ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐃᒥᐊᓗᓕᕆᔨᒃᑯᓐᓄᑦ ᓱᕐᕋᖕᓇᖅᑐᓕᕆᔨᒃᑯᓐᓄᓪᓗ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᔪᒪᔪᓂᑦ ᐱᔪᒪᔪᑦ

ᔪᓚᐃ 05, 2021

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᓄᓇᕗᒻᒥ ᐃᒥᐊᓗᓕᕆᔨᒃᑯᓐᓄᑦ ᓱᕐᕋᖕᓇᖅᑐᓕᕆᔨᒃᑯᓐᓄᓪᓗ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᔪᒪᔪᓂᑦ ᐱᔪᒪᔪᑦ

ᓄᓇᕗᑦ ᒐᕙᒪᒃᑯᑦ ᑲᑎᒪᔨᐅᖃᑕᐅᔪᒪᔪᓂᒃ ᕿᓂᓕᕐᒪᑕ ᓄᓇᕗᒻᒥ ᐃᒥᐊᓗᓕᕆᔨᒃᑯᓐᓄᑦ ᓱᕐᕋᖕᓇᖅᑐᓕᕆᔨᒃᑯᓐᓄᓪᓗ ᑲᑎᒪᔨᐅᖃᑕᐅᔪᒪᔪᓂᒃ.

ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᐱᒻᒪᕆᐊᓗᖕᒥᒃ ᐱᓕᕆᐊᒃᓴᖃᖅᐳᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᐱᓕᕆᕝᕕᖏᓐᓂᒃ. ᐅᑯᓂᖓᓗ ᐃᒥᐊᓗᓕᕆᓂᕐᒧᑦ ᐱᔪᓐᓇᐅᑎᓕᖕᓂᒃ ᐊᐅᓚᑦᑎᐊᖅᑎᑦᑎᓪᓗᑎᒃ ᐃᒥᐊᓗᓕᕆᓂᕐᒧᑦ ᐱᖁᔭᖓᒍᑦ ᒪᓕᒐᖓᒍᓪᓗ. ᑲᑎᒪᔩᑦ ᐊᐅᓚᑦᑎᖃᑦᑕᕆᕗᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᒍᒪᔪᓂᒃ ᓄᓇᕗᒻᒥ ᓱᕐᕋᖕᓇᖅᑐᓂᒃ ᓂᐅᕐᕈᑎᖃᖅᐸᒃᑐᓄᑦ. ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓐᓄᓪᓗ ᑲᑎᒪᔩᑦ ᐱᓕᕆᖃᑎᖃᖃᑦᑕᖅᐳᑦ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓂ ᐅᑯᐊ ᐱᔾᔪᑎᒋᓪᓗᒋᑦ, ᐱᖁᔭᖅ, ᒪᓕᒐᐃᑦ ᐊᒻᒪᓗ ᐊᐅᓚᑕᐅᔭᕆᐊᓖᑦ ᑲᒪᑦᑎᐊᕈᓐᓇᕐᓗᑎᒃ ᓂᐅᕐᕈᑎᖃᖅᐸᒃᑐᑦ, ᓄᓇᓕᖕᓄᐊᖅᑕᐅᕙᒃᑐᑦ ᐊᒻᒪ ᐊᑐᖅᑕᐅᕙᒃᑐᑦ ᐱᔾᔪᑎᒋᓪᓗᒋᑦ ᓄᓇᕗᒻᒥ.
ᑲᑎᔨᐅᖃᑕᐅᔪᑦ ᑲᑎᒪᔾᔪᓯᐊᖃᑦᑕᕐᓂᐊᖅᐳᑦ ᐱᔨᑦᑎᕋᐅᑎᒥᓄᑦ.

ᑲᑎᒪᔨᐅᖃᑕᐅᔪᑦ ᓄᓇᓕᖕᓂ ᓄᓇᕘᓕᒫᒥ ᐱᓇᔪᖁᔭᐅᕗᑦ. ᑐᒃᓯᕋᐅᑎᑦ ᑕᑕᑎᕆᐊᓕᑦ ᐱᔭᒃᓴᐅᕗᑦ ᐅᕙᙵᑦ https://gov.nu.ca/sites/default/files/application_form_for_agencies_boar.... ᐃᕐᖐᓐᓈᖅᑕᐅᒃᑯᑦ ᐱᐊᓂᒃᓯᒪᔭᑎᑦ ᓇᒃᓯᐅᑎᓗᒋᑦ ᐅᕗᖓ nlcb@gov.nu.ca.

ᑐᓴᕆᐊᒃᑲᓐᓂᕈᒪᒍᕕᑦ, ᑎᑎᕋᕈᓐᓇᖅᐳᑎᑦ ᐃᕐᖐᓐᓈᖅᑕᐅᒃᑯᑦ ᐄᑎᑦ ᓱᐄᑦᐅᐊᑕᒧᑦ ᐅᕗᖓ nlcb@gov.nu.ca ᐅᕝᕙᓘᓐᓃᑦ ᐅᖃᓗᒡᓗᑎᑦ ᐅᕗᖓ 867-975-6807.

ᐱᓇᔪᒍᒪᔪᓄᑦ ᐃᓱᓕᕝᕕᒃᓴᓕᒃ ᔪᓚᐃ 23, 2021−ᒥ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
Financecoms@gov.nu.ca
867-975-6818