ᓯᕗᓪᓕᖅᐸᐅᑎᓂᐊᖅᑕᕗᑦ

ᑐᕌᖅᑕᕗᑦ

ᑐᕌᖅᑕᕗᑦ ᐱᓕᕆᐊᒃᓴᓂᒃ ᓇᓗᓇᐃᕈᑕᐅᕗᖅ 22-ᖑᔪᓄᑦ ᒪᓕᒐᓕᐅᖅᑎᓄᑦ ᑕᓪᓕᒪᒋᓕᖅᑕᖓᓂ ᒪᓕᒐᓕᐅᕐᕕᖕᒥ ᑲᑎᒪᓂᕆᔭᖓᓐᓂ. ᑎᑎᖅᑲᐅᕗᖅ ᑐᑭᒧᐊᒍᑕᐅᓂᐊᖅᖢᓂ ᓄᓇᕗᑦ ᒐᕙᒪᒃᑯᑦ ᐱᓕᕆᐊᕆᔭᖓᓄᑦ ᑎᑭᓪᓗᒍ 2021−ᒧᑦ, ᑕᑯᒃᓴᐅᑎᑦᑎᔪᖅ ᐱᔭᐅᔭᕆᐊᓕᖕᓂᑦ ᓯᕗᓪᓕᐅᔾᔭᐅᔪᒪᔪᓂᒡᓗ ᓄᓇᕗᒻᒥ.

ᐱᓕᕆᕝᕖᑦ ᓯᕗᓪᓕᐅᑎᖁᔭᖏᑦ ᐊᕕᒃᑐᖅᓯᒪᐅᖅᖢᑎᒃ

ᐱᓕᕆᐊᑦᑕ ᐃᓚᒋᓪᓗᓂᐅᒃ ᓯᕗᒧᐊᒃᑎᒃᑲᓐᓂᕋᓱᒃᖢᒍᓗᑐᕌᖅᑕᕗᑦ,ᖃᐅᑕᒫᖅᓯᐅᑎᓕᕆᓐᓇᖃᑦᑕᖅᑎᓪᓗᒍᑦᑕᐅᖅ ᐃᖅᑲᓇᐃᔮᑦᑎᓐᓂᐱᐊᓂᒃᓯᓇᓱᐊᖅᖢᑕ, ᑮᓇᐅᔭᓕᕆᔨᒃᑯᑦ ᓇᓗᓇᐃᖅᓯᓯᒪᓕᖅᐳᑦ ᐊᑖᓃᖦᖢᑎᒃ ᐱᐊᓂᒃᑕᐅᓇᓱᐊᕐᓂᐊᖅᑐᑦ 2020-21−ᒥ ᐱᓕᕆᐊᖑᔪᒃᓴᑦ ᐸᕐᓇᒃᑕᐅᓯᒪᔪᑦ ᒪᓕᒡᓗᒋᑦ. ᓄᓇᕗᑦ ᒐᕙᒪᖓᑦᑕ ᐃᑭᐊᖅᑭᕕᐊᓂ ᐊᔾᔨᐊᓂᒃ ᐱᔪᓐᓇᖅᐳᑎᑦ 2020-21 ᐱᓕᕆᐊᒃᓴᓄᑦ ᐸᕐᓇᐅᑎᑦᐅᕙᓂ.

ᓇᐃᓈᖅᓯᒪᔪᖅ ᐱᓕᕆᕝᕕᖕᓂᖔᖅᑐᑦ ᐱᓕᕆᐊᒃᓴᓄᑦ ᓯᕗᓪᓕᐅᑎᔭᒃᓴᑦ
ᑮᓇᐅᔭᓕᕆᔨᒃᑯᑦ
2020-21

ᑮᓇᐅᔭᓕᕆᔨᑦ ᐊᐅᓚᑦᑎᔨᖏᑦ

• ᕿᒥᕐᕈᓗᑎᒃ ᓄᓇᕗᑦ ᒐᕙᒪᒃᑯᓐᓂ ᒪᓕᒐᑎᒍᑦ ᐃᓕᓴᕆᔭᐅᓯᒪᔭᕆᐊᓖᑦ ᓱᕐᕋᖕᓇᖅᑐᓄᑦ ᐃᖏᕐᕋᓂᖃᑦᑎᐊᖁᓪᓗᒋᑦ ᐊᑑᑎᖃᑦᑎᐊᖅᑐᒃᑯᓪᓗ ᐱᙳᖅᐸᓪᓕᐊᓂᐊᕐᒪᑕ.
• ᕿᒥᕐᕈᕙᓪᓕᐊᓕᕐᓗᑎᒃ ᐃᒥᐊᓗᓕᕆᓂᕐᒧᑦ ᐱᖁᔭᕐᒥᒃ ᐃᓱᒪᒃᓴᖅᓯᐅᕈᑎᒋᔭᐅᓗᑎᒃ ᐃᓕᑦᑎᔾᔪᑕᐅᔪᑦ ᐃᖃᓗᐃᑦ ᐃᒥᐊᓗᒃᑖᕐᕕᖓᓂ ᑲᔪᓯᔪᓐᓇᕐᒪᖔᑦ ᖃᐅᔨᔭᐅᓇᓱᐊᖅᑐᒥᑦ ᐊᒻᒪᓗ ᓱᕐᕋᖕᓇᖅᑐᓄᑦ ᐱᖁᔭᖅ ᐊᑐᓕᖅᑎᑕᐅᓂᖓ.
• ᕿᒥᕐᕈᔭᐅᔪᖅ ᐱᐊᓂᒡᓗᒍ ᐃᖃᓗᖕᓂ ᐱᐊᑖᕐᕕᒃ ᐅᐊᐃᓂᑖᕐᕕᒃ ᑲᔪᓯᔪᓐᓇᕐᒪᖔᑦ ᖃᐅᔨᔭᐅᓇᓱᐊᖅᑐᖅ.
• ᐋᖅᑭᒃᓯᓗᑎᒃ ᐊᑐᓕᖅᑎᑦᑎᓗᑎᒡᓗ ᐃᖅᑲᓇᐃᔭᕐᕕᐅᑉ ᐃᓗᐊᓂ ᐱᓕᕆᐊᖑᕙᓪᓕᐊᔪᓂᑦ ᖃᐅᔨᓴᕈᑎᒥᒃ ᐅᓂᒃᑳᓕᐅᕈᑎᒥᒡᓗ ᑮᓇᐅᔭᓕᕆᔨᒃᑯᓐᓄᑦ.   
• ᖃᐅᔨᓇᓱᒡᓗᑎᒃ ᖃᕆᓴᐅᔭᒃᑯᑦ ᐊᑭᓕᖅᓱᐃᔾᔪᑕᐅᔪᓐᓇᖅᑐᓂᒃ ᐃᒥᐊᓗᒃᑖᕈᓐᓇᐅᑎᒥᒃ ᓂᐅᕐᕈᑎᖃᕈᓐᓇᕐᓂᕐᒧᑦ ᐃᑭᐊᖅᑭᕕᒃᑯᑦ.  
• ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᒻᒪ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ ᐱᓕᕆᖃᑎᖃᐃᓐᓇᕐᓗᑎᒃ ᑲᔪᓯᒋᐊᖅᐸᓪᓕᐊᑦᑎᐊᖁᓪᓗᒋᑦ  ᐱᐅᓯᒋᐊᕈᑎᒃᓴᑦ ᐃᖅᑲᓇᐃᔭᖅᑎᑦ ᐃᒡᓗᖁᑎᖏᑕ ᐱᓕᕆᐊᖏᓐᓂᒃ ᐊᓯᖏᓐᓂᒡᓗ ᐃᒡᓗᓕᕆᓂᕐᒧᑦ ᐊᒃᑐᐊᓂᓕᖕᓂᒃ ᐃᖅᑲᓇᐃᔭᖅᑎᓄᑦ ᐃᑲᔫᑕᐅᔪᓂᒃ.

ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔩᑦ

• ᓇᓗᓇᐃᖅᑕᐅᓗᑎᒃ ᐸᕐᓇᒃᑕᐅᕙᓪᓕᐊᔪᑦ ᐋᖅᑭᒋᐊᖅᑕᐅᓂᖏᓐᓂᒃ ᐊᒻᒪ ᑐᓴᖅᑎᑦᑎᔾᔪᑕᐅᓗᑎᒃ ᓂᕈᐊᕐᓇᒥ ᐊᕐᕌᒍᒥ ᑮᓇᐅᔭᖅᑑᑎᒃᓴᖏᓐᓂᒃ ᐱᕙᓪᓕᐊᑎᑦᑎᓂᕐᒧᑦ.
• ᕿᒥᕐᕈᔭᐅᓗᑎᒃ ᓄᓇᕗᑦ ᒐᕙᒪᒃᑯᓄᑦ ᐃᓯᐊᕙᓪᓕᐊᔪᕕᓃᑦ ᐊᒻᒪᓗ ᖃᔅᓰᑦ ᐊᑐᖅᑕᐅᔪᕕᓂᐅᖕᒪᖔᑕ ᐅᑭᐅᖑᑎᓪᓗᒍ, ᐊᒻᒪ ᕿᒥᕐᕈᔭᐅᓗᑎᒃ ᖃᓄᒃᑲᓐᓂᖅ ᑮᓇᐅᔭᓂᒃ ᐃᓯᐊᑎᑦᑎᒃᑲᓐᓂᕋᔭᕐᒪᖔᑕ ᕿᓂᖅᓴᕐᓗᑎᒃ.
• ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐱᓕᕆᖃᑎᒋᓗᒋᑦ ᑮᓇᐅᔭᖅᑑᑎᒃᓴᑦ ᒪᓕᑦᑎᐊᕐᓂᖅᓴᐅᖁᓪᓗᒋᑦ ᐱᓕᕆᕝᕖᑦ ᐊᑭᓕᖅᓱᕆᐊᖃᓪᓚᕆᒃᑕᖏᓐᓂᒃ.
• ᓴᖅᑭᑦᑎᓗᑎᒃ ᐱᔨᑦᑎᕋᖅᑎᐅᑉ ᐱᔨᑦᑎᕋᖅᑕᐅᔫᓪᓗ ᐊᖏᓪᓚᕆᖕᓂᖏᓐᓂ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓂ ᐊᑭᖓᓂ ᐋᖅᑭᑦᑎᐊᖅᓯᓇᓱᒡᓗᑎᒃ ᐊᒻᒪ ᑲᔪᓯᑎᑦᑎᓗᑎᒃ ᐱᔨᑦᑎᕋᖃᑎᒌᓂᑦ.
• ᐱᐊᓂᒡᓗᒍ ᐊᑐᓕᖅᑎᓪᓗᒍᓗ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᖏᑕ ᐸᕐᓇᐅᑎᖓ ᐊᑐᒃᑲᓐᓂᕈᓐᓇᖅᑐᑦ ᐱᓕᕆᐊᖑᕙᒃᑐᑦ ᐱᐅᓯᒋᐊᖅᑕᐅᖁᓪᓗᒋᑦ ᓄᓇᕗᒻᒥ.

ᑮᓇᐅᔭᓕᕆᔨᒻᒪᕇᑦ

• ᑭᖑᓪᓕᖅᐹᖅᓯᐅᑎ ᐋᖅᑭᒃᓱᕐᓗᒍ ᐊᒻᒪ ᑲᔪᓯᒋᐊᖅᑎᑕᐅᓗᓂ ᑮᓇᐅᔭᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᐊᖅᑐᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ.
• ᓯᓚᑖᓃᑦᑐᓂᑦ ᖃᐅᔨᓴᖅᑕᐅᔪᑦ ᐱᐊᓂᒃᑕᐅᓗᑎᒃ ᐱᓕᕆᕝᕕᖕᒥᓂ ᑕᒻᒪᖅᓯᒪᔪᖅᓯᐅᖅᑎᑦ ᐱᔨᑦᑎᕋᐅᑎᖏᓐᓂᒃ ᐊᑐᓕᖅᑎᑕᐅᓗᑎᒡᓗ ᓇᓕᐊᑐᐃᓐᓇᖅ ᐊᓯᔾᔨᕆᐊᖃᖅᑐᑦ.
• ᐃᖅᑲᓇᐃᔭᕐᕕᖕᒥ ᑕᒻᒪᖅᓯᒪᔪᖅᓯᐅᖅᑎᑦ ᐱᔨᑦᑎᕈᑎᖏᑦ ᐋᖅᑭᒃᓱᐃᓂᐊᖅᐳᑦ ᐋᖅᑭᒋᐊᖅᓯᒪᔪᒥᑦ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒧᑦ ᐃᖅᑲᓇᐃᔭᖅᑎᖃᐃᓐᓇᕐᓂᕐᒧᓪᓗ ᐸᕐᓇᒍᑎᒥᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐱᓕᕆᖃᑎᖃᕐᓗᑎᒃ ᐃᓄᐃᑦ ᐃᖅᑲᓇᐃᔭᖅᑎᑦ ᐅᓄᖅᓯᒋᐊᖁᓪᓗᒋᑦ ᐊᒻᒪ ᐊᔪᙱᔾᔪᑎᓕᖕᓂᒃ ᐃᖅᑲᓇᐃᔭᖅᑎᑖᕐᓗᑎᒃ.
• ᐋᖅᑭᒃᓱᐃᓗᑎᒃ ᐸᕐᓇᐅᑎᒥᒃ ᐃᖅᑲᓇᐃᔭᖅᑎᑖᖁᓪᓗᒋᑦ ᐃᓕᓴᕆᔭᐅᔾᔪᑎᑖᖅᓯᒪᔪᓂᑦ ᑮᓇᐅᔭᓕᕆᔨᐅᓂᕐᒧᑦ ᐃᓕᓐᓂᐊᖅᑎᓂᑦ ᐱᐅᓯᒋᐊᖅᑎᓪᓗᒋᓪᓗ ᐃᓕᓐᓂᐊᖅᑎᑦ ᐱᓕᕆᖃᑦᑕᖅᓯᒪᔭᖏᑦ ᓄᓇᕗᑦ ᒐᕙᒪᖓᓂ.
• ᐋᖅᑭᒃᓱᐃᓗᑎᒃ ᐱᓕᕆᐊᒃᓴᒥᑦ ᐃᑲᔪᖅᑐᐃᔪᒥᑦ ᐃᖅᑲᓇᐃᔮᒧᑦ ᐃᓕᑉᐸᓪᓕᐊᓂᕐᒥᒃ ᐊᒻᒪ ᐃᖅᑲᓇᐃᔭᖅᑎᓂᑦ ᑎᒃᑯᐊᖅᑕᐅᓯᒪᔪᓂᑦ ᓴᓇᕝᕕᖕᒥ ᑮᓇᐅᔭᓕᕆᔨᐅᓂᕐᒧᑦ ᑕᒪᐃᓐᓂᒃ ᐃᖅᑲᓇᐃᔭᓕᓵᖅᑐᓂᑦ ᐊᒻᒪ ᐃᖅᑲᓇᐃᔭᐃᓐᓇᖅᑐᓂᑦ.
• ᐋᖅᑭᒃᓱᐃᓗᑎᒃ "ᑭᒃᑯᑐᐃᓐᓇᑦ ᑮᓇᐅᔭᖁᑎᖏᑦ ᑕᑯᓚᐅᑲᒡᓗᒍ" ᑎᑎᕋᖅᓯᒪᔪᑦ ᓴᖅᑭᔮᑦᑎᐊᓕᒃᑲᓐᓂᖁᓪᓗᒋᑦ ᑭᒃᑯᑐᐃᓐᓇᓄᓪᓗ ᐊᑐᐃᓐᓇᐅᓕᕐᓗᑎᒃ ᑐᑭᓯᐅᒪᔭᐅᓗᑎᒃ ᑮᓇᐅᔭᓕᕆᔨᒃᑯᓐᓂ ᓄᓇᕗᑦ ᒐᕙᒪᖓᓂ.