ᐅᖃᓚᐅᑎᓯᐅᑏᑦ

You are here

ᒨᑎᒃᑯᑦ ᓇᓗᓇᐃᖅᓯᒃᑲᓐᓂᖅᐳᑦ ᓄᓇᕗᑦ ᒐᕙᒪᒃᑯᑦ Aa 1 ᖁᕝᕙᓯᖕᓂᖓᓂ

ᔪᓚᐃ 26, 2018

ᐱᕙᓪᓕᐊᔪᑦ ᓴᖅᑭᑕᑦ

ᒨᑎᒃᑯᑦ ᓇᓗᓇᐃᖅᓯᒃᑲᓐᓂᖅᐳᑦ ᓄᓇᕗᑦ ᒐᕙᒪᒃᑯᑦ Aa 1 ᖁᕝᕙᓯᖕᓂᖓᓂ

ᐃᖃᓗᐃᑦ, ᓄᓇᕗᑦ (ᔪᓚᐃ 26, 2018) −ᒨᑎᐅᑉ ᑮᓇᐅᔭᓕᐅᕋᓱᐊᖅᑎ ᐱᔨᑦᑎᕋᖅᑎᖏᑦ ᓇᓗᓇᐃᖅᓯᒃᑲᓐᓂᖅᐳᑦ ᓄᓇᕗᑦ ᒐᕙᒪᒃᑯᑦ ᐊᑭᓕᒃᓴᖃᐅᑎᖓᓂ ᖁᕝᕙᓯᖕᓂᖓᓂ Aa1−ᖑᓪᓗᓂ ᓱᕐᕋᓗᐊᖅᓯᒪᙱᖦᖢᓂ. ᓄᓇᕗᒻᒥ ᑖᔅᓱᒥᖓ ᖁᕝᕙᓯᖕᓂᖓᓂ ᐃᖏᕐᕋᑎᑦᑏᓐᓇᖅᐳᑦ ᑕᐃᒪᙵ ᐋᒌᓯ 2012-ᖑᓚᐅᖅᑎᓪᓗᒍ.

"ᐅᓄᙱᓐᓂᖅᐹᑦ ᐊᑭᓕᒃᓴᓄᑦ ᑐᓗᖅᑕᕈᑕᐅᔪᑦ ᓴᖅᑭᑎᑦᑎᕗᑦ ᒐᕙᒪᑦᑎᓐᓄᑦ ᑐᕌᖅᑕᐅᓇᓱᐊᖅᑐᑦ ᑮᓇᐅᔭᓂᒃ ᐊᐅᓚᑦᑎᔪᓐᓇᕐᓂᖅ ᐅᔾᔨᖅᓱᖅᑕᐅᑦᑎᐊᕆᐊᖃᕐᓂᖓᓂᒃ," ᑮᓇᐅᔭᓕᕆᔨᒃᑯᑦ ᒥᓂᔅᑕᖓ ᔪᐊᔾ ᕼᐃᒃᔅ ᐅᖃᖅᑐᖅ. "ᑮᓇᐅᔭᓕᐅᖅᐸᓪᓕᐊᓂᖅ ᓂᕆᐅᒋᔭᐅᕗᖅ ᓴᙱᔫᖏᓐᓇᕐᓂᐊᕐᓂᖓᓂᒃ ᐅᑭᐅᓄᑦ ᒪᕐᕉᖕᓄᑦ, ᖁᔭᓐᓇᒦᒃ ᐃᓚᖓᒍᑦ ᓴᙱᔫᑎᑕᐅᖕᒪᑦ ᐅᔭᕋᖕᓂᐊᕐᕕᖕᓄᑦ ᐊᒻᒪ ᓴᓇᕝᕕᖕᓂ ᐃᒡᓗᓕᐅᖅᑕᐅᔪᓄᑦ."

ᒨᑎᒃᑯᑦ ᐊᑭᓕᒃᓴᖃᐅᑎᖓᓂ ᐃᓱᒪᒃᓴᖅᓯᐅᕈᑕᐅᔪᑦ ᐃᓕᓴᖅᓯᕗᑦ ᓄᓇᕗᑦ ᒐᕙᒪᒃᑯᑦ ᐊᑦᑎᒃᑐᒥᑦ ᐊᒻᒪ ᐊᑭᑐᓗᐊᙱᑦᑐᒥᑦ ᐊᑭᓕᒃᓴᓄᑦ ᑐᓗᖅᑕᕈᑕᐅᔪᓂᒃ − ᐊᑦᑎᓂᖅᐹᖅ ᑲᓇᑕᐅᑉ ᐅᑭᐅᖅᑕᖅᑑᓪᓗ ᐊᕕᒃᑐᖅᓯᒪᓂᓕᒫᖏᓐᓂ − ᐊᒻᒪ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᕆᔭᖓᓂ ᑮᓇᐅᔭᓕᐅᖅᐸᓪᓕᐊᑦᑎᐊᕐᓂᖓ ᓴᙱᔫᓂᖓᓂ. ᒨᑎᒃᑯᑦ ᓇᓗᓇᐃᖅᓯᓚᐅᕆᕗᑦ ᓄᓇᕗᑦ ᒐᕙᒪᒃᑯᑦ ᐊᒃᓱᕈᕐᓇᖅᑐᒃᑰᕈᑎᒋᕙᒃᑕᖏᓐᓂᒃ ᐱᓗᐊᖅᑐᒥ ᑮᓇᐅᔭᑦ ᐊᕐᕌᒍᖓᓂ ᐊᒃᓱᕈᕐᓇᖃᑦᑕᖅᑐᑦ ᖁᑦᑎᖕᓂᖅᓴᓄᑦ ᐱᓕᕆᐊᒃᓴᓄᑦ ᐊᒻᒪ ᐊᑭᑐᔫᑎᓄᑦ ᑮᓇᐅᔭᖅᑐᕐᓃᑦ, ᐊᒻᒪᓗ ᑮᓇᐅᔭᓕᐅᕈᑎᓂᑦ ᐊᑐᐃᓐᓇᕆᐊᖃᖅᐸᒃᑐᑦ ᑭᒡᓕᖃᖅᑎᑕᐅᔪᑦ ᐊᒻᒪ ᐊᓯᔾᔨᖅᑕᖅᑐᑦ ᐅᔭᕋᖕᓂᐊᕐᕕᖕᓂ.

ᑐᓂᓯᓚᐅᖅᑐᑦ ᐊᑭᓕᒃᓴᖃᐅᑎᖓᑕ ᖁᕝᕙᓯᖕᓂᖓᓂ ᐃᒻᒥᒃᑯᑦ ᐃᓱᒪᒃᓴᖅᓯᐅᕈᑎᖃᖃᑦᑕᖅᐳᑦ ᑲᑐᔾᔨᖃᑎᒌᑦ ᑎᑭᐅᑎᔪᓐᓇᕐᒪᖔᑕ ᑎᑭᐅᑎᔪᒪᑦᑎᐊᕐᒪᖔᑕᓗ ᑮᓇᐅᔭᓕᕆᓂᕐᒧᑦ ᐊᑐᓪᓚᕆᒋᐊᖃᖅᑕᖏᓐᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ ᒨᑎᒃᑯᑦ ᑮᓇᐅᔭᓕᐅᕋᓱᐊᖅᑎᑦ ᐱᔨᑦᑎᕋᖅᑎᖏᓐᓂᒃ, ᐅᕗᖓ ᑕᑯᒋᐊᕐᓗᑎᑦ www.moodys.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐄᑎᑦ ᓱᐄᑦᐅᐊᑕ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᑮᓇᐅᔭᓕᕆᔨᒃᑯᑦ
867-975-6821
FinanceComs@gov.nu.ca