ᐅᖃᓚᐅᑎᓯᐅᑏᑦ

You are here

ᕿᒥᕐᕈᓂᕆᔭᐅᔪᖅ ᓄᓇᕗᒻᒥ ᑮᓇᐅᔾᔭᒃᓵᑎᒍᑦ ᑖᒃᓰᔭᖅᑎᑕᐅᔾᔪᑎᓄᑦ ᐱᖁᔭᖅ

ᑎᓯᐱᕆ 14, 2018

ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᑐᓴᒐᒃᓴᖅ

ᕿᒥᕐᕈᓂᕆᔭᐅᔪᖅ ᓄᓇᕗᒻᒥ ᑮᓇᐅᔾᔭᒃᓵᑎᒍᑦ ᑖᒃᓰᔭᖅᑎᑕᐅᔾᔪᑎᓄᑦ ᐱᖁᔭᖅ

ᓄᓇᕗᒻᒥ ᑮᓇᐅᔾᔭᒃᓵᑎᒍᑦ ᑖᒃᓰᔭᖅᑎᑕᐅᔾᔪᑏᑦ ᕿᒥᕐᕈᔭᐅᕙᓪᓕᐊᔪᑦ ᐊᓯᔾᔨᕐᓂᖅᑕᖃᓚᐅᖅᑎᓪᓗᒍ ᑲᓇᑕᐅᑉ ᒐᕙᒪᒃᑯᖏᓐᓂ ᑖᒃᓰᔭᕈᑎᖏᓐᓄᑦ ᐱᖁᔭᕐᒧᑦ ᔫᓂ 2018-ᒥ. ᓄᓇᕗᒻᒥ ᐱᖁᔭᖅ ᐃᓗᓕᖃᕐᓂᖓᓄᑦ ᖃᔅᓯᐊᕐᔪᖕᓂ ᖃᐅᔨᒋᐊᕐᕕᐅᔪᓐᓇᖅᑐᓂ ᑲᓇᑕᓕᒫᒥ ᐱᖁᔭᕐᒥ, ᕿᒥᕐᕈᓂᖃᕐᓂᐅᓂᐊᖅᑐᖅ ᓇᓗᓇᐃᖅᓯᓂᕐᒧᑦ ᐋᖅᑭᒋᐊᕈᑎᐅᔭᕆᐊᖃᖅᑐᓂ ᐊᐅᓚᑦᑎᐊᓂᖃᕐᓂᕐᒧᑦ ᑲᓇᑕᓕᒫᒥ ᐱᖁᔭᕐᒥ.

ᐱᓕᕆᐊᖑᔪᒪᔪᑦ ᐋᖅᑭᒋᐊᕈᑏᑦ ᓄᓇᕗᒻᒥ ᑖᒃᓰᔭᕈᑎᓄᑦ ᐱᖁᔭᕐᒧᑦ ᒪᕐᕈᐃᓕᖅᑲᖓᔪᑦ: ᐋᖅᑭᒋᐊᕐᓂᐅᔪᑦ ᑲᒪᕙᓪᓕᐊᕐᓂᕐᒧᑦ ᑮᓇᐅᔭᓕᐊᕆᔭᑦ ᖃᔅᓰᓐᓇᐅᓂᖏᓐᓂᒃ, ᑮᓇᐅᔭᓕᐅᕐᓂᖅᓴᐅᔪᑦ ᓇᖕᒥᓂᖃᖅᑐᑦ ᐃᓛᒃᑰᖅᑐᓂ ᑎᒥᐅᔪᓂ ᓅᑦᑎᕙᒃᑐᑦ ᑮᓇᐅᔭᓕᐊᕆᔭᖏᓐᓂᒃ ᖃᑕᙳᑎᖏᓐᓄᑦ ᑮᓇᐅᔭᓕᐅᕐᓂᑭᓐᓂᖅᓴᓄᑦ, ᐋᖅᑭᒋᐊᕈᑏᓪᓗ ᓇᐃᓴᖅᑕᐅᓯᒪᓂᖏᓐᓄᑦ ᑖᒃᓰᔭᕈᑕᐅᔪᓄᑦ ᐃᓚᙵᖅᓯᒋᐊᕈᑎᓄᑦ ᐊᒃᑐᐊᓂᖃᙱᑦᑐᓄᑦ ᑮᓇᐅᔭᓕᐊᕆᔭᑦ ᖃᔅᓰᓐᓇᐅᓂᖏᓐᓄᑦ. ᑕᒪᓐᓇ ᐃᓚᖃᖅᑐᖅ ᐃᓐᓇᖅᓯᐅᑎᓂ (ᐃᑦᑐᖅᓯᐅᑎ, ᓂᖏᐅᖅᓯᐅᑎ) ᐊᒥᐊᒃᑯᖏᓐᓂᒃ, ᐅᑭᐅᖏᓐᓄᑦ ᐊᒥᐊᒃᑯᖏᓐᓂᒃ ᐊᒻᒪ ᐋᖅᑭᒋᐊᖅᓯᒪᔪᓂ ᑮᓇᐅᔭᓕᐊᕆᔭᓂᒃ.

ᐱᓕᕆᐊᖑᔪᒪᔪᑦ ᐋᖅᑭᒋᐊᕈᑏᑦ ᑐᕌᖅᑎᑕᐅᑐᐃᓐᓇᕆᐊᓖᑦ ᒪᓕᒐᓕᕆᕝᕕᖕᒧᑦ ᐊᖏᖅᑕᐅᔭᕆᐊᖃᕐᓂᕐᒧᑦ 2019 ᐱᒋᐊᓕᓵᕐᓂᖓᓂ.
###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓃᔅ ᒍᕌᓐᒪᐃᓴᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca