ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐱᔭᕆᐊᖃᓪᓚᕆᑦᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ

ᓄᓇᕗᒻᒥ ᐱᔭᕆᐊᖃᓪᓚᕆᒃᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ ᓄᑖᖑᓪᓗᓂ ᕿᓚᒥᕈᓗᒃ ᐊᑐᖅᑕᐅᓚᐅᑲᖕᓂᐊᖅᑐᖅ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᑦᑎᔨᓄᑦ ᓄᓇᕗᒻᒥ ᐱᔪᓐᓇᖅᑎᑕᐅᔪᓄᑦ ᑮᓇᐅᔭᓕᐅᙱᓐᓂᖅᓴᓄᑦ ᐊᑭᓖᔾᔪᑎᒃᓴᒃᑲᓐᓂᑦ ᐃᖅᑲᓇᐃᔭᖅᑎᖏᓐᓄᑦ ᐃᑲᕐᕋᓄᑦ ᐊᑭᓕᖅᑕᐅᔾᔪᓯᐊᓄᑦ. 
 

ᐱᔪᓐᓇᖅᑎᑕᐅᔪᑦ

ᓄᓇᕗᑦ ᒐᕙᒪᒃᑯᑦ ᑐᕌᒐᖃᖅᑐᑦ ᐃᖅᑲᓇᐃᔭᖅᑎᓂᒃ ᓄᓇᕗᒻᒥ ᐱᔭᕆᐊᖃᓪᓚᕆᑦᑐᓂᒃ ᐃᖅᑲᓇᐃᔮᓕᖕᓄᑦ ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19 ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᖅ ᓄᓇᕗᒥᐅᓄᑦ.  ᐃᓚᔭᐅᒃᑲᓐᓂᕈᑎᒃᓴᓂᒃ ᐱᔪᓐᓇᖅᑎᑕᐅᔪᑦ, ᐃᖅᑲᓇᐃᔭᖅᑎᑦᑎᔨ ᐃᓚᒋᔭᐅᒋᐊᖃᖅᑐᖅ ᐱᔪᓐᓇᖅᑎᑕᐅᔪᓄᑦ ᐃᖅᑲᓇᐃᔭᕐᕕᖕᓄᑦ. 
NEWWP ᐱᕚᓪᓕᖅᑎᑕᐅᓯᒪᔪᖅ ᐅᑯᐊ ᐃᓚᓕᐅᔾᔭᐅᓪᓗᑎᒃ ᐊᔪᙱᑦᑐᑦ ᐱᓕᕆᕝᕖᑦ:

ᐱᓕᕆᐊᖅ 1

  • ᐃᖅᑲᓇᐃᔭᖅᑎᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄ ᐅᕝᕙᓘᓐᓃᑦ ᐃᓄᓕᕆᔨᒃᑯᓐᓂ ᐊᒃᑐᖅᑕᐅᓴᕋᐃᑦᑐᑦ ᓄᓇᕗᒥᐅᑦ; 
  • ᐱᔪᓐᓇᐅᑎᓕᑦ ᐸᐃᕆᕖᑦ.

ᐆᒃᑑᑎᒋᓗᒍ ᐃᖅᑲᓇᐃᔭᕐᕕᐅᔪᑦ ᑖᒃᑯᓇᓂ ᐅᑯᐊᖑᕗᑦ ᑲᒪᒋᔭᐅᖏᓐᓇᖅᑐᒃᑯᕕᑦ, ᐃᓐᓇᒃᑯᕕᑦ ᐅᕝᕙᓘᓐᓃᑦ ᐃᓐᓇᐅᓗᐊᓕᖅᑐᑦ ᓴᓇᔨᐅᔪᓐᓃᖅᑐᑦ ᐊᖏᕐᕋᖏᑦ, ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕖᑦ, ᕿᒫᕝᕖᑦ, ᑐᐊᕕᕐᓇᖅᑐᒃᑯᕖᑦ ᐊᒻᒪ ᐃᒡᓗᒋᔭᐅᓚᐅᑲᒍᓐᓇᖅᑐᑦ, ᐃᓗᐊᖅᓴᖅᑕᐅᕝᕖᑦ, ᐊᒻᒪ ᐊᑭᖃᙱᑦᑐᓂᒃ ᓂᕿᑖᕐᕖᑦ ᐸᐃᕆᕝᕖᓪᓗ.

ᐱᓕᕆᐊᖅ 2

  • ᐃᖅᑲᓇᐃᔭᖅᑎᑦ ᐊᐅᓚᑦᑎᔨᒋᔭᐅᔪᑦ ᐅᕝᕙᓘᓐᓃᑦ ᐋᖅᑭᐅᒪᑎᑦᑎᔨᒋᔭᐅᔪᑦ ᐱᕐᔪᐊᓂᒃ ᐃᓄᖕᓄᑦ ᐊᐅᓚᔪᓐᓇᐅᑎᓄᑦ;
  • ᐃᒡᓗᕐᔪᐊᑦ ᐋᖅᑭᐅᒪᑎᓪᓗᒋᑦ ᐊᒻᒪ ᓴᓗᒻᒪᖅᓴᐃᓂᖅ (ᐊᓐᓄᕌᑦ/ᖃᓪᓗᓈᖅᑕᑦ ᐅᐊᓴᖅᐸᒡᓗᒋᑦ);
  • ᐃᖅᑲᓇᐃᔭᕐᕖᑦ ᓄᒃᑕᐅᑎᖃᖅᑎᑦᑎᓲᑦ, ᓯᕐᓗᐊᖃᖅᑐᑦ, ᐅᕝᕙᓘᓐᓃᑦ ᐱᖁᑎᓂᒃ ᑐᓂᐅᖅᑲᐃᓲᑦ;
  • ᑖᒃᓰᑦ, ᐅᒥᐊᑦ, ᐊᒻᒪ ᖃᖓᑕᓲᑦ ᓄᒃᑕᕈᑕᐅᓲᑦ ᐃᓄᖕᓂᒃ ᓄᓇᕗᒻᒥ;
  • ᑐᔪᕐᒥᕖᑦ;
  • ᓂᕿᓕᕆᕝᕖᑦ, ᓂᕆᔭᖅᑐᕐᕖᑦ, ᐊᓯᖏᓪᓗ ᓂᕆᔭᒃᓴᓂᒃ ᐱᕙᒌᔭᖅᐸᒃᑐᑦ;
  • ᓂᐅᕕᕐᕖᑦ ᓂᕆᔭᒃᓴᓂᒃ ᓂᐅᕕᐊᒃᓴᓖᑦ, ᐃᒡᓗᒥᐅᑕᕐᓄᑦ ᐱᖁᑎᓂᒃ, ᐅᕝᕙᓘᓐᓃᑦ ᐃᖅᑲᓇᐃᔭᖅᑎᒧᑦ ᐊᑦᑕᕐᓇᖅᑐᒃᑰᖅᑕᐃᓕᔾᔪᑏᑦ;
  • ᑮᓇᐅᔭᖅᑖᕐᕖᑦ, ᑮᓇᐅᔭᓕᕆᕝᕖᑦ, ᐊᒻᒪ ᐊᒃᑐᐊᓂᓖᑦ ᑮᓇᐅᔭᓕᕆᕝᕖᑦ;
  • ᐃᖅᑲᓇᐃᔭᖅᑎᑦ ᓂᕐᔪᑎᓂᒃ ᐋᓐᓂᐊᖅᑐᓂᒃ ᐋᓐᓂᖅᓯᒪᔪᓂᒃ ᑲᒪᔩᑦ/ᒋᔭᐅᕝᕖᑦ;
  • ᐃᖅᑲᓇᐃᔭᖅᑎᑦ ᑐᓴᒐᒃᓴᓕᕆᔨᑦ, ᑐᓴᐅᒪᑎᑦᑎᔨᑦ, ᐊᓯᖏᓪᓘᓐᓃᑦ ᐱᔨᑦᑎᕋᖅᑎᑦ;
  • ᑐᖁᖓᔪᒃᑯᕖᑦ ᐊᒻᒪ ᐃᓗᕕᖃᕐᕖᑦ;
  • ᐃᓄᖕᓄᑦ ᐊᑦᑕᕐᓇᖅᑎᑦᑎᑦᑕᐃᓕᒪᓂᖅ ᐊᒻᒪ ᑭᐅᖅᑳᓲᑦ;
  • ᐱᔭᕆᐊᖃᓪᓚᕆᒃᑐᑦ ᐱᔨᑦᑎᕋᖅᑎᑦ (ᐃᓚᓕᐅᑎᓪᓗᒋᑦ ᒪᓕᒐᖅᑎᒎᖓᔪᑦ, ᓇᓪᓕᒃᑯᒫᑦ, ᐊᒻᒪ ᑐᑭᓕᐅᕆᔨᑦ);
  • ᐃᖅᑲᓇᐃᔭᕐᕖᑦ ᐱᖃᖅᑎᑦᑎᔪᑦ, ᐋᖅᑭᐅᒪᑎᑦᑎᔪᑦ, ᐅᕝᕙᓘᓐᓃᑦ ᑕᒪᒃᑯᓂᖓ ᐃᑲᔪᖅᑐᐃᓲᑦ;

ᐆᒃᑑᑎᒃᓴᑦ ᐃᖅᑲᓇᐃᔭᕐᕖᑦ ᑖᒃᑯᓇᓂ ᐃᒪᐃᑦᑐᖃᖅᐳᑦ ᐃᒡᓗᓯᐅᑎᑦ, ᖃᑦᑕᐅᔭᙳᐊᖃᕐᕖᑦ, ᐃᒥᖅᑕᐅᑎᑦ ᐊᒻᒪ ᒥᓪᓗᐊᖅᑕᐅᑎᑦ, ᐊᖅᑯᓯᐅᖅᑎᑦ, ᐅᐊᔭᖃᖅᑐᑦ ᐅᐊᔭᖃᙱᑦᑐᓪᓗ ᑐᓴᐅᒪᔪᓕᕆᔾᔪᑎᑦ, ᐊᒃᑕᐅᑎᑦ, ᓱᓪᓗᓕᕆᔨᑦ ᐊᒻᒪ ᐅᐊᔭᓕᕆᔨᑦ, ᕿᔪᓕᕆᔨᑦ ᐊᒻᒪ ᐱᖁᑎᓂᒃ ᓇᖕᒥᓂᖃᖅᑏᑦ, ᓄᓇᓯᐅᑎᓕᕆᔨᑦ ᐊᒻᒪ ᐅᓯᑲᖅᑕᐅᑎᓕᕆᔨᑦ, ᒪᓕᒐᕋᓛᓕᕆᔨᒃᑯᑦ ᐊᒻᒪ ᓇᐅᑦᑎᖅᓱᖅᑎᑦ, ᐊᕙᑎᓕᕆᓂᕐᒧᑦ ᐊᐅᓚᑦᑎᔨᑦ, ᓄᓇᓯᐅᑎᓂᒃ ᓱᕋᒃᓯᒪᔪᓕᕆᔨᒃᑯᑦ ᐊᒻᒪ ᐅᖅᓱᖅᑖᕐᕖᑦ, ᓱᕋᒃᓯᒪᔪᓕᕆᔨᑦ ᐊᒻᒪ ᐊᐅᓚᐅᓯᕆᔨᑦ. 

ᐃᓚᓕᐅᑎᔭᒃᓴᒃᑲᓐᓃᑦ ᐱᔭᐅᔪᓐᓇᖅᑐᑑᓂᐊᖅᐳᑦ ᐃᖅᑲᓇᐃᔭᖅᑎᑦᑎᔨᓄᑦ ᐃᖅᑲᓇᐃᔭᖅᑎᐅᒃᐸᑕ ᓄᓇᕗᒻᒥ.

ᐱᓇᔪᒃᑐᑦ ᒪᓕᒐᖅᑎᒍᑦ ᐊᑎᓕᐅᖅᑕᐅᖃᑕᐅᓯᒪᔭᕆᐊᓖᑦ ᓄᓇᕗᒻᒥ ᐱᒋᐊᕐᓗᒍ ᐊᐃᕆᓕ 1, 2020 ᐊᒻᒪ ᓄᓇᕗᒻᒥ ᑮᓇᐅᔾᔭᒃᓴᖅᑐᓄᑦ ᑖᒃᓰᔭᕈᑎᑦ ᐱᖁᔭᕐᒥ . 
 

ᖃᔅᓯᐅᓂᖓ

ᐊᑭᖓ ᑮᓇᐅᔭᓕᐅᖅᑐᑦ ᓇᓪᓕᐅᑯᒫᕈᑎᓄᑦ ᑮᓇᐅᔭᑦ ᓴᓂᕐᕙᑦᑕᐅᔪᓂᒃ ᐃᖅᑲᓇᐃᔭᖅᑎᑦ ᐱᔪᓐᓇᖅᑐᑦ ᒪᓕᒃᑎᑕᐅᖃᑦᑕᕐᓂᐊᖅᐳᑦ ᑮᓇᐅᔭᓕᐊᖏᑦ ᑐᙵᕕᒋᔭᐅᓗᑎᒃ.  ᑖᒃᑯᐊ ᖃᔅᓯᐅᓂᖏ ᐃᖅᑲᓇᐃᔭᖅᑎᑦ ᑮᓇᐅᔭᓕᐊᕆᕙᒃᑕᖏᑦ ᐋᖅᑭᒋᐊᖅᑕᐅᓚᐅᕋᑎᒃ, ᓲᕐᓗ ᐃᖅᑲᓇᐃᔭᕐᓇᒥᒃ ᐃᑲᕐᕋᕆᙱᑕᖏᓐᓂᒃ ᓴᓇᔪᓄᑦ, ᑖᒃᓰᔭᕈᑎᓄᑦ, ᑮᓇᐅᔭᒃᓴᖅᑖᕆᔭᐅᓂᐊᖅᑐᑦ, ᐃᑲᔫᑎᑦ, ᐅᕝᕙᓘᓐᓃᑦ ᐲᔭᖅᑕᐅᓲᑦ.

ᐃᖅᑲᓇᐃᔭᖅᑏᑦ ᑮᓇᐅᔭᓕᐅᖅᑎᒋᔪᑦ $20 ᐊᔪᙱᑎᑕᐅᕗᑦ $5 ᐃᑲᕐᕋᑕᒫᑦ ᐊᑭᑦᑐᕆᐊᖅᑎᑕᐅᔪᖅ.

ᐃᖅᑲᓇᐃᔭᖅᑏᑦ ᑮᓇᐅᔭᓕᐅᖅᑎᒋᔪᑦ ᐅᑯᓇᖓ $20 ᐊᒻᒪᓗ $25 ᐃᑲᕐᕋᑕᒫᑦ ᐊᔪᙱᑎᑕᐅᕗᑦ ᐊᑭᑦᑐᕆᐊᑦᑎᑕᐅᓂᕐᒧᑦ ᑮᓇᐅᔭᑦᓵᖏᑦ ᐃᒪᓐᓇᐃᑑᓕᕈᓐᓇᖅᑐᑦ $25 ᐃᑲᕐᕋᑕᒫᑦ.  ᐊᑖᓂ ᓇᓗᓇᐃᖅᓯᒪᔪᑦ ᑕᑯᒃᓴᐅᑎᑦᑎᕗᑦ ᐊᑭᑦᑐᕆᐊᖅᑎᑕᐅᓂᕐᒧᑦ ᐅᓄᕈᓐᓃᖅᐸᓪᓕᐊᓂᖏᑦ.

ᑮᓇᐅᔭᑦᓵᑦ ᑎᑭᓪᓗᒍ $20-ᒧ $20.50 $21 $21.50 $22 $22.50 $23 $23.50 $24 $24.50 $25
ᐊᑭᑦᑐᕆᐊᖅ
ᑎᑕᐅᔪᖅ
$5 $4.50 $4 $3.50 $3 $2.50 $2 $1.50 $1 $0.50 $-

ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓴᔪᑦ $25 ᐃᑲᕐᕋᓕᒫᒧᑦ ᐅᖓᑖᓄᓪᓘᓐᓃᑦ ᐊᔪᖅᑎᑕᐅᔪᓪᓕ ᐃᓚᔭᐅᒃᑲᓐᓂᕈᑎᓄᑦ.

ᐃᖅᑲᓇᐃᔭᖅᑎᑦᑎᔨᑦ ᐃᓚᔭᐅᒃᑲᓐᓂᕈᑎᓂᒃ ᑲᑎᖅᓱᐃᖃᑦᑕᕐᓂᐊᖅᐳᑦ ᐃᓚᓕᐅᑎᓯᒪᓗᑎᒃ ᐱᓇᔫᑎᒋᔭᖓᓐᓄᑦ.  ᓄᓇᕗᑦ ᒐᕙᒪᒃᑯᑦ ᑮᓇᐅᔭᓕᕆᔨᒃᑯᖏᑦ ᑖᒃᑯᓂᖓ ᕿᒥᕐᕈᖃᑦᑕᕐᓂᐊᖅᑐᑦ ᑲᑎᖅᓱᖅᑕᐅᓯᒪᔪᓂᒃ ᐋᖅᑭᒃᓯᕙᒡᓗᑎᒡᓗ ᒪᓕᒡᓗᑎᒃ ᑐᑭᓯᒋᐊᒐᒃᓴᑦ ᐊᑐᐃᓐᓇᕈᖅᑎᑕᐅᔪᓂᒃ.

ᓈᓴᕐᓗᒋᑦ ᑮᓇᐅᔭᑎᒍᑦ ᐃᑲᔪᖅᑕᐅᓂᕐᒧᑦ ᐊᑐᓂᑦ ᐃᖅᑲᓇᐃᔭᑎᓄᑦ ᒪᓕᓪᓗᒋᑦ ᐅᑯᐊ ᐋᖅᑭᑦᑕᐅᓯᒪᓂᖏᑦ:
ᐃᑲᕐᕋᑕᒫᑦ ᑮᓇᐅᔾᔭᑦᓵᑦ  ᑐᖔᓂᑦ ᓇᓕᒧᑦᑐᓪᓘᓐᓃᑦ $20.00 ᐃᑲᕐᕋᖅ: $5.00
ᐃᑲᕐᕋᑕᒫᑦ ᑮᓇᐅᔾᔭᑦᓵᑦ ᐅᑯᓇᖓ $20.01 ᐊᒻᒪᓗ $24.99 ᐃᑲᕐᕋᖅ: $25 − ᑮᓇᐅᔾᔭᑦᓵᖅ    
ᓲᕐᓗ $24/ᐃᑲᕐᕋᖅ ᑮᓇᐅᔾᔭᑦᓵᑦ = (25 - 24) = $1.00 ᑮᓇᐅᔭᑎᒍᑦ ᐃᑲᔪᖅᑕᐅᓂᖅ
ᐃᑲᕐᕋᑕᒫᖅ ᑮᓇᐅᔾᔭᑦᓵᑦ ᓇᓕᒧᑦᑐᖅ ᐅᖓᑖᓂᓪᓘᓐᓃᑦ $25.00 ᐃᑲᕐᕋᖅ: $0

ᓄᓇᕗᑦ ᒐᕙᒪᒃᑯᓐᓂ ᑮᓇᐅᔭᓕᕆᔨᒃᑯᑦ ᐊᐅᓚᑦᑎᔨᒋᔭᐅᕗᑦ ᐱᓕᕆᐊᖑᔪᒥᒃ ᕿᒥᕐᕈᖃᑦᑕᕐᓂᐊᖅᐳᓪᓗ ᑕᒪᐃᓐᓂᒃ ᐱᓇᔫᑎᓂᒃ ᓇᓗᓇᐃᖅᓯᓗᑎᒃ ᐊᔪᙱᓐᓂᕆᔭᐅᔪᑦ ᒪᓕᒃᑕᐅᒋᐊᓕᑦ ᓈᒻᒪᒃᑐᒦᒃᑲᓗᐊᕐᒪᖔᑕ.  ᓈᒻᒪᒋᔭᐅᕌᓂᒃᐸᑕ, ᐊᑭᓕᐅᑎᒥᒃ ᓇᒃᓯᐅᔾᔨᕝᕕᐅᖃᑦᑕᕐᓂᐊᖅᑐᑦ ᖃᕆᑕᐅᔭᒃᑯᑦ ᐅᕝᕙᓘᓐᓃᑦ, ᐊᓯᐊᒎᕐᕕᖃᙱᒃᑳᖓᑦ, ᑮᓇᐅᔭᒃᓴᐅᓗᓂ.

ᐱᓕᕆᐊᖑᑎᓪᓗᒋᑦ ᐱᕕᒃᓴᖓ ᐱᐊᓂᒃᓯᒪᔪᓄᑦ ᐱᓇᔫᑎᓄᑦ ᐊᔪᙱᑦᑐᑦ ᑲᑐᔾᔨᖃᑎᒌᒡᕖᑦ ᐱᑎᑕᐅᔪᓐᓇᕐᓂᖏᑦ ᐃᓚᔭᐅᒃᑲᓐᓂᕈᑎᒃᓴᓂᒃ ᐱᓇᓱᐊᕈᓯᑦ ᐱᖓᓱᑦ ᖃᓂᒋᔮᓂ ᐱᓕᕆᐊᖑᖃᑦᑕᕋᔭᖅᑐᑦ.  ᑕᒻᒪᖅᑕᖅᓯᒪᔪᑦ ᐅᕝᕙᓘᓐᓃᑦ ᑭᑭᑦᑎᓯᒪᔪᑦ ᐊᑭᓕᖅᑕᐅᙱᔅᓲᔭᖃᑦᑕᕐᓂᐊᖅᑐᑦ.

ᐱᓇᔪᒃᑐᑦ ᐱᓇᔪᒃᑕᖏᑦ ᓈᒻᒪᒋᔭᐅᔪᑦ 80%−ᖓᓂ ᐱᑎᑕᐅᖃᑦᑕᕐᓂᐊᖅᑐᑦ ᑲᑎᖅᓱᖅᓯᒪᔭᖏᓐᓂᒃ ᐃᓚᒋᐊᒃᑲᓐᓂᕈᑎᒃᓴᓄᑦ ᓯᕗᓪᓕᖅᐹᒥ ᐊᑭᓕᖅᑕᐅᑎᓪᓗᒋᑦ.  20% ᐊᒥᐊᒃᑯᖓ ᐊᑭᓕᖅᑕᐅᖃᑦᑕᕐᓂᐊᖅᐳᖅ ᑕᒻᒪᖅᓯᒪᔪᖅᓯᐅᖅᑕᐅᔪᑦ ᑭᖑᓂᐊᒍᑦ ᐱᐊᓂᒃᓯᑦᑎᐊᖅᐸᑕ ᐱᓕᕆᐊᖓ ᒪᑐᔭᐅᓂᐊᓕᖅᑎᓪᓗᒍ.

ᐃᖅᑲᓇᐃᔭᖅᑎᑦ ᑲᓇᑕᒥ ᐊᒻᒪ ᓄᓇᕗᒻᒥ ᒐᕙᒪᐃᑦ, ᐊᒻᒪᓗ ᑐᖅᑲᖅᑕᕐᕖᑦ, ᐃᓚᔭᐅᒃᑲᓐᓂᕈᑎᒃᓴᓄᑦ ᐊᔪᖅᑎᑕᐅᔪᑦ.
 

ᖃᓄᖅ ᐱᓇᔪᒍᓐᓇᕐᒪᖔᑦ

ᐱᐊᓂᒡᓗᒍ ᓄᓇᕗᒻᒥ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ ᑮᓇᐅᔾᔭᒃᓵᖏᑦ ᐃᓚᔭᐅᒃᑲᓐᓂᕈᑎᓄᑦ ᐱᓇᔫᑦ ᑕᑕᑎᕆᐊᓕᒃ ᑮᓇᐅᔭᓕᕆᔨᒃᑯᓐᓄᓪᓗ ᓇᒃᓯᐅᑎᓗᒍ.

ᐊᔪᙱᑎᑕᐅᔪᑦ ᐱᓇᔪᒃᑐᑦ ᐅᑯᓂᖓ ᒪᓕᒋᐊᖃᖅᑐᑦ:

  • ᐱᔪᓐᓇᕐᓂᖃᖅᑐᒥᒃ ᐱᓕᕆᔨᖃᕐᓗᑎᒃ ᖃᐅᔨᒋᐊᕐᕕᒃᓴᖏᓪᓗ ᑎᑎᕋᖃᓯᐅᑎᓯᒪᓗᑎᒃ;
  • ᐅᓪᓗᖅ ᒪᓕᒐᖅᑎᒍᑦ ᐊᑎᓕᐅᖅᑕᐅᓂᖓ ᐊᒻᒪ / ᐅᕝᕙᓘᓐᓃᑦ ᑎᒥᕈᖅᑎᑕᐅᓂᖓ;
  • ᑖᒃᓰᔭᕈᑎᓄᑦ ᓈᓴᐅᑖ (ᐱᑕᖃᖅᐸᑦ);
  • ᐊᑭᓕᖅᓱᖅᑕᐅᔪᑦ ᑖᒃᓰᔭᕈᑎᒧᑦ ᓈᓴᐅᑖ;
  • ᓄᓇᕗᑦ ᒐᕙᒪᒃᑯᓐᓂ ᓇᖕᒥᓂᖃᖅᑎᐅᑉ ᓈᓴᐅᑖ (ᐱᑕᖃᖅᐸᑦ); ᐊᒻᒪ
  • ᐃᖅᑲᓇᐃᔭᖅᑎᑦ ᐊᑎᖏᑦ, ᓴᓇᔪᓐᓇᐅᑎᖏᑕ ᓈᓴᐅᑎᖏᑦ, ᓴᓇᓯᒋᐊᕐᕕᖏᑦ, ᐃᑲᕐᕋᓕᐊᖏᑦ, ᐊᒻᒪ ᐃᑲᕐᕋᕆᓂᐊᕋᓱᒋᔭᐅᔪᑦ ᐃᑲᔫᓯᐊᕈᓐᓇᖅᑎᓪᓗᒋᑦ.

ᖃᐅᔨᒪᒋᐊᕐᓂᐊᖅᐸᓯᐅᒃ ᑕᒪᕐᒥᒃ ᑐᑭᓯᒋᐊᒐᒃᓴᑦ ᐱᔭᐅᔪᒪᔪᑦ ᐱᔭᐃᓐᓇᕆᒐᓗᐊᕐᒪᖔᖅᓯᐅᒃ.  ᐱᓇᔫᑎᑦ ᑐᑭᓯᒋᐊᒐᒃᓴᓂᒃ ᐊᑕᖏᕐᓗᒋᑦ ᐱᐊᓂᒃᓯᙱᑦᑐᑦ ᐱᓕᕆᐊᖑᔪᓐᓇᔾᔮᙱᑦᑐᑦ.
 

ᖃᓄᐃᓕᐅᕐᓗᒍ ᓇᒃᓯᐅᑎᒋᐊᖃᕐᒪᖔᑦ

ᐱᓇᔫᑎᓯ ᓇᒃᓯᐅᑎᔪᓐᓇᖅᑕᓯ ᐊᒻᒪ ᐃᑲᔪᖅᓱᐃᔾᔪᑎᑦ ᑎᑎᖅᑲᑦ ᐊᔪᙱᑕᔅᓯᒍᑦ.

ᐃᕐᖐᓐᓈᖅᑕᐅᒃᑯᑦ: NEWWP@gov.nu.ca
ᓱᒃᑲᔪᒃᑯᑦ: 867-975-5845
ᑎᑎᖅᑲᒃᑯᕕᒃᑯᑦ:
ᓄᓇᕗᒻᒥ ᐱᔭᕆᐊᖃᓪᓚᕆᑦᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ
Department of Finance, Government of Nunavut
2nd floor Parnaivik Building, 924 Mivvik Street
PO Box 2260, Iqaluit, Nunavut, X0A 0H0
 

ᐊᐱᖅᑯᑕᐅᒐᔪᒃᑐᑦ

ᐅᖃᓕᒫᕈᓐᓇᖅᑕᓯ ᓄᓇᕗᒻᒥ ᐱᔭᕆᐊᖃᓪᓚᕆᑦᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᓂᒃ ᐅᕙᙵᑦ
 

ᐃᑲᔫᓯᐊᓄᑦ ᐊᑐᐊᒐᖅ

ᐅᖃᓕᒫᕐᓗᒍ ᐃᑲᔫᓯᐊᓄᑦ ᐊᑐᐊᒐᖅ ᐃᑲᔪᖅᑐᐃᔪᖅ ᐱᓕᕆᐊᒥᑦ ᒫᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ

ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᔅᓯ, ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓐᓄᐊᕈᓐᓇᖅᐳᓯ, ᐃᕐᖐᓐᓈᖅᑕᐅᒃᑯᑦ NEWWP@gov.nu.ca, ᐅᕝᕙᓘᓐᓃᑦ ᐅᕙᑦᑎᓐᓄᑦ ᐅᖃᓗᒡᓗᓯ ᐅᕗᖓ 1-800-316-3324.

ᑭᖑᓪᓕᕐᒥ ᓴᖅᑭᑕᐅᓚᐅᖅᑐᖅ ᓄᕙᒡᔪᐊᕐᓇᖅ-19−ᓕᕆᔪᑦ ᐱᕙᓪᓕᐊᔪᑦ ᐊᒻᒪ ᓄᑖᙳᕆᐊᖅᓯᒪᔪᑦ ᓇᓂᔭᒃᓴᐅᔪᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓐᓂ: https://gov.nu.ca/iu. ᑖᒃᑯᐊ ᑐᑭᓯᒋᐊᒐᒃᓴᑦ ᓄᑖᙳᕆᐊᖅᑕᐅᓲᑦ ᖃᐅᑕᒫᑦ.

ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᓇᓂᔭᒃᓴᐅᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᕙᒡᔪᐊᕐᓇᖅ-19−ᒧᑦ ᑐᑭᓯᒋᐊᒐᒃᓴᖏᓐᓂᒃ ᐅᕙᙵᑦ: https://gov.nu.ca/iu/aanniaqangnanngittulirijikku/information/aniqsaaqturnikkut-qanimannaq-19.
ᓄᕙᒡᔪᐊᕐᓇᖅ-19−ᒧᑦ ᖃᓂᒪᓇᓱᒋᒍᕕᑦ, ᐃᓕᖕᓄᑦ ᖃᐅᔨᓴᕈᑎᒃᓴᓄᑦ ᐃᑲᔫᑎᒃᓴᑦ ᐅᖃᓕᒫᕐᓗᒋᑦ ᐅᕙᙵᑦ: https://nu.thrive.health/covid19/ike.