ᐅᖃᓚᐅᑎᓯᐅᑏᑦ

You are here

ᐃᓄᓕᒫᖅᑎᑕᐅᓗᑎᒃ ᑲᑎᒪᓛᖅᑐᑦ ᐃᒥᐊᓗᓕᕆᓂᕐᒥᒃ ᓂᕈᐊᕐᓗᑎᒃ ᓴᓪᓕᕐᒥᑦ

ᐊᒃᑐᐸ 19, 2020

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᐃᓄᓕᒫᖅᑎᑕᐅᓗᑎᒃ ᑲᑎᒪᓛᖅᑐᑦ ᐃᒥᐊᓗᓕᕆᓂᕐᒥᒃ ᓂᕈᐊᕐᓗᑎᒃ ᓴᓪᓕᕐᒥᑦ

ᑭᓇᐅᔭᓕᕆᔨᒃᑯᓐᓄᑦ ᒥᓂᔅᑕ ᓴᓪᓕᕐᒥᐅᑦ ᓂᕈᐊᕈᒪᑎᓪᓗᒋᑦ ᐊᖏᖅᐸᖏᑦ ᓄᓇᖅᑲᑎᒌᑦ ᓂᕈᐊᖁᓪᓗᒋᑦ ᐊᓯᔾᔨᑐᐃᓐᓇᕈᕆᐊᓕᖕᒥᒃ ᐃᒥᐊᓗᓕᕆᓂᕐᒧᑦ ᐊᐅᓚᓂᕆᔭᖓᓂᒃ. ᓇᒡᒐᔾᔭᒥ, ᓄᕕᐱᕆ 9, 2020, ᓂᕈᐊᓛᕐᒪᑕ, ᓂᕈᐊᖅᐸᒋᔭᓛᕆᓪᓗᑎᓪᓗ ᓇᒡᒐᔾᔭ, ᓄᕕᐱᕆ 2, 2020−ᒥ.

ᒥᓂᔅᑕ ᑎᑭᑕᐅᓚᐅᖅᐳᖅ ᐊᑎᓕᐅᖅᑕᐅᓯᒪᔪᒥᒃ ᑐᒃᓯᕋᐅᑎᒥᒃ ᓴᓪᓕᕐᒥᐅᓂᒃ ᓂᕈᐊᕈᒪᓪᓗᑎᒃ ᐊᓯᔾᔨᖅᑕᐅᖁᓪᓗᒍ ᐃᒥᐊᓗᓕᕆᔾᔪᓯᖓᑦ ᐊᔪᖅᑎᑕᐅᔪᓂᒃ ᐃᒥᐊᓗᒃᑖᕈᓐᓇᖅᓯᓗᑎᒃ ᖃᔅᓰᓐᓇᕐᓂᒃ. ᑕᒪᓐᓇ ᑐᑭᖃᖅᐳᖅ ᓴᓪᓕᕐᒥᐅᑦ ᐊᓯᔾᔨᖅᑕᐅᖁᔨᓗᑎᒃ ᓂᕈᐊᖅᐸᑕ, ᓂᐅᕕᕈᓐᓇᖅᓯᓂᐊᖅᐳᑦ ᐅᕝᕙᓘᓐᓃᑦ ᑲᓇᑕᐅᑉ ᓯᓚᑕᓂᙶᖅᑐᓂᒃ ᑎᑭᓴᐃᔪᓐᓇᖅᓯᓂᐊᖅᑐᑦ ᐃᒥᐊᓗᖕᓂᒃ ᓄᓇᓕᖕᓄᐊᖅᓯᔪᓐᓇᖅᓯᓗᑎᒃ. ᑐᒃᓯᕋᐅᑕᐅᔪᑦ ᑭᒡᓕᒋᖁᔭᐅᔪᑦ 1 ᓖᑕ spirits, 4 −ᓖᑕ ᐅᐊᐃᓂ ᐊᒻᒪ 18 ᓖᑕᑦ ᐱᐊᓂᒃ ᐅᓪᓗᑦ 14 ᐊᓂᒍᑕᒫᑦ. ᐃᒥᐊᓗᓕᕆᓂᕐᒧᑦ ᐱᖁᔭᒃᑯᑦ, 60 ᐳᓴᐸᓗᖏᑦ ᓂᕈᐊᖅᑏᑦ ᓂᕈᐊᕆᐊᖃᖅᐳᑦ "ᐊᖏᕐᓗᑎᒃ" ᐊᓯᔾᔩᖁᔨᒃᐸᑕ ᓄᓇᓕᖕᓂ ᐃᒥᐊᓗᓕᕆᓂᕐᒧᑦ ᖃᓄᐃᓕᖓᓂᕆᔭᖓᓂᒃ.

ᐃᑲᔪᕐᓂᐊᕐᓗᒋᑦ ᓴᓪᓕᕐᒥᐅᑦ ᑐᑭᓯᑎᓪᓗᒋᑦ ᓄᓇᕗᒥᐅᑦ ᐃᒥᐊᓗᓕᕆᓂᕐᒧᑦ ᒪᓕᒐᖏᓐᓂᒃ ᐊᒻᒪ ᐊᓯᔾᔨᖁᔭᐅᔪᓂᒃ, ᑭᓇᐅᔭᓕᕆᔨᒃᑯᑦ ᐃᓄᓕᒫᖅᑎᑦᑎᓗᑎᒃ ᑲᑎᒪᑎᑦᑎᓂᐊᖅᑐᑦ. ᑲᑎᒪᑎᑦᑎᓛᖅᑐᑦ ᐊᐃᑉᐹᑦ, ᐅᑐᐱᕆ 27, 2020 12:00−ᒧᐊᖅᐸᑦ ᐅᓪᓗᕈᒻᒥᑕᕐᓇᒥ ᐊᒻᒪ 6:00-ᒧᐊᖅᐸᑦ ᐱᙳᐊᕐᕕᖕᒥ. ᓄᕙᒡᔪᐊᕐᓇᖅ-19 ᐱᔾᔪᑕᐅᓪᓗᓂ, ᐃᓯᖅᓯᒪᔪᓐᓇᖅᑐᑦ 100−ᖑᔭᕆᐊᓕᑦ ᐅᕝᕙᓘᓐᓃᑦ 75% ᐃᓐᓄᒍᓐᓇᕐᓂᕆᔭᖓ ᐃᒡᓗᕐᔪᐊᖅ, ᓇᓕᐊᒃ ᒥᑭᓐᓂᖅᓴᐅᑐᐊᖅᐸᑦ, ᐃᓄᖕᓂᒃ ᑲᑎᒪᑎᑦᑎᔪᓐᓇᖅᑐᑦ. ᓴᓪᓕᕐᒥ, ᑭᓯᐊᓂ 100 ᐃᓄᐃᑦ ᐅᐸᒍᑎᔪᓐᓇᓛᖅᑐᑦ ᑕᒪᐃᓐᓂᒃ ᑲᑎᒪᕕᒡᔪᐊᕐᓇᓂᒃ.

ᓴᓪᓕᕐᒥᐅᓕᒫᑦ ᑐᙵᓱᒃᑎᑕᐅᕗᑦ ᐃᓚᐅᖁᔭᐅᓪᓗᑎᒃ ᐅᖃᐅᓯᖃᖃᑎᒋᔭᐅᔪᒪᓪᓗᑎᒡᓗ ᐊᓯᔾᔨᕈᑕᐅᑐᐃᓐᓇᕆᐊᓕᖕᓂᒃ ᒫᓐᓇᓕᓴᖅ ᓄᓇᓕᖕᓂ ᐃᒥᐊᓗᓕᕆᔾᔪᓯᖅ ᑭᒡᒐᖅᑐᖅᑎᖃᖅᖢᑎᒃ ᑮᓇᐅᔭᓕᕆᔨᒃᑯᓐᓂ ᐊᒻᒪ ᓄᓇᕗᒻᒥ ᓂᕈᐊᖅᑎᓂᒃ. ᑕᒧᓗᒐᒃᓴᖅᑕᖃᓛᖅᑐᖅ.

ᑐᑭᓯᒋᐊᒃᑲᓐᓂᕈᒪᒍᔅᓯ ᐃᓄᓕᒫᓂᑦ ᑲᑎᒪᑎᑦᑎᓂᐅᓛᖅᑐᒥᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᖅᐳᓯ ᐅᕗᖓ financeinfo@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca