ᐅᖃᓚᐅᑎᓯᐅᑏᑦ

You are here

ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19 ᑮᓇᐅᔭᓕᕆᔨᒃᑯᑦ

ᔫᓂ 07, 2021

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᔫᓂ 7

ᑮᓇᐅᔭᓕᕆᔨᒃᑯᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᑖᒃᓰᓕᕆᔾᔪᑎᑦ

ᓄᓇᕗᑦ ᒐᕙᒪᖓ ᑲᑎᖅᓱᐃᕙᓪᓕᐊᖏᓐᓇᖅᐳᑦ ᑖᒃᓰᔭᐃᔾᔪᑎᓂᒃ ᐊᑐᖅᐸᒃᑕᒥᑎᑐᑦ. ᑖᒃᓯᓄᑦ ᐊᑭᓕᐅᑏᑦ ᐊᑭᓕᖅᑕᐅᒧᓐᓇᖅᐳᑦ ᑮᓇᐅᔭᒃᓴᑎᒍᑦ, ᐊᐅᒃᑕᔫᒃᑯᑦ, ᐅᕝᕙᓘᓐᓃᑦ ᑮᓇᐅᔭᓄᑦ ᓅᑎᑦᑎᔾᔪᑎᒃᑯᑦ ᖃᕆᑕᐅᔭᒃᑯᑦ ᐅᑯᑎᒎᓇᖅ ᐊᑐᖅᑕᐅᔪᓐᓇᖅᑐᑎᒍᑦ:

  • ᐅᖄᓚᐅᑎᒃᑯᑦ  ᐅᖄᓚᔪᖃᕐᓗᓂ ᐊᑭᓕᕆᐊᖃᙱᑦᑐᒧᑦ, ᐅᕗᖓ 1-800-316-3324;
  • ᐅᐸᒍᑎᔪᑦ ᐸᕐᓇᐃᕕᖕᒧᑦ ᖄᖅᖠᕐᒥ;
  • ᑎᑎᖅᑲᑎᒍᑦ ᑎᑎᖅᑲᒃᑯᕕᐊᒍᑦ ᑎᑎᖅᑲᒃᑯᕕᐊ 2260 ᐃᓂᖓ 300, ᐃᖃᓗᐃᑦ, ᓄᓇᕗᑦ X0A 0H0: ᐅᕝᕙᓘᓐᓃᑦ
  • ᐃᑭᐊᖅᑭᕕᒃᑯᑦ ᐋᖅᑭᒃᓯᖃᑦᑕᐅᑎᓂᒃᑯᑦ ᑮᓇᐅᔭᒃᑯᕕᓕᕆᔨᓂᒃ.

ᐃᒐᓛᓕᖅᓯᒪᔪᕐᒧᑦ ᐱᔨᑦᑎᕋᖅᑕᐅᔭᖅᑐᖅᐸᒡᓗᓯ, ᐅᖓᓯᒌᒃᑕᖁᔨᔪᑦ ᒪᓕᒐᐃᑦ ᒪᓕᒡᓗᒋᑦ ᒪᑐᐊᖅᓯᒪᓗᓯᓗ ᓇᖕᒥᓂᖅ ᐊᑭᓖᔪᒪᒍᔅᓯ ᑖᒃᓰᔭᕈᑎᓂᒃ.

ᑖᒃᓰᔭᖅᑎᑦᑎᓂᕐᒧᑦ ᖃᐅᔨᒋᐊᖅᑕᐅᔪᓄᑦ, ᖃᕆᑕᐅᒃᑯᑦ ᑎᑎᕋᕐᕕᒋᓗᒋᑦ ᐅᑯᓄᖓ ᑐᕌᕈᑎᓄᑦ:

  • ᐃᖅᑲᓇᐃᔭᖅᑎᓂᒃ ᐊᑭᓕᖅᑕᐅᕙᖕᓂᕐᒧᑦ ᑖᒃᓰᔮᖅᑎᑦᑎᓂᖅ-  payrolltax@gov.nu.ca
  • ᓇᓪᓕᐅᒃᑯᒫᓕᕆᓂᕐᒧᑦ ᑖᒃᓰᔭᖅᑎᑦᑎᓂᕐᒧᑦ −  Insurance@gov.nu.ca
  • Petroleum tax - petroleumtax@gov.nu.ca.
  • ᓄᓇᖁᑎᖃᕐᓂᕐᒧᑦ ᑖᒃᓰᔭᖅᑎᑦᑎᓂᕐᒧᑦ - propertytax@gov.nu.ca 
  • ᑎᐹᓕᕆᔨᓄᑦ ᑖᒃᓰᔭᕈᑎᑦ - tobaccotax@gov.nu.ca.

ᖃᕆᑕᐅᔭᒥᑦ ᐱᔭᒃᓴᐅᔪᑦ ᑎᑎᕋᕆᐊᓖᑦ ᐊᓯᖏᓪᓗ ᑐᓴᖅᑕᐅᔪᒃᓴᐃᑦ ᐱᔾᔪᑎᖃᕐᓗᑎᒃ ᑕᐃᓐᓂᒃ ᐊᑐᓂᑦ ᓄᓇᕗᒻᒥ ᑖᒃᓯᓄᑦ ᓇᓂᔭᐅᔪᓐᓇᖅᐳᑦ ᐅᕙᓂ www.gov.nu.ca/finance.

ᐃᖃᓗᖕᓂ ᐃᒥᐊᓗᒃᑖᕐᕕᒃ

ᐃᖃᓗᖕᓂᑦ ᐃᒥᐊᓗᑦᑖᕐᕕᒃ ᒪᑐᐃᖓᖃᑦᑕᕐᓂᐊᖅᑐᖅ. ᐃᒥᐊᓗᒃᑖᕐᕕᐅᑉ ᐃᑲᕐᕋᖏᑦ ᐅᕝᕙ:

  • ᓈᑏᖑᔭᖅ − ᒪᑐᓯᒪᔪᖅ
  • ᓇᒡᒐᔾᔭᐅᑦ − 1ᒥ ᐅᓐᓄᓴᒃᑯᑦ 4ᒧᑦ (ᓂᐅᕕᕆᐊᖅᑎᓄᑦ ᐅᑭᐅᓕᓐᓄᑦ 60ᒥᑦ ᐅᖓᑖᓄᓪᓗ ᑐᕌᖓᔪᖅ)
  • ᐊᐃᑉᐹ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ
  • ᐱᖓᔪᐊᑦ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
  • ᕿᑎᖅᑰᑦ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
  • ᐅᓪᓗᑐᐃᓐᓇ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
  • ᓯᕙᑖᕐᕕᒃ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ

ᒥᑭᒡᓕᒋᐊᖅᑎᑦᑎᔪᒪᓂᕐᒧᑦ ᐱᑕᖃᖅᑎᑦᑎᑦᑕᐃᓕᒪᔪᒪᓂᕐᒧᓪᓗ ᓯᐊᒻᒪᒃᑎᕆᑐᐃᓐᓇᕆᐊᖃᕐᓂᕐᒥᒃ ᓄᕙᒡᔪᐊᕐᓇᖅ-19−ᒥᒃ ᖃᓂᒪᓐᓇᖅᑐᒥᒃ, ᐃᒥᐊᓗᒃᑖᕐᕕᒃ ᐊᑐᖅᑎᑦᑎᓯᒪᓕᖅᐳᖅ ᐃᓅᖃᑎᒥᓂᒃ ᖃᓂᒃᓴᓗᐊᖅᑕᐃᓕᒪᑎᑦᑎᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ ᑕᐃᑲᓂ ᐃᒥᐊᓗᒃᑖᕐᕕᖕᒥ. ᐃᖅᑲᓇᐃᔭᖅᑏᑦ ᑭᒃᑯᑐᐃᓐᓇᐃᓪᓗ ᖁᐊᖅᓵᕐᓇᖅᑐᒦᖁᓇᒋᑦ, ᐃᒥᐊᓗᒃᑖᕐᕕᒃ ᐃᓱᓕᑦᑎᑦᑎᖃᑦᑕᕐᓂᐊᖅᐳᖅ ᖃᔅᓯᐅᓂᖏᓐᓂᒃ ᓂᐅᕕᕆᐊᖅᓯᒪᔪᑦ ᐃᓯᖅᑎᑕᐅᔪᓐᓇᕐᓂᖏᑦ. ᓂᐅᕕᕆᐊᖅᓯᒪᔪᑦ ᐱᔭᕆᐊᓖᑦ ᓇᖏᕐᓗᑎᑦ 2 ᒦᑕᓂᒃ ᐅᖓᓯᒌᖃᑦᑕᐅᑎᓗᑎᑦ ᐅᑕᖅᑭᑎᓪᓗᒋᑦ ᑐᑭᓕᕇᓕᖅᓯᒪᑎᓪᓗᒋᑦ ᐃᒥᐊᓗᒃᑖᕐᕕᐅᑉ ᓯᓚᑖᓂ. ᒪᑐᐊᖅᓯᒪᔾᔪᑏᑦ ᐊᑐᖅᑕᐅᓪᓚᕆᖃᑦᑕᕆᐊᖃᖅᐳᑦ ᐃᒥᐊᓗᑦᑖᕐᕕᐅᑉ ᓯᓚᑖᓂ.

ᐃᒥᐊᓗᒃᑖᕐᕕᖕᒥ ᑮᓇᐅᔭᓂᒃ ᐱᔪᒪᓲᖑᙱᑦᑐᑦ. ᐊᐅᒃᑕᔫᑦ ᐊᑭᑦᑐᖅᑖᕈᓐᓇᐅᑏᑦ ᐊᑭᓕᖅᑕᐅᓯᒪᔪᓪᓗ ᐊᐅᒃᑕᔫᑦ (ᐃᓚᒋᔭᐅᓪᓗᑎᒃ ᐊᑭᓕᖅᑕᐅᓯᒪᕙᒌᖅᑐᑦ ᐊᑮᑦᑐᖅᕉᓐᓇᐅᑏᑦ) ᓱᓕ ᐊᑐᖅᑕᐅᖃᑦᑕᕈᓐᓇᕐᓂᐊᖅᐳᑦ. ᐊᑭᓕᖅᓯᒪᕙᒌᖅᑐᑦ ᐊᑮᑦᑐᖅᑖᕈᓐᓇᐅᑎᙳᐊᑦ ᓂᐅᕕᐊᒃᓴᐅᕙᒃᐳᑦ ᐊᔾᔨᒌᙱᑦᑐᓂ ᑮᓇᐅᔭᒃᑯᕕᖕᓂ, ᓂᐅᕕᖅᑎᒃᑯᓐᓂ ᑲᓇᑕᒥᐅᓄᓪᓗ ᑎᑎᖅᑲᑦᑯᕕᖕᓂ. ᐃᓪᓗᓪᓕᖃᑦᑕᕈᓐᓇᖅᐸᐃᑦ ᐊᐅᒃᑕᔫᒨᓯᑲᐅᑎᒋᓗᒍᓗ ᐊᑐᕈᓐᓇᕐᓗᒍᓗ ᓂᐅᕕᕈᒪᔭᕐᓄᑦ. 

ᐃᒥᐅᓗᖕᒧᑦ ᐱᔪᓐᓇᐅᑎᑦ

ᐃᒥᐊᓗᓕᕆᔨᒃᑯᑦ ᓂᐅᕕᐊᒃᓴᖃᖃᑦᑕᐃᓐᓇᕐᓂᐊᖅᑐᑦ ᐃᒥᐊᓗᖕᒧᑦ ᑎᑭᑎᑦᑎᓂᕐᒧᑦ ᐱᔪᓐᓇᐅᑎᓂᒃ ᐃᖃᓗᖕᓂ ᑲᖏᖅᖠᓂᕐᒥᓗ ᐅᒃᐸᒃᑕᐅᔪᓐᓇᖅᐸᒡᓗᑎᒃ ᐅᖄᓚᐅᑎᒃᑯᓪᓘᓐᓃᑦ. 

ᐃᖃᓗᖕᓂ, ᐃᒥᐊᓗᒃᑖᕐᕕᓕᐊᓚᐅᑲᖃᑦᑕᕈᓐᓇᖅᐳᑎᑦᓇᒡᒐᔾᔭᒥ 9−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, ᐊᒻᒪᓗ, 1−ᒥᑦ 4:30−ᒧᑦ ᐅᓐᓄᒃᓴᒃᑯᑦ, ᐊᒻᒪᓗ, ᐊᐃᑉᐹᓂᑦ ᐅᓪᓗᑐᐃᓐᓇᒧᑦ, 9−ᒥᑦ 11−ᒧᑦ ᐅᓪᓛᒃᑯᑦ, ᐅᖄᓚᓗᑎᓪᓘᓐᓃᑦ ᐅᕗᖓ, 867-975-6869 (ᑲᓇᖕᓇᒥ).

ᑲᖏᖅᖠᓂᕐᒥ, ᐅᕗᖓ ᐅᖄᓚᔪᓐᓇᖅᐳᑎᑦ, 867-645-8575−ᒧᑦ, ᐅᕗᖓᓘᓐᓃᑦ, 855-844-5488-ᒧᑦ, ᓇᒡᒐᔾᔭᒥᑦ ᐅᓪᓗᑐᐃᓐᓇᒧᑦ, 8:30−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, 1−ᒥᓪᓗ to 5−ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ (ᑭᕙᓪᓕᕐᒥ).

ᓄᓇᓕᖕᓂ ᐃᒥᐊᓗᖕᓂᑦ ᑎᑭᓴᐃᕙᒃᑐᑦ

ᐃᒥᐊᓗᑦᑖᕈᓐᓇᐅᑎᓄᑦ ᓄᓇᓕᓐᓄᑦ ᑕᒪᐃᓐᓄᑦ, ᐅᖄᓚᓗᓯ ᑲᖏᖅᖠᓂᕐᒥᑦ ᑎᑎᕋᕐᕕᐊᓄᑦ ᐅᕗᖓ 867-645-8575 ᐅᕙᓗ 855-844-5488 ᓇᒡᒐᔾᔭᐅᒥ ᑕᓪᓕᕐᒥᕐᒧᑦ 8:30ᒥᑦ ᐅᓪᓛᒃᑯᑦ 12ᒧᑦ ᐅᓐᓄᓴᒃᑯ. ᐊᒻᒪ 1ᒥᑦ 5ᒧᑦ ᐅᓐᓄᓴᒃᑯᑦ (ᑭᕙᓪᓕᕐᒥ).

ᓂᐅᕕᖅᑎᑦᑎᔨᓄᑦ ᐊᑭᓕᐅᑕᐅᔪᑦ ᐊᑭᓕᒐᒃᓴᐃᓪᓗ

ᓈᒻᒪᖅᑯᑦᑎᔪᒥᒃ ᐊᑭᓕᖅᑕᐅᖃᑦᑕᖁᓪᓗᒋᑦ ᓂᐅᕕᖅᑎᑦᑎᔨᕗᑦ ᓱᓕ ᓯᕗᓪᓕᐅᔾᔭᐅᕗᖅ. ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᑦ ᓱᓕ ᐱᑎᑕᐅᖃᑦᑕᕐᓂᐊᖅᐳᑦ, ᐱᓕᕆᕙᒡᓗᑎᒃ ᐊᒻᒪ ᐊᑭᓖᕙᒡᓗᑎᒃ ᓂᐅᕕᖅᑎᑦᑎᔨᑦ ᓇᓕᖅᑲᖏᓐᓂᒃ. ᐊᐱᖅᑯᑎᒃᓴᖃᕐᓂᕈᕕᑦ ᐱᔾᔪᑎᖃᕐᓗᑎᑦ ᐊᑭᓕᒐᒃᓴᙳᖅᑎᑕᐅᓯᒪᔪᓂᒃ ᑐᕌᒐᕆᔭᖃᓪᓗᐊᑕᖅᑐᓂᒃ, ᖃᐅᔨᒋᐊᕕᒋᓗᒋᑦ ᖃᐅᔨᒋᐊᕕᒃᓴᐅᔪᓐᓇᖅᑐᑦ ᐱᓕᕆᕝᕕᒋᔭᐅᔪᑦ ᐊᑖᓃᑦᑐᓄᑦ ᖃᐅᔨᒋᐊᕐᕕᐅᔪᓐᓇᖅᑐᓄᑦ.

ᐱᓕᕆᕝᕕᒋᔭᐅᔪᓂᒃ ᖃᐅᔨᒋᐊᕐᕕᖃᕈᒪᓗᓂ ᑐᓴᖅᑕᐅᔪᒃᓴᐃᑦ

ᓄᓇᕗᑦ ᒐᕙᒪᒃᑯᑦ ᐊᑭᓕᒐᒃᓴᖓᓂᒃ ᐊᑭᓖᓂᐊᕐᓗᓂ, ᑮᓇᐅᔭᓕᕆᔨᒃᑯᑦ ᐊᖏᖃᑦᑕᕐᓂᐊᖅᐳᑦ ᑭᓯᐊᓂ ᐊᑭᓕᒐᒃᓴᓄᑦ ᑎᑎᖅᑲᑎᒍᑦ ᑮᓇᐅᔭᒃᓴᑎᒍᑦ ᐊᑭᓕᖅᑕᐅᔪᓄᑦ, ᖃᕆᑕᐅᔭᒃᑯᑦ ᑮᓇᐅᔭᓕᕆᔾᔪᑎᒃᑯᑦ ᐊᑮᑦᑐᖅᑖᕈᓐᓇᐅᑎᒃᑯᓪᓘᓐᓃᑦ ᐊᐅᒃᑕᔫᒧᑦ. ᐊᑮᑦᑐᖅᑖᕈᓐᓇᐅᑎᑎᒍᑦ ᐊᐅᒃᑕᔫᑎᒍᑦ ᐊᑭᓕᐅᑕᐅᔪᑦ, ᐅᑯᐊ ᐅᖄᓚᕝᕕᐅᔪᓐᓇᖅᐳᑦ:

  • ᐃᖃᓗᐃᑦ: 867-975-5808.
  • ᑲᖏᖅᖠᓂᖅ: 867-645-8517.
  • ᐃᖃᓗᒃᑑᑦᑎᐊᖅ: 867-983-4043.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᐊᐃᕐᕆᓕ 28, 2021

ᑮᓇᐅᔭᓕᕆᔨᒃᑯᑦ

ᓄᓇᕗᑦ ᒐᕙᒪᒃᑯᑦ ᑮᓇᐅᔭᖅᑖᖅᑎᑦᑎᔨᑦ

ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᓕᒫᖏᑦ ᓱᓕ ᐊᑭᓕᖅᓱᖅᑕᐅᖏᓐᓇᕐᓂᐊᖅᑐᑦ ᐊᑭᓕᖅᑕᐅᕝᕕᖏᓐᓂ. ᑭᖑᕙᖅᓯᒪᑐᐃᓐᓇᕆᐊᓖᑦ ᐊᑭᓕᐅᑎᑦ ᓲᕐᓗ ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᖅᑲᓇᐃᔭᖅᓯᒪᔪᓄᑦ ᐅᕝᕙᓘᓐᓃᑦ ᑭᖑᕝᕕᖅᓯᓯᒪᔪᓄᑦ. ᐃᖅᑲᓇᐃᔭᐃᓐᓇᖃᑦᑕᖅᑐᑦ ᐊᑭᓕᖅᓱᖅᑕᐅᖏᓐᓇᕐᓂᐊᖅᐳᑦ ᑮᓇᐅᔭᓕᐊᕆᕙᑦᑕᖏᓐᓂᑦ, ᐃᖅᑲᓇᐃᔭᓚᐅᑲᒃᑎᑕᐅᔪᓪᓕ ᐃᓇᖐᖃᑦᑕᖅᑐᓪᓗ ᐊᑭᓕᖅᑕᐅᖃᑦᑕᕐᓂᐊᖅᖢᑎᒃ ᑐᓂᓯᓯᒪᑉᐸᑦ ᐃᑲᕐᕋᐃᑦ ᐃᖅᑲᓇᐃᔭᖅᓯᒪᔭᖏᓐᓂᑦ ᑕᑕᑎᕈᑎᒥᑦ.

ᐃᖅᑲᓇᐃᔭᖅᑏᑦ ᓯᒃᑭᑖᖃᑦᑕᖅᑐᑦ ᓯᒃᑭᑖᖏᓐᓇᖃᑦᑕᕐᓂᐊᖅᑐᑦ. ᑕᐃᒃᑯᓄᖓ ᑮᓇᐅᔭᒃᑯᕕᒻᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᑦᓵᑦ ᓇᓕᖅᑲᖏᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᔾᔭᐅᓗᑎᑦ.

ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ tmoyles@gov.nu.ca.


ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᐊᐃᕐᕆᓕ 15, 2021

ᑮᓇᐅᔭᓕᕆᔨᒃᑯᑦ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᐃᖅᑲᓇᐃᔭᖅᑎᑦ ᐊᑭᓕᖅᑕᐅᖃᑦᑕᖅᑐᑦ ᒥᒃᓵᓄᑦ ᑎᑎᕋᖅᓯᒪᔪᑦ

ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᓕᒫᖏᑦ ᓱᓕ ᐊᑭᓕᖅᓱᖅᑕᐅᖏᓐᓇᕐᓂᐊᖅᑐᑦ ᐊᑭᓕᖅᑕᐅᕝᕕᖏᓐᓂ. ᐃᖅᑲᓇᐃᔭᐃᓐᓇᖃᑦᑕᖅᑐᑦ ᐊᑭᓕᖅᓱᖅᑕᐅᖏᓐᓇᕐᓂᐊᖅᐳᑦ ᐊᑭᓕᖅᑕᐅᓐᓇᖏᓐᓂ, ᐃᖅᑲᓇᐃᔭᓚᐅᑲᒃᑎᑕᐅᔪᓪᓕ ᐃᓇᖐᖃᑦᑕᖅᑐᓪᓗ ᐊᑭᓕᖅᑕᐅᖃᑦᑕᕐᓂᐊᖅᖢᑎᒃ ᑐᓂᔭᐅᓯᒪᔪᑦ ᐃᑲᕐᕋᓕᐅᕈᑎᑦ ᒪᓕᒡᓗᒋᑦ. ᐃᖅᑲᓇᐃᔭᖅᑏᑦ ᓯᒃᑭᑖᖃᑦᑕᖅᑐᑦ ᓯᒃᑭᑖᖏᓐᓇᖃᑦᑕᕐᓂᐊᖅᑐᑦ. ᑕᐃᒃᑯᓄᖓ ᑮᓇᐅᔭᒃᑯᕕᖕᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᒃᓵᑦ ᓇᓕᖅᑲᖏᑦ ᓴᖅᑭᖅᑕᐅᓛᖅᑐᑦ ᑭᖑᓂᐊᒍᑦ.

ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ tmoyles@gov.nu.ca. 

ᓂᐅᕕᖅᑎᑦᑎᔨᓄᑦ ᐊᑭᓕᐅᑕᐅᔪᑦ ᐊᑭᓕᒐᒃᓴᐃᓪᓗ

ᓈᒻᒪᖅᑯᑦᑎᔪᒥᒃ ᐊᑭᓕᖅᑕᐅᖃᑦᑕᖁᓪᓗᒋᑦ ᓂᐅᕕᖅᑎᑦᑎᔨᕗᑦ ᓱᓕ ᓯᕗᓪᓕᐅᔾᔭᐅᕗᖅ. ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᑦ ᓱᓕ ᐱᑎᑕᐅᖃᑦᑕᕐᓂᐊᖅᐳᑦ, ᐱᓕᕆᕙᒡᓗᑎᒃ ᐊᒻᒪ ᐊᑭᓖᕙᒡᓗᑎᒃ ᓂᐅᕕᖅᑎᑦᑎᔨᑦ ᓇᓕᖅᑲᖏᓐᓂᒃ. ᐊᐱᖅᑯᑎᒃᓴᖃᕈᕕᑦ ᓇᓕᖅᑲᖏᓐᓂᒃ ᐱᔾᔪᑎᖃᕐᓗᑎᑦ, ᖃᐅᔨᒋᐊᕕᒋᓗᒋᑦ ᑲᒪᒋᔭᖃᖅᑐᑦ ᐱᓕᕆᕝᕕᖏᑦ.

ᓄᓇᕗᑦ ᒐᕙᒪᖓ ᖃᐅᔨᒪᕗᑦ ᐊᔪᕐᓇᖅᑐᒃᑰᕐᓂᖏᓐᓂᒃ ᓇᖕᒥᓂᖃᖅᑎᐅᔪᑦ ᐱᔨᑦᑎᕋᖅᑏᓪᓗ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ. ᓄᓇᕗᒻᒥᐅᑦ ᑮᓇᐅᔭᑎᒍᑦ ᐃᖏᕐᕋᑦᑎᐊᒃᑲᓐᓂᖁᓪᓗᒋᑦ, ᓄᓇᕗᑦ ᒐᕙᒪᖓ ᓴᒃᑯᑦᑎᔪᒪᕗᑦ ᐊᑐᖅᑕᐅᕙᒃᑐᖅ ᐅᓪᓗᑦ ᐊᕙᑎᑦ ᐊᒻᒪ 30 ᐊᑭᓖᓂᕐᒧᑦ ᒪᓕᒋᐊᓕᖏᓐᓂᑦ. ᓂᐅᕕᖅᑎᑦᑎᔨᓄᑦ ᐊᑭᓕᐅᑏᑦ, ᐱᓕᕆᐊᖑᐊᓂᒃᑎᓪᓗᒋᑦ ᐱᓕᕆᕝᕕᖕᒥᑦ, ᑐᓐᓂᖅᑯᑕᐅᓂᐊᖅᑐᖅ ᐊᑐᐃᓐᓇᐃᓕᖅᑳᖅᑐᒧᑦ ᑮᓇᐅᔭᒃᓴᓕᐅᖅᑎᓄᑦ ᑕᒪᐃᓐᓄ ᐊᕕᒃᑐᖅᓯᒪᔪᓄᑦ.

ᓄᓇᕗᑦ ᒐᕙᒪᒃᑯᑦ ᐊᑭᓕᒐᒃᓴᖓᓂᒃ ᐊᑭᓖᓂᐊᕐᓗᓂ, ᑮᓇᐅᔭᓕᕆᔨᒃᑯᑦ ᐊᖏᖃᑦᑕᕐᓂᐊᖅᐳᑦ ᑭᓯᐊᓂ ᐊᑭᓕᒐᒃᓴᓄᑦ ᑎᑎᖅᑲᑎᒍᑦ ᑮᓇᐅᔭᒃᓴᑎᒍᑦ ᐊᑭᓕᖅᑕᐅᔪᓄᑦ, ᖃᕆᑕᐅᔭᒃᑯᑦ ᑮᓇᐅᔭᓕᕆᔾᔪᑎᒃᑯᑦ ᐊᑮᑦᑐᖅᑖᕈᓐᓇᐅᑎᒃᑯᓪᓘᓐᓃᑦ ᐊᐅᒃᑕᔫᒧᑦ. ᐊᑮᑦᑐᖅᑖᕈᓐᓇᐅᑎᑎᒍᑦ ᐊᐅᒃᑕᔫᑎᒍᑦ ᐊᑭᓕᐅᑕᐅᔪᑦ, ᐅᑯᐊ ᐅᖄᓚᕝᕕᐅᔪᓐᓇᖅᐳᑦ:

  • ᐃᖃᓗᐃᑦ: 867-975-5808.
  • ᑲᖏᖅᖠᓂᖅ: 867-645-8517.
  • ᐃᖃᓗᒃᑑᑦᑎᐊᖅ: 867-983-4043.

ᒫᓐᓇᐅᔪᖅ, ᓂᕆᐅᖃᑦᑕᕐᓂᐊᖅᐳᓯ ᐃᓚᖏᑦ ᑭᖑᕙᕆᐊᖅᑕᐅᖃᑦᑕᕐᓂᐊᕐᒪᑕ, ᐃᖅᑲᓇᐃᔭᖅᑏᑦ ᑎᑎᕋᕐᕕᖕᒦᑦᑐᑦ ᐅᓄᕈᓐᓃᖅᐹᓪᓕᖅᓯᒪᖕᒪᑕ. 

ᑖᒃᓰᓕᕆᔾᔪᑎᑦ

ᓄᓇᕗᑦ ᒐᕙᒪᖓ ᑲᑎᖅᓱᐃᕙᓪᓕᐊᖏᓐᓇᖅᐳᑦ ᑖᒃᓰᔭᐃᔾᔪᑎᓂᒃ ᐊᑐᖅᐸᒃᑕᒥᑎᑐᑦ. ᑖᒃᓯᓄᑦ ᐊᑭᓕᐅᑏᑦ ᐊᑭᓕᖅᑕᐅᔪᓐᓇᖅᐳᑦ ᑮᓇᐅᔭᒃᓴᑎᒍᑦ, ᐊᐅᒃᑕᔫᒃᑯᑦ, ᐅᕝᕙᓘᓐᓃᑦ ᑮᓇᐅᔭᓄᑦ ᓅᑎᑦᑎᔾᔪᑎᒃᑯᑦ ᖃᕆᑕᐅᔭᒃᑯᑦ ᐅᑯᑎᒎᓇᖅ ᐊᑐᖅᑕᐅᔪᓐᓇᖅᑐᑎᒍᑦ:

  • ᐅᖄᓚᐅᑎᒃᑯᑦ  ᐅᖄᓚᔪᖃᕐᓗᓂ ᐊᑭᖃᙱᑦᑐᒧᑦ, ᐅᕗᖓ 1-800-316-3324.
  • ᑎᑎᖅᑲᑎᒍᑦ ᑎᑎᖅᑲᒃᑯᕕᐊ 2260 ᐃᓂᖓ 300, ᐃᖃᓗᐃᑦ, ᓄᓇᕗᑦ X0A 0H0
  • ᐃᑭᐊᖅᑭᕕᒃᑯᑦ ᐋᖅᑭᒃᓯᖃᑦᑕᐅᑎᓂᒃᑯᑦ ᑮᓇᐅᔭᒃᑯᕕᓕᕆᔨᓂᒃ.

ᐅᔾᔨᕆᔪᖃᕐᓕ, ᒫᓐᓇᐅᔪᒃᑯᑦ ᐊᑭᓕᐅᑕᐅᔪᑦ ᐅᑎᖅᑎᑦᑎᓂᕐᒧᓪᓗ ᐱᓕᕆᐊᖑᔪᑦ ᑭᖑᕙᓯᑐᐃᓐᓇᕆᐊᖃᕐᓂᖏᓐᓂᒃ.

ᑖᒃᓰᔭᖅᑎᑦᑎᓂᕐᒧᑦ ᖃᐅᔨᒋᐊᖅᑕᐅᔪᓄᑦ, ᖃᕆᑕᐅᒃᑯᑦ ᑎᑎᕋᕐᕕᒋᓗᒋᑦ ᐅᑯᓄᖓ ᑐᕌᕈᑎᓄᑦ:

  • ᐃᖅᑲᓇᐃᔭᖅᑎᓂᒃ ᐊᑭᓕᖅᑕᐅᕙᖕᓂᕐᒧᑦ ᑖᒃᓰᔮᖅᑎᑦᑎᓂᖅ-  payrolltax@gov.nu.ca
  • ᓇᓪᓕᐅᒃᑯᒫᓕᕆᓂᕐᒧᑦ ᑖᒃᓰᔭᖅᑎᑦᑎᓂᕐᒧᑦ −  Insurance@gov.nu.ca
  • ᐅᖅᓱᐅᓗᓕᕆᓂᕐᒧᑦ ᑖᒃᓰᔭᖅᑎᑦᑎᓂᒧᑦ - petroleumtax@gov.nu.ca
  • ᓄᓇᖁᑎᖃᕐᓂᕐᒧᑦ ᑖᒃᓰᔭᖅᑎᑦᑎᓂᕐᒧᑦ - propertytax@gov.nu.ca
  • ᑕᕝᕚᑭᒧᑦ ᑖᒃᓰᔭᖅᑎᑦᑎᓂᕐᒧᑦ – tobaccotax@gov.nu.ca

ᖃᕆᑕᐅᔭᒥᑦ ᐱᔭᒃᓴᐅᔪᑦ ᑎᑎᕋᕆᐊᓖᑦ ᐊᓯᖏᓪᓗ ᑐᓴᖅᑕᐅᔪᒃᓴᐃᑦ ᐱᔾᔪᑎᖃᕐᓗᑎᒃ ᑕᐃᓐᓂᒃ ᐊᑐᓂᑦ ᓄᓇᕗᒻᒥ ᑖᒃᓯᓄᑦ ᓇᓂᔭᐅᔪᓐᓇᖅᐳᑦ ᐅᕙᓂ www.gov.nu.ca/finance.

ᐃᖃᓗᖕᓂ ᐃᒥᐊᓗᒃᑖᕐᕕᒃ

ᐃᖃᓗᖕᓂ ᐃᒥᐊᓗᒃᑖᕐᕕᒃ ᐅᓪᓗᒥ ᒪᑐᓯᒪᓂᐊᖅᐳᖅ, ᐊᐃᕐᕆᓕ 15−ᒥ ᖃᐅᒃᐸᓪᓗ, ᐊᐃᕐᕆᓕ 16, 2021−ᒥ. ᑐᓴᒐᒃᓴᒃᑲᓐᓂᕐᓂᒃ ᓴᖅᑭᑎᑦᑎᔪᖃᕐᓂᐊᕐᒥᔪᖅ.

ᐃᒥᐅᓗᖕᒧᑦ ᐱᔪᓐᓇᐅᑎᑦ

ᐃᒥᐊᓗᓕᕆᔨᒃᑯᑦ ᓂᐅᕕᐊᒃᓴᖃᖃᑦᑕᐃᓐᓇᕐᓂᐊᖅᑐᑦ ᐃᒥᐊᓗᖕᒧᑦ ᑎᑭᑎᑦᑎᓂᕐᒧᑦ ᐱᔪᓐᓇᐅᑎᓂᒃ ᑲᖏᖅᖠᓂᕐᒥ ᐅᖄᓚᐅᑎᒃᑯᑦ. 

ᐅᕗᖓ ᐅᖄᓚᔪᓐᓇᖅᐳᑎᑦ, 867-645-8575−ᒧᑦ, ᐅᕙᓘᓐᓃᑦ, 855-844-5488-ᒧᑦ, ᓇᒡᒐᔾᔭᒥᑦ ᐅᓪᓗᑐᐃᓐᓇᒧᑦ, 8:30−ᒥᑦ ᐅᓪᓛᒃᑯᑦ 12−ᒧᑦ ᐅᓪᓗᕈᒻᒥᑕᕐᓇᒧᑦ, 1−ᒥᑦ 5-ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ.

ᓄᓇᓕᖕᓂ ᐃᒥᐊᓗᖕᓂᑦ ᑎᑭᓴᐃᕙᒃᑐᑦ

ᓄᓇᓕᖕᓂ ᐃᒥᐊᓗᑦ ᑎᑭᓴᖅᑕᐅᔪᑦ, ᑲᖏᖅᖠᓂᕐᒥ ᑎᑎᕋᕐᕕᒃ ᐅᖄᓚᕝᕕᒋᓗᒍ ᐅᕗᖓ, 867-645-8575−ᒧᑦ, ᐅᕝᕙᓘᓐᓃᑦ, 855-844-5488−ᒧᑦ.

 


ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 20, 2020

ᑮᓇᐅᔭᓕᕆᔨᒃᑯᑦ

ᐃᖅᑲᓇᐃᔭᖅᑎᒧᑦ ᐊᑭᓕᐅᑎᓄᑦ ᑐᓴᖅᑕᐅᑎᑦᓯᔾᔪᑎ − ᑎᓯᐱᕆ 11

ᐃᓘᓐᓇᑎᒃ ᒐᕙᒪᒃᑯᓐᓄᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᐊᑭᓕᖅᑐᖅᑕᐅᖏᓐᓇᕐᓂᐊᖅᑐᑦ ᑕᐃᒫᖑᖃᑦᑕᕐᒪᑦ. ᒪᓕᑦᑕᐅᒋᐊᖃᙱᑦᑐᓕᓐᓄᑦ ᐊᑭᓕᐅᑎᓄᑦ ᓲᕐᓗ ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᖅᑲᓇᐃᔭᕈᑏᑦ ᐃᓇᖏᖅᓯᒪᓂᕐᒧᓪᓘᓐᓃᑦ ᐊᑭᓕᐅᑏᑦ ᐅᑎᖅᑎᑦᓯᓂᕐᒧᓪᓗ (ᐃᓚᒋᔭᐅᓗᑎᒃ ᓄᖅᑲᖓᙱᔾᔪᑎᖃᕐᓗᓂ ᐊᑭᓕᖅᑕᐅᒐᓂᓗ ᓄᖅᑲᖓᓂᕐᒧᑦ) ᑲᒪᒋᔭᐅᓂᐊᖅᑐᑦ ᑭᖑᓂᐊᒍᑦ ᐅᓪᓗᖅ.

ᐃᖅᑲᓇᐃᔭᐃᓐᓇᖅᑐᓄᑦ ᐃᖅᑲᓇᐃᔭᖅᑎᓄᑦ ᐊᑭᓕᖅᑐᖅᑕᐅᓂᐊᖅᑐᑦ ᑮᓇᐅᔭᑦᓵᒋᒐᔪᒃᑕᖏᑎᒍᑦ.

ᐃᓘᓐᓇᑎᒃ ᐃᖅᑲᓇᐃᔭᑲᐃᓐᓇᖃᑦᑕᖅᑐᑦ ᐃᖅᑲᓇᐃᔭᖅᑏᑦ ᐅᖓᕝᕙᕆᐊᖅᑕᐅᓯᒪᔪᑦ ᓄᕕᐱᕆ 27-ᒧᑦ ᑐᓂᓯᒋᐊᑐᒐᑎᓪᓗ ᐃᑲᕐᕋᓕᐅᕈᑎᖏᓐᓂᒃ.

ᐃᓇᖏᖅᓯᓯᒪᓚᐅᑲᒃᑐᑦ ᐃᖅᑲᓇᐃᔭᖅᑐᕕᓃᑦ ᓄᕕᐱᕆ 14 - 26 ᐃᑲᕐᕋᖏᑕ ᓇᓕᖅᑲᖏᓐᓂᒃ ᑐᓂᓯᓯᒪᔭᕆᐊᓖᑦ 5−ᒧᐊᙱᓐᓂᖓᓂ ᓄᕕᐱᕆ 26-ᒥ. ᒫᓐᓇᐅᔪᖅ, ᑭᓯᐊᓂ ᐃᖅᑲᓇᐃᔭᖅᑏᑦ ᐊᖓᔪᖅᑳᓪᓗ ᐊᑎᓕᐅᕆᔭᕆᐊᓖᑦ ᐃᑲᕐᕋᓕᐅᕈᑎᓂᑦ.  ᑭᖑᕙᕐᓗᑎᒃ ᑐᓂᓯᓂᐅᔪᑦ ᑲᒪᒋᔭᐅᓚᖓᖏᑦᑐᑦ. 

ᐃᖅᑲᓇᐃᔭᖅᑎᓄᑦ ᓯᒃᑭᑖᖃᑦᑕᖅᑐᓄᑦ, ᓄᓇᓕᑦᓯᓐᓅᖅᑎᑕᐅᖃᑦᑕᕐᓂᐊᖅᑐᑦ ᑕᐃᒫᑦᓴᐃᓐᓇᐅᓂᐊᖅᑐᖅ. ᑎᓕᐅᕆᔪᒍᑦ ᐃᓕᓐᓂᑦ ᐊᑐᖁᔨᓂᕐᒧᑦ ᖃᕆᑕᐅᔭᑎᒍᑦ ᑮᓇᐅᔭᒃᑯᕕᓕᕆᓂᕐᒧᑦ ᓇᓗᓇᐃᖅᓯᓂᕐᒧᑦ ᐊᑭᓕᖅᑕᐅᓂᕐᓄᑦ ᐊᑭᓕᖅᑕᐅᕕᓐᓂᑦ. ᑕᐃᒃᑯᓄᖓ ᑮᓇᐅᔭᒃᑯᕕᒻᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᑦᓵᑦ ᓇᓕᖅᑲᖏᑦ ᓴᖅᑭᖅᑕᐅᓛᖅᑐᑦ ᑭᖑᓂᐊᒍᑦ ᐅᓪᓗᖅ.

ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ tmoyles@gov.nu.ca. 


ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 18, 2020

ᑮᓇᐅᔭᓕᕆᔨᒃᑯᑦ

ᐃᖅᑲᓇᐃᔭᖅᑎᒧᑦ ᐊᑭᓕᐅᑎᓄᑦ ᑐᓴᖅᑕᐅᑎᑦᓯᔾᔪᑎ − ᓅᕙᐃᒻᕙ 27, 2020

  • ᒐᕙᒪᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑎᓕᒫᑦ ᐊᑎᓕᖅᑕᐅᖏᓐᓇᕐᓂᐊᖅᑐᑦ ᐋᖅᑭᑦᑕᐅᓯᒪᓂᖏᑎᒍᑦ, ᐃᓚᒋᓪᓗᒍ ᐃᖅᑲᓇᐃᔭᐃᓐᓇᕐᓂᕐᒧᑦ ᐊᑭᓕᐅᓯᐊᑦ ᐱᔪᓐᓇᖅᑐᓄᑦ ᐃᖅᑲᓇᐃᔭᖅᑎᓄᑦ. ᑭᖑᕙᕆᐊᖅᓯᒪᓂᐊᖅᑐᒃᓴᐅᔪᑦ ᐱᓕᕆᐊᖑᓂᖏᑦ ᒪᓕᒃᑕᐅᒋᐊᖃᙱᑦᑐᓕᖕᓄᑦ ᐊᑭᓕᐅᑎᑦ ᓲᕐᓗ ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᖅᑲᓇᐃᔭᕈᑎᑦ ᐅᕝᕙᓘᓐᓃᑦ ᑭᖑᕝᓯᒪᔾᔪᑎᑦ. ᐃᖅᑲᓇᐃᔭᐃᓐᓇᖃᑦᑕᖅᑐᑦ ᐊᑭᓕᖅᓱᖅᑕᐅᖏᓐᓇᕐᓂᐊᖅᐳᑦ ᐊᑭᓕᖅᑕᐅᓂᕆᕙᒃᑕᒥᑎᒍᑦ, ᑕᒪᒃᑯᐊᓗ ᐃᖅᑲᓇᐃᔭᓚᐅᑲᒃᑎᑕᐅᔪᖅ ᐃᓇᖏᖅᓯᓯᒪᔪᓪᓗ ᐊᑭᓕᖅᑕᐅᖃᑦᑕᕐᓂᐊᖅᓱᑎᒃ ᒪᓕᒃᑐᖃᕐᓗᓂ ᑐᓐᓂᖅᑯᑕᐅᓯᒪᔪᓂᒃ ᐃᑲᕐᕋᓕᐅᕈᑎᓂᒃ.
  • ᐃᖅᑲᓇᐃᔭᖅᑎᓄᑦ ᑮᓇᐅᔭᒃᓴᖅᑖᖅᐸᒃᑐᓄᑦ, ᓄᓇᓕᔅᓯᓐᓄᐊᖅᑎᓐᓇᓱᖃᑦᑕᕐᓂᐊᖅᑕᕗᑦ ᐊᑐᖅᐸᒃᑕᑐᖃᕗᑦ ᐊᑐᕐᓗᒍ. ᑎᓕᐅᖅᐸᑦᑎᒋᑦ ᐊᑐᓕᕋᔭᕐᓂᕐᒥᒃ ᖃᕆᑕᐅᔭᑎᒍᑦ ᑮᓇᐅᔭᒃᑯᕕᓕᕆᓂᕐᒥᒃ ᐊᑐᖔᖁᓪᓗᑎᑦ, ᓇᓗᙱᑦᑎᐊᕈᒪᓂᕐᒧᑦ ᐱᖃᑦᑕᕋᓗᐊᕐᒪᖔᖅᐱᑦ ᐊᑭᓕᖅᑕᐅᔾᔪᑎᒋᓂᐊᖅᑕᕐᓂᒃ ᐊᑭᓕᖅᑕᐅᓐᓇᖅᓯᒑᖓᑦ. ᑕᐃᒃᑯᓄᖓ ᑮᓇᐅᔭᒃᑯᕕᒻᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᑦᓵᑦ ᓇᓕᖅᑲᖏᑦ ᓴᖅᑭᖅᑕᐅᓛᖅᑐᑦ ᑭᖑᓂᐊᒍᑦ ᐅᓪᓗᖅ.
  • ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ tmoyles@gov.nu.ca.

ᑮᓇᐅᔭᒃᑯᕕᖕᒨᖅᓯᓂᖅ ᑮᓇᐅᔭᖅᑖᓂᒃ ᐊᒻᒪᓗ ᖃᕆᓴᐅᔭᒃᑯᑦ ᐊᑭᓖᓂᖅ ᐃᖅᑲᓇᐃᔭᖅᑎᓄᑦ

  • ᓄᕙᒡᔪᐊᕐᓇᖅ-19 ᐱᔾᔪᑕᐅᓪᓗᓂ ᐊᓯᔾᔨᕈᑕᐅᕙᓪᓕᐊᖕᒪᑦ, ᑮᓇᐅᔭᓕᕆᔨᒃᑯᑦ ᖃᐅᔨᒪᖁᔨᕗᑦ ᐃᖅᑲᓇᐃᔭᖅᑎᑦ ᑮᓇᐅᔭᒃᓴᖅᑖᓪᓚᑦᑖᓲᑦ ᐊᑭᓕᖅᑕᐅᓐᓇᒥ ᐊᐃᒃᖠᕈᓐᓇᓛᕐᓂᖏᓐᓂᒃ.    ᐃᖅᑲᓇᐃᔭᖅᑎᓕᒫᑦ ᑎᓕᐅᖅᑕᐅᕗᑦ ᑮᓇᐅᔭᒃᓴᖅᑖᓪᓚᑦᑖᓱᑦ ᑮᓇᐅᔭᒃᑯᕕᒃᑰᕈᓐᓇᖅᓯᑎᑦᑎᖁᔭᐅᓪᓗᑎᒃ ᖃᕆᑕᐅᔭᒃᑯᓪᓘᓐᓃᑦ ᐊᑭᓕᐅᓯᐊᖏᓐᓂᒃ ᐱᕕᒃᓴᐅᔪᓐᓇᖅᑐᒃᑯᑦ.  
  • ᐃᓚᖏᑦ ᓄᓇᓖᑦ ᑮᓇᐅᔭᒃᑯᕕᒃᑖᕈᒪᓪᓗᑎᒃ ᐃᓱᒪᕙᓪᓕᐊᑐᐃᓐᓇᖅᐳᑦ ᐊᖅᑯᑎᒋᔭᐅᓗᑎᒃ CIBC−ᑯᑦ ᐊᒻᒪ RBC−ᑯᑦ.  ᓂᐅᕕᖅᑎᒃᑯᑦ WE ᑮᓇᐅᔭᓕᕆᔾᔪᑎᒃᑯᑦ ᓂᐅᕕᖅᑎᒃᑯᑦ ᐊᑐᐃᓐᓇᐅᑎᑦᑎᓲᖑᖕᒥᔪᑦ ᐊᐅᒃᑕᔫᓂᒃ ᐊᑭᓕᐅᓯᐊᖅᓯ ᓇᒃᓯᐅᑎᔪᓐᓇᕋᔭᖅᑕᑦᑎᓐᓂᒃ.  ᐋᖅᑭᒃᓯᐊᓂᒃᑯᕕᑦ ᖃᕆᑕᐅᔭᒃᑯᑦ ᑮᓇᐅᔭᓕᕆᔪᓐᓇᐅᑎᒥᒃ, ᐅᑯᓂᖓ ᑐᑭᓯᒋᐊᒐᒃᓴᓂᒃ ᐊᑐᐃᓐᓇᕈᕐᕕᒋᓂᐊᖅᐸᑦ ᑐᓐᓂᖅᑯᓯᐊᖅᑎᑦᑎᔨ ᐊᒻᒪ ᐃᑲᔫᓯᐊᑦᑎᑦᑎᔨ ᑐᐄᓯ ᒧᐄᐅᓪᔅ ᐅᕙᓂ Tmoyles@gov.nu.ca ᐃᕐᖐᓐᓈᖅᑕᐅᒃᑯᑦ.
  • ᓇᓗᙱᑦᑎᐊᕈᒪᓂᕐᒧᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᓕᒫᖏᑦ ᐊᑭᓕᐅᓯᐊᒃᓴᒥᓂᒃ ᓈᒻᒪᖅᑯᑦᑎᖃᑦᑕᖁᓪᓗᒋᑦ, ᑎᓕᐅᕐᔪᐊᖅᐸᕗᑦ ᐃᖅᑲᓇᐃᔭᖅᑎᓕᒫᑦ ᖃᕆᑕᐅᔭᒃᑯᑦ ᑮᓇᐅᔭᓕᕆᔪᓐᓇᐅᑎᖃᕐᓂᕐᒥᒃ ᐃᓱᒪᒃᓴᒃᓯᐅᕈᑎᖃᖁᓪᓗᒋᑦ. 
  • ᐊᐱᖅᑯᑎᒃᓴᖃᕈᕕᑦ ᐃᓱᒫᓘᑎᖃᕈᕕᓘᓐᓃᑦ, ᖃᐅᔨᒋᐊᕐᕕᒋᔭᒃᓴᐅᕗᖅ ᑐᐄᓯ ᒧᐄᐅᓪᔅ ᐅᕙᓂ tmoyles@gov.nu.ca ᐅᕝᕙᓘᓐᓃᑦ (867-975-6870) 975-6870.

ᐃᖃᓗᖕᓂ ᐃᒥᐊᓗᒃᑖᕐᕕᒃ

ᒫᓐᓇᐅᔪᒃᑯᑦ, ᐃᖃᓗᖕᓂ ᐃᒥᐊᓗᒃᑖᕐᕕᒃ ᑲᔪᓯᓂᐊᖅᐳᖅ ᐊᐅᓚᓂᕆᕙᒃᑕᒥᓂᒃ. ᐃᒥᐊᓗᒃᑖᕐᕕᐅᑉ ᐃᑲᕐᕋᖏᑦ ᐅᕝᕙ:

  • ᓈᑏᖑᔭᖅ − ᒪᑐᓯᒪᔪᖅ
  • ᓇᒡᒐᔾᔭᐅᑦ − 1ᒥ ᐅᓐᓄᓴᒃᑯᑦ 4ᒧᑦ (ᓂᐅᕕᕆᐊᖅᑎᓄᑦ ᐅᑭᐅᓕᓐᓄᑦ 60ᒥᑦ ᐅᖓᑖᓄᓪᓗ ᑐᕌᖓᔪᖅ)
  • ᐊᐃᑉᐹ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ
  • ᐱᖓᔪᐊᑦ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ
  • ᕿᑎᖅᑰᑦ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ
  • ᐅᓪᓗᑐᐃᓐᓇ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ
  • ᓯᕙᑖᕐᕕᒃ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ

ᒥᑭᒡᓕᒋᐊᖅᑎᑦᑎᔪᒪᓂᕐᒧᑦ ᐱᑕᖃᖅᑎᑦᑎᑦᑕᐃᓕᒪᔪᒪᓂᕐᒧᓪᓗ ᓯᐊᒻᒪᒃᑎᕆᑐᐃᓐᓇᕆᐊᖃᕐᓂᕐᒥᒃ ᓄᕙᒡᔪᐊᕐᓇᖅ-19−ᒥᒃ ᖃᓂᒪᓐᓇᖅᑐᒥᒃ, ᐃᒥᐊᓗᒃᑖᕐᕕᒃ ᐊᑐᖅᑎᑦᑎᓯᒪᓕᖅᐳᖅ ᐃᓅᖃᑎᒥᓂᒃ ᖃᓂᒃᓴᓗᐊᖅᑕᐃᓕᒪᑎᑦᑎᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ ᑕᐃᑲᓂ ᐃᒥᐊᓗᒃᑖᕐᕕᖕᒥ.

ᐃᖅᑲᓇᐃᔭᖅᑏᑦ ᑭᒃᑯᑐᐃᓐᓇᐃᓪᓗ ᖁᐊᖅᓵᕐᓇᖅᑐᒦᖁᓇᒋᑦ, ᐃᒥᐊᓗᒃᑖᕐᕕᒃ ᐃᓱᓕᑦᑎᑦᑎᖃᑦᑕᕐᓂᐊᖅᐳᖅ ᖃᔅᓯᐅᓂᖏᓐᓂᒃ ᓂᐅᕕᕆᐊᖅᓯᒪᔪᑦ ᐃᓯᖅᑎᑕᐅᔪᓐᓇᕐᓂᖏᑦ.

ᓂᐅᕕᕆᐊᖅᓯᒪᔪᑦ ᐊᐱᕆᔭᐅᕗᑦ ᓇᖏᖃᑦᑕᖁᔭᐅᓪᓗᑎᒃ 2 ᒦᑕᓪᓗᐊᑕᐸᓘᖕᓂᒃ ᐅᖓᓯᒌᒃᑎᒋᕙᒡᓗᑎᒃ, ᐅᑕᖅᑭᓂᕐᒥᓂ ᑐᑭᓕᕇᓕᖅᓯᒪᓪᓗᑎᒃ ᐃᒥᐊᓗᒃᑖᕐᕕᐅᑉ ᓯᓚᑖᓂ.

ᓄᕕᐱᕆ 17, 2020−ᒥ ᐱᒋᐊᕐᓗᓂ, ᑖᓐᓇ ᓂᐅᕕᕆᐊᖅᑐᕐᕕᒃ ᑮᓇᐅᔭᓪᓚᑦᑖᓂᒃ/ᑳᓯᓂᒃ ᐱᖃᑦᑕᕈᒪᔾᔮᔪᓪᓃᖅᑐᖅ. ᐊᐅᒃᑕᔫᑦ ᐊᑭᑦᑐᖅᑖᕈᓐᓇᐅᑏᑦ ᐊᑭᓕᖅᑕᐅᓯᒪᔪᓪᓗ ᐊᐅᒃᑕᔫᑦ (ᐃᓚᒋᔭᐅᓪᓗᑎᒃ ᐊᑭᓕᖅᑕᐅᓯᒪᕙᒌᖅᑐᑦ ᐊᑮᑦᑐᖅᕉᓐᓇᐅᑏᑦ) ᓱᓕ ᐊᑐᖅᑕᐅᖃᑦᑕᕈᓐᓇᕐᓂᐊᖅᐳᑦ.

ᐊᑭᓕᖅᓯᒪᕙᒌᖅᑐᑦ ᐊᑮᑦᑐᖅᑖᕈᓐᓇᐅᑎᙳᐊᑦ ᓂᐅᕕᐊᒃᓴᐅᕙᒃᐳᑦ ᐊᔾᔨᒌᙱᑦᑐᓂ ᑮᓇᐅᔭᒃᑯᕕᖕᓂ, ᓂᐅᕕᖅᑎᒃᑯᓐᓂ ᑲᓇᑕᒥᐅᓄᓪᓗ ᑎᑎᖅᑲᑦᑯᕕᖕᓂ. ᐃᓪᓗᓪᓕᖃᑦᑕᕈᓐᓇᖅᐸᐃᑦ ᐊᐅᒃᑕᔫᒨᓯᑲᐅᑎᒋᓗᒍᓗ ᐊᑐᕈᓐᓇᕐᓗᒍᓗ ᓂᐅᕕᕈᒪᔭᕐᓄᑦ.

ᐃᒥᐅᓗᖕᒧᑦ ᐱᔪᓐᓇᐅᑎᑦ

ᐃᒥᐊᓗᑦᑖᕈᓐᓇᐅᑏᑦ ᓱᓕ ᓂᐅᕕᐊᖑᔪᓐᓇᖃᑦᑕᐃᓇᕐᓂᐊᖅᑐᑦ ᓄᓇᕗᒻᒥ.

  • ᐃᖃᓗᖕᓂ, ᐃᒥᐊᓗᒃᑖᕐᕕᓕᐊᓚᐅᑲᖃᑦᑕᕈᓐᓇᖅᐳᑎᑦᓇᒡᒐᔾᔭᒥ 9−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, ᐊᒻᒪᓗ, 1−ᒥᑦ 4:30−ᒧᑦ ᐅᓐᓄᒃᓴᒃᑯᑦ, ᐊᒻᒪᓗ, ᐊᐃᑉᐹᓂᑦ ᐅᓪᓗᑐᐃᓐᓇᒧᑦ, 9−ᒥᑦ 11−ᒧᑦ ᐅᓪᓛᒃᑯᑦ. ᑲᓇᓐᓂᕐᒥᑦ ᐅᖄᓚᓗᑎᓪᓘᓐᓃᑦ 867-975-6869.
  • ᑲᖏᖅᖠᓂᕐᒥ, ᐅᕗᖓ ᐅᖄᓚᔪᓐᓇᖅᐳᑎᑦ, 867-645-8575−ᒧᑦ, ᐅᕗᖓᓘᓐᓃᑦ, 855-844-5488-ᒧᑦ, ᓇᒡᒐᔾᔭᒥᑦ ᐅᓪᓗᑐᐃᓐᓇᒧᑦ, 8:30−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, 1−ᒥᓪᓗ to 5−ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ. ᑭᕙᓪᓕᕐᒥᐅᓂᑦ.
  • ᐃᖃᓗᒃᑑᑦᑎᐊᕐᒥ, ᐅᕗᖓ ᐅᖄᓚᔪᓐᓇᖅᐳᑎᑦ, 867-983-4048 ᓇᒡᒐᔾᔭᐅᒥ ᑕᓪᓕᒥᕐᒧᑦ 10ᒥᑦ ᐅᓪᓛᒃᑯᑦ 4ᒧᑦ ᐅᓐᓄᓴᒃᑯᑦ. ᕿᑎᕐᒥᐅᓂᑦ.
  • ᖁᕐᓗᖅᑐᕐᒥᐅᑦ, ᐅᖄᓚᔪᓐᓇᖅᑐᓯ ᐅᕗᖓ 867-982-6509 ᐅᕙᓗ ᐃᕐᖐᓈᖅᑕᐅᒃᑯᑦ water@kugluktuk.ca. ᖃᐅᔨᒪᓂᐊᖅᐸᓯ ᖁᕐᓗᖅᑐᕐᒥᑦ ᑎᑎᕋᕐᕕᖓᓐᓂᑦ ᓄᓇᓕᖓᓐᓂᑦ ᑭᓯᐊᓂ ᐃᒥᐊᓗᑦᑖᕈᓐᓇᐅᑎᓂᑦ ᑲᒪᓂᐊᖅᑐᑦ.
  • ᐃᒥᐊᓗᑦᑖᕈᓐᓇᐅᑎᓄᑦ ᓄᓇᓕᓐᓄᑦ ᑕᒪᐃᓐᓄᑦ, ᐅᖄᓚᓗᓯ ᑲᖏᖅᖠᓂᕐᒥᑦ ᑎᑎᕋᕐᕕᐊᓄᑦ ᐅᕗᖓ 867-645-8575 ᐅᕙᓗ 855-844-5488 ᓇᒡᒐᔾᔭᐅᒥ ᑕᓪᓕᕐᒥᕐᒧᑦ 8:30ᒥᑦ ᐅᓪᓛᒃᑯᑦ 12ᒧᑦ ᐅᓐᓄᓴᒃᑯ. ᐊᒻᒪ 1ᒥᑦ 5ᒧᑦ ᐅᓐᓄᓴᒃᑯᑦ. ᑭᕙᓪᓕᕐᒥᐅᓂᑦ.

ᓄᓇᓕᒻᒧᑦ ᐃᒥᐊᓗᓐᓂᑦ ᑎᑭᓴᐃᓂᕐᒧᑦ

ᓄᓇᓕᖕᓄᑦ ᐃᒥᐊᓗᑦ ᑎᑭᓴᖅᑕᐅᔪᓄᑦ, ᑲᖏᖅᖠᓂᕐᒥ ᑎᑎᕋᕐᕕᒃ ᐅᖄᓚᕝᕕᒋᓗᒍ ᐅᕗᖓ, 867-645-8575−ᒧᑦ, ᐅᕗᖓᓘᓐᓃᑦ, 855-844-5488−ᒧᑦ.

ᓂᐅᕕᖅᑎᑦᑎᔨᓄᑦ ᐊᑭᓕᐅᑕᐅᔪᑦ ᐊᑭᓕᒐᒃᓴᐃᓪᓗ

ᐱᑎᑦᑎᕙᖕᓂᖅ ᓈᒻᒪᖅᑯᑦᑎᔪᓂᒃ ᐊᑭᓕᐅᑎᒋᔭᕐᓂᒃ ᓂᐅᕕᕐᕕᒋᕙᒃᑕᑦᑎᓐᓄᑦ ᓯᕗᓪᓕᖅᐸᐅᔾᔭᐅᓯᒪᐃᓐᓇᖅᐳᖅ. ᑕᒪᕐᒥᑦᑎᐊᖅ ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᔭᓕᒫᖏᑦ ᐲᓐᓇᖃᑦᑕᕐᓂᐊᖅᐳᑦ, ᐱᓕᕆᐊᕆᔭᖃᖃᑦᑕᐃᓐᓇᕐᓂᐊᖅᐳᑦᐊᑭᓖᖃᑦᑕᕐᓂᐊᖅᐳᓪᓗ ᓂᐅᕕᕐᕕᒋᕙᒃᑕᖏᑕ ᐊᑭᓕᒐᒃᓴᙳᖅᑎᓯᒪᔭᖏᓐᓂᒃ. ᐊᐱᖅᑯᑎᒃᓴᖃᕐᓂᕈᕕᑦ ᐱᔾᔪᑎᖃᕐᓗᑎᑦ ᐊᑭᓕᒐᒃᓴᙳᖅᑎᑕᐅᓯᒪᔪᓂᒃ ᑐᕌᒐᕆᔭᖃᓪᓗᐊᑕᖅᑐᓂᒃ, ᖃᐅᔨᒋᐊᕕᒋᓗᒋᑦ ᖃᐅᔨᒋᐊᕕᒃᓴᐅᔪᓐᓇᖅᑐᑦ ᐱᓕᕆᕝᕕᒋᔭᐅᔪᑦ ᐊᑖᓃᑦᑐᓄᑦ ᖃᐅᔨᒋᐊᕐᕕᐅᔪᓐᓇᖅᑐᓄᑦ.

ᐱᓕᕆᕝᕕᒋᔭᐅᔪᓂᒃ ᖃᐅᔨᒋᐊᕐᕕᖃᕈᒪᓗᓂ ᑐᓴᖅᑕᐅᔪᒃᓴᐃᑦ

ᐊᑭᓕᐅᑎᖃᕐᓂᐊᕐᓗᓂ ᓄᓇᕗᑦ ᒐᕙᒪᖓᑕ ᐊᑭᓕᒐᒃᓴᙳᖅᑎᓯᔭᖏᓐᓂᒃ, ᑮᓇᐅᔭᓕᕆᔨᒃᑯᑦ ᐊᖏᖅᓯᑐᐃᓐᓇᖃᑦᑕᕐᓂᐊᖅᐳᑦ ᐊᑭᓕᒐᒃᓴᓄᑦ ᐊᑭᓕᐅᑕᐅᔪᓂᒃ ᑎᑎᖅᑲᑎᒎᖅᑎᑕᐅᔪᑎᒍᑦ ᑮᓇᐅᔭᒃᓴᑎᒍᑦ, ᖃᕆᑕᐅᔭᒃᑯᑦ ᑮᓇᐅᔭᓕᕆᓐᓇᖅᑐᒃᑯᑦ ᐊᑮᑦᑐᖅᑖᕈᓐᓇᐅᑎᒃᑯᓪᓘᓐᓃᑦ ᐊᐅᒃᑕᔫᒃᑯᑦ. ᐊᑮᑦᑐᖅᑖᕈᓐᓇᐅᑎᑎᒍᑦ ᐊᐅᒃᑕᔫᑎᒍᑦ ᐊᑭᓕᐅᑕᐅᔪᓄᑦ, ᐅᑯᐊ ᐅᖄᓚᐅᑏᑦ ᐅᖄᓚᕝᕕᒋᓗᒋᑦ:

  • ᐃᖃᓗᐃᑦ: 867-975-5808
  • ᑲᖏᖅᖠᓂᖅ: 867-645-8517
  • ᐃᖃᓗᒃᑑᑦᑎᐊᖅ: 867-983-4043

ᒫᓐᓇᐅᔪᒃᑯᑦ, ᓂᕆᐅᒋᔭᖃᖅᑐᖃᕐᓂᐊᖅᐳᖅ ᐃᓚᖓᒍᑦ ᑭᖑᕙᓯᖃᑦᑕᕐᓂᐊᕐᓂᖏᓐᓂᒃ, ᑕᐃᒪᐃᔾᔪᑎᖃᖅᖢᓂ ᐃᓄᑭᒡᓕᒋᐊᖅᓯᒪᓕᕐᓂᖏᓐᓄᑦ ᐃᖅᑲᓇᐃᔭᖅᑏᑦ ᑎᑎᕋᕐᕕᖕᒦᑦᑐᑦ.  ᖁᔭᓐᓇᒦᒃ ᕿᓄᐃᓵᑦᑎᐊᖃᑦᑕᕋᔅᓯ.

ᑐᓴᖅᑎᑦᑎᒋᐊᕈᑎ ᓂᐅᕕᖅᑎᑦᑎᔨᓄᑦ ᐊᑭᓕᐅᑎᓄᑦ

ᓄᓇᕗᑦ ᒐᕙᒪᖓ ᐃᓕᓴᖅᓯᓯᒪᕗᖅ ᐊᔪᕐᓇᖅᑐᒃᑰᕐᓂᖏᓐᓂᑦ ᓇᖕᒥᓂᖃᖅᑎᐅᔪᑦ ᐱᔨᑦᑎᕋᖅᑏᓪᓗ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍᑦ. ᓄᓇᕗᒻᒥᐅᑦ ᑮᓇᐅᔭᑎᒍᑦ ᐃᖏᕐᕋᑦᑎᐊᒃᑲᓐᓂᖁᓪᓗᒋᑦ, ᓄᓇᕗᑦ ᒐᕙᒪᖓ ᓴᒃᑯᑦᑎᔪᒪᕗᑦ ᐊᑐᖅᑕᐅᕙᒃᑐᖅ ᐅᓪᓗᑦ ᐊᕙᑎᑦ ᐊᒻᒪ 30 ᐊᑭᓖᓂᕐᒧᑦ ᒪᓕᒋᐊᓕᖏᓐᓂᑦ. ᓂᐅᕕᖅᑎᑦᑎᔨᓄᑦ ᐊᑭᓕᐅᑏᑦ, ᐱᓕᕆᐊᖑᐊᓂᒃᑎᓪᓗᒋᑦ ᐱᓕᕆᕝᕕᖕᒥᑦ, ᑐᓐᓂᖅᑯᑕᐅᓂᐊᖅᑐᖅ ᐊᑐᐃᓐᓇᐃᓕᖅᑳᖅᑐᒧᑦ ᑮᓇᐅᔭᒃᓴᓕᐅᖅᑎᓄᑦ ᑕᒪᐃᓐᓄ ᐊᕕᒃᑐᖅᓯᒪᔪᓄᑦ.

ᑖᒃᓰᔭᐃᑎᑦᑎᓂᖅ

ᑖᒃᓰᔭᕈᑕᐅᓯᒪᔪᑦ ᐊᑭᓕᖅᑕᐅᔪᓐᓇᖅᐳᑦ ᐅᑯᓇᙵᑦ ᓇᓕᐊᒃᑯᑐᓐᓇᖅ:

  • ᐅᖄᓚᐅᑎᒃᑯᑦ  ᐅᖄᓚᔪᖃᕐᓗᓂ ᐊᑭᓕᕆᐊᖃᙱᑦᑐᒧᑦ ,ᐅᕗᖓ 1-800-316-3324;
  • ᑎᑎᖅᑲᑎᒍᑦ ᑎᑎᖅᑲᒃᑯᕕᐊᒍᑦ ᑎᑎᖅᑲᒃᑯᕕᐊ 2260 ᐃᓂᖓ 300, ᐃᖃᓗᐃᑦ, ᓄᓇᕗᑦ X0A 0H0
  • ᐃᑭᐊᖅᑭᕕᒃᑯᑦ ᐋᖅᑭᒃᓯᖃᑦᑕᑎᓂᒃᑯᑦ ᑮᓇᐅᔭᒃᑯᕕᓕᕆᔨᓂᒃ.

ᑖᒃᓰᔭᖅᑎᑦᑎᓂᕐᒧᑦ ᖃᐅᔨᒋᐊᖅᑕᐅᔪᓄᑦ, ᖃᕆᑕᐅᒃᑯᑦ ᑎᑎᕋᕐᕕᒋᓗᒋᑦ ᐅᑯᓄᖓ ᑐᒡᕋᕈᑎᓄᑦ\:

  • ᐃᖅᑲᓇᐃᔭᖅᑎᓂᒃ ᐊᑭᓕᖅᑕᐅᕙᖕᓂᕐᒧᑦ ᑖᒃᓰᔮᖅᑎᑦᑎᓂᖅ- payrolltax@gov.nu.ca
  • ᓇᓪᓕᐅᒃᑯᒫᓕᕆᓂᕐᒧᑦ ᑖᒃᓰᔭᖅᑎᑦᑎᓂᕐᒧᑦ Insurance@gov.nu.ca. 
  • ᐅᖅᓱᐅᓗᓕᕆᓂᕐᒧᑦ ᑖᒃᓰᔭᖅᑎᑦᑎᓂᒧᑦ - petroleumtax@gov.nu.ca
  • ᓄᓇᖁᑎᖃᕐᓂᕐᒧᑦ ᑖᒃᓰᔭᖅᑎᑦᑎᓂᕐᒧᑦ - propertytax@gov.nu.ca
  • ᑕᕝᕚᑭᒧᑦ ᑖᒃᓰᔭᖅᑎᑦᑎᓂᕐᒧᑦ – tobaccotax@gov.nu.ca

ᒫᓐᓇᐅᔪᒃᑯᑦ, ᓂᕆᐅᒋᔭᖃᖅᑐᖃᕐᓂᐊᖅᐳᖅ ᐃᓚᖓᒍᑦ ᑭᖑᕙᓯᖃᑦᑕᕐᓂᐊᕐᓂᖏᓐᓂᒃ, ᑕᐃᒪᐃᔾᔪᑎᖃᖅᖢᓂ ᐃᓄᑭᒡᓕᒋᐊᖅᓯᒪᓕᕐᓂᖏᓐᓄᑦ ᐃᖅᑲᓇᐃᔭᖅᑏᑦ ᑎᑎᕋᕐᕕᖕᒦᑦᑐᑦ.  ᖁᔭᓐᓇᒦᒃ ᕿᓄᐃᓵᑦᑎᐊᖃᑦᑕᕋᔅᓯ.

 

ᓄᓇᕗᒻᒥᐅᓂ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᖃᖅᐳᒍᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.


ᑮᓇᐅᔭᓕᕆᔨᒃᑯᑦ - ᓄᕕᐱᕆ 12, 2020

ᑲᖏᖅᖠᓂᕐᒥ ᑎᑎᕋᕐᕖᑦ

ᑮᓇᐅᔭᓕᕆᔨᒃᑯᑦ ᑎᑎᕋᕐᕕᖏᑦ ᑲᖏᖅᖠᓂᕐᒥ ᒪᑐᓯᒪᐃᓐᓇᕐᓂᐊᖅᑐᑦ ᐱᓇᓱᐊᕈᓯᓕᒫᖅ. ᑮᓇᐅᔭᓕᕆᔨᒃᑯᑦ ᑎᑎᕋᕐᕕᖕᒧᑦ ᐅᑎᓛᖅᑐᑦ ᓇᒡᒐᔾᔭ, ᓄᕕᐱᕆ 16−ᒥ. ᑭᓯᐊᓂ, ᑎᑎᕋᕐᕕᒃ ᒪᑐᓯᒪᓂᐊᖅᑐᖅ ᑭᒃᑯᓕᒫᓄᑦ.

ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓕᒫᑦ ᑭᕙᓪᓕᕐᒥ ᐊᑭᓕᐅᓯᐊᓛᖅᑐᑦ ᓄᕕᐱᕆ 13 ᐊᑭᓕᖅᑕᐅᓐᓇᒃᑯᑦ. ᐃᖅᑲᓇᐃᔭᖅᑏᑦ ᓯᒃᑭᑖᖃᑦᑕᖅᑐᑦ ᓯᒃᑭᑖᖏᓐᓇᖃᑦᑕᕐᓂᐊᖅᑐᑦ. ᑕᐃᒃᑯᓄᖓ ᑮᓇᐅᔭᒃᑯᕕᒻᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᑦᓵᑦ ᓇᓕᖅᑲᖏᑦ ᓴᖅᑭᖅᑕᐅᓛᖅᑐᑦ ᑭᖑᓂᐊᒍᑦ ᐅᓪᓗᖅ.
ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ tmoyles@gov.nu.ca.

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓄᓪᓗ ᑲᒥᓴᓐ

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓄᓪᓗ ᑲᒥᓴᓐ ᐱᔭᕆᐊᖃᓪᓚᕆᒃᖢᑎᒃ ᐃᖅᑲᓇᐃᔭᖅᑎᐅᓂᖏᓐᓄᑦ ᓂᐅᕐᕈᑎᖃᐃᓐᓇᑲᑕᖕᓂᐊᖅᑐᑦ ᐃᒥᐊᓗᖕᓂᒃ ᐱᔪᓐᓇᐅᑎᒃᑯᑦ ᑲᖏᖅᖠᓂᕐᒥ ᑎᑎᕋᕐᕕᒃᑯᑦ. ᖃᐅᔨᒪᔭᐅᖁᓪᓗᒋᑦ ᐃᖅᑲᓇᐃᔭᖅᑎᑦ ᐃᓄᐃᓪᓗ ᐊᑦᑕᕐᓇᖅᑐᒧᐊᙱᒃᑲᓗᐊᕐᒪᖔᑕ, ᑎᑎᕋᕐᕖᑦ ᒪᑐᓯᒪᓂᐊᖅᑐᑦ ᐃᓄᖕᓄᑦ. ᓂᐅᕕᕈᒪᒍᕕᑦ ᑲᓇᑕᐅᑉ ᓯᓚᑖᒍᑦ ᑎᓯᓴᐃᔪᓐᓇᐅᑎᒥᒃ ᐅᕝᕙᓘᓐᓃᑦ ᓄᓇᓕᖕᓂ ᑎᑭᓴᐃᔪᒪᒍᕕᑦ ᑲᖏᖅᖠᓂᕐᒥ, ᐅᖃᓗᖃᑦᑕᖁᔭᐅᕗᓯ 867-645-8575 ᐅᕝᕙᓘᓐᓃᑦ 855-844-5488 ᓇᒡᒐᔾᔭᒥ ᐅᓪᓗᑐᐃᓐᓇᒧᑦ 8:30-ᒥ ᐅᓪᓛᒃᑯᑦ 12:00-ᒧᑦ ᐅᓪᓗᕈᒻᒥᑕᕐᓇᒧᑦ ᐊᒻᒪ 1:00-ᒥ 5:00-ᒧᑦ ᐅᓐᓄᒃᓴᒃᑯᑦ.

 


ᑮᓇᐅᔭᓕᕆᔨᒃᑯᑦ - ᔫᓂ 29, 2020

ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ:

ᐅᓪᓛᒃᑯᑦ. ᖁᕕᐊᓱᒃᐳᖓ ᐅᖃᕈᓐᓇᕋᒪ ᓄᓇᕗᑦ ᒐᕙᒪᖓ ᓴᖅᑭᑎᑦᑎᓂᐊᓕᕐᓂᖓᓂᒃ ᓄᑖᒥᒃ ᐱᓕᕆᐊᒃᓴᒥᒃ, ᐆᒥᖓ, ᓄᓇᕗᒻᒥ ᐊᑐᖅᑕᐅᔭᕆᐊᖃᒻᒪᕆᒃᑐᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᓂᖏᓐᓄᑦ ᐊᑭᓕᖅᓲᑎᒃᑲᓐᓂᖅ.

ᑕᕝᕘᓇ ᐱᓕᕆᐊᒃᑯᑦ, ᓄᓇᕗᑦ ᒐᕙᒪᖓ ᑮᓇᐅᔭᖃᖅᑎᑦᑎᕙᒃᐳᖅ  ᐃᖅᑲᓇᐃᔭᖅᑎᓂᒃ ᐊᔪᖅᑎᑕᐅᙱᑦᑐᓂ ᑕᐃᒪᐃᒃᑯᑎᒃ  ᐊᔪᖅᑎᑕᐅᙱᑦᑐᓂ ᐃᓂᓂ ᐊᑭᓖᔪᓐᓇᖃᑦᑕᕐᓂᐊᕐᒪᑕ ᐃᖅᑲᓇᐃᔭᕐᓂᕆᔭᒥᓄᑦ. ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᕙᒃᑐᑦ  $25−ᑖᓚᐃᑦ ᑐᖔᓂ ᐃᑲᕐᕋᒥ ᐊᔪᖅᑎᑕᐅᙱᑐᐃᓐᓇᕆᐊᖃᖅᐳᑦ ᖄᒃᑲᓐᓂᐊᒍᑦ $5−ᒥᒃ ᐃᑲᕐᕋᒧᑦ ᐊᑕᐅᓯᕐᒧᑦ.

ᐱᒋᐊᖅᑎᓪᓗᑕ ᔫᓂ 1−ᒥ, ᑐᕌᕆᔭᖃᓚᐅᖅᐳᒍᑦ ᐊᑐᖅᑕᐅᔭᕆᐊᓕᖕᓄᑦ ᐃᖅᑲᓇᐃᔭᖅᑎᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐃᓄᓕᕆᓂᕐᒥᓗ, ᐊᒻᒪᓗᑦᑕᐅᖅ ᓚᐃᓴᓕᖕᓄᑦ ᐸᐃᕆᕝᕕᖕᓄᑦ.

ᐅᓪᓗᒥᒧᑦ ᑎᑭᖦᖢᒍ, ᐊᖏᒡᓕᒋᐊᖅᑎᑦᑎᕗᒍᑦ ᐱᓕᐊᒃᓴᒥᒃ ᐃᓚᓯᒪᑎᓐᓂᐊᕐᓗᒍ ᐱᓕᕆᕆᐊᒃᓴᒃᑲᓐᓂᕐᓂᒃ, ᐃᓚᒋᔭᐅᓗᓂ ᐱᔭᐅᔭᕆᖃᒻᒪᕆᒃᑐᑦ ᓇᑉᐸᖅᑎᖅᑕᐅᓯᒪᔪᑦ, ᓄᒃᑕᕐᓂᕐᒧᑦ, ᓂᕿᓄᑦ, ᑐᔪᕐᒥᓂᕐᒧᑦ, ᓂᐅᕐᕈᑎᖃᖅᐸᖕᓂᕐᒧᑦ ᐱᓕᕆᔨᓪᓚᕆᐅᓂᕐᒧᓪᓗ ᐱᔨᑦᑎᕋᕐᓂᔭᐅᕙᒃᑐᓄᑦ.

ᐊᑕᖏᕐᓗᑎᒃ ᑎᑎᕋᖅᓯᒪᔪᑦ ᐊᔪᖅᑎᑕᐅᙱᑦᑐᑦ ᐃᓃᑦ, ᐃᓚᒋᔭᐅᓪᓗᓂ ᑎᑎᕋᕆᐊᓖᑦ ᐊᓯᖏᓪᓗ ᐃᓗᓕᖏᑦ, ᒪᓂᒪᓂᐊᖅᐳᑦ ᑮᓇᐅᔭᓕᕆᔨᒃᑯᑦ ᐃᑭᐊᖅᑭᕕᖓᓂ.

ᑎᓕᐅᓪᓚᕆᒍᒪᕙᒃᑲ ᐃᖅᑲᓇᐃᔭᕐᕕᐅᔪᑦ ᐃᖅᑲᓇᐃᔭᕐᕕᖕᓃᑦᑐᑦ ᐅᖃᐅᓯᕆᖅᑲᐅᔭᓐᓂ ᐱᓇᔪᖁᓪᓗᒋᑦ ᑕᒪᑐᒧᖓ ᓄᓇᕗᒻᒥ ᐊᑐᖅᑕᐅᔭᕆᐊᖃᓪᓚᕆᒃᑐᑦ ᐃᑲᓇᐃᔭᖅᑎᑦ ᐊᑭᓕᖅᓱᖅᑕᐅᓂᖏᓐᓄᑦ ᐊᑭᓖᔾᔪᑎᒃᑲᓐᓂᕐᒧᑦ.

ᖁᔭᓐᓇᒦᒃ.

ᑮᓇᐅᔭᓕᕆᔨᒃᑯᑦ ᐱᔨᑦᑎᕋᐅᑎᖏᑦ

ᓄᓇᕗᒻᒥ ᐊᑐᖅᑕᐅᔭᕆᐊᖃᓪᓚᕆᒃᑐᓄᑦ ᐃᖅᑲᓇᐃᔭᖅᑎᓄᑦ ᐊᑭᖅᓱᖅᑕᐅᓂᕐᒧᑦ ᑐᓐᓂᖅᑯᑕᐅᒃᑲᓐᓂᖅᐸᒃᑐᖅ (NEWWP−ᖑᓂᕋᖅᑕᐅᒋᓪᓗᓂ) ᓯᕗᓪᓕᖅᐹᒥᒃ ᐃᓱᓕᑦᑕᖅᑎᑕᐅᓚᐅᖅᐳᖅ ᐃᖅᑲᓇᐃᔭᖅᑎᓄᑦ ᐱᑎᑦᑎᕙᒃᑐᓄᑦ ᐱᔨᑦᑎᕋᕐᓂᕐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐃᓅᖃᑎᖃᖅᐸᖕᓂᕐᒧᓪᓗ ᐱᔾᔪᑎᓕᖕᒥᒃ ᐊᒃᑐᖅᑕᐅᓴᕋᐃᑦᑐᓄᑦ ᓄᓇᕗᒻᒥᐅᓄᑦ, ᓲᕐᓗ ᓂᕿᖃᖅᑎᑦᑎᔨᓄᖅ, ᕿᒫᕝᕕᖕᓄᑦ, ᑲᑎᙵᓗᑎᒃ ᐊᖏᕐᕋᕆᔭᐅᕙᒃᑐᓄᑦ, ᑲᒪᒋᔭᐅᓂᕐᒧᑦ ᐃᓂᓄᑦ, ᓚᐃᓴᓕᕐᓄᓪᓗ ᐸᐃᕆᕝᕕᖕᓄᑦ. ᑕᒪᓐᓇ ᐱᓕᕆᐊᖑᔪᖅ ᒫᓐᓇ ᐊᖏᒡᓕᒋᐊᖅᑕᐅᓯᒪᓕᖅᐳᖅ ᐃᓚᖃᕐᓂᐊᖅᖢᓂ ᐊᑐᖅᑕᐅᔭᕆᐊᖃᒻᒪᕆᒃᑐᓂᒃ ᓇᑉᐸᖅᑎᖅᑕᐅᓯᒪᔪᓂᒃ, ᓄᒃᑕᕐᓂᕐᒥᒃ ᓂᕿᓄᑦ, ᑐᔪᕐᒥᕙᖕᓂᕐᒧᑦ, ᓂᐅᕕᖅᑎᑦᑎᕙᖕᓂᕐᒧᑦ ᐱᓕᕆᔨᓪᓚᕆᐅᓂᕐᒧᓪᓗ ᐱᔨᑦᑎᕋᕐᕕᐅᕙᖕᓂᕐᓄᑦ.

ᓄᓇᕗᒻᒥ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᑦᓵᓄᑦ ᐱᓕᕆᐊᓂᑦ (NEWWP) ᐊᑑᑎᖃᖅᑐᖅ ᐅᓪᓗᓕᒫᑦ, ᐅᓪᓘᑉ ᐊᕝᕙᐃᓐᓇᖓᓄᑦ, ᐃᖅᑲᓇᐃᔭᑲᐃᓐᓇᖃᑦᑕᖅᑐᓄᓪᓗ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑮᓇᐅᔭᓕᐅᖅᑐᓂᑦ ᑐᖔᓂᑦ $25 ᐃᑲᕐᕋᑕᒫᑦ ᐃᖅᑲᓇᐃᔭᖅᑐᐃᓪᓗ ᐱᔪᓐᓇᓂᖃᖅᑐᓂᑦ ᐱᓕᕆᕝᕕᐅᔪᓂᑦ.

ᐃᖅᑲᓇᐃᔭᖅᑏᑦ ᑮᓇᐅᔾᔭᓴᖅᑐᑦ ᑐᖔᓂ ᓇᓕᒧᑦᑐᒥᓪᓘᓐᓃᑦ $20 ᐃᑲᕐᕋᑕᒫᑦ ᐱᔪᓐᓇᕐᓂᖃᕐᓂᐊᖅᑐᑦ ᐊᑕᖏᖅᑐᒥ $5 ᑮᓇᐅᔭᑦᓵᓄᑦ ᐃᓚᒋᐊᕈᑎᓂᑦ.  ᐃᖅᑲᓇᐃᔭᖅᑏᑦ ᑮᓇᐅᔾᔭᓴᖅᑐᑦ ᐅᑯᓇᖓ $20 ᐊᒻᒪᓗ $25 ᐃᑲᕐᕋᑕᒫᑦ ᐱᓂᐊᖅᑐᑦ ᐊᑉᐸᓯᓐᓂᖅᓴᓂᑦ ᐃᓚᒋᐊᕈᑎᓂᑦ ᑮᓇᐅᔾᔭᑦᓵᓂᑦ ᐃᒪᐃᑦᑐᙳᑎᑦᓯᓂᐊᖅᑐᓂᑦ $25 ᐃᑲᕐᕋᑕᒫᑦ. ᐃᖅᑲᓇᐃᔭᖅᑏᑦ ᑮᓇᐅᔾᔭᑦᓴᖅᑐᑦ ᐅᖓᑖᓄᑦ $25 ᐃᑲᕐᕋᑕᒫᑦ ᐱᔪᓐᓇᓚᖓᖏᑦᑐᑦ ᐃᓚᒋᐊᕈᑎᓂᑦ.

ᐃᖅᑲᓇᐃᔭᕐᕕᒋᔭᐃᑦ (ᐊᑕᐅᓯᕐᒨᖓᖏᑦᑐᑦ) ᐱᓇᓱᐊᕈᓐᓇᖅᑐᑦ ᐱᓕᕆᐊᕐᒥ ᐊᑐᐃᓐᓇᐅᑎᑦᓯᒋᐊᖃᖅᓱᑎᓪᓗ ᑐᓴᖅᑕᐅᑎᑦᓯᔾᔪᑎᓂᑦ ᒥᑦᓵᓄᑦ ᐃᖅᑲᓇᐃᔭᕐᕕᖏᑦᑕ.

ᒐᕙᒪᒃᑯᑦ ᓄᓇᕗᒻᒥ ᑮᓇᐅᔭᓕᕆᔨᒃᑯᑦ ᐊᐅᓚᑦᓯᔪᑦ ᓄᓇᕗᒻᒥ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᑦᓵᓄᑦ ᐃᓚᒋᐊᕈᑎᓂᑦ ᐃᑲᔫᑕᐅᑦᓱᑎᒃ. ᑐᓂᓯᕐᒧᑦ ᐊᑐᐊᒐᖅ ᐃᑲᔪᖅᑐᐃᔪᖅ ᐱᓕᕆᐊᖑᔪᒥᒃ ᒪᓂᒪᕗᖅ ᐱᓕᕆᕝᕕᒋᔭᐅᔫᑉ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/finance/information/newwp.

ᐃᖅᑲᓇᐃᔭᖅᑎᑦ ᑲᓇᑕᒥ ᐊᒻᒪ ᓄᓇᕗᒻᒥ ᒐᕙᒪᐃᑦ, ᐊᒻᒪᓗ ᑐᖅᑲᖅᑕᕐᕖᑦ, ᐃᓚᔭᐅᒃᑲᓐᓂᕈᑎᒃᓴᓄᑦ ᐊᔪᖅᑎᑕᐅᔪᑦ. 

ᒐᕙᒪᒃᑯᑦ ᑲᓇᑕᒥ ᑮᓇᐅᔭᖃᖅᑎᑦᓯᔪᑦ ᐊᑕᖏᖅᑐᒥ ᐱᓕᕆᐊᒧᑦ.

 


ᑮᓇᐅᔭᓕᕆᔨᒃᑯᑦ, ᒪᐃ 28, 2020

ᑮᓇᐅᔭᓕᕆᔨᒃᑯᓐᓄᑦ ᒥᓂᔅᑕᖓᑕ ᒥᓂᔅᑕᐅᓪᓗᓂᓗ ᑲᒪᒋᔭᒃᓴᖃᖅᑎᑕᐅᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑎᓄᑦ ᓄᑖᙳᕆᐊᖅᑎᑕᖏᑦ

ᐅᓪᓛᒃᑯᑦ ᑕᒪᔅᓯ.

ᖁᕕᐊᓱᒃᐳᖓ ᐅᖃᕈᓐᓇᕋᒪ ᓄᓇᕗᑦ ᒐᕙᒪᖓ ᓴᖅᑭᑎᑦᑎᓂᐊᓕᕐᓂᖓᓂᒃ ᓄᑖᒥᒃ ᐱᓕᕆᐊᒃᓴᒥᒃ, ᐆᒥᖓ, ᓄᓇᕗᒻᒥ ᐊᑐᖅᑕᐅᔭᕆᐊᖃᒻᒪᕆᒃᑐᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᓂᖏᓐᓄᑦ ᐊᑭᓕᖅᓲᑎᒃᑲᓐᓂᖅ. ᑕᕝᕘᓇ, ᓄᓇᕗᑦ ᒐᕙᒪᖓ ᑮᓇᐅᔭᖃᖅᑎᑦᑎᓂᐊᖅᐳᖅ ᐊᔪᖅᑎᑕᐅᙱᑦᑐᓂᒃ ᐃᖅᑲᓇᐃᔭᕐᕕᖕᓂᒃ ᐊᑭᓕᖅᓱᕈᓐᓇᓕᕐᓗᒋᑦ ᐊᑭᑭᓐᓂᖅᓴᒥᒃ ᐊᑭᓕᖅᑕᐅᕙᒃᑐᑦ ᐃᑲᕐᕋᒃᑲᓐᓂᕐᓄᑦ ᐃᖅᑲᓇᐃᔭᖅᑕᒥᓄᑦ.

ᐃᖅᑲᓇᐃᔭᖅᑏᑦ ᐊᑭᓕᖅᑕᐅᕙᒃᑐᑦ $20−ᓂᒃ ᑐᖔᓂᓘᓐᓃᑦ ᐱᑎᑕᐅᖃᑦᑕᕈᓐᓇᕐᓂᐊᓕᖅᑐᑦ $5−ᑲᓐᓂᕐᓂᒃ ᐃᑲᕐᕋᒧᑦ ᐊᑕᐅᓯᕐᒧᑦ ᐃᖅᑲᓇᐃᔭᖅᑕᖏᓐᓄᑦ. ᐃᖅᑲᓇᐃᔭᖅᑏᑦ ᑮᓇᐅᔭᓕᐅᖅᐸᒃᑐᑦ $20−ᓗ $25−ᓗ ᐊᑯᓐᓂᖏᓐᓂ ᐃᑲᕐᕋᒧᑦ ᐱᓂᐊᖅᐳᑦ ᓈᒻᒪᒃᓯᓕᕈᑎᓂᒃ ᐊᑭᓕᖅᓱᖅᑕᐅᓂᖏᑦ $25−ᖑᖅᑎᑕᐅᓗᑎᒃ ᐃᑲᕐᕋᒧᑦ ᐊᑕᐅᓯᕐᒧᑦ. ᑮᓇᐅᔭᖁᑎᒋᔭᐅᓂᐊᖅᑐᓂᒃ ᒪᓂᒪᔪᖃᕐᓂᐊᖅᐳᖅ ᐃᖅᑲᓇᐃᔭᖅᑎᓄᑦ ᐃᑲᔪᖅᑐᐃᔪᒪᓪᓗᑎᒃ ᑕᒪᑐᒥᖓ ᐊᑭᓕᖅᓱᖅᑕᐅᒃᑲᓐᓂᓂᕐᒥᒃ 16−ᓄᑦ ᐱᓇᓱᐊᕈᓯᕐᓄᑦ ᑎᑭᓪᓗᒍ.

ᐱᒋᐊᕈᒪᓪᓗᑎᒃ, ᒐᕙᒪᕗᑦ ᑐᕋᕆᔭᖃᖅᐳᖅ ᐃᖅᑲᓇᐃᔭᖅᑎᓂᒃ ᐱᑎᑦᑎᕙᒃᑐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐃᓄᓕᕆᓂᕐᒥᒡᓗ ᐊᒃᑐᖅᑕᐅᓴᕋᐃᑦᑐᓄᑦ ᓄᓇᕗᒻᒥᐅᓄᑦ. ᑕᒪᒃᑯᐊ ᐃᓚᖃᖅᐳᑦ ᕿᒫᕝᕕᖕᓂᒃ, ᑭᒃᑯᒐᓴᖕᓄᑦ ᐊᖏᕐᕋᕆᔭᐅᕙᒃᑐᓄᑦ, ᓂᕿᑖᕐᕕᖕᓄᑦ, ᐋᓐᓂᐊᕕᓕᐊᖅᓯᒪᔪᓄᑦ ᐃᓂᓄᑦ, ᐊᔾᔨᑲᓴᖏᓐᓄᓪᓗ ᑲᑐᔨᖃᑎᒌᓄᑦ. ᐊᒻᒪᑦᑕᐅᖅ ᑕᒪᓐᓇ ᐱᓕᕆᐊᒃᓴᖅ ᒪᑐᐃᕆᕙᕗᑦ ᓚᐃᓴᓕᖕᓄᑦ ᐸᐃᕆᕝᕕᖕᓄᑦ.

ᓄᓇᕗᑦ ᒐᕙᒪᒃᑯᖏᑦ ᐃᓱᒪᒃᓴᖅᓯᐅᕈᑎᖃᕐᓂᐊᖅᑐᑦ ᐊᖏᒡᓕᒋᐊᖅᑎᑦᑎᓇᔭᕐᓂᕐᒥᒃ ᐊᔪᖅᑎᑦᑎᙱᓐᓂᕐᒥᒃ ᐃᖅᑲᓇᐃᔭᖅᑎᓂᒃ ᐊᓯᖏᓐᓂ ᐃᖅᑲᓇᐃᔭᕐᕕᐅᔪᓂ ᖃᖓᙳᖅᐸᓪᓕᐊᓂᖓ ᒪᓕᒡᓗᒍ, ᑕᐃᒪᐃᔾᔪᑎᖃᕋᔭᕆᓪᓗᓂᓗ ᐱᓕᕆᐊᒃᓴᐃᑦ ᐱᔭᐅᕙᓪᓕᐊᓂᖏᓐᓂᒃ ᑮᓇᐅᔭᓂᒡᓗ ᒪᓂᒪᔪᖃᕐᓂᖓᓂᒃ.

ᓄᓇᕗᑦ ᒐᕙᒪᖓᑕ ᑮᓇᐅᔭᓕᕆᔨᒃᑯᖏᑦ ᐊᐅᓚᑦᑎᓂᐊᖅᐳᑦ ᐱᓕᕆᐊᒃᓴᒥᒃ ᑭᓇᐅᔭᖃᖅᑎᑕᐅᓗᑎᒃ ᑲᓇᑕᐅᑉ ᒐᕙᒪᒃᑯᖏᓐᓂᑦ. ᐱᔪᓐᓇᖅᓯᓂᐊᖅᐳᒍᑦ ᐱᓇᔪᒍᑎᒋᔭᐅᔪᓂᒃ ᐃᖅᑲᓇᐃᔭᕐᕕᒋᔭᐅᔪᓂᑦ ᓇᒡᒐᔾᔭᒥ, ᔫᓂ 1−ᒥ.

ᐱᓇᔪᒍᑕᐅᔪᓐᓇᖅᑐᑦ ᑎᑎᕋᕆᐊᓖᑦ ᑐᓴᖅᑕᐅᔪᒃᓴᒃᑲᓐᓃᓪᓗ ᑕᒪᑐᒧᖓ ᐱᓕᕆᐊᖑᔪᒧᑦ ᒪᓂᒪᓂᐊᖅᑐᑦ ᑮᓇᐅᔭᓕᕆᔨᒃᑯᑦ ᐃᑭᐊᖅᑭᕕᐊᓂ ᓇᒡᒐᔾᔭᒥ ᐱᒋᐊᕐᓗᓂ.

ᑎᓕᐅᓪᓚᕆᒍᒪᕙᒃᑲ ᐃᖅᑲᓇᐃᔭᕐᕕᐅᔪᑦ ᐃᖅᑲᓇᐃᔭᕐᕕᖕᓃᑦᑐᑦ ᐅᖃᐅᓯᕆᖅᑲᐅᔭᓐᓂ ᐱᓇᔪᖁᓪᓗᒋᑦ ᑕᒪᑐᒧᖓ ᓄᓇᕗᒻᒥ ᐊᑐᖅᑕᐅᔭᕆᐊᖃᓪᓚᕆᒃᑐᑦ ᐃᑲᓇᐃᔭᖅᑎᑦ ᐊᑭᓕᖅᓱᖅᑕᐅᓂᖏᓐᓄᑦ ᐊᑭᓖᔾᔪᑎᒃᑲᓐᓂᕐᒧᑦ.

ᑕᒪᒃᑯᐊ ᓄᕙᒡᔪᐊᕐᓇᖅ-19−ᒧᑦ ᐊᔪᓕᖅᑕᕈᑏᑦ ᖃᓱᕙᓪᓕᐊᓕᖅᑎᓪᓗᒋᑦ, ᐃᖅᑲᓇᐃᔭᕐᕖᓪᓗ ᒪᑐᐃᖅᐸᓪᓕᐊᓕᖅᑎᓪᓗᒋᑦ, ᑎᓕᐅᖅᐸᒃᑲ ᐃᖅᑲᓇᐃᔭᕐᕕᐅᔪᑦ ᐱᓇᔪᒍᓐᓇᕐᓂᕐᒥᒍᑦ ᐱᓇᔪᑦᑎᐊᖁᓪᓗᒋᑦ ᑎᓕᐅᖅᑕᐅᙱᒃᑲᓗᐊᕐᓗᑎᒃ, ᐱᓇᔪᓕᕌᖓᒥᒃ ᐃᖅᑲᓇᐃᔭᕐᕕᒋᔭᑎᒃ ᖁᐊᖅᓵᕐᓇᙱᒃᑲᓗᐊᕐᒪᖔᑕ ᐋᓐᓂᐊᓕᕐᓇᙱᒃᑲᓗᐊᒪᖔᑕᓗᐃᖅᑲᓇᐃᔭᖅᑎᓄᑦ ᑭᒃᑯᑐᐃᓐᓇᓄᓪᓗ, ᒪᓕᒃᑲᓗᐊᕐᒪᖔᑕ ᑭᒃᑯᑐᐃᓐᓇᓂᒃ ᐋᓐᓂᐊᖃᕐᑕᐃᓕᑎᑦᑎᓂᕐᒧᑦ ᐅᖃᐅᔾᔪᖅᑕᐅᔾᔪᓯᐊᖑᓯᒪᔪᓂᒃ ᓄᕙᒡᔪᐊᕐᓇᖅ-19−ᒧᑦ.

ᑭᓇᑐᐃᓐᓇᑦᑎᐊᖅ ᐃᖅᑲᓇᐃᔭᖅᑎ ᐃᖅᑲᓇᐃᔭᕐᕕᐅᔪᕐᓘᓐᓃᑦ ᑐᙵᓵᖅᐸᕋ ᑕᑯᔭᖅᑐᖁᓪᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐃᑭᐊᖅᑭᕕᖓᑦ ᐅᕙᓂ, www.wscc.nu.ca ᖃᐅᔨᒋᐊᖁᓪᓗᒋᑦ ᓄᕙᒡᔪᐊᕐᓇᖅ-19−ᒧᑦ ᐊᑐᕈᓐᓇᖅᑕᖏᓐᓂᒃ ᑐᓴᒐᒃᓴᒃᑲᓐᓂᕐᓄᓪᓗ ᖃᓄᖅ ᐱᕙᒌᔭᖅᑐᖃᕈᓐᓴᕐᒪᖔᑦ ᖁᐊᖅᓵᕐᓇᙱᑦᑐᒃᑯᑦ ᒪᑐᐃᖅᓯᒃᑲᓐᓂᕐᓂᐊᕐᓗᓂ ᓇᖕᒥᓂᕆᔭᒥᓂᒃ ᖃᓄᕐᓘᓐᓂᑦ ᐃᖅᑲᓇᐃᔭᕐᕕᖕᓄᑦ ᐅᑎᖅᑐᖃᖅᐸᓪᓕᐊᓇᔭᕐᒪᖔᑦ.

ᑖᓐᓇ ᐊᑐᖅᑕᐅᔪᓐᓇᖅᑐᖅ ᐊᑐᒐᒃᓴᐅᑦᑎᐊᖅᑐᓂᒃ ᐃᓗᓕᖃᐅᖅᖢᓂ, ᐃᑲᔪᖅᑐᕈᑎᑕᖃᖅᖢᓂ ᑐᓴᒐᒃᓴᖃᖅᖢᓂᓗ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᕐᕕᐅᔪᓄᓪᓗ, ᑐᙵᕕᖃᖅᑎᑕᐅᕗᖅ ᒫᓐᓴᓯᐅᑎᓂᒃ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᓴᖅᓴᑕᔪᒃᓴᓄᑦ ᐊᒃᑐᐊᓂᓕᖕᓄᑦ ᓄᕙᒡᔪᐊᕐᓇᖅ-19−ᒧᑦ, ᑕᓯᐅᖅᓯᓪᓗᓂᓗ ᖃᓄᖅ ᖃᐅᔨᓴᖅᓯᔪᖃᕈᓐᓇᕐᒪᖔᑦ ᐃᖅᑲᓇᐃᔭᕐᕕᒋᔭᕐᓂ ᖁᐊᖅᓵᕐᓇᖅᑐᓂᒃ, ᖃᐅᔨᒪᑦᑎᐊᕈᒪᓂᕐᒧᑦ ᒪᓕᑦᑎᐊᕋᓗᐊᕐᒪᖔᖅᐱᑦ ᐃᖅᑲᓇᐃᔭᕐᕕᖕᒥ ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᕙᒃᑐᓂᒃ ᒪᒐᕐᓂᒡᓗ.

ᐃᖅᑲᓇᐃᔭᖅᑏᑦ ᐊᐱᖅᑯᑎᒃᓴᖃᖅᑐᑦ ᐃᑲᔪᖅᑕᐅᔭᕆᐊᓖᓪᓘᓐᓃᑦ ᐱᔭᕇᖅᓯᓂᐊᕐᓗᑎᒃ ᐃᖅᑲᓇᐃᔭᕐᕕᖕᒥᓂ ᖁᐊᖅᓵᕐᓇᕈᓐᓇᖅᑐᓄᑦ ᖃᐅᔨᓴᖅᓯᓂᕐᒥᒃ ᑐᙵ)ᒃᑎᑕᐅᕗᑦ ᖃᐅᔨᒋᐊᖁᔭᐅᓪᓗᑎᒃ ᐅᑯᓄᖓ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐅᕗᖓ, 1-877-404-4407 ᖃᕆᑕᐅᔭᒃᑯᓪᓘᓐᓃᑦ ᐅᕗᖓ
Covid-19@wscc.nu.ca

ᖁᔭᓐᓇᒦᒃ.

 


ᑮᓇᐅᔭᓕᕆᔨᒃᑯᑦ, ᒫᔾᔨ 25, 2020

  • ᒫᓐᓇᐅᔪᖅ ᐃᖃᓗᖕᓂ ᐱᐊᑖᕐᕕᒃ ᐅᐊᐃᓂᑖᕐᕕᒡᓗ ᓱᓕ ᒪᑐᐃᖃᑦᑕᕐᓂᐊᖅᑐᖅ ᐃᓅᖃᑎᒌᓂᒃ ᖃᓂᒌᓗᐊᖅᑎᑦᑎᑦᑕᐃᓕᒪᓗᑎᒃ. ᓂᐅᕕᕆᐊᖅᓯᒪᔪᑦ ᓇᖏᖃᑦᑕᖁᔭᐅᓂᐊᖅᐳᑦ 2 ᒦᑕᓪᓗᐊᑕᐸᓘᖕᓂᒃ ᐅᖓᓯᒌᒃᑎᒋᕙᒡᓗᑎᒃ, ᐅᑕᖅᑭᓂᕐᒥᓂ ᑐᑭᓕᕇᓕᖅᓯᒪᓪᓗᑎᒃ ᐃᒥᐊᓗᒃᑖᕐᕕᐅᑉ ᓯᓚᑖᓂ. ᒫᑦᓯ 25, 2020−ᒥᑦ ᐱᒋᐊᕐᓗᓂ, ᑖᓐᓇ ᐃᒥᐊᓗᒃᑖᕐᕕᒃ ᑮᓇᐅᔭᓪᓚᑦᑖᓂᒃ/ᑳᓯᓂᒃ ᐱᖃᑦᑕᕈᒪᔾᔮᔪᓐᓃᖅᑐᖅ
  • ᐊᑭᓕᐅᑏᑦ ᓂᐅᕕᖅᑎᑦᑎᔨᓄᑦ - ᐊᑐᕈᓐᓃᖅᑎᑦᑎᔪᒍᑦ ᐊᑐᖅᑕᐅᒐᔪᒃᑐᒥᒃ 20 ᐊᒻᒪ 30 ᐅᓪᓗᐃᑦ ᐊᑭᓕᕆᐊᓖᑦ ᒪᓕᒋᐊᓕᖏᓐᓂᒃ ᓂᐅᕕᖅᑎᑦᑎᔨᓄᑦ ᐊᑭᓕᕆᐊᓖᑦ ᑭᖑᓪᓕᕐᒥ ᐊᑐᐃᓐᓇᐅᖃᑦᑕᖁᓪᓗᒋᑦ ᑮᓇᐅᔭᒃᓴᓕᐅᖅᑎᓪᓗᒋᑦ. ᐊᑭᓕᖅᓯᒪᙱᑦᑐᑦ ᐊᑭᓕᒐᒃᓴᓄᑦ, ᓂᐅᕕᖅᑎᑦᑎᔨᑦ ᐱᓕᕆᕝᕕᖕᒧᑦ ᖃᐅᔨᒋᐊᕈᓐᓇᖅᐳᑦ ᐅᕗᖓ ᖃᐅᔨᒋᐊᕐᓗᑎᒃ - https://gov.nu.ca/sites/default/files/departmental_contact-eng.pdf.
  • ᓄᓇᕗᑦ ᒐᕙᒪᖓᓄᑦ ᐊᑭᓕᕆᐊᓖᑦ - ᓄᓇᕗᑦ ᒐᕙᒪᒃᑯᑦ ᒫᓐᓇᐅᔪᖅ ᐱᓕᕆᕝᕕᖕᒥ ᑲᑎᖅᓱᐃᑎᑦᑎᔾᔮᙱᑦᑐᑦ. ᑮᓇᐅᔭᒃᑯᕕᓕᒫᑦ ᓅᑕᐅᓯᒪᔪᑦ ᐊᑭᓕᒃᓴᕆᔭᐅᔪᓂᑦ ᓄᐊᑦᑎᔨᓄᑦ ᐊᒻᒪ ᑲᓇᑕᒥ ᐅᑎᖅᑐᒃᓴᓕᕆᔨᓄᑦ ᒫᓐᓇ ᓄᖅᑲᖓᑎᑕᐅᔪᑦ.

ᐱᔨᑦᑎᕋᐅᑎᑦ ᑲᔪᓯᔪᑦ: 

  • ᐃᖃᓗᐃᑦ ᐱᐊᑖᕐᕕᒃ ᐅᐊᐃᓂᑖᕐᕕᐅᓪᓗ ᐃᑲᕐᕋᖏᑦ:
    • ᓈᑏᖑᔭᖅ − ᒪᑐᓯᒪᔪᖅ
    • ᓇᒡᒐᔾᔭ − ᒪᑐᓯᒪᔪᖅ
    • ᐊᐃᑉᐹ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
    • ᐱᖓᔪᐊᑦ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
    • ᕿᑎᖅᑰᑦ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
    • ᐅᓪᓗᑐᐃᓐᓇ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ
    • ᓯᕙᑖᕐᕕᒃ − ᐅᓪᓗᕈᒻᒥᓴᕐᓇᒥᑦ 7−ᒧᑦ ᐅᓐᓄᒧᑦ

ᐋᖅᑭᒋᐊᖅᑕᐅᔪᑦ ᐱᔨᑦᑎᕋᐅᑎᑦ:

  • ᒥᑭᒡᓕᒋᐊᖅᑎᑦᑎᔪᒪᒧᑦ ᐱᑕᖃᖅᑎᑦᑎᑦᑕᐃᓕᒪᔪᒪᒧᓪᓗ ᓯᐊᒻᒪᒃᑎᕆᑐᐃᓐᓇᕆᐊᓕᖕᓂᑦ ᓄᕙᒡᔪᐊᕐᓇᖅ-19−ᒥᒃ ᖃᓂᒪᓐᓇᖅᑐᒥᒃ, ᐃᒥᐊᓗᒃᑖᕐᕕᒃ ᐊᑐᓕᖅᑎᑦᑎᕗᖅ ᐃᓅᖃᑎᒥᓂᒃ ᖃᓂᒃᓴᓗᐊᖅᑕᐃᓕᒪᑎᑦᑎᓂᕐᒥᒃ ᐊᑐᖅᑕᐅᔭᕆᐊᓕᖕᓂᒃ ᐃᒥᐊᓗᒃᑖᕐᕕᖕᒥ. NULC-ᑯᑦ ᑭᒡᓕᖃᖅᑎᑦᑎᖃᑦᑕᕐᓂᐊᖅᐳᖅ ᖃᔅᓯᐅᓂᖏᓐᓂᒃ ᓂᐅᕕᕆᐊᖅᓯᒪᔪᑦ ᐃᓯᖅᑎᑕᐅᔪᓐᓇᕐᓂᖏᑦ.
  • ᓂᐅᕕᕆᐊᖅᓯᒪᔪᑦ ᓇᖏᖃᑦᑕᖁᔭᐅᓂᐊᖅᐳᑦ 2 ᒦᑕᓪᓗᐊᑕᐸᓘᖕᓂᒃ ᐅᖓᓯᒌᒃᑎᒋᕙᒡᓗᑎᒃ, ᐅᑕᖅᑭᓂᕐᒥᓂ ᑐᑭᓕᕇᓕᖅᓯᒪᓪᓗᑎᒃ ᐃᒥᐊᓗᒃᑖᕐᕕᐅᑉ ᓯᓚᑖᓂ. ᒫᑦᓯ 25, 2020−ᒥᑦ ᐱᒋᐊᕐᓗᓂ, ᑖᓐᓇ ᐃᒥᐊᓗᒃᑖᕐᕕᒃ ᑮᓇᐅᔭᓪᓚᑦᑖᓂᒃ/ᑳᓯᓂᒃ ᐱᖃᑦᑕᕈᒪᔾᔮᔪᓐᓃᖅᑐᖅ
  • ᐃᒥᐊᓗᓕᕆᔨᒃᑯᑦ ᓂᐅᕕᐊᒃᓴᖃᖃᑦᑕᐃᓐᓇᕐᓂᐊᖅᑐᑦ ᐃᒥᐊᓗᒃᑖᕐᓂᕐᒧᑦ ᐱᔪᓐᓇᐅᑎᓂᒃ ᐃᖃᓗᖕᓂ ᑲᖏᖅᖠᓂᕐᒥᓗ ᐅᒃᐸᒃᑕᐅᔪᓐᓇᖅᐸᒡᓗᑎᒃ ᐅᖄᓚᐅᑎᒃᑯᓪᓘᓐᓃᑦ.
    • ᐃᖃᓗᖕᓂ, ᐃᒥᐊᓗᒃᑖᕐᕕᓕᐊᓚᐅᑲᖃᑦᑕᕈᓐᓇᖅᐳᑎᑦ ᓇᒡᒐᔾᔭᒥ 9−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, ᐊᒻᒪᓗ, 1−ᒥᑦ 4:30−ᒧᑦ ᐅᓐᓄᒃᓴᒃᑯᑦ, ᐊᒻᒪᓗ, ᐊᐃᑉᐹᓂᑦ ᐅᓪᓗᑐᐃᓐᓇᒧᑦ, 9−ᒥᑦ 11−ᒧᑦ ᐅᓪᓛᒃᑯᑦ.
    • ᐃᖃᓗᐃᑦ – ᐅᖄᓚᓗᑎᑦ 867-975-6869
    • ᑲᖏᖅᖠᓂᕐᒥ, ᐅᕗᖓ ᐅᖄᓚᔪᓐᓇᖅᐳᑎᑦ, 867-645-8575−ᒧᑦ, ᐅᕗᖓᓘᓐᓃᑦ, 855-844-5488-ᒧᑦ, ᓇᒡᒐᔾᔭᒥᑦ ᐅᓪᓗᑐᐃᓐᓇᒧᑦ, 8:30−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, 1−ᒥᓪᓗ to 5−ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ.
  • NULC−ᑯᑦ ᓱᓕ ᓄᓇᓕᖕᓂ ᑎᑭᓴᖅᑕᐅᔪᓂᑦ ᐱᓕᕆᖃᑦᑕᕐᓂᐊᖅᑐᑦ. ᑎᑭᓴᐃᔪᒪᒍᕕᑦ ᐅᖄᓚᓗᑎᑦ 867-645-8575−ᒧᑦ ᐅᕝᕙᓘᓐᓃᑦ 855-844-5488−ᒧᑦ.

ᑮᓇᐅᔭᓕᕆᔨᒃᑯᑦ, ᒫᔾᔨ 23, 2020

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᓄᓇᕗᒻᒥᐅᑦ ᓄᓇᕗᒻᒥᓗ ᓇᖕᒥᓂᖃᖅᑎᐅᔪᑦ ᑎᓕᐅᖅᑕᐅᕗᑦ  ᑖᒃᓯᒥᓂᒃ ᐊᑭᓕᖅᓯᖃᑦᑕᖁᔭᐅᓪᓗᑎᒃ ᐅᖄᓚᐅᑎᒃᑯᑦ ᐅᕗᖓ ᐊᑭᓕᕆᐊᖃᙱᑦᑐᒧᑦ 1-800-316-3324−ᒧᑦ ᐅᖄᓚᓗᑎᒃ ᖃᕆᑕᐅᔭᒃᑯᓪᓘᓐᓃᑦ ᐋᖅᑭᒃᓱᖅᓯᒪᔭᒥᑎᒍᑦ ᑮᓇᐅᔭᓕᕆᓂᕐᒧᑦ ᐱᓕᕆᖃᑎᒋᕙᒃᑕᒥᓂᒃ ᐋᖅᑭᒃᓱᐃᖃᑎᖃᕐᓗᑎᒃ.
  • ᐊᐅᓪᓚᖅᑎᑦᑎᔪᓐᓇᕐᒥᔪᑦᑕᐅᖅ ᑮᓇᐅᔭᒃᓴᒥᒃ ᑎᑎᖅᑲᑎᒍᑦ ᑎᑎᕋᕐᕖᒃᑰᖅᑎᓪᓗᒋᑦ. ᐊᐱᖅᑯᑎᒃᓴᖃᖅᑐᖃᖅᐸᑦ ᐱᔾᔪᑎᖃᕐᓗᑎᒃ ᐱᖁᑎᒋᔭᐅᔪᓄᑦ ᑖᒃᓯᓄᑦ, ᖃᕆᑕᐅᔭᒃᑯᑦ ᐅᕗᖓ ᑎᑎᕋᕐᓗᑎᑦ propertytax@gov.nu.ca.
  • ᐊᐱᖅᑯᑎᒃᓴᖃᖅᑐᖃᕐᓂᖅᐸᑦ ᐱᔾᔪᑎᖃᕐᓗᑎᒃ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᕙᖕᓂᖏᓐᓄᑦ ᑖᒃᓯᓕᕆᓂᕐᒧᑦ, ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᒃ ᐅᕗᖓ ᑎᑎᕋᕐᓗᑎᑦ payrolltax@gov.nu.ca.
  • ᓄᓇᕗᒻᒥᐅᑦ ᓄᓇᕗᒻᒥᓗ ᓇᖕᒥᓂᕆᔭᐅᔪᓂᒃ ᓇᖕᒥᓂᖃᖅᑏᑦ ᑎᓕᐅᖅᑕᐅᕗᑦ ᐊᑭᓖᖃᑦᑕᖁᔭᐅᓪᓗᑎᒃ ᓄᓇᕗᑦ ᒐᕙᒪᒃᑯᓐᓄᑦ ᐊᑭᓕᒐᒃᓴᖁᑎᒥᓂᒃ, ᐅᖄᓚᓗᑎᒃ ᐅᑯᓄᖓ ᐅᖄᓚᐅᑎᓄᑦ, ᐱᑎᓪᓗᒋᓪᓗ ᐊᐅᒃᑕᔫᖏᑕ ᓈᓴᐅᑎᖏᓐᓂᒃ.
    • ᐃᖃᓗᐃᑦ: 867-975-5808
    • ᑲᖏᖅᖠᓂᖅ: 867-645-8517
    • ᐃᖃᓗᒃᑑᑦᑎᐊᖅ: 867-983-4043
  • ᓄᓇᕗᑦ ᒐᕙᒪᒃᑯᓐᓄᑦ ᓂᐅᕕᖅᑎᒋᔭᐅᕙᒃᑐᑦ ᑎᓕᐅᖅᑕᐅᕗᑦ ᖃᕆᑕᐅᔭᒃᑯᑦ ᐊᑭᓕᒐᒃᓴᖁᑎᒥᓂᒃ ᑐᓂᓯᖁᔭᐅᓪᓗᑎᒃ, ᓇᒃᓯᐅᑎᓗᒋᑦ ᐅᑯᓄᖓ, accountspayable@gov.nu.ca.
  • ᐊᔪᙱᑎᑕᐅᔪᑦ ᐃᖅᑲᓇᐃᔭᖅᑏᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐊᑎᓕᐅᓪᓗᐊᖅᐳᑦ ᑕᐃᒪᐃᑦᑐᖃᕐᕕᒃᒡᑕᕈᒪᓗᑎᒃ ᐅᕘᓇ, ᓇᖕᒥᓂᖅ-ᐱᔨᑦᑎᕋᕐᕕᖃᕐᓂᕐᒧᑦ ᐱᔪᒪᔪᓐᓇᖅᓯᓗᑎᒡᓗ ᐊᑭᓕᖅᑕᐅᓂᕐᒧᑦ ᑎᑎᖅᑲᖁᑎᒥᖕᓂᒃ ᖃᕆᑕᐅᔭᒃᑯᑦ. ᐊᑎᓕᐅᕈᒪᒍᕕᑦ ᑕᒪᑐᒧᖓ, ᖃᕆᑕᐅᔭᒃᑯᑦ ᐅᑯᐊ ᑎᑎᕋᕐᕕᒋᓗᒋᑦ self-service@gov.nu.ca.

 

ᓄᓇᕗᑦ ᒐᕙᓚᒃᑯᓐᓂᑦ ᐊᑭᓕᖅᓱᖅᑕᐅᓂᖅ

ᐊᐃᕆᓕ 3, 2020

  • ᐃᓘᓐᓇᑎᒃ ᒐᕙᒪᒃᑯᓐᓄᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᐊᑭᓕᖅᑐᖅᑕᐅᖏᓐᓇᕐᓂᐊᖅᑐᑦ ᑕᐃᒫᖑᖃᑦᑕᕐᒪᑦ. ᑭᖑᕙᕆᐊᖅᓯᒪᓂᐊᖅᑐᒃᓴᐅᔪᑦ ᐱᓕᕆᐊᖑᓂᖏᑦ ᒪᓕᒃᑕᐅᒋᐊᖃᙱᑦᑐᓕᖕᓄᑦ ᐊᑭᓕᐅᑎᑦ ᓲᕐᓗ ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᖅᑲᓇᐃᔭᕈᑎᑦ ᐅᕝᕙᓘᓐᓃᑦ ᑭᖑᕝᓯᒪᔾᔪᑎᑦ. ᐃᖅᑲᓇᐃᔭᐃᓐᓇᖃᑦᑕᖅᑐᑦ ᐊᑭᓕᖅᓱᖅᑕᐅᖏᓐᓇᕐᓂᐊᖅᐳᑦ ᐊᑭᓕᖅᑕᐅᓂᕆᕙᒃᑕᒥᑎᒍᑦ, ᑕᒪᒃᑯᐊᓗ ᐃᖅᑲᓇᐃᔭᓚᐅᑲᒃᑎᑕᐅᔪᖅ ᐃᓇᖏᖅᓯᓯᒪᔪᓪᓗ ᐊᑭᓕᖅᑕᐅᖃᑦᑕᕐᓂᐊᖅᖢᑎᒃ ᒪᓕᒃᑐᖃᕐᓗᓂ ᑐᓐᓂᖅᑯᑕᐅᓯᒪᔪᓂᒃ ᐃᑲᕐᕋᓕᐅᕈᑎᓂᒃ.
  • ᐃᖅᑲᓇᐃᔭᖅᑏᑦ ᓯᒃᑭᑖᖃᑦᑕᖅᑐᑦ ᓯᒃᑭᑖᖏᓐᓇᖃᑦᑕᕐᓂᐊᖅᑐᑦ. ᑕᐃᒃᑯᓄᖓ ᑮᓇᐅᔭᒃᑯᕕᒻᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᑦᓵᑦ ᓇᓕᖅᑲᖏᑦ ᓴᖅᑭᖅᑕᐅᓛᖅᑐᑦ ᑭᖑᓂᐊᒍᑦ ᐅᓪᓗᖅ.
  • ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ tmoyles@gov.nu.ca.

ᐊᐃᕆᓕ 17, 2020

  • ᐃᓘᓐᓇᑎᒃ ᒐᕙᒪᒃᑯᓐᓄᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᐊᑭᓕᖅᑐᖅᑕᐅᖏᓐᓇᕐᓂᐊᖅᑐᑦ ᑕᐃᒫᖑᖃᑦᑕᕐᒪᑦ. ᒪᓕᑦᑕᐅᒋᐊᖃᖏᑦᑐᓕᓐᓄᑦ ᐊᑭᓕᐅᑎᓄᑦ ᓲᕐᓗ ᐃᖅᑲᓇᐃᔭᕐᓇᐅᖏᑦᑐᒃᑯᑦ ᐃᖅᑲᓇᐃᔭᕈᑏᑦ ᐃᓇᖏᖅᓯᒪᓂᕐᒧᓪᓘᓐᓃᑦ ᐊᑭᓕᐅᑏᑦ ᐅᑎᖅᑎᑦᓯᓂᕐᒧᓪᓗ (ᐃᓚᒋᔭᐅᓗᑎᒃ ᓄᖅᑲᖓᖏᔾᔪᑎᖃᕐᓗᓂ ᐊᑭᓕᖅᑕᐅᒐᓂᓗ ᓄᖅᑲᖓᓂᕐᒧᑦ) ᑲᒪᒋᔭᐅᓂᐊᖅᑐᑦ ᑭᖑᓂᐊᒍᑦ ᐅᓪᓗᖅ.
  • ᐃᖅᑲᓇᐃᔭᐃᓐᓇᖅᑐᓄᑦ ᐃᖅᑲᓇᐃᔭᖅᑎᓄᑦ ᐊᑭᓕᖅᑐᖅᑕᐅᓂᐊᖅᑐᑦ ᑮᓇᐅᔭᑦᓵᖏᓐᓂᑦ.
  • ᐃᓘᓐᓇᑎᒃ ᐃᖅᑲᓇᐃᔭᑲᐃᓐᓇᖃᑦᑕᖅᑐᑦ ᐃᖅᑲᓇᐃᔭᖅᑏᑦ ᐅᖓᕝᕙᕆᐊᖅᑕᐅᓯᒪᔪᑦ ᒪᐃ 15-ᒧᓄ ᑐᓂᓯᒋᐊᑐᒐᑎᓪᓗ ᐃᑲᕐᕋᓕᐅᕈᑎᖏᓐᓂᑦ.
  • ᐃᓇᖏᔩᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᓯᒪᔪᑦ ᒫᑦᓯ 21-ᒥ ᐄᐳᓗ 3-ᒧ ᑐᓂᓯᒋᐊᓖᑦ ᐃᑲᕐᕋᓕᐅᕈᑎᖏᓐᓂᑦ ᐅᕗᖓ iqaluitpayoffice@gov.nu.ca 5-ᒥ ᐅᓐᓄᓴᒃᑯᑦ ᐄᐳᓗ 3.
  • ᒫᓐᓇᐅᔪᖅ, ᑭᓯᐊᓂ ᐃᖅᑲᓇᐃᔭᖅᑏᑦ ᐊᖓᔪᖅᑳᓪᓗ ᐊᑎᓕᐅᕆᔭᕆᐊᓖᑦ ᐃᑲᕐᕋᓕᐅᕈᑎᓂᑦ.  ᑭᖑᕙᕐᓗᑎᒃ ᑐᓂᓯᓂᐅᔪᑦ ᑲᒪᒋᔭᐅᓚᖓᖏᑦᑐᑦ.
  • ᐃᖅᑲᓇᐃᔭᖅᑏᑦ ᓯᒃᑭᑖᖃᑦᑕᖅᑐᑦ ᓯᒃᑭᑖᖏᓐᓇᖃᑦᑕᕐᓂᐊᖅᑐᑦ. ᑕᐃᒃᑯᓄᖓ ᑮᓇᐅᔭᒃᑯᕕᒻᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᑦᓵᑦ ᓇᓕᖅᑲᖏᑦ ᓴᖅᑭᖅᑕᐅᓛᖅᑐᑦ ᑭᖑᓂᐊᒍᑦ ᐅᓪᓗᖅ.
  • ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ tmoyles@gov.nu.ca.