ᐅᖃᓚᐅᑎᓯᐅᑏᑦ

You are here

ᐃᖃᓗᖕᓂᑦ ᓄᓇᕗᒻᒥᑦ ᐃᒥᐊᓗᓕᕿᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦᑕ ᓂᐅᕕᕐᕕᐊᓂᑦ ᐊᐱᖅᑯᑎᑦ

ᕕᕝᕗᐊᓕ 18, 2020

 

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᖃᓗᖕᓂᑦ ᓄᓇᕗᒻᒥᑦ ᐃᒥᐊᓗᓕᕿᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦᑕ ᓂᐅᕕᕐᕕᐊᓂᑦ ᐊᐱᖅᑯᑎᑦ

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ ᓄᓇᕗᑦ ᒐᕙᒪᒃᑯᖏᓪᓗ ᐃᓕᖕᓂᑦ ᑐᓴᕈᒪᖕᒪᑕ ᐅᖃᐅᓯᕆᔪᒪᔭᔅᓯᓐᓂᒃ ᓄᓇᕗᒻᒥᑦ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᑦ ᐃᖃᓗᖕᓂᑦ ᐃᒥᐊᓗᒃᑖᕐᕕᐊᓂᑦ.

ᐱᒋᐊᕐᓗᑎ ᕖᕝᕗᐊᕆ 15ᒥᑦ ᒫᑦᓯ 15ᒧᑦ, ᓄᓇᕗᒻᒥᐅᑦ ᐊᕐᕌᒍᓖᑦ 16ᒥᑦ ᐅᖓᑖᓄᓪᓗ ᐊᑉᐱᖅᑯᑎᓂᑦ ᑭᐅᔪᓐᓇᖅᑐᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᖓᒍᑦ ᐅᕙᓂ http://bit.ly/NULCinuk.

ᑎᑎᕋᕐᕕᒃᓴᑦ ᖃᐅᔨᓴᕈᑎᓂᒃ ᐱᐊᓂᒃᑕᐅᔪᓐᓇᕐᒥᔪᑦ ᐃᖃᓗᖕᓂ ᐃᒥᐊᓗᒃᑖᕐᕕᖕᒥ ᐅᕝᕙᓘᓐᓃᑦ ᒐᕙᒪᒃᑯᑦ ᑐᓴᐅᒪᔪᓕᕆᔨᒃᑯᑦ ᑎᑎᕋᕐᕕᖏᓐᓂᒃ ᐃᖃᓗᖕᓂᐅᙱᑉᐸᑦ. ᐊᐱᖅᑯᑏᑦ ᑭᐅᓇᓱᓪᓗᒋᑦ 10 ᒥᓂᒻᒥᑦ ᐱᔭᕇᕋᓱᓪᓗᒍ ᐊᒻᒪ ᑖᒃᑯᐊ ᑭᓇᒃᑯᑐᐃᓐᓇᕐᓄᑦ ᑕᑯᔭᐅᔾᔮᖏᑦᑐᑦ ᑭᐅᔭᑎᑦ.

ᐃᖃᓗᖕᓂ ᐃᒥᐊᓗᒃᑖᕐᕕᒃ ᐊᕐᕌᒍ ᐱᖓᑦᑎᖅᖢᓂ ᐊᓂᒍᖅᐸᓪᓕᐊᓕᖅᑐᑦ. ᑖᒃᑯᓂᖓ ᐊᐱᖅᑯᑎᓂᑦ ᖃᐅᔨᓴᕈᑕᐅᔪᓂᑦ ᐱᖃᑕᐅᓂᕆᔭᐃᑦ ᐱᒻᒪᕆᐅᕗᑦ ᐃᑲᔪᕈᑕᐅᓂᐊᕐᒪᑦ ᑐᑭᓯᓇᓱᑦᑎᓪᓗᒋᑦ ᑖᔅᓱᒪ ᓂᐅᕕᕐᕕᐅᑉ ᐊᑦᑐᐃᓯᒪᓂᕆᔭᖓᓐᓂᑦ ᓄᓇᓕᒻᒥᑦ ᐊᒻᒪ ᐃᑲᔫᑕᐅᓂᐊᖅᑐᖅ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓂᑦ ᐊᒻᒪ ᑐᑭᓯᑎᑦᑎᔾᔪᑕᐅᓗᓂ ᓄᓇᕗᑦ ᒐᕙᒪᒃᑯᑦ ᐃᓱᒪᓕᐊᕆᓯᒪᔭᖓᓐᓂᑦ ᓂᐅᕕᕐᕕᑖᖅᓯᒪᓂᕆᔭᖏᓐᓂᑦ ᓯᕗᒧᑉᐸᓪᓕᐊᑎᓪᓗᒋᑦ.

ᐊᐱᖅᑯᑎᔅᓴᖃᕈᕕᑦ ᐃᓱᒫᓘᑎᖃᕈᕕᓘᓐᓃᑦ ᑎᑎᕋᕐᕕᒋᔪᓐᓇᖅᑕᐃᑦ ᐃᕐᖐᓐᓈᖅᑕᐅᑎᒃᑯᑦ FinanceComs@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca