ᐅᖃᓚᐅᑎᓯᐅᑏᑦ

You are here

16 ublut Hulidjutit akiraqturhugu Qanuriniitigut Pihimayunun Ninarniq

ᓄᕕᐱᕆ 26, 2020

Kavamatkunnin Tuhaqtitaudjutikhaq

16 ublut Hulidjutit akiraqturhugu Qanuriniitigut Pihimayunun Ninarniq

Hikutirvia 25, 2020 aularutaa hapkua United Nations Aghuurutaa: 16 ublut Hulidjutit akiraqturhugu Qanuriniitigut- Pihimayunun Ninarniq. Una aghuurut nunaqyuami aghuurut iluturipkarlugit hulidjutit ningarnirmun arnanun arnarutinunlu.

Una ukiumi pidjutaa "Aupayaangaklugu Nunaqyuaq: Maniktigut Kiudjutit, Pittailidjutit, Katitiqlugit!” Atautit timiuyullu aghuuqhayauyut tautuktitilutik ikayuutimingnik imaa atimalutik tautungnaqtuniklu ivitaanik aupayaangauyunik uvani Ubluiqtirvia 10, kinguliq ubluq aghuurutinun.

Atuliruvin ilagikkut ningarnirmik, ilihimaguvinluuniin kimik ayuqhautiqaqtumik, ikayuqtighaqaqtuq.

Ataani Ilagiiktut Pimmarlungnikkut Hattumiarutikhainut Maligaq (FAIA), Nunavummiut piyaaqtut Nunallaanun Hatummiarnikkut Pitquidjunmik(CIO) kitut tunihiyut upautidjutighanik uqaudjinikkut ikayuutighanik ilagiingnun, unalu

Qilamiungnikkut Aanniqtailinikkut Pitquidjutit (EPO) kitut tunihiyaaqtut qilamik qayangnaillrutighanik kitkut atuqtut ilagiiktunun ningarnirmik.

Hivayarlugit 1-844-534-1038 unalu hivayaqtauyughat Nunallaani Maligaliqinikkut Ayuittiaqhimayut ikayungniaqtaatit havauhiitigut.

Ilaliutihimayut qilamik ikayuutinun piinarialgit ataani FAIA atuqtilugit ayuqhautit, qilamiunginikkut kivgatuutit piinarialgillu. Ayuqhaqtitauyunut Ikayuutait hiamitiqtaulimaitut, inungnut-pihimayut ikayungnikkut kivgaqtuutit ihuinaaqtauyunun ningarnikkut. Kivgaqtuutit pidjutiqaqtut ihariagiyainun atautit ihuinaaqtauyut ihuinnaarnikkut-ihumaliurutikullu uniudjutigilugit ihuinaarutit piliihimanun, qiniqhiayut atugahamingnik apirhuiyikkut havauhiitigut, upautidjutighallu kinguani apirhuihuiqata.. Kivgaqtuutit ilauyut pinirmun kangiqhidjutinik ilihaidjutiniklu ikayuutit, maniktigullu ikayuutit haffumuunga Ihuinnaaqtauyunun Tingmidjutikkut Ikayuutit pinahurutit ukualu Ihuinaaqtauyut Ikayuutit Mangit.

Kangiqhittiarumaguvin, hivayaqlugit ihuinnaaqtaunikkut kivgaqtuutit uvani 1-866-456-5216 qaritauyakkutluuniit VictimServices@gov.nu.ca.

###

Tuhaqtidjutikhanut Uqarvikhaq:

Mark Witzaney
Ikayuqti/Atanguyaq Atugakhanut Tuhagakhanullu
Maligaliqinikkut Havagvia
867-975-6346
MWitzaney@gov.nu.ca