ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᔪᒪᔪᓂᑦ ᐱᔪᒪᔪᑦ

ᓄᓇᕗᑦ ᒐᕙᒪᒃᑯᑦ ᐃᓚᒋᔭᐅᔪᒪᔪᓂᒃ ᕿᓂᓕᖅᐳᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᐅᖃᑕᐅᓂᐊᖅᑐᓂᒃ.

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔩᑦ ᐱᒻᒪᕆᐊᓗᖕᒥᒃ ᐱᓕᕆᐊᒃᓴᖃᖅᐳᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᐱᓕᕆᕝᕕᖏᓐᓂᒃ. ᐅᑯᓂᖓᓗ ᐃᒥᐊᓗᓕᕆᓂᕐᒧᑦ ᐱᔪᓐᓇᐅᑎᓕᖕᓂᒃ ᐊᐅᓚᑦᑎᐊᖅᑎᑦᑎᓗᑎᒃ ᐃᒥᐊᓗᓕᕆᓂᕐᒧᑦ ᐱᖁᔭᖓᒍᑦ ᒪᓕᒐᖓᒍᓪᓗ. ᑲᑎᒪᔩᑦ ᐊᐅᓚᑦᑎᖃᑦᑕᕆᕗᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᒍᒪᔪᓂᒃ ᓄᓇᕗᒻᒥ ᓱᕐᕋᖕᓇᖅᑐᓂᒃ ᓂᐅᕐᕈᑎᖃᖅᐸᒃᑐᓄᑦ. ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔩᑦ ᐱᓕᕆᖃᑎᖃᖃᑦᑕᖅᐳᑦ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓂ ᐅᑯᐊ ᐱᔾᔪᑎᒋᓪᓗᒋᑦ, ᐱᖁᔭᖅ, ᒪᓕᒐᐃᑦ ᐊᒻᒪᓗ ᐊᐅᓚᑕᐅᔭᕆᐊᓖᑦ ᑲᒪᑦᑎᐊᕈᓐᓇᕐᓗᑎᒃ ᓂᐅᕐᕈᑎᖃᖅᐸᒃᑐᑦ, ᓄᓇᓕᖕᓄᐊᖅᑕᐅᕙᒃᑐᑦ ᐊᒻᒪ ᐊᑐᖅᑕᐅᕙᒃᑐᑦ ᐱᔾᔪᑎᒋᓪᓗᒋᑦ ᓄᓇᕗᒻᒥ. ᑲᑎᔨᐅᖃᑕᐅᔪᑦ ᑲᑎᒪᔾᔪᓯᐊᖃᑦᑕᕐᓂᐊᖅᐳᑦ ᐱᔨᑦᑎᕋᐅᑎᒥᓄᑦ.

ᑲᑎᒪᔨᐅᖃᑕᐅᕙᒃᑐᑦ ᓄᓇᓕᖕᓂ ᓄᓇᕘᓕᒫᒥ ᐱᓇᔪᖁᔭᐅᕗᑦ.

 

ᐱᓇᔫᑎᑦ ᑎᑎᕋᕆᐊᓖᑦ 

ᐃᕐᖐᓈᖅᑕᐅᒃᑯᑦ ᑎᑎᕌᓂᒃᓯᒪᔪᖅ ᓇᒃᓯᐅᑎᓗᒍ, ᑎᑎᖅᑲᖃᕐᓗᒍ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᓇᓗᓇᐃᔭᖅᓯᒪᓗᒋᑦ ᐅᕗᖓ nlcb@gov.nu.ca ᑎᑎᖅᑲᒃᑯᕕᒃᑯᓪᓘᓐᓃᑦ ᐅᕗᖓ 

ᓄᓇᕗᒻᒥ ᐃᒥᐊᓕᓗᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ
ᑮᓇᐅᔭᓕᕆᔨᒃᑯᑦ, ᓄᓇᕗᑦ ᒐᕙᒪᖓ
ᑎᑎᖅᑲᒃᑯᕕᐊ ᑐᕌᕈᑕ 1000
330, ᐃᖃᓗᐃᑦ,
ᓄᓇᕗᑦ X0A 0H0

ᐱᓇᔪᒍᒪᔪᓄᑦ ᐃᓱᓕᕝᕕᒃᓴᓕᒃ ᓯᑎᐱᕆ 8, 2020−ᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓇ ᖃᐅᔨᒋᐊᕐᕕᒋᓗᒍ:
ᐄᑎᑦ ᓱᐄᑦᐅᐊᑕ
ᑮᓇᐅᔭᓕᕆᔨᒃᑯᑦ
867-975-6807
nlcb@gov.nu.ca