ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᖓᑦ ᓴᑏᔫᔪᑦ ᑮᓇᐅᔭᖅᑕᕈᑎᒋᓯᒪᔭᖏᓄᑦ ᑎᑭᐅᑎᓂᖏᓐᓄᑦ ᓄᑖᖑᕆᐊᑕᐅᔪᖅ

ᕕᕝᕗᐊᓕ 27, 2020

ᐱᕙᓪᓕᐊᔪᑦ ᓴᖅᑭᑕᑦ

ᓄᓇᕗᑦ ᒐᕙᒪᖓᑦ ᓴᑏᔫᔪᑦ ᑮᓇᐅᔭᖅᑕᕈᑎᒋᓯᒪᔭᖏᓄᑦ ᑎᑭᐅᑎᓂᖏᓐᓄᑦ ᓄᑖᖑᕆᐊᑕᐅᔪᖅ

ᐃᖃᓗᐃᑦ, ᓄᓇᕗᑦ (ᕕᕗᐊᕆ 27, 2020) − ᐱᔭᐅᕙᓪᓕᐊᓯᒪᔪᓄᑦ ᓇᐃᓴᖅᑕᐅᓯᒪᔪᓄᑦ ᑎᒥᖁᑎᐅᔪᑦ DBRS ᐋᖅᑭᒃᓯᓯᒪᔪᑦ ᓇᐃᓴᐃᔨᒥᑦ AA (ᐊᑦᑎᒃᑐᒥ) ᓱᕐᕌᙱᑦᑐᒥ ᖃᓄᐃᑉᐸᓪᓕᐊᓂᖏᓐᓄᑦ ᓄᓇᕗᑦ ᒐᕙᒪᖓᓐᓄᑦ (GN). ᑮᓇᐅᔭᓕᕆᔨᒃᑯᑦ ᒥᓂᔅᑕᖓ ᔪᐊᔾ ᕼᐃᒃᔅ ᓴᖅᑭᑎᑦᑎᔪᖅ ᓄᓇᕗᑦ ᒐᕙᒪᖓᑕ ᑐᒃᓯᕋᐅᑎᒋᓯᒪᔭᖓᓂᑦ ᑮᓇᐅᔭᑦ ᐊᑐᖅᑐᒃᓴᓄᑦ ᐊᕐᕌᒍ 2020-21−ᒧ ᐅᓪᓗᖅ ᐅᓇᐅᑎᓪᓗᒍ ᕕᕗᐊᕆ 19, 2020.

“ᐱᑎᑕᐅᔪᑦ ᐳᖅᑐᓂᖅᐹᒥᑦ ᐊᒃᑐᐊᓂᖃᖅᑐᖅ ᒐᕙᒪᑦᑕ ᑮᓇᐅᔭᓂᑦ ᐸᐸᑐᐃᑦᑎᐊᕐᓂᖏᓐᓄᑦ ᐊᒻᒪᓗ ᑮᓇᐅᔭᓕᐅᕈᓐᓇᖅᐸᓪᓕᐊᓂᕐᒧᑦ ᐊᔪᙱᓐᓂᖃᕐᓗᓂ” ᐅᖃᖅᑐᖅ ᒥᓂᔅᑕ ᕼᐃᒃᔅ. “ᑮᓇᐅᔭᓕᐅᕈᑕᐅᒃᑲᓂᕋᓱᒃᑐᑦ ᐅᔭᕋᖕᓂᐊᓂᕐᒧᑦ ᑮᓇᐅᔭᓕᐅᕐᓂᕐᒧᑦ ᐊᒻᒪ ᓄᓇᓖᑦ ᐃᓄᒋᐊᑦᓯᕙᓪᓕᐊᓂᖏᓐᓄᑦ ᑐᑭᖃᖅᑐᖅ ᑮᓇᐅᔭᓕᐅᕋᓱᓐᓂᕐᒧᑦ ᐱᕙᓪᓕᐊᓚᕆᑦᑐᖅ ᓄᓇᕗᓕᒫᒧᑦ.

DBRS−ᑯᑦ ᐅᖃᐅᓯᖃᓚᐅᕐᒥᔪᑦ ᓄᓇᕗᑦ ᒐᕙᒪᖓᑦ ᐊᔪᕐᓇᖅᑐᑰᖃᑦᑕᕐᓂᕆᔭᖓᓂᑦ − ᑮᓇᐅᔭᓕᐅᕈᑎᖃᑦᑎᐊᕋᑎᒃ ᑭᒡᒐᖅᑐᖅᑕᖏᑦ ᑭᒃᑯᑐᐃᓐᓇᐃᑦ ᑮᓇᐅᔭᓕᐅᕋᓱᐊᖅᑎᑦ, ᓄᓇᓖᓪᓗ ᐅᖓᓯᒌᒻᒪᑕ, ᐊᒻᒪᓗ ᐃᓅᓯᕆᔭᒧᑦ-ᒪᑭᑉᐸᓪᓕᐊᔾᔪᑎᒃᓴᓄᓪᓗ ᐊᔪᕐᓇᖃᑦᑕᕐᒪᑦ ᐃᓚᒋᓪᓗᒍ ᓄᓇᕗᓕᒫᒥᑦ ᐊᑭᑐᔫᑎᐊᓘᒻᒪᑕ ᐃᒡᓗᑭᑦᑕᖅᓘᑎᒡᓗ.

ᑐᓂᓯᓚᐅᖅᑐᑦ ᐊᑭᓕᒃᓴᖃᐅᑎᖓᑕ ᖁᕝᕙᓯᖕᓂᖓᓂ ᐃᒻᒥᒃᑯᑦ ᐃᓱᒪᒃᓴᖅᓯᐅᕈᑎᖃᖃᑦᑕᖅᐳᑦ ᑲᑐᔾᔨᖃᑎᒌᑦ ᑎᑭᐅᑎᔪᓐᓇᕐᒪᖔᑕ ᑎᑭᐅᑎᔪᒪᑦᑎᐊᕐᒪᖔᑕᓗ ᑮᓇᐅᔭᓕᕆᓂᕐᒧᑦ ᐊᑐᓪᓚᕆᒋᐊᖃᖅᑕᖏᓐᓂᒃ. ᑖᓐᓇ ᐊᐃᑉᐸᕆᓕᖅᑕᖓ DBRS−ᑯᑦ ᖃᑦᓯᐅᓂᖏᓐᓄᑦ ᖃᐅᔨᓴᖅᑕᐅᓂᖏᑦ ᓄᓇᕗᑦ ᒐᕙᒪᖓᓄᑦ ᑐᓂᔭᐅᓯᒪᔪᖅ. ᑐᑭᓯᒋᐊᒃᑲᓐᓂᕈᒪᒍᕕᑦ DBRS−ᑯᑦ ᓇᒻᒥᓂᖁᑎᖓᑕ ᒥᒃᓵᓄᑦ, ᐅᕙᓂᐃᑭᐊᕿᕕᒻᒥ ᖃᐅᔨᒋᐊᕈᓐᓇᖅᑐᑎᑦ www.dbrs.com.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca