ᐅᖃᓚᐅᑎᓯᐅᑏᑦ

You are here

ᑮᓇᐅᔭᓕᕆᔨᒻᒪᕆᒃ

Groups: 
ᑮᓇᐅᔭᓕᕆᔨᒃᑯᑦ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
03-501628
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
$83,499.00
ᑐᓴᕆᐊᕐᕕᒃᓴᖅ: 
$15,016.00
ᐃᒡᓗᒃᓴᖅᑕᖃᙱᑦᑐᖅ ᐃᖅᑲᓇᐃᔭᓕᕐᓂᐊᖅᑐᒧᑦ
Closing Date: 
ᐄᐳᕈ 25, 2014

ᑮᓇᐅᔭᓕᕆᔨᒻᒪᕆᒃ

ᑮᓇᐅᔭᓕᕆᔨᒃᑯᑦ

ᐃᖃᓗᐃᑦ, ᓄᓇᕗᑦ

 

ᐊᖏᔪᖅᑳᓕᒃ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔩᑦ ᐊᖏᔪᖅᑳᓂᒃ, ᑮᓇᐅᔭᓕᕆᔨᒻᒪᕆᒃ ᐊᑐᐃᓐᓇᐅᑎᑦᑎᖃᑦᑕᕋᔭᖅᑐᖅ ᑮᓇᐅᔭᓕᕆᔾᔪᑏᑦ ᐱᔨᒃᓯᕈᑎᖏᓐᓂᑦ ᒪᓕᒡᓗᒋᑦ ᑮᓇᐅᔭᓕᕆᓂᕐᒧᑦ ᒪᓕᒐᓕᒫᑦ, ᑮᓇᐅᔭᓂᑦ ᐊᐅᓚᑦᑎᓂᕐᒧᑦ ᐊᑐᖅᑕᐅᔭᕆᐊᓕᒃ (FAM), ᐊᑐᐊᒐᖏᓐᓂᑦ ᐊᒻᒪᓗ ᐊᑐᖁᔭᐅᔪᑦ ᒪᓕᒡᓗᒋᑦ.  ᑮᓇᐅᔭᓕᕆᔨᒻᒪᕆᒃ ᐅᔾᔨᖅᓱᑦᑎᐊᖃᑦᑕᕆᐊᓕᑦ ᑕᐃᒪᐃᑦᑎᐊ ᐊᐅᓚᒐᓗᐊᕐᒪᖔᑕ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᐅᓚᑕᐅᑦᑎᐊᕋᓗᐊᕐᒪᖔᑕ ᐊᐅᓚᓂᖓᓄᓪᓗ ᑭᖒᒪᓇᖅᑐᑦ ᐊᑐᐃᓇᐅᑎᑦᑎᐊᕐᓗᒋᑦ, ᐊᒻᒪᓗ ᑮᓇᐅᔭᓕᕆᓂᕐᒧᑦ ᑲᒪᔾᔪᑎᓂᒃ, ᐊᑭᓕᕆᐊᓕᓐᓂᓪᓗ, ᐊᐅᓪᓚᕈᑎᒋᔭᐅᔪᓂᑦ, ᐱᑦᑎᐊᕐᓂᕐᒨᖓᔪᑦ ᑮᓇᐅᔭᓕᕆᔾᔪᑎᓅᖓᔪᓂᒃ ᐊᒻᒪᓗ ᑮᓇᐅᔭᓕᕆᔾᔪᑎᓄᑦ ᐊᐅᓚᔾᔪᑕᐅᔪᑦ ᐊᖑᒻᒪᑎᑦᑎᐊᕋᓗᐊᕐᒪᖔᑕ ᖃᐅᔨᒪᐃᓐᓇᕆᐊᕐᓗᒋᑦ ᑮᓇᐅᔭᓕᕆᔨᒃᑯᑦ ᐊᐅᓚᔾᔪᑎᖏᑦ, ᐋᓂᐊᖃᓇᖏᑦᑐᓕᕆᔨᒃᑯᑦ ᐊᒻᒪᓗ ᒐᕙᒪᓕᕆᔨᒃᑯᓐᓄᑦ.

 

ᐃᖃᓇᐃᔮᖅ ᑲᒪᒋᔭᖃᕆᐊᖃᕋᔭᖅᑐᖅ ᐱᕙᓪᓕᐊᔪᓂᒃ ᑮᓇᐅᔭᓕᕆᓂᕐᒧᑦ ᐊᐅᓚᓃᑦ, ᐱᓕᕆᕝᕕᐅᔪᑦ ᐊᐅᓚᓂᐃᓐᓂᒃ, ᖃᐅᔨᓴᕐᑕᐅᒪᔪᓂᒃ ᑕᒻᒪᕐᓯᒪᔪᕐᓯᐅᕐᑐᒋᑦ ᐊᒻᒪᓗ ᐊᐅᓚᑦᑎᔨᐅᓂᕐᒥᓄᑦ ᐅᓂᒃᑳᓕᐅᖃᑦᑕᕐᓗᓂ ᖃᓄᐃᓕᖓᓕᕐᒪᖔᑦ ᐱᓕᕆᕝᕕᒋᔭᖓ.  ᐃᖃᓇᐃᔭᖅᑎ ᑲᒪᒋᔭᓕᒃ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᐅᑏᑦ ᐊᑐᐃᓇᐅᑎᓪᓗᓂᒋᑦ ᑎᒥᐅᔪᓄᑦ ᐃᑲᔪᖃᑦᑕᕐᓗᓂ ᐋᕿᑦᑎᐊᖅᓯᒪᔪᓂᑦ ᐊᒻᒪᓗ ᑕᒻᒪᖅᑕᖅᓯᒪᖏᑦᑐᓂᑦ ᐅᓂᒃᑲᐅᓯᓕᐅᐸᓪᓗᓂ. ᑖᓇ ᐃᖃᓇᐃᔮᖅ ᐊᐅᓚᑦᑎᔨᐅᒐᔭᖅᑐᖅ ᑮᓇᐅᔭᐃᑦ ᐊᐅᓚᑕᐅᑎᐊᕋᓗᐊᕐᒪᖔᑕ ᐅᔾᔨᕈᓱᑦᑎᐊᖅᐸᓪᓗᓂ ᑮᓇᐅᔭᕆᓂᕐᒧᑦ ᐊᐅᓚᑦᑎᔪᓄᑦ.  ᑮᓇᐅᔭᓕᕆᔨᒻᒪᕆᒃ ᐅᖃᐅᔨᒋᐊᖃᑦᑕᕆᐊᖃᕋᔭᖅᑐᖅ ᑮᓇᐅᔭᓕᕆᔩᑦ ᐊᖏᔪᖅᑳᖓᓐᓂᑦ ᐊᑐᐊᒐᓕᐊᖑᔪᒪᓯᒪᔪᓂᒃ ᐊᓯᔾᔨᕆᐊᓕᒃᓂᑦ ᖃᐅᔨᒪᑎᑦᑎᔭᕆᐊᖃᕋᔭᖅᑐᖅ ᑮᓇᐅᔭᓕᕆᓂᕐᒧᑦ ᐊᑐᐊᒐᐅᔪᓂᒃ ᐊᒻᒪᓗ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᖅ (FAA) ᑮᓇᐅᔭᓕᕆᔨᒻᒪᕆᒃ ᐊᑲᐅᖏᓗᑕᐅᔪᓂᒃ ᐋᕿᒃᓱᐃᔪᓐᓇᕐᓗᓂ ᐊᒻᒪᓗ ᐅᖃᐅᔨᒋᐊᕈᓐᓇᕐᓗᓂ ᖃᓄᖅᑑᕆᐊᕈᑎᒋᔪᓐᓇᖅᑐᓂᑦ ᑮᓇᐅᔭᐃᑦ ᖁᕝᕙᕆᐊᕈᑎᖏᓐᓄᑦ, ᐊᑲᐅᖏᓗᑕᖅᑕᖃᑉᐸᓪᓗ ᐊᒻᒪᓗ ᑐᕌᖅᑕᐅᓇᓱᐊᖅᑐᓂᑦ.  ᐃᖃᓇᐃᔭᕋᔭᖅᑐᖅ ᐊᖏᔪᖅᑲᐅᑎᓂᑦ ᑲᑎᒪᖃᖃᑎᖃᑦᑕᕆᐊᖃᕋᔭᖅᑐᖅ ᐅᖃᖃᑎᖃᖃᑦᑕᕐᓗᓂᓗ ᐊᓯᖏᓐᓂᓪᓗ ᒐᕙᒪᒃᑯᑦ ᐱᓕᕆᕝᕕᖏᓐᓂᑦ, ᖃᓄᐃᑦᑐᑐᐃᓐᓇᐃᓗ ᐱᓕᕆᕝᕕᐅᔪᑦ, ᓂᐅᕕᕐᕕᐅᕙᒃᑐᑦ ᐊᒻᒪ ᐊᔪᖏᔾᔪᑎᖃᕋᔭᖅᑐᖅ ᑲᖑᓇᖅᑐᓂᑦ ᑐᓴᐅᒪᔪᓐᓇᕐᓂᒧᑦ.   ᐃᖃᓇᐃᔭᖅᑖᕋᓱᐊᖅᑐᖅ ᖃᐅᔨᒪᓂᖃᕆᐊᓕᒃ ᑭᒃᑯᓕᒫᓄᑦ ᐊᖏᖅᑕᐅᓯᒪᔪᑦ ᑮᓇᐅᔭᓕᕆᔾᔪᑎᖏᓐᓂᒃ (GAAP) ᐊᒻᒪᓗ ᑮᓇᐅᔭᓂᑦ ᐊᐅᓚᑦᑎᓂᕐᒧᑦ ᐊᑐᖅᑕᐅᔭᕆᐊᓕᒃ (FAM), ᐃᓚᖃᕐᓗᓂ ᐊᕐᕋᒍᓂᑦ ᐱᖓᓱᓂᒃ (3) ᑮᓇᐅᔭᓕᕆᓂᕐᒧᑦ ᐱᓕᕆᖃᑦᑕᖅᓯᒪᒍᓂ, ᖃᕋᓴᐅᔭᒃᑯᑦ ᑮᓇᐅᔭᓕᕆᔪᓐᓇᐅᑎᓂᒃ ᐊᑐᕈᓐᓇᕐᓗᓂ ᐊᒻᒪ ᑮᓇᐅᔭᓕᕆᓂᕐᒧᑦ ᐊᑐᐊᒐᓂᑦ ᐊᑐᑦᑎᐊᐸᓪᓗᓂ; ᐊᒻᒪᓗ ᐊᕐᕌᒍᓐᓂᒃ ᒪᕐᕉᓐᓂᒃ (2) ᖃᕋᓴᐅᔭᒃᑯᑦ ᑮᓇᐅᔭᐃᑦ ᑎᑎᕋᖅᓯᒪᓂᖏᑦ ᓇᓗᓇᐃᖅᓯᔪᑦ ᑮᓇᐅᔭᖅᑐᕈᑎᓕᒫᓄᑦ ᐊᒻᒪ ᖃᕋᓴᐅᔭᑯᑦ ᐊᑐᖅᑕᐅᕙᒃᑐᓂᑦ. ᑖᓇ ᐃᖃᓇᐃᔮᖅᑕᕋᔭᖅᑐᖅ ᓴᕿᔮᖅᑎᑦᑎᔭᕆᐊᖃᕋᔭᖅᑐᖅ ᑐᑭᓯᐅᒪᓂᕐᒥᓂᒃ ᐃᓕᓯᒪᓂᕐᒥᒍᑦ ᖃᐅᔨᒪᓂᕐᒥᒍᓪᓗ ᑮᓇᐅᔭᓕᕆᓂᒃᑯᑦ ᐊᑭᓕᕆᐊᓖᑦ.  ᐱᓕᕆᐊᑲᕆᐊᓕᒃ ᑮᓇᐅᔭᓂᕆᓂᕐᒥᑦ ᐊᒃᓱᕈᑎᖃᕐᓗᓂ ᐱᓕᕆᖃᑦᑕᖅᓯᒪᓗᓂ.  ᑐᓴᐅᒪᑎᑦᑎᕐᓂᕐᒥᑦ ᐊᒃᓱᕉᑎᖃᕈᓇᕆᐊᓕᒃ ᓇᓗᓇᐃᕈᑎᒋᓗᒍ ᖃᕋᓴᐅᔭᑎᒍᑦ ᑮᓇᐅᔭᔨᕆᕐᔪᑎᓂᑦ ᐊᑐᕈᓐᓇᑦᑎᐊᕐᓗᓂ ᑎᑎᕋᕈᓐᓇᐅᑎᖏᑎᖑᑦ, ᖃᕋᔭᐅᔭᒃᑯᑦ ᑎᑎᕋᖃᑎᖃᖃᑦᑕᕐᓂᖅ ᐊᒻᒪᓗ ᐃᑭᐊᖅᑭᕕᒡᓂᑦ ᐊᑐᕈᓐᓇᑦᑎᐊᕐᓗᓂ.  ᐃᓕᓴᕆᔭᐅᔾᔪᑎᖃᖅᖢᓂ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ ᐅᕝᕙᓗᓃᑦ ᐱᓕᕆᓯᒪᒍᓂ ᓇᓕᐊᓂᑐᐃᓐᓇᖅ ᐅᑯᓇᓂ ᐃᓕᓐᓂᐊᑐᓕᕆᔨᒃᑯᓐᓂᑦ, ᐱᓕᕆᓯᒪᓂᕐᒥᒍᑦ, ᐊᒻᒪᓗ ᐊᔪᙱᓐᓂᖃᕈᓂ ᐃᖃᓇᐃᔭᖁᔭᐅᑐᐃᓐᓇᕆᐊᓕᒃ.   ᓇᐃᓴᐅᓯᕆᓂᓪᓚᕆᒻᒧᑦ ᐃᓕᓐᓂᐊᕐᕈᒪᒍᓂ ᐱᓕᕆᐊᓂᑦ ᑕᐃᒪᐃᒍᓐᓇᕐᒥᔪ.

 

ᑖᓐᓇ ᐃᓚᒋᔭᐅᔪᖅ ᓄᓇᕗᒻᒥ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᒃᑯᖏᓐᓄᑦ ᐊᒻᒪᓗ ᑮᓇᐅᔭᔾᓵᖓ ᐱᒋᐊᕐᕕᖃᖅᖢᓂ $83,499.00 ᐊᕐᕌᒍᒧᑦ, ᐃᓚᖃᕐᓗᓂᓗ ᓄᓇᓕᖕᓂᑦ ᐱᕚᓪᓕᕈᑎᒃᓴᓄᑦ $15,016.00 ᐊᕐᕌᒍᒧᑦ.

 

ᓇᓗᓇᐃᒃᑯᑖ: 03-501628            ᒪᑐᕝᕕᒃᓴᖓ: April 25, 2014 (12-ᒥᑦ ᐅᓐᓄᐊᒃᑯᑦ ᑲᓇᖕᓇᒥ))

 

ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᖏᑦᑐᖅ