You are here
ᐋᖅᑭᐅᒪᑎᑦᑎᔨ - ᐃᖅᑲᓇᐃᔭᕐᕕᖕᓂ ᐊᖓᔪᖅᑳᓄᑦ ᑐᑭᓯᒋᐊᒐᒃᓴᑦ
ᐋᖅᑭᐅᒪᑎᑦᑎᔨ - ᐃᖅᑲᓇᐃᔭᕐᕕᖕᓂ ᐊᖓᔪᖅᑳᓄᑦ ᑐᑭᓯᒋᐊᒐᒃᓴᑦ
ᐃᓚᖓᑦ 6 ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐱᖁᔭᕐᒥ ᓴᖅᑭᔮᖅᑎᑦᑎᖕᒪᑦ ᖃᔅᓯᑲᓪᓚᖕᓂᒃ ᑐᕌᒐᕆᔭᐅᔪᓐᓇᖅᑐᓂᒃ ᐃᖅᑲᓇᐃᔭᕐᕕᖕᓂ ᐊᖓᔪᖅᑳᓄᑦ ᑐᒡᓕᖏᓐᓄᓪᓗ. ᐅᑯᐊ ᑎᑎᕋᖅᓯᒪᔪᑦ ᓇᐃᒡᓕᒋᐊᖅᓯᒪᔪᑦ:
- ᐊᖓᔪᖅᑳᑉ ᑐᒡᓕᐊ ᓇᒃᓯᐅᔾᔨᕝᕕᐅᓲᖅ ᐱᕋᔭᒍᑎᒧᑦ ᐅᖃᐅᓯᐅᔪᓂᒃ ᑕᕝᕙᙵᔅᓴᐃᓐᓇᖅ ᑐᓴᖅᑎᑦᑎᔭᕆᐊᖃᓲᖅ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓐᓄᑦ
- ᒥᓂᔅᑕᐅᑉ ᑐᒡᓕᐊ ᐱᑎᑕᐅᒃᑲᓐᓂᖅᑐᖅ ᐊᐃᑉᐸᖓᓂ ᐱᓕᕆᐊᖑᖁᔭᒥᒃ ᐱᕋᔭᒍᑕᐅᔪᖅ ᐱᔾᔪᑕᐅᓗᓂ ᑕᕝᕙᙵᔅᓴᐃᓐᓇᖅ ᖃᐅᔨᒃᑲᐃᔭᕆᐊᖃᖅᐳᖅ ᐋᖅᑭᐅᒪᑎᑦᑎᔨᒧᑦ ᑐᓴᖅᑎᓪᓗᓂᐅᒡᓗ ᖃᓄᐃᓕᐅᖅᐸᓪᓕᐊᖕᒪᖔᑕ ᐃᒃᐱᒋᔭᐅᓪᓗᑎᒃ ᐱᔾᔪᑕᐅᔪᑦ ᓴᖅᑭᑕᐅᓂᖏᑦ
- ᐃᖅᑲᓇᐃᔭᕐᕕᖕᒥ ᐊᖓᔪᖅᑳᑉ ᐱᓕᕆᖃᑕᐅᑦᑎᐊᕆᐊᖃᖅᐳᖅ ᐋᖅᑭᐅᒪᑎᑦᑎᔨ ᖃᐅᔨᓴᖅᑎᓪᓗᒍ ᖃᐅᔨᒪᑎᓪᓗᓂᒋᓪᓗ ᐃᖅᑲᓇᐃᔭᖅᑎᓕᒫᑦ ᐱᓕᕆᕝᕕᐊᓂ ᒐᕙᒪᒃᑯᓪᓘᓐᓃᑦ ᑎᒥᖁᑎᖏᑦ ᑕᐃᒪᐃᓕᐅᖃᑕᐅᖕᒥᓗᑎᒃ
- ᐃᖅᑲᓇᐃᔭᕐᕕᖕᒥ ᐊᖓᔪᖅᑳᑉ ᑐᒡᓕᐊ ᐱᑎᑕᐅᔪᖅ ᐅᖃᐱᓘᑕᐅᔪᒥᒃ ᐃᖅᑲᓇᐃᔭᖅᑎᒥ ᖃᐅᔨᒃᑲᐃᔪᓐᓇᖅᑐᖅ ᓇᓕᐊᖕᓂᑐᐃᓐᓇᖅ ᒥᓂᔅᑕᓄᑦ ᑐᒡᓕᕆᔭᓄᑦ ᐊᖓᔪᖅᑳᑉ ᑐᒡᓕᐊᑕ ᓈᒻᒪᒐᓱᒋᑐᐊᖅᐸᒍ ᐱᓕᕆᐊᖑᔪᒥ
- ᐊᖓᔪᖅᑳᑉ ᑐᒡᓕᓕᒫᖏᑦ ᑎᓕᐅᕆᔭᕆᐊᖃᖅᑐᐃᓐᓇᐅᕗᑦ ᐱᕋᔭᒃᑎᑦᑎᑕᐃᓕᒪᕙᒡᓗᑎᒃ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ
- ᐊᖓᔪᖅᑳᑉ ᑐᒡᓕᓕᒫᖏᑦ ᑎᓕᐅᕆᔭᕆᐊᖃᖅᑐᐃᓐᓇᐅᕗᑦ ᓴᖅᑭᑕᐅᖁᓗᒍ ᐱᕋᔭᒍᑕᐅᔪᖅ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ
- ᐊᖓᔪᖅᑳᑉ ᑐᒡᓕᓕᒫᖏᑦ ᑐᓴᖅᑎᑦᑎᔭᕆᐊᖃᖅᐳᑦ ᐃᖅᑲᓇᐃᔭᖅᑎᓕᒫᓂᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᒪᓕᒋᐊᓕᖕᓂᒃ ᐱᔾᔪᑎᓕᖕᓂᒃ ᐋᖅᑭᐅᒪᑎᑦᑎᔨᒥ ᓴᖅᑭᑕᐅᓂᖓᓂᒡᓗ ᐱᕋᔭᒍᑕᐅᔪᖅ ᖃᐅᔨᒪᑎᑦᑎᔭᕆᐊᖃᖅᖢᓂᓗ ᐃᖅᑲᓇᐃᔭᖅᑎᓕᒫᑦ ᓱᖏᐅᙵᒐᓗᐊᕐᒪᖔᑕ ᒪᓕᒋᐊᓕᖕᓂᒃ ᓴᖅᑭᑦᑎᓂᐊᓕᕌᖓᑕ ᐱᕋᔭᒍᑕᐅᔪᓂᒃ ᓴᐳᔾᔭᐅᔾᔪᑎᓪᓗ ᐱᖁᔭᕐᓂᒃ ᐊᑭᓂᐊᖅᑕᐅᔾᔪᑎᑦ ᒪᓕᒃᑕᐅᓗᑎᒃ
- ᐊᖓᔪᖅᑳᑉ ᑐᒡᓕᐊ ᐱᓕᕆᖃᑕᐅᑦᑎᐊᙱᑐᐊᖅᐸᑦ ᖃᐅᔨᒪᑎᑦᑎᙱᑉᐸᓪᓘᓐᓃᑦ ᐃᖅᑲᓇᐃᔭᖅᑎᖓ ᐃᓚᐅᓚᐅᙱᓐᓂᖓᓂ ᐋᖅᑭᐅᒪᑎᑦᑎᔨ ᖃᐅᔨᓴᖅᑎᓪᓗᒍ ᐱᕋᔭᖕᒪᑦ ᐊᑭᓖᔭᕆᐊᖃᕋᔭᖅᖢᓂᓗ $10,000-ᒧᑦ ᑎᑭᓪᓗᒍ
| ᐋᖅᑭᐅᒪᑎᑦᑎᔨᒧᑦ ᖃᐅᔨᒋᐊᕈᓐᓇᖅᑐᓯ ᖃᖓᒃᑯᑐᐃᓐᓇᑦᑎᐊᖅ ᑐᓴᖅᑎᑕᐅᒃᑲᓐᓂᕈᒪᒍᕕᑦ ᖃᐅᔨᑎᑕᐅᒃᑲᓐᓂᕈᒪᒍᕕᓪᓘᓐᓃᑦ. |
ᑐᑭᓯᓇᕐᓂᖅᓴᑦ ᐃᖅᑲᓇᐃᔭᕐᕕᖕᓂ ᐊᖓᔪᖅᑳᓄᑦ, ᐃᓚᓕᐅᑎᓗᒋᑦ ᐱᓕᕆᐊᒃᓴᑎᑦ, ᐅᕙᙵᑦ ᑕᑯᒋᐊᖅᑕᐅᔪᓐᓇᖅᑐᑦ: ᑐᑭᓯᒋᐊᒐᒃᓴᑦ ᐊᐅᓚᑦᑎᔨᒻᒪᕆᖕᓄᑦ