ᓄᓇᕗᒻᒥ ᐃᒥᐊᓗᓕᕆᔨᒃᑯᓐᓄᑦ ᓱᕐᕋᖕᓇᖅᑐᓕᕆᔨᒃᑯᓐᓄᓪᓗ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᔪᒪᔪᓂᒃ ᐱᔪᒪᔪᑦ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕗᒻᒥ ᐃᒥᐊᓗᓕᕆᔨᒃᑯᓐᓄᑦ ᓱᕐᕋᖕᓇᖅᑐᓕᕆᔨᒃᑯᓐᓄᓪᓗ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᔪᒪᔪᓂᒃ ᐱᔪᒪᔪᑦ

ᓄᓇᕗᑦ ᒐᕙᒪᒃᑯᑦ ᐃᓚᒋᔭᐅᔪᒪᔪᓂᒃ ᕿᓂᓕᖅᐳᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᐅᖃᑕᐅᓂᐊᖅᑐᓂᒃ.

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᑦ ᐃᖅᑲᖅᑐᐃᕕᓕᕆᓂᕐᒧᑦ ᒥᒃᓵᓅᖓᑎᑕᐅᔪᓂᒃ ᑲᑎᒪᔨᖃᖅᐳᑦ ᓄᓇᕗᒥᐅᓄᑦ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ. ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᑦ ᐅᓂᒃᑳᓲᖑᕗᑦ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓐᓄᑦ.

ᑲᑎᒪᔨᑦ ᐃᓚᐅᖃᑦᑕᕆᐊᖃᕐᒥᔪᑦ ᑕᖅᑭᑦ ᐱᖓᓱᑦ ᐊᓂᒍᑕᒫᑦ ᑲᑎᒪᓕᕌᖓᒥᒃ (ᐅᑐᐱᕆ, ᔭᓄᐊᕆ, ᒫᑦᓯ, ᔫᓂ). ᑲᑎᒪᓲᖑᕗᑦ ᑲᑎᙵᓪᓗᑎᒃ ᐊᕐᕌᒍᓕᒫᒥ ᒪᕐᕈᐃᖅᓱᖅᖢᑎᒃ, ᐃᖃᓗᖕᓂᐅᒐᔪᒃᖢᓂ. ᑲᑎᒪᔩᑦ ᑭᐅᖃᑦᑕᕆᐊᖃᖅᐳᑦ ᐃᕐᖐᓐᓈᖅᑕᐅᒃᑯᑦ ᐊᕐᕌᒍᓕᒫᒥ ᐱᓕᕆᑎᑕᐅᒑᖓᑕᓗ ᐊᑭᓕᐅᓯᐊᖅᑎᑕᐅᖃᑦᑕᕐᓂᐊᖅᐳᑦ.

ᑲᑎᒪᔨᐅᖃᑕᐅᔪᑦ ᓄᓇᓕᖕᓂ ᓄᓇᕘᓕᒫᒥ ᐱᓇᔪᖁᔭᐅᕗᑦ. ᐱᓇᔫᑎᑦ ᑕᑕᑎᕆᐊᓕᑦ ᐱᔭᒃᓴᐅᔪᑦ ᐅᕙᙵᑦ https://gov.nu.ca/finance/information/call-nunavut-liquor-and-cannabis-b... ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᓂᐊᖅᐸᑦ ᐱᔭᕇᖅᓯᒪᓗᓂ ᑕᑕᑎᕆᐊᓕᒃ, ᑎᑎᖅᑲᐅᑉ ᖄᖓ ᐊᒻᒪ ᑲᑎᒪᔨᐅᓂᕐᒧᑦ ᐱᔪᒥᓴᐅᑎ ᐅᑯᓄᖓ nlcb@gov.nu.ca.

ᑐᓴᕆᐊᒃᑲᓐᓂᕈᒪᒍᕕᑦ, ᑎᑎᕋᕈᓐᓇᖅᐳᑎᑦ ᐃᕐᖐᓐᓈᖅᑕᐅᒃᑯᑦ ᒦᒐᓐ ᐱᓕᐅ−ᒧᑦ ᐅᕗᖓ nlcb@gov.nu.ca ᐅᕝᕙᓘᓐᓃᑦ ᐅᖃᓗᒡᓗᑎᑦ ᐅᕗᖓ 867-975-6807.

ᐱᓇᓱᐊᓂᕐᒧᑦ ᐱᕕᖃᖅᑎᑕᐅᔪᑦ ᐃᓱᖃᖅᐳᖅ ᐊᐃᕆᓕ 11, 2023−ᒥ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᒦᒐᓐ ᐱᓕᐅ
ᑲᑎᒪᔨᓄᑦ ᑎᑎᕋᖅᑎ, ᓄᓇᕗᒻᒥ ᐃᒥᐊᓗᖕᒧᑦ ᓱᕐᕋᖕᓇᖅᑐᒧᓪᓗ ᑲᑎᒪᔨᓄᑦ
ᑮᓇᐅᔭᓕᕆᔨᒃᑯᑦ
867-975-6807
NLCB@gov.nu.ca