ᐱᖁᑎᓄᑦ ᑖᒃᓰᔭᕈᑎ ᐊᑭᓕᖅᓯᒪᔭᕆᐊᓖᑦ ᓄᕕᐱᕆ 30ᒥ

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᐱᖁᑎᓄᑦ ᑖᒃᓰᔭᕈᑎ ᐊᑭᓕᖅᓯᒪᔭᕆᐊᓖᑦ ᓄᕕᐱᕆ 30ᒥ

ᑮᓇᐅᔭᓕᕆᔨᒃᑯᑦ ᐃᖅᑲᐃᑎᑦᓯᒋᐊᖅᑐᑦ ᐱᖁᑎᓕᓐᓂᑦ ᓯᓚᑖᓂᑦ ᐃᖃᓗᐃᑦ ᐱᖁᑎᓄᑦ ᑖᒃᓰᔭᕈᑏᑦ ᐊᑭᓕᕆᐊᖃᕐᒪᑕ ᓄᕕᐱᕆ 30, 2020-ᒥ.

ᑖᒃᓰᔭᕐᓂᕐᒧᑦ ᖃᐅᔨᒃᑲᐃᔾᔪᑏᑦ ᐊᐅᓪᓚᖅᑎᑕᐅᔪᔪᑦ ᓯᑎᐱᕆ 30, 2020-ᒥ. ᐱᓯᒪᖏᒃᑯᕕᐅᒃ ᑖᒃᓰᔭᕐᓂᕐᒧᑦ ᖃᐅᔨᒃᑲᐃᔾᔪᑎ, ᐃᕐᖐᓐᓇᑦᑕᐅᑎᒃᑯᑦ ᑎᑎᕋᕆᑦ propertytax@gov.nu.ca ᐅᖃᓛᓗᑎᓪᓘᓐᓃᑦ ᐊᑭᖃᖏᑦᑐᒧᑦ 1-800-316-3324.

ᓄᓇᕗᑦ ᒐᕙᒪᖓᑦ ᑐᑭᓯᐅᒪᔫᒐᓗᐊᖅ ᑕᒪᓐᓇ ᓄᕙᒡᔪᐊᕐᓇᖅ-19 ᐊᖅᑯᓵᖅᓯᒪᑎᓪᓗᒍ ᐃᓚᖏᓐᓄᑦ ᑮᓇᐅᔭᓕᕆᓂᒃᑯᑦ ᐊᒃᓱᕈᕐᓇᖅᑐᖅᓯᐅᕈᑕᐅᓂᖓᓂᒃ ᓇᖕᒥᓂᖃᖅᑎᐅᔪᓄᑦ. ᓄᓇᕗᒻᒥᐅᑦ ᐃᑲᔪᖅᓯᕈᒪᒐᑦᑎᒍᑦ ᐊᒃᓱᕈᕐᓇᖅᑐᖅᓯᐅᕐᓇᖅᑎᓪᓗᒍ ᑕᐃᒪᓕ ᐊᑐᖁᓪᓗᒋᑦ ᐊᑭᓕᖅᓱᐃᕙᓪᓕᐊᖃᑦᑕᕐᓂᕐᒥᑦ ᐊᑐᒐᒃᓴᐅᔪᓐᓇᖅᑐᓂᒃ.

ᐃᓗᐃᑦᑐᒥᒃ ᐊᑭᓕᒃᓴᑐᖃᑎᑦ ᐊᑭᓕᑲᐅᑎᒋᔪᓐᓇᙱᒃᑯᕕᒋᑦ, ᑎᑎᕋᕐᕕᑦᑎᓐᓄᑦ ᑐᓴᖅᑎᑦᑎᓂᐊᖅᐳᑎᑦ ᑎᓯᐱᕆ 18, 2020-ᖑᕋᓱᐊᕐᓂᖓᓂ ᐊᑭᓖᖃᑦᑕᕈᓐᓇᕐᓂᐊᕋᕕᑦ ᐃᓛᒃᑰᖓᔪᓂᑦ.

ᐃᑲᔪᖅᓯᖅᐸᑦᑎᒋᑦᑕᐅᖅ ᖃᕆᓴᐅᔭᑎᒎᕐᓗᑎᑦ ᐊᑭᓖᔪᓐᓇᕐᒥᒐᕕᑦ ᐊᑮᑦᑐᕆᔭᕐᓂᒃ ᑮᓇᐅᔭᖃᕐᕕᖕᓄᐊᕐᓗᑎᑦ. ᑖᓐᓇ ᐊᑐᖅᑕᐅᔪᓐᓇᖅᑐᖅ ᓱᑲᓐᓂᖅᐹᖑᔪᖅ ᑖᒃᑯᐊ ᐊᑭᓕᕆᐊᓕᓐᓂᑦ ᑲᒪᒋᓗᒋᑦ ᐊᒻᒪᓗ ᐃᓅᖃᑎᒥ ᐅᖓᓯᒌᖃᑦᑕᐅᑎᓂᕐᒥᑦ ᐃᑲᔫᑎᓪᓗᓂ.

ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ, ᐊᑏ ᐅᕗᖓ ᐅᖄᓚᓗᑎᑦ ᐅᕗᖓ 1-800-316-3324 ᐅᕙᓗ ᐃᕐᖐᓐᓇᐅᑎᒃᑯᑦ payrollTax@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca