ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐃᒥᐊᓗᒃ ᑭᒡᓕᖃᖅᑎᑕᐅᓂᖏᑦ ᓄᓇᕗᒻᒥ

ᓯᑎᐱᕆ 03, 2019


ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᒥᐊᓗᒃ ᑭᒡᓕᖃᖅᑎᑕᐅᓂᖏᑦ ᓄᓇᕗᒻᒥ


ᐱᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᐃᖅᑲᐃᓯᑎᑦᑎᔪᒪᕗᑦ ᓄᓇᕗᒥᐅᓂᒃ ᐃᒥᐊᓗᖕᒧᑦ ᒪᓕᒐᐃᑦ ᐊᔾᔨᒌᙱᓐᓂᖏᓐᓂᒃ ᓄᓇᓕᖕᓂ. ᓄᓇᕗᒻᒥ, ᓄᓇᓖᑦ ᐃᒥᐊᓗᓕᕆᓂᕐᒧᑦ ᐱᖓᓱᓂᒃ ᒪᓕᒐᖃᖅᐳᑦ: ᐊᔪᖅᑎᑕᐅᔪᑦ, ᑭᒡᓕᖃᖅᑎᑕᐅᔪᑦ ᐊᒻᒪ ᑭᒡᓕᖃᖅᑎᑕᐅᙱᑦᑐᓪᓘᓐᓃᑦ.

ᐊᔪᖅᑎᑕᐅᔪᑦ ᑐᑭᖃᖅᐳᖅ ᐃᒥᐊᓗᒃᑕᐅᔪᑦ, ᐱᓯᒪᔭᐅᔪᑦ, ᓂᐅᕕᐊᕆᔭᐅᔪᑦ, ᓂᐅᕐᕈᑕᐅᔪᑦ ᐅᕝᕙᓘᓐᓃᑦ ᓇᒃᓴᖅᑕᐅᔪᑦ ᐃᒥᐊᓗᐃᑦ ᐊᔪᖅᑎᑕᐅᕗᑦ. ᐅᑯᐊ ᓄᓇᓖᑦ ᐊᔪᖅᑎᑕᐅᔪᑦ: ᐊᕐᕕᐊᑦ, ᓴᓪᓕᖅ, ᐅᖅᓱᖅᑑᖅ, ᑰᒑᕐᔪᒃ, ᐸᓐᓂᖅᑑᖅ ᐊᒻᒪ ᓴᓂᑭᓗᐊᖅ.

ᑭᒡᓕᖃᖅᑎᑕᐅᔪᑦ ᑐᑭᖃᖅᐳᖅ ᐃᒥᐊᓗᓕᕆᔨᒃᑯᑦ ᑲᒪᒋᔭᒃᓴᖃᖅᖢᑎᒃ ᐅᔾᔨᕈᓱᓕᖅᑎᑦᑎᓂᕐᒥᒃ ᐃᒥᐊᓗᖕᒥ ᐊᐅᓚᑦᑎᓂᕐᒥᒡᓗ ᓂᐅᕕᐊᕆᔭᐅᓲᓂᒃ, ᓂᐅᕐᕈᑕᐅᔪᓂᒃ ᐊᒻᒪ ᑎᑭᑎᑕᐅᓲᑦ ᐃᒥᐊᓗᖕᓂᑦ ᓄᓇᓕᖕᓄᑦ. ᐅᑯᐊ ᓄᓇᓖᑦ ᑭᒡᓕᖃᖅᑎᑕᐅᔪᑦ: ᐃᒃᐱᐊᕐᔪᒃ, ᑭᙵᐃᑦ, ᐃᒡᓗᓕᒑᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ; ᐃᒡᓗᓕᒃ; ᑭᒻᒥᕈᑦ; ᓇᐅᔮᑦ, ᒥᑦᑎᒪᑕᓕᒃ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ ᐊᒻᒪ ᑎᑭᕋᕐᔪᐊᖅ.

ᑭᒡᓕᖃᖅᑎᑕᐅᙱᑦᑐᑦ ᑐᑭᖃᖅᐳᖅ ᒪᓕᒐᓪᓗᐊᑕᑦ ᐱᔾᔪᑎᓖᑦ ᓄᓇᓖᑦ ᐊᓯᐊᓂᖔᖅᖢᑎᒃ ᑎᑭᑎᑕᐅᔪᑦ, ᓂᐅᕕᐊᖑᔪᑦ ᐊᒻᒪ ᐃᒥᐊᓗᒃᑕᐅᔪᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᐱᖁᔭᕐᒧᑦ ᒪᓕᒋᐊᖃᖅᐳᑦ. ᐅᑯᐊ ᓄᓇᓖᑦ ᑭᒡᓕᖃᖅᑎᑕᐅᙱᑦᑐᑦ: ᖃᒪᓂ'ᑐᐊᖅ, ᐃᖃᓗᒃᑑᑦᑎᐊᖅ, ᐊᐅᓱᐃᑦᑐᖅ, ᐃᖃᓗᐃᑦ, ᖁᕐᓗᖅᑐᖅ, ᑲᖏᖅᖠᓂᖅ ᐊᒻᒪ ᑕᓗᕐᔪᐊᖅ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑭᒡᓕᖃᖅᑎᑕᐅᔪᑦ ᒪᓕᒐᓕᐊᖑᓯᒪᔪᓂᒃ ᓄᓇᔅᓯᓐᓂ ᐅᕝᕙᓘᓐᓃᑦ ᐃᒥᐊᓗᓕᕆᔨᒃᑯᓐᓄᑦ ᖃᐅᔨᒋᐊᕐᕕᒃᓴᒥᒃ, ᐅᕗᖓ ᐅᖃᓗᒍᓐᓇᖅᐳᓯ 1-855-844-5488 ᐅᕝᕙᓘᓐᓃᑦ ᐅᕗᙵᕐᓗᓯ www.nulc.ca/liquor/.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᓯᓐ ᓵᐃᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca