᒧᑦ ᐊᖏᕐᕋᕆᔭᕐᓄᑦ, ᑖᓐᓇ ᐊᖏᕐᕋᕆᔭᐅᓪᓗᓂ",  ᐊᒻᒪᓗ ᑭᒃᑯᑐᐃᓐᓇᓄᑦ ᐅᐸᒃᑕᐅᔪᓐᓇᖅᐸᒃᑐᖅ, ᓲᕐᓗ ᓂᕿᓄᑦ ᓂᐅᕕᕆᐊᕐᕕᒃ.

ᑖᒃᑯᑎᒎᓇᖅ ᑎᓕᓯᓯᒪᔾᔪᑕᐅᔪᑎᒍᑦ, ᑖᓐᓇ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖅ ᐱᑎᑦᑎᓯᒪᕗᖅ ᐊᑐᖅᑎᑦᑎᓪᓚᕆᖕᓂᕐᒧᑦ ᐱᓕᕆᔨᓂᒃ ᐱᔪᓐᓇᐅᑎᖃᖅᑎᖦᖢᒋᑦ ᐃᓯᕈᓐᓇᖅᑎᖦᖢᒋᑦ ᑭᒃᑯᑐᐃᓐᓇᓄᑦ ᐃᓂᒋᔭᐅᕙᒃᑐᓂᒃ ᐱᔪᓐᓇᐅᑎᖃᙱᒃᑲᓗᐊᕐᓗᑎᒃ, ᐊᑐᖅᑎᑦᑎᓪᓚᕆᒍᒪᓂᕐᒧᓪᓗ ᑕᐃᒪᐃᓕᐅᕈᑎᖃᕐᓗᑎᒃ. 

ᑭᓯᐊᓂᓕ, ᐊᖏᕐᕋᕆᔭᕐᓄᑦ ᑕᒪᓐᓇ ᐱᔾᔪᑎᖃᖅᐸᑦ, ᒐᕙᒪᒃᑯᑦ ᐃᓕᓴᖅᓯᓯᒪᑦᑎᐊᖅᐳᑦ ᐱᔪᓐᓇᐅᑎᖕᓂᒃ, ᒪᓕᒋᐊᖃᓪᓚᕆᖕᓂᖏᓐᓂᒡᓗ ᐊᑐᖅᑎᑦᑎᓪᓚᕆᖕᓂᕐᒧᑦ ᐱᓕᕆᔩᑦ ᐊᔪᕐᓇᙱᓐᓂᓕᒫᖓᒍᑦ ᐃᒃᐱᒋᔭᖃᑦᑎᐊᕐᓂᐊᖅᖢᑎᒃ ᑖᒃᑯᓂᖓ ᐱᔪᓐᓇᐅᑎᒋᔭᐅᔪᓂᒃ. ᒪᓕᒐᕐᓂᑦ ᐊᑐᖅᑎᑦᑎᔨ ᐅᑉᐱᕆᔭᖃᖅᐸᑦ ᐱᔾᔪᑕᐅᔪᓐᓇᖅᑐᒥᒃ ᐱᑕᖃᕐᓂᖓᓂᒃ ᐃᓯᕆᐊᖃᕐᓂᐊᕐᓗᓂ ᐃᒡᓗᖕᔪᐊᕐᓄᑦ, ᑕᐃᒪᓂ ᐃᓕᖕᓂᑦ ᐊᖏᖅᑕᐅᔭᕆᐊᖃᕋᔭᖅᐳᑦ, ᐅᕝᕙᓘᓐᓃᑦ ᐱᔪᓐᓇᐅᑎᑖᕐᓗᑎᒃ ᐃᖅᑲᖅᑐᐃᕕᓕᕆᔨᒃᑯᓐᓂᑦ.

ᑭᒃᑯᑦ ᑕᒪᒃᑯᓂᖓ ᐊᑐᖅᑕᐅᓪᓚᕆᒋᐊᖃᖅᑐᓂᒃ ᐊᑐᖅᑎᑦᑎᓪᓚᕆᒍᓐᓇᖅᐸᑦ?

ᐸᓖᓯᒃᑯᑦ ᖄᒃᑲᓐᓂᐊᒍᑦ, ᖃᐅᔨᒪᑦᑎᐊᕈᒪᓂᕐᒧᓪᓗ ᐊᔪᙱᓐᓂᖃᕋᓗᐊᕐᒪᖔᑦᑕ ᐊᑐᖅᑎᑦᑎᓪᓚᕆᖕᓂᕐᒥᒃ ᑐᐊᕕᖕᓇᖅᑐᓄᑦ ᑎᓕᓯᔾᔪᑕᐅᔪᓄᑦ, ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖅ ᐱᔪᓐᓇᐅᑎᑖᖅᑎᑦᑎᓯᒪᕗᖅ ᑕᒪᐃᓐᓂᑦᑎᐊᖅ ᒪᓕᒐᕐᓂᒃ, ᒪᓕᒃᑎᑦᑎᔨᓂᒃ ᑎᓕᔭᐅᓯᒪᔪᓂᒃ ᐊᕕᒃᓯᒪᓂᐅᑉ ᒪᓕᒐᖏᑎᒍᑦ ᐊᔪᙱᓐᓂᖃᕐᓂᕐᒥᒃ ᐊᑐᖅᑎᑦᑎᓪᓚᕆᖕᓂᕐᒥᒃ ᑕᒪᒃᑯᓂᖓ ᑎᓕᔭᐅᓯᒪᔾᔪᑕᐅᔪᓂᒃ. ᐅᑯᐊᖑᓪᓗᑎᓪᓗ, ᓄᓇᓕᖕᓂ ᒪᓕᒐᕐᓂᒃ ᐊᑐᖅᑎᑦᑎᔩᑦ, ᐸᓖᓯᒋᔭᐅᔪᑦ ᓄᓇᕗᒻᒥ ᐃᖅᑲᖅᑐᐃᕕᓕᕆᔨᓄᑦ, ᐊᕙᑎᓕᕆᓂᕐᒧᑦ, ᐆᒪᔪᕐᓂᐊᖅᑏᓪᓗ.

ᐃᒪᓐᓇᐅᒐᔪᒃᑑᒐᓗᐊᖅ, ᑖᒃᑯᐊ ᐱᓕᕆᔩᑦ ᐊᑐᖅᑎᑦᑎᓪᓚᕆᒍᓐᓇᖅᐸᒃᐳᑦ ᑭᓯᐊᓂ ᓇᖕᒥᓂᑦ ᐱᖁᔭᖁᑎᒥᓂᒃ. ᑭᓯᐊᓂᓕ, ᑕᒪᒃᑯᐊ ᑐᐊᕕᕐᓇᖅᑐᒧᑦ ᑎᓕᓯᔾᔪᑕᐅᔪᑦ ᐱᓕᑦᑎᕗᑦ ᑖᑦᑯᓂᖓ ᓴᙱᓂᒃᑲᓐᓂᕐᓂᒃ. ᖃᐅᔨᒪᑦᑎᐊᕈᒪᓂᕐᒧᑦ ᑕᐃᒃᑯᐊ ᐱᔭᒃᓴᖃᖅᑎᑕᐅᔪᑦ ᓴᐳᔾᔨᓯᒪᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᖏᓐᓂᒃ ᓄᓇᕗᒻᒥᐅᑦ ᐱᑐᐃᓐᓇᕆᐊᖃᕋᓗᐊᕐᒪᖔᑕ ᑕᒪᑐᒥᖓ ᐱᓕᕆᐊᒃᓴᒥᒃ, ᐱᑎᑕᐅᓂᐊᖅᑐᑦ ᑐᑭᓯᓇᑦᑎᐊᖅᑐᓂᒃ ᒪᓕᒋᐊᓕᖕᓂᒃ ᖃᓄᐃᓕᐅᖅᑎᐅᑎᑕᐅᓂᕐᒥᓄᑦ.

ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖅ ᔪᓐᓇᐅᑎᑖᖅᑎᑦᑎᓯᒪᕗᖅ ᑖᒃᑯᓂᖓ ᒪᓕᒐᕐᓂᒃ ᐱᓕᕆᔨᓂᒃ ᖃᔅᓯᑲᓪᓚᖕᓂᒃ ᐱᔾᔪᑎᖃᖅᖢᑎᒃ:

  • ᐸᓖᓯᒃᑯᑦ ᐊᑐᑐᐃᓐᓇᕆᐊᓖᑦ ᐸᓖᓯᑭᒃᓴᕐᓂᕐᒥᒃ ᑕᒪᓐᓇ ᓇᒧᙵᕈᓘᔭᖅᓯᒪᔪᖅ ᐋᓐᓂᐊᕐᓇᖅ ᐊᑐᕐᓂᖓᓂ ᐊᔪᑐᐃᓐᓇᕆᐊᖃᖅᖢᑎᒡᓗ ᑕᒪᑐᒥᖓ ᐱᓕᕆᐊᒃᓴᒃᑲᓐᓂᕐᓂᕐᒥᒃ ᐱᓕᕆᐊᖃᕆᐊᒃᓴᖅ;
  • ᑖᒃᑯᐊ ᐱᔪᓐᓇᐅᑎᖃᖅᑎᑕᐅᔪᑦ ᒪᓕᒐᖕᓂᒃ ᒪᓕᒃᑎᑦᑎᔩᑦ ᖃᐅᔨᒪᕙᒌᖅᐳᑦ  ᐊᔪᕈᓐᓃᖅᓴᖅᓯᒪᓪᓗᑎᒡᓗ ᐊᑐᖅᑎᑦᑎᓪᓚᕆᖕᓂᕐᒥᒃ ᑲᔪᓯᔾᔪᑕᐅᕙᒃᑐᓂᒃ ᐊᕕᒃᓯᒪᓂᐅᑉ ᐅᑭᐅᖅᑕᖅᑐᒥ ᒪᓕᒐᖓᑎᒎᖓᔪᓂᒃ;
  • ᑕᒪᒃᑯᐊ ᑎᓕᓯᔾᔪᑕᐅᔪᑦ ᐊᒃᑐᖅᓯᕗᑦ ᐃᓯᕈᓐᓇᕐᓂᕐᒥᒃ ᐊᕕᒃᓯᓂᕐᒥ ᐅᑭᐅᖅᑕᖅᑐᒥ ᐃᓯᕈᓐᓇᕐᓂᕐᒧᑦ ᐊᓯᖏᓐᓄᓪᓗ ᓄᓇᒥ ᐱᓕᕆᐊᖑᕙᒃᑐᓄᑦ, ᑕᒪᒃᑯᓇᓂᓗ ᑕᒪᒃᑯᐊ ᐆᒪᔪᕐᓂᐊᖅᑏᑦ ᓯᕗᓪᓕᖅᐸᐅᒐᔪᒃᐸᒃᖢᑎᒃ ᖃᐅᔨᒋᐊᕐᕕᐅᖅᑳᖅᐸᒃᖢᑎᒃ; ᐊᒻᒪᓗ
  • ᓄᓇᓕᖕᓂ ᐱᖁᔭᕐᓂᑦ ᐱᓕᕆᕙᒃᑐᑦ ᐱᓕᕆᖃᑦᑕᖅᓯᒪᕗᑦ ᑐᓂᓯᕙᒃᖢᑎᒃ ᑐᓂᔭᐅᔭᕆᐊᖃᖅᐸᒃᑐᓂᒃ ᓄᓇᓖᑦ ᐱᖁᔭᕋᓛᖏᑎᒍᑦ , ᐃᓕᓴᕆᔭᐅᓪᓗᑎᒡᓗ ᑎᒥᐅᓂᖏᓐᓂᒃ ᐊᑐᖅᑎᑦᑎᓪᓚᕆᒍᓐᓇᖅᖢᑎᒃ ᓄᓇᕗᒻᒥ ᓄᓇᓕᖕᓂ.

ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖅ ᐱᓕᕆᖃᑎᖃᖅᐳᖅ ᐱᓕᕆᔨᓂᒃ ᐸᒡᓕᓯᒃᑯᓐᓂ, ᓄᓇᕗᑦ ᒐᕙᒪᒃᑯᖏᓐᓂ ᓄᓇᓖᓪᓗ ᕼᐋᒻᓚᖏᓐᓂ ᖃᐅᔨᒪᑦᑎᐊᕈᒪᒧᑦ ᐊᔾᔨᒌᓂᒃ ᑐᓴᖅᑎᑕᐅᖃᑦᑕᕋᓗᐊᕐᒪᖔᑕ ᐊᑐᖅᑎᑕᐅᖃᑦᑕᕋᓗᐊᕐᒪᐋᑕᓗ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ.

ᖃᓄᐃᓕᐅᕆᐊᖃᖅᐳᖓ ᐃᓱᒫᓘᑎᖃᕈᒪ ᑕᒪᒃᑯᐊ ᑎᓕᓯᔾᔪᑕᐅᓯᒪᔪᑦ ᒪᓕᒃᑕᐅᙱᑉᐸᑕ?

ᓄᓇᔅᓯᓐᓂ ᐸᓖᓯᓯ ᐃᑲᔪᕈᓐᓇᖅᐳᑦ ᐊᑐᖅᑕᐅᓪᓗᐊᖅᖢᑎᒡᓗ ᓯᕗᓪᓕᖅᐸᐅᓗᑎᒃ ᖃᐅᔨᒋᐊᕐᕕᐅᔪᓐᓇᕐᓗᑎᒃ. ᐃᓱᒫᓘᑎᖃᕈᕕᑦ, ᖃᐅᔨᒋᐊᕐᕕᒋᓗᒋᑦ ᓄᓇᔅᓯᓐᓂ ᐸᓖᓯᓯ.

ᓯᕗᒻᒧᐊᖅᐸᓪᓕᐊᓂᑦᑎᓐᓂ, ᓇᐅᑦᑎᖅᓱᖅᓯᓐᓇᕐᓂᐊᖅᐳᒍᑦ, ᐊᓯᔾᔨᖅᓯᕙᒡᓗᑕᓗ, ᕿᒥᕐᕈᐊᖅᓯᒃᑲᓐᓂᖅᐸᒡᓗᑕᓗ ᑕᒪᒃᑯᓂᖓ ᑎᓕᓯᔾᔪᑕᐅᓯᒪᔪᓂᒃ ᑕᐃᒪᐃᑦᑕᕆᐊᖃᕌᖓᑦ.   ᐊᑐᖅᑕᕗᑦ ᓇᓕᒧᒃᓱᖅᑎᑕᐅᓂᐊᖅᐳᑦ ᐱᔭᕆᐊᓕᖕᒧᑦ ᐅᑖᕆᔭᕆᐊᖃᕐᓂᕐᒧᑦ ᓄᕙᒡᔪᐊᕐᓇᖅ-19−ᒥᒃ. ᐊᑐᕈᓐᓃᕈᑦᑕ ᑕᒪᑐᒪ ᐋᓐᓂᐊᕐᓇᖅᑑᑉ ᖁᐊᖅᓵᕐᓇᕐᓂᖓᓂᒃ, ᑕᐃᒪᐃᑦᑐᓂᒃ ᐊᑐᕆᐊᓕᖕᓂᒃ ᐊᑐᕆᐊᖃᔾᔭᔪᓐᓃᖅᐳᒍᑦ

 


ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᐄᐳᕈ 1, 2020

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐱᓂᕐᓗᒡᕕᐅᓯᒪᔪᑦ ᐱᔨᑦᑎᕋᕐᕕᐅᓂᖏᑦ

ᐱᓂᕐᓗᒡᕕᐅᓯᒪᔪᑦ ᐱᔨᑦᑎᕋᕐᕕᐅᕙᖕᓂᖏᓐᓄᑦ ᑎᑎᕋᕐᕕᒃ ᒫᓐᓇ ᑭᒃᑯᑐᐃᓐᓇᓄᑦ ᒪᑐᓯᒪᑲᓚᐅᖅᐳᖅ. ᑭᓯᐊᓂᓗᑦᑕᐅᖅ, ᓄᓇᕗᒻᒥᐅᑦ ᖃᐅᔨᒋᐊᕐᕕᖃᕆᐊᓖᑦ ᑎᑎᕋᕐᕕᖕᒥᒃ ᑕᐃᒪᐃᓕᐅᕈᓐᓇᖅᐳᑦ ᐊᑐᕐᓗᑎᒃ ᐆᒥᖓ ᖃᐅᔨᒋᐊᕐᕕᖃᕐᓂᕐᒧᑦ ᑐᓴᖅᑕᐅᔪᒃᓴᒥᒃ:

  • ᐱᓂᕐᓗᒡᕕᐅᓯᒪᔪᓄᑦ ᐱᔨᑦᑎᕋᕐᕕᖃᕐᓂᕐᒧᑦ ᐊᖏᖃᙱᑦᑐᖅ 1-866-456-5216; victimservices@gov.nu.ca.
  • ᐱᔨᑦᑎᕋᕐᓂᕆᔭᐅᔪᑦ ᐱᑎᑕᐅᖃᑦᑕᕐᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ.

ᑎᑎᕋᕐᕕᖓᑦ ᑭᒃᑯᑐᐃᓐᓇᕐᓄᑦ ᐸᖅᑭᔨᐅᑉ ᕿᒪᐃᔪᓄᓪᓗ ᐃᓅᔪᓪᓃᕐᓂᕐᒧᑦ ᐸᐸᑦᑎᔨᐅᑉ

ᐅᓪᓗᒥᒧᑦ ᑎᑭᖦᖢᒍ, ᐄᐳᕈ 1, 2020, ᑎᑎᕋᕐᕕᖓ ᑭᒃᑯᑐᐃᓐᓇᓄᑦ ᐸᖅᑭᔨᐅᑉ ᑲᑎᖃᑎᖃᕐᓂᐊᖅᐳᖅ ᑎᑎᕋᕐᕕᖓᓂᒃ ᑭᒃᑯᑐᐃᓐᓇᓄᑦ ᐸᐸᑦᑎᔨᐅᑉ ᑖᒃᑯᓇᓂ ᒪᓕᒐᓕᕆᔨᒃᑯᓐᓂ. ᑖᓐᓇ ᓄᑖᖑᓂᐊᓕᖅᑐᖅ ᑎᑎᕋᕐᕕᒃ ᐃᒻᒪᓐᓇᐃᑦᑑᓂᐊᓕᖅᐳᖅ, ᑎᑎᕋᕐᕕᒋᔭᐅᓗᓂ ᑭᒃᑯᑐᐃᓐᓇᓄᑦ ᑲᒪᒋᔭᖃᖅᐸᒃᑑᑉ ᐸᐸᑦᑎᔨᐅᓪᓗ. ᑕᒪᕐᒥᑦᑎᐊᖅ ᖃᐅᔨᒋᐊᕐᕕᒋᓂᐊᕐᓗᒋᑦ ᑐᓴᖅᑕᐅᔪᒃᓴᐃᑦ ᓱᓕ ᐊᔾᔨᑦᑎᐊᕆᕙᖏᑦ.
ᑕᐃᓐᓇ ᑎᑎᕋᕐᕕᒃ ᒪᑐᐃᒃᑲᓐᓂᑐᐊᖅᐸᑦ ᑕᒪᓐᓇ ᑭᒃᑯᓱᑐᐃᓐᓇᓄᑦ ᖃᓄᐃᙱᑎᑦᑎᔪᓐᓇᕐᓂᕐᒧᑦ ᑐᐊᕕᕐᓇᖅᑐᖅ ᐱᐊᓂᐊᓪᓚᓚᐅᖅᑎᓪᓗᒍ, ᑖᓐᓇ ᐃᓂᖃᓕᕐᓂᐊᖅᐳᖅ ᐊᓪᓕᖅᐹᖓᓂ ᓇᑎᖓᓂ ᐆᒪ, Brown Building ᐃᖃᓗᖕᓂ. ᒪᓕᒐᑎᒍᑦ ᑎᑎᕋᖅᐸᓪᓕᐊᔪᓕᕆᔩᑦ ᓅᓯᒪᓕᖅᐳᑦ ᑎᓴᒪᖓᓄᑦ ᓇᑎᐊᓄᑦ ᐅᕙᓂ, 1106 ᐃᓄᒃᓱᒐᐃᑦ ᐃᒡᓗᕐᔪᐊᖓᓂ ᐃᖃᓗᖕᓂ.
ᐱᔾᔪᑎᖃᖅᖢᓂ ᑎᑎᕋᕐᕕᖓ ᐊᓯᐊᓄᐊᖅᑕᐅᓂᖓᓂᒃ, ᑕᐃᑯᙵᐅᓯᒪᔪᑦ ᐊᑐᑐᐃᓐᓇᕆᐊᖃᖅᐳᑦ ᑭᖑᕙᕆᐊᕌᕐᔪᒃᑐᓂᒃ ᐅᖄᓚᐅᑎᓄᑦ ᖃᕆᑕᐅᔭᒃᑯᓪᓗ ᑎᑎᕋᖃᑦᑕᐅᑎᕝᕕᒃᑎᒍᑦ ᑭᐅᔭᐅᓂᕐᒥᒃ. ᒪᒥᐊᑉᐳᒍᑦ ᑕᒪᑐᒧᖓ ᐊᑲᐅᙱᓕᐅᕈᑎᒋᔭᐅᔪᒧᑦ.


ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 31, 2020

ᑎᒍᔭᐅᓯᒪᕕᓕᕆᔩᑦ ᐱᓕᕆᐊᖃᖅᓯᒪᒻᒪᕆᒃᐳᑦ ᓇᓂᓕᒫᒃᑯᑦ ᖃᐅᔨᒪᑦᑎᐊᕈᒪᓂᕐᒥᓄᑦ ᐱᕙᒡᒋᔭᖅᓯᒪᒐᓗᐊᕐᒪᖔᑦᑕ ᐃᑲᔪᖅᑐᐃᓂᐊᕐᓗᑕ ᐃᖅᑲᓇᐃᔭᑦᑎᖁᑎᑦᑎᓐᓂᒃ, ᑎᒍᔭᐅᓯᒪᔪᓂᒃ ᓄᓇᓕᖕᒥᐅᓂᒡᓗ ᑕᒪᐅᓇᓕᒫᖅ ᑭᒃᑯᑐᐃᓐᓇᓄᑦ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᑐᐊᕕᕐᓇᓯᔪᒥ. ᒫᓐᓇᒃᑯᑦ ᐊᖏᔪᑲᓪᓚᖕᒥᒃ ᑐᓴᖅᑕᐅᔪᒃᓴᖃᖅᐸᒃᐳᖅ ᐱᕙᓪᓕᐊᔪᓕᕆᔨᒃᑯᓐᓂ ᐊᓯᖏᓐᓂᑦ ᐱᔪᓐᓇᕐᕕᒋᔭᐅᔪᓂᑦ ᐃᓂᓂᑦ ᖃᓄᐃᓕᐅᕐᒪᖔᑕᓕ ᑎᒍᔭᐅᓯᒪᕝᕕᖁᑎᒥᓂ ᐊᓯᖏᓐᓂ ᐱᔪᓐᓇᕐᕕᐅᔪᓂ ᐃᓂᓂ.

ᖃᐅᔨᒪᑦᑎᐊᕈᒪᓂᕐᒧᑦ ᓄᓇᕗᒻᒥᐅᑦ ᐊᖑᒻᒪᑎᒐᓗᐊᕐᒪᖔᑕ ᖃᐅᔨᒪᓪᓗᑎᒡᓗ ᒫᓐᓇ ᐱᓕᕆᐊᖑᕙᓪᓕᐅᔪᓄᑦ ᓄᓇᕗᒻᒥ, ᐅᑯᓂᖓ ᓄᑖᙳᕆᐊᖅᓯᒪᔪᓂᒃ ᐱᑎᑦᑎᕗᒍᑦ. ᐃᒪᓐᓇᒻᒪᕆᐅᕗᖅ, ᑐᕌᕆᔭᕗᑦ ᖃᐅᔨᒪᑦᑎᐊᕈᒪᓂᐅᕗᖅ ᑕᒪᓐᓇ ᖃᓂᒪᓐᓇᖅᑐᖅ ᑎᒍᔭᐅᓯᒪᕝᕕᖕᓄᑦ ᐃᓂᓄᐊᙱᒃᑲᓗᐊᕐᒪᖔᑦ.

ᐊᑐᖅᑕᐅᓕᖅᑐᑦ ᐃᓕᔭᐅᓯᒪᕙᖐᖅᑐᑦ ᐃᓚᖃᖅᐳᑦ ᓄᖅᑲᖅᑎᑦᑎᓂᕐᒥᒃ ᑕᒪᐃᓐᓂᒃ ᑕᕝᕙᓂᕐᒥᐅᑕᐅᙱᑦᑐᓂᒃ ᐳᓛᕆᐊᖅᑎᑦᑎᕙᖕᓂᕐᒥᒃ ᐊᑐᓪᓚᕆᒋᐊᖃᙱᑦᑐᓂᒡᓗ ᓇᒧᙵᐅᖃᑦᑕᕐᓂᕆᔭᐅᕙᒃᑐᓂᒃ. ᖁᔭᓕᕗᒍᑦ ᐅᑕᖅᑭᒃᑦᑎᐊᖃᑦᑕᕐᓂᖏᓐᓄᑦ ᐃᑲᔪᖅᑐᐃᖃᑦᑕᕐᓂᖏᓐᓄᓪᓗ ᐱᓯᒪᔭᑦᑎᓐᓂᒃ ᑎᒍᔭᐅᓯᒪᔪᓂᑦᓴᐃᓚᖏᓐᓂᓪᓗ ᑕᐃᒪᐃᓕᐅᓕᕐᓂᖏᓐᓄᑦ, ᖃᐅᔨᒪᓪᓗᑕᓗ ᑕᒪᓐᓇ ᐊᔪᕐᓇᙱᑦᑐᑯᓘᙱᓐᓂᖓᓂᒃ.

ᖁᕝᕙᕆᐊᖅᓯᒪᓕᕐᓂᖏᓐᓄᑦ ᖁᐊᖅᓵᓇᖅᑕᐃᓕᒪᓂᕐᒧᑦ ᖁᐊᖅᓵᕐᓇᑐᐃᓐᓇᕆᐊᓖᑦ ᐊᒃᑐᐊᓂᓖᑦ ᑎᒍᔭᐅᓯᒪᔪᓕᕆᓂᕐᒧᑦ, ᐱᑎᑦᑎᔪᓐᓇᙱᓚᒍᑦ ᐃᓗᓕᒃᑲᓐᓂᖏᓐᓂᒃ ᐱᔾᔪᑎᖃᕐᓗᑕ ᐃᓛᒃᑰᖅᑐᓂᒃ ᐃᓂᒋᔭᐅᔪᒧᑦ ᐱᕙᒌᔭᖅᓯᒪᔭᕗᑦ.

ᑭᓯᐊᓂᓗᑦᑕᐅᖅ, ᐱᑎᑦᑎᔪᓐᓇᖅᐳᒍᑦ ᐅᑯᓂᖓ ᑐᓴᖅᑕᐅᔪᒃᓴᓂᒃ ᐱᔾᔪᑎᓕᖕᓂᒃ ᖃᓄᐃᓕᐅᖅᑕᐅᕙᓪᓕᐊᓕᖅᑐᓂᒃ:

  • ᑕᒪᕐᒥᑦᑎᐊᖅ ᑕᐃᑯᙵᖅᑎᑕᐅᔪᑦ ᐅᐸᒃᑕᐅᑦᑕᐃᓕᒪᔪᒦᑎᑕᐅᕙᒃᐳᑦ 14−ᓄᑦ ᐅᓪᓗᓄᑦ ᑕᐃᑯᙵᕌᖓᒥᒃ.
  • ᑎᒍᔭᐅᓯᒪᕖᑦ ᐃᓕᐅᖅᑲᐃᓯᒪᕗᑦ ᐊᒡᒐᓄᑦ ᖁᐱᕐᕈᐃᔭᐃᔾᔪᑎᒃᑲᓐᓂᕐᓂᒃ ᐃᓂᓂᒃ ᑕᒪᒃᑯᓇᓂ ᐊᖅᑯᓵᖅᑕᐅᒐᔪᖕᓂᕆᔭᖏᓐᓂ.
  • ᑭᐅᓯᓂᕐᒧᑦ/ᐊᑕᐅᓰᓐᓇᕐᒦᑎᑦᑎᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᐃᓪᓕᖅᓱᖅᑕᐅᕗᑦ ᐊᒡᒑᖕᓂᒃ, ᒪᑐᐊᕈᑎᓂᒃ, ᑮᓇᒧᑦ ᓴᐴᓗᑕᕐᓂᒃ, ᐊᓐᓄᕌᑯᑖᖕᓂᒃ ᖃᓄᐃᓕᐅᖁᔨᓯᒪᔪᓂᒡᓗ ᑖᒃᑯᐊ ᐊᑐᕐᓂᐊᕐᓗᒋᑦ.
  • ᐃᓗᐊᖅᓴᐃᔩᑦ ᐱᓕᕆᓪᓚᕆᒃᖢᑎᒃ ᖃᐅᔨᓴᖅᓯᕗᑦ ᑎᒍᔭᐅᓯᒪᔪᓂᒃ ᑎᒍᔭᐅᒑᖓᑕ ᖃᐅᔨᔾᔪᑕᐅᔪᓐᓇᖅᑐᓄᑦ ᓄᕙᒡᔪᐊᖅᑐᑦ-19-ᒥᒃ
  • ᐃᓂᒋᔭᐅᔪᑦ ᐊᖏᒡᓕᒋᐊᖅᑎᑦᑎᕗᑦ ᓂᕿᓂᒃ ᐊᑐᖅᑕᐅᔭᕆᐊᓕᖕᓂᒡᓗ ᖃᐅᔨᒪᑦᑎᐊᕈᒪᓂᕐᒥᓄᑦ ᑕᒪᒃᑯᐊ ᐃᓂᒋᔭᐅᔪᑦ ᐱᖃᐅᑦᑎᐊᕋᓗᐊᕐᒪᖔᑕ ᑕᒪᓐᓇ ᖃᓂᒪᓐᓇᖅ ᓇᒧᙵᕈᓘᔭᓕᕐᓂᖅᐸᑦ
  • ᐊᖏᒡᓕᒋᐊᖅᓯᒪᔪᓂᒃ ᓴᓗᒻᒪᖅᓴᐃᓂᐅᕙᒃᑐᓂᒃ ᖃᐅᔨᒪᑦᑎᐊᕈᒪᓂᕐᒧᑦ ᖄᕆᔭᐅᔪᑦ ᑭᓇᑐᐃᓐᓇᖅᓯᐅᑏᑦ ᓴᓗᒪᒐᓗᐊᕐᒪᖔᑕ ᐊᖏᔨᓕᒋᐊᖅᓯᒪᔪᒃᑯᑦ ᓴᓗᒻᒪᖅᓴᐃᓂᕆᔭᐅᕙᒃᑐᒃᑯᑦ ᐅᓪᓗᓕᒫᒥ.

ᖄᒃᑲᓐᓂᐊᒍᑦ ᑕᒪᒃᑯᐊ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ ᐱᓕᕆᐊᖑᔪᑦ, ᐱᓕᕆᕝᕕᒋᔭᐅᔪᖅ ᕿᒥᕐᕈᐊᖅᓯᒃᑲᓐᓂᖅᓯᒪᕗᖅ ᑕᒪᐃᓐᓂᑦᑎᐊᖅ ᑎᒍᔭᐅᓯᒪᔪᓂᒃ ᐊᔪᖅᑎᑕᐅᙱᑦᑐᓂᒃ ᐊᓂᓵᓕᑎᑕᐅᔭᕆᐊᒃᓴᖅ ᐅᓄᕈᓐᓃᖅᑎᒋᐊᕈᒪᓪᓗᒋᑦ ᑎᒍᔭᐅᓯᒪᕗᑦ ᐊᔪᕐᓇᙱᓐᓂᓕᒫᖓ ᒪᓕᒡᓗᒍ.

ᐱᓕᕆᐊᖃᐃᓐᓇᕐᓂᐊᖅᐳᒍᑦ ᐃᑲᔪᖅᑐᐃᓂᐊᖅᑐᓂᒃ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᖁᐊᖅᓵᕐᓇᖅᑐᒦᙱᓐᓂᖏᓐᓄᓪᓗ ᑎᒍᔭᐅᓯᒪᔪᖁᑎᕗᑦ, ᐃᖅᑲᓇᐃᔭᖅᑏᑦ ᑕᒪᕐᒥᑦᑎᐊᕐᓗ ᓄᓇᕗᒻᒥᐅᑦ.


ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 26, 2020

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐃᖅᑲᓇᐃᔭᕐᕕᖕᒧᑦ ᐊᔾᔨᒌᒃᑎᑦᑎᓂᕐᒧᑦ ᑎᑎᕋᕐᕕᖓ ᐊᑐᐃᓐᓇᐅᖏᓐᓇᕐᓂᐊᖅᑐᑦ ᓱᓕ ᒫᓐᓇ. ᒐᕙᒪᒃᑯᑦ ᑎᑎᕋᕐᕕᖏᑦ ᒪᑐᓯᒪᐅᖅᑎᓪᓗᒋᑦ ᐃᓄᓐᓄᑦ ᒫᓐᓇᐅᑎᓪᓗᒍ, ᐃᖅᑲᓇᐃᔭᕐᕕᖕᒧᑦ ᐊᔾᔨᒌᒃᑎᑦᑎᓂᕐᒧᑦ ᑎᑎᕋᕐᕕᖓ ᐅᖄᓚᕕᐅᔪᓐᓇᖅᑐᑦ ᐅᑯᓄᖓ:

  • ᐅᖄᓚᐅᑎᖓ:1-867-975-6322, ᐊᑭᖃᙱᑦᑐᖅ: 1-877-806-8402, ᓱᒃᑲᔪᒃᑯᑦ: 1-867-975-6367

ᑖᒃᑯᓇᓂ ᑎᑎᕋᕐᕕᒻᒥᑦ ᓱᓕ ᐊᑐᐃᓐᓇᐅᔪᑦ ᐊᐱᖅᑯᑎᓂᑦ ᑭᐅᔪᓐᓇᖅᑐᑦ ᓄᓇᕗᒻᒥᐅᓄᑦ ᐊᐱᖅᑯᑎᔅᓴᖃᖅᐸᑕ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᖁᔭᕐᒥᑦ ᐊᒻᒪ ᒪᓕᒐᖏᑦ.

ᑮᓇᐅᔭᓕᐊᖑᖃᑦᑕᖅᑐᑦ ᐊᒥᓱᕈᕆᐊᖅᑕᐅᓂᐊᖅᓯᒪᒻᒪᑕ ᖃᑦᑏᓐᓇᐅᑎᓛᖏᑦ ᑮᓇᐅᔭᓕᐊᖑᕙᑦᑐᑦ ᐱᒋᐊᕐᓗᒍ ᐄᐳᓗ 1, 2020ᒥᑦ, ᑖᒃᑯᐊ ᐃᖅᑲᓇᐃᔭᕐᕕᖕᒧᑦ ᐊᔾᔨᒌᒃᑎᑦᑎᓂᕐᒧᑦ ᑎᑎᕋᕐᕕᖓ ᐊᑐᐃᓐᓇᐅᔪᑦ ᐊᐱᖅᑯᑎᔅᓴᓕᓐᓄᑦ ᓇᒻᒥᓂᖁᑎᖃᖅᑎᐅᔪᓄᑦ ᑖᓐᓇ ᐱᓪᓗᒍ ᒪᓕᑦᑕᐅᔭᕆᐊᖃᖅᑐᖅ.


ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 26, 2020

ᒪᓕᒐᓕᕆᔨᒃᑯᑦ ᐋᖅᑭᒃᓱᐃᖏᓐᓇᕐᓂᐊᖅᑐᑦ ᐃᓕᓐᓂᐊᒐᒃᓴᓂᒃ ᐱᓕᒻᒪᒃᓴᒐᒃᓴᓂᓪᓗ ᐃᓄᖕᓂᑦ ᐃᖅᑲᓇᐃᔭᖅᑎᓂᒃ ᐃᑲᔪᖅᑐᐃᔪᓂᒃ ᒪᓕᒐᓕᕆᔨᒃᑯᑦ ᐱᔨᑦᑎᕋᖅᑎᖏᓐᓂᒃ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᒫᓐᓇ ᐊᑐᖅᑕᐅᔪᖅ ᒪᓕᒃᖢᒍ, ᒪᓕᒐᓕᕆᔨᒃᑯᑦ ᐃᐅᓪᒍᓐᑯᐃᓐ ᓯᓚᑦᑐᖅᓴᕐᕕᒡᔪᐊᕐᒥ ᐅᖃᖃᑎᖃᓚᐅᖅᖢᑎᒃ ᐃᓕᓐᓂᐊᖅᑕᐅᓂᐊᖅᑐᖅ ᐃᓄᖕᓄᑦ ᑎᒍᔭᐅᓯᒪᕝᕕᖕᒥ ᐱᓕᕆᔨᒃᓴᓄᑦ ᓄᖅᑲᖅᑎᑕᐅᓯᒪᓕᖅᑐᖅ ᐱᒋᐊᕐᕕᒃᓴᖃᓚᐅᖅᑑᒐᓗᐊᖅ ᐋᑐᕚᒥ ᓯᓚᑦᑐᖅᓴᕐᕕᐊᓂ ᒪᐃ 4, 2020-ᒥ.

ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 25, 2020

  • ᓄᓇᓕᖕᓂ ᑎᒍᔭᐅᓯᒪᔪᓕᕆᔨᑦ ᐊᒡᓚᕝᕕᖏᑦ ᑭᒃᑯᑐᐃᓐᓇᓄᑦ ᒪᑐᓯᒪᔪᑦ ᑭᓯᐊᓂ ᑐᓴᖅᑎᑦᑎᔾᔪᑕᐅᒃᑲᓐᓂᖅᐸᑦ. ᓄᓇᓕᖕᓂ ᑎᒍᔭᐅᓯᒪᔪᓕᕆᔨᒧᑦ ᑕᑯᔭᐅᖃᑦᑕᖅᑐᑦ ᐅᖃᓘᑎᒃᑯᑦ ᑐᓴᖅᑎᑦᑎᔭᕆᐊᖃᖅᐳᑦ ᐊᕕᒃᑐᖅᓯᒪᔪᓂ ᐊᐅᓚᑦᑎᔨᖓᓄᑦ.
  • ᖃᐅᔨᒋᐊᕐᕕᐅᔪᓐᓇᖅᑐᑦ ᑎᑎᕋᖅᓯᒪᔪᑦ ᐅᕙᓂ ᓇᓂᔭᐅᔪᓐᓇᖅᐳᑦ: https://www.gov.nu.ca/justice

ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 20, 2020

ᐊᐱᖅᑯᑎᒃᓴᖃᑐᐊᕈᕕᑦ ᐃᖅᑲᖅᑐᐃᕕᓕᕆᓂᐅᑉ ᒥᒃᓵᓄᑦ, ᖃᐅᔨᒋᐊᖃᑦᑕᖁᔭᐅᕗᑎᑦ ᐅᖄᓚᓗᑎᑦ ᓇᓗᓇᐃᔭᐃᕝᕕᐅᕙᒃᑐᒧᑦ ᐅᕝᕙᓘᓐᓃᑦ ᐃᕐᒌᓐᓈᖅᑕᐅᒃᑯᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᓇᒡᒐᓪᔭᒥ ᒫᑦᓯ 23, 2020−ᒥ ᐱᒋᐊᕐᓗᓂ, ᐃᖅᑲᖅᑐᐃᓂᕐᒧᑦ ᐃᒡᓗᕐᔪᐊᕆᔭᐅᔪᖅ ᒪᑐᓯᒪᓂᐊᓕᖅᐳᖅ ᑭᒃᑯᑐᐃᓐᓇᓄᑦ.
  • ᓇᒡᒐᓪᔭᒥ ᒫᑦᓯ 23, 2020−ᒥ ᐱᒋᐊᕐᓗᓂ, ᐃᖅᑲᖅᑐᐃᓂᕐᒧᑦ ᐃᒡᓗᕐᔪᐊᕆᔭᐅᔪᖅ ᐃᖃᓗᕐᓂ ᒪᑐᓯᒪᓂᐊᓕᖅᐳᖅ ᑭᒃᑯᑐᐃᓐᓇᓄᑦ.
  • ᐃᓄᐃᑦ ᓱᓕ ᐱᔨᑦᑎᕈᑎᐅᔪᓂᑦ ᐱᔪᓐᓇᖅᑐᑦ ᐅᖄᓚᓗᑎᑦ 867 975-6590 ᐅᕙᓗ ᐃᕐᖐᓈᖅᑕᐅᑎᖓᓐᓄ corporate.Registries@gov.nu.ca.
  • ᐃᓚᒌᓐᓄᑦ ᐃᑲᔪᕈᑕᐅᕙᑦᑐᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᑲᔪᓯᕗᑦ. ᑎᑎᕋᕐᕕᒃ ᒪᑐᓯᒪᓂᐊᖅᑐᖅ ᑭᒃᑯᑐᐃᓐᓇᓄᑦ. ᑐᓴᖅᑕᖃᕈᒪᒍᕕᑦ ᐱᔾᔪᑎᖃᕐᓗᑎᑦ ᓇᖕᒥᓂᖅ ᑐᓴᖅᑕᐅᔪᒃᓴᖁᑎᖕᓂᒃ, ᖃᐅᔨᒋᐊᕐᕕᒋᓗᒍ ᑎᑎᕋᕐᕕᒃ ᐅ ᖃᓚᐅᑎᒃᑯᑦ ᐅᕗᖓ 867-975-6112 ᖃᕆᑕᐅᔭᒃᑯᓪᓘᓐᓃᑦ ᐅᕗᖓ fsp@gov.nu.ca.
  • ᐃᖅᑲᖅᑐᐅᕕᓕᕆᓂᕐᒧᑦ ᓇᓗᓇᐃᔭᕐᓂᖅ ᒪᓂᒪᑎᑕᐅᓂᐊᖅᐳᖅ ᐃᑲᔪᖅᑐᐃᓂᐊᕐᓗᓂ ᑭᒃᑯᑐᐃᓐᓇᓂᒃ ᐅᖄᓚᐅᑎᒃᑯᑦ ᖃᕆᑕᐅᔭᒃᑯᓪᓗ ᑎᑎᕋᖃᑦᑕᐅᑎᕝᕕᒃᑯᑦ. ᐅᑯᐊ ᐊᑐᕐᓗᒋᑦ ᖃᐅᔨᒋᐊᕐᕕᐅᔪᓐᓇᖅᑐᑦ ᐱᔨᑦᑎᕋᕐᕕᐅᓂᐊᕐᓗᓂ.
    • ᐱᔾᔪᑎᒋᔭᐃᑦ ᐱᖃᓯᐅᑎᒃᐸᑦ ᐱᕋᔭᖕᓂᕐᒥᒃ ᒪᒃᑯᒃᑐᒥᓪᓘᓐᓃᑦ ᐃᖅᑲᖅᑐᖅᑕᐅᔪᒥᒃ, ᐱᕋᔭᒃᑐᑦ ᑎᑎᖅᑭᕆᔨᖓᓄᑦ ᖃᐅᔨᒋᐊᕈᓐᓇᖅᐳᑎᑦ ᐅᕗᖓ; 867 975-6101; ncj.criminal@gov.nu.ca..
    • ᐱᔾᔪᑎᒋᔭᐃᑦ ᐱᖃᓯᐅᑎᒃᐸᑦ ᐃᓅᖃᑎᒥᒃ, ᐃᓚᒌᓂᑦ ᓄᑕᖅᑲᓂᓪᓘᓐᓃᑦ ᒪᓕᒐᖅᑎᒍᑦ ᐃᖅᑲᖅᑐᖅᑕᐅᔾᔪᑎᒥᒃ ᐃᓅᖃᑎᒌᓄᑦ ᑎᑎᖅᑭᕆᔨ ᖃᐅᔨᒋᐊᕐᕕᒋᓗᒍ ᐅᕗᖓ 867 975-6102; ncj.civil@gov.nu.ca..
    • ᐊᒻᒪᓗᑦᑕᐅᖅ, ᐱᔾᔪᑎᒋᔭᐃᑦ ᐱᔾᔪᑎᖃᖅᐸᑦ ᐃᓅᖃᑎᒥᒃ ᐊᑐᖅᑎᑦᑎᓪᓚᕆᖕᓂᕐᒥᒃ, ᖃᐅᔨᒋᐊᕐᕕᒋᓗᒍ ᐃᖅᑲᖅᑐᐃᕕᖕᒥ ᐸᓖᓯᙳᐊᕆᔭᐅᔪᖅ ᐅᕙᓂ 867 975-6103; ncj.sheriff@gov.nu.ca..
       


ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ ᑐᓴᒐᒃᓴᑦ - ᒫᑦᓯ 19, 2020

ᐃᓄᐃᑦ ᐊᐱᕆᔭᐅᕗᑦ ᖃᐅᔨᒋᐊᕐᕕᖃᖁᔭᐅᓪᓗᑎᒃ ᐃᓚᒌᓂ ᐋᓐᓂᖅᓯᔪᖃᖅᐸᖕᓂᖓᓄᑦ ᐱᓕᕆᕝᕕᖃᖔᓕᕐᓂᕐᒧᑦ ᐱᖁᔭᕐᒧᑦ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦᐆᒥᖓ ᓈᓴᐅᒻᒥᒃ ᐊᑐᕐᓗᑎᒃ, 1-844-534-1038.  ᑕᒪᓐᓇ ᐅᖄᓚᓂᖅ ᖃᐅᔨᓴᖅᑕᐅᓂᐊᖅᐳᖅ ᖃᐅᔨᒪᓕᕈᒪᓂᕐᒧᑦ ᐃᑲᔪᖅᑕᐅᔭᕆᐊᖃᕐᓂᕐᒧᑦ ᐱᔭᐅᔭᕆᐊᓕᖕᒧᑦ ᑐᕌᖅᑎᑕᐅᓗᓂ ᓄᓇᓕᖕᓂ ᐱᑐᐃᓐᓇᐅᙱᑦᑐᓕᕆᓂᕐᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᒋᔭᐅᔪᓄᑦ ᐊᑐᖅᑕᐅᔪᓐᓇᖅᑐᓂᒡᓗ ᓇᓗᓇᐃᖅᓯᔪᓐᓇᖅᖢᓂ. 

ᒪᓕᒐᓕᕆᔨᒃᑯᑦ ᐃᑲᔪᖅᑐᐃᖏᓐᓇᕐᓂᐊᖅᐳᑦ ᓄᓇᕗᒻᒥᐅᓄᑦ ᐅᑯᑎᒎᓇᖅ, ᐃᓚᒌᓂ ᐋᓐᓂᖅᓯᕆᔪᖃᖅᐸᖕᓂᖓᓄᑦ ᐱᓕᕆᕝᕕᖃᖔᓕᕐᓂᕐᒧᑦ ᐱᖁᔭᒃᑯᑦ ᒫᓐᓇᐅᔪᒃᑯᑦ.  ᖁᐊᖅᓵᕐᓇᖅᑕᐃᓕᒪᓂᖅ ᓱᓕ ᓯᕗᓪᓕᖅᐸᐅᑦᑎᐅᓯᒪᕙᕗᑦ ᐃᓱᒫᓘᑎᒋᓪᓗᒍ ᑲᔪᓰᓐᓇᕐᓂᐊᖅᖢᑕᓗᖃᐅᔨᒪᑦᑎᐊᕈᒪᓪᓗᑕ ᐱᔨᑦᑎᕋᕐᓂᕆᕙᒃᑕᕗᑦ ᒪᓂᒪᒐᓗᐊᕐᓗᒪᖔᑕ ᐱᔭᐅᔭᕆᐊᖃᕐᕕᒋᔭᒥᓂ. 

ᒪᓕᒐᓕᕆᔨᒃᑯᑦ ᑕᐅᑐᒐᖃᓪᓗᐊᑕᖅᐳᑦ ᖃᓄᐃᙱᑦᑎᐊᕐᕈᓐᓇᕐᓂᖏᓐᓄᑦ ᐃᖅᑲᓇᐃᔭᖅᑏᑦ, ᑎᒍᔭᐅᓯᒪᔪᑦ, ᓄᓇᓖᓪᓗ. ᐋᖅᑭᒃᓱᐃᓯᒪᕗᒍᑦ ᐊᑐᖅᑕᐅᓕᕈᓐᓇᖅᑐᓂᒃ ᐱᕙᒌᔭᕈᑎᓂᒃ ᓇᓗᙱᑦᑎᐊᕈᒪᓂᕐᒧᑦ ᑲᔪᓯᑎᑦᑎᔪᓐᓇᕋᓗᐊᕐᒪᖔᑦᑕ ᐊᐅᓚᓂᕆᔭᐅᔪᓂᒃ.

ᑲᔪᓰᓐᓇᖅᑐᑦ ᐃᔨᑦᑎᕋᕐᓂᕆᔭᐅᔪᑦ:

  • ᓯᕗᓪᓕᖅᐹᒥᒃ ᐱᔨᑦᑎᕋᖅᑳᕐᓂᕆᔭᐅᔪᑦ ᓄᓇᓕᖕᓂ ᒪᓕᒐᓕᕆᔨᒃᑯᑦ ᐊᑖᒍᑦ ᑲᔪᓯᓂᐊᖅᐳᑦ.
  • ᓄᓇᕗᒻᒥ ᐃᖅᑲᖅᑐᐃᕕᓕᕆᔨᒃᑯᑦ ᑲᔪᓰᓐᓇᕐᓂᐊᖅᐳᑦ ᑐ ᓴᕙᒡᓗᑎᒃ ᑐᐊᕕᕐᓇᖅᑐᓂᒃ ᐱᓕᕆᐊᒃᓴᕆᔭᐅᔪᑦ ᒫᓐᓇᐅᔪᒃᑯᑦ.
  • ᐅᖃᐅᓯᐅᒃᐸᑦ ᑭᓯᐊᓂ, ᐱᓕᕆᕝᕕᖕᒥ ᐱᔨᑦᑎᕋᐅᑎᑦ ᐊᒥᐊᒃᑯᑐᐊᖑᓕᖅᑐᑦ ᐊᐅᓚᔾᔪᓯᕆᕙᒃᑕᒥᓂᒃ ᐊᐅᓚᐃᓐᓇᕐᓂᐊᖅᐳᑦ. ᖃᐅᑕᒫ ᑐᓴᒐᒃᓴᓂᒃ ᓴᖅᑭᑎᑦᑎᑲᑕᒃᑐᑦ. 

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᒪᓕᒐᓕᕆᔨᒃᑯᑦ ᐊᐱᕆᕗᑦ ᑕᒪᐃᓐᓂᑦᑎᐊᖅ ᓄᓇᓕᖕᓂ ᑎᒍᔭᐅᓯᒪᕝᕕᓕᕆᓂᕐᒧᑦ ᐱᓕᕆᕝᕕᒋᔭᐅᕙᒃᑐᑦ ᐅᖃᖃᑦᑕᖁᓪᓗᒋᑦ ᐅᖄᓚᐅᑎᑎᒍᑦ ᓄᓇᓕᖕᓂ ᑎᒍᔭᐅᓯᒪᕝᕕᓕᕆᓂᕐᒧᑦ ᐱᓕᕆᔨᒧᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᑎᒍᔭᐅᓯᒪᕝᕕᓕᕆᔩᑦ ᑎᑎᖃᕐᕕᖏᑦ ᒪᑐᓯᒪᓂᐊᖅᐳᑦ ᑕᐅᑯᙵᐅᕙᒃᑐᓄᒃ ᑭᓯᐊᓂ ᒪᑐᐃᓛᖅᖢᑎᒃ ᐅᖃᐅᓯᐅᒃᑲᓐᓂᕈᑎᒃ.
  • ᓄᓇᕗᒻᒥ ᓄᓇᓕᖕᓂ ᒪᓕᒐᓕᕆᓂᕐᒧᑦ ᑎᑎᕋᕐᕖᑦ ᑭᒃᑯᑐᐃᓐᓇᓄᑦ ᒪᑐᓯᒪᓂᐊᖅᐳᑦ, ᑕᒪᓐᓇ ᐱᒋᐊᕐᓗᓂ ᓇᒡᒐᔾᔭᒥ, ᒫᑦᓯ 23, 2020−ᒥ.
  • ᑕᒪᕐᒥᑦᑎᐊᖅ ᐳᓛᕆᐊᕐᓂᕆᔭᐅᕙᒃᑐᑦ ᐃᓂᒋᔭᐅᔪᓄᑦ ᓄᖅᑲᖅᑎᑕᐅᕗᑦ ᖃᐅᔨᒪᑦᑎᐊᕈᒪᓂᕐᒧᑦ ᖃᓄᐃᙱᑦᑎᐊᕈᓐᓇᕐᓂᖏᓐᓂᒃ ᖁᐊᖅᓵᖅᓇᖅᑐᒦᙱᓐᓂᖕᓐᓄᓪᓗ ᑎᒍᔭᐅᓯᒪᔪᑦ ᐃᖅᑲᓇᐃᔭᖅᑏᓪᓗ. 
  • ᓄᓇᕗᒻᒥ ᐃᖅᑲᖅᑐᐃᕕᒃᑯᑦ ᓄᖅᑲᖅᑎᑦᑎᓯᒪᓕᖅᐳᑦ ᖃᐅᑕᒫᑦ ᐊᐅᓚᓂᕆᕙᒃᑕᒥᓂᒃ.