ᐅᖃᓚᐅᑎᓯᐅᑏᑦ

You are here

ᐋᖓᔮᕐᓇᖅᑐᖅ ᐱᕈᖅᑐᕕᓂᖅ

ᐋᖓᔮᕐᓇᖅᑐᖅ ᐱᕈᖅᑐᕕᓃᑦ ᒪᓕᒐᖑᖅᑎᑕᐅᔪᖅ ᓄᓇᕘᒥᑦ

ᑲᓇᑕᐅ ᒐᕙᒪᖁᑖ, ᐱᕙᒋᔭᖅᓯᒪᔪᑦ ᒪᓕᒐᖑᖅᑎᑕᐅᔪᒃᓴᓂᒃ ᐋᖓᔮᕐᓇᖅᑐᑦ ᓴᐃᓕᓐᓇᖅᑐᑦ ᑲᓇᑕᒥᑦ ᔪᓚᐃ 2018−ᖑᓕᖅᐸᑦ, ᓴᖅᑭᑕᐅᔪᑦ ᐱᔾᔪᑎᒋᓪᓗᒍ Cannabis Act. ᑖᓐᓇ ᐊᑐᐊᒐᐃᑦ ᐋᕿᒃᓱᖅᓯᒪᕗᖅ ᓄᓇᕐᔾᔪᐊᓕᒫᒧᑦ ᐋᕿᒃᓱᖅᓯᒪᓂᖓ ᐋᖓᔮᕐᓇᖅᑐᑦ ᐱᕈᖅᑐᕕᓂᕐᓂᑦ ᒪᓕᒐᖑᖅᑎᑕᐅᔪᒃᓴᓄᑦ. ᓄᓇᐃᑦ ᐊᕕᒃᑐᖅᓯᒪᔪᑦ ᒐᕙᒪᖏᑦ ᐱᔪᓐᓇᐅᑎᖃᖅᑎᑕᐅᔪᑦ ᓂᐅᕕᐊᒃᓴᖃᕐᓂᕐᒥᒃ ᐊᒻᒪ ᑐᓂᐅᖃᐅᑕᐅᔪᒃᓴᓂᒃ, ᐅᑭᐅᖃᖅᑐᓄᓪᓗ ᓂᐅᕕᕈᓐᓇᕐᓂᖅ ᐊᒻᒪ ᐊᑐᕐᓂᖅ, ᐊᖓᔮᕐᓇᖅᑐᒥᑦ ᐊᑐᖅᓯᒪᔪᑦ ᐊᖁᓐᓇᓱᖕᓂᖅ, ᐃᖃᓇᐃᔭᕐᕕᖕᒥᑦ ᐊᑦᑕᕐᓇᖅᑐᓕᕆᓂᖅ ᐊᒻᒪ ᑭᒃᑯᑐᐃᓐᓇᕐᓂ ᓱᐴᖅᑐᕐᕕᐅᕙᒃᑐᖅ ᐋᖓᔮᕐᓇᖅᑐᒥᒃ ᐱᕈᖅᑐᕕᓂᕐᓂᒃ.

ᔪᓚᐃ 2018−ᒥᑦ ᓄᖃᕐᕕᒃᓴᖃᖅᐳᖅ, ᓄᓇᕘ ᒐᕙᒪᖁᑖᓂ (GN) ᐃᓱᒪᒃᓴᖅᓯᐅᕆᐊᖃᖅᐳᑦ ᖃᓄᖅ ᑲᔪᓯᑎᑦᑎᓂᐊᕐᒪᖔᑕ ᐋᖓᔮᕐᓇᖅᑐᑦ ᐱᕈᖅᑐᕕᓂᕐᓂᒃ ᒪᓕᒐᖑᖅᑎᑕᐅᔪᒃᓴᓂ ᓄᓇᕗᒻᒥᑦ. ᐱᔾᔪᑎᒋᓪᓗᒍ, ᖃᕋᓴᐅᔭᒃᑯᑦ ᖃᐅᔨᓴᕐᓂᖅ, ᓄᓇᕗᒻᒥᐅᑦ, 16−ᓂᒃ ᐊᕐᕌᒍᓕᖕᓂᑦ ᐊᒻᒪ ᐊᖓᔪᒃᖡᑦ, ᖃᐃᖁᔭᐅᓯᒪᕗᑦ ᐃᓱᒪᒋᔭᖏᓐᓂ ᐅᖃᓪᓚᒡᓗᑎ ᐱᔾᔪᑎᖃᕐᓗᑎᒃ ᒪᓕᒐᖑᖅᑎᑕᐅᔪᖅ ᐋᖓᔮᕐᓇᖅᑐᓂᒃ ᐱᕈᖅᑐᕕᓂᕐᓂᒃ ᑲᓇᑕᒥᒃ ᐊᒻᒪ ᖃᓄᖅ ᐱᐅᓛᖑᖕᒪᖔ ᐊᐅᓚᑦᑎᓂᐊᕐᒪᖔ ᓴᕿᑎᑦᑎᓂᖅ, ᓂᐅᕕᐊᒃᓴᑦ ᐊᒻᒪ ᐊᑐᕐᓂᖅ ᐋᖓᔮᕐᓇᖅᑐᓂᒃ ᐱᕈᖅᑐᕕᓂᕐᓂᒃ ᓄᓇᕗᑦᒥᑦ. ᑖᒃᑯᐊ ᐊᐱᖅᑯᑕᐅᔪᑦ ᐱᕕᖃᖅᐳᖅ ᐊᒌᓯ 22−ᒥᑦ ᓯᑎᐱᕆ 22, 2017−ᒧᑦ.

ᑖᓐᓇ ᓈᓴᐅᑎ ᑐᓂᔭᐅᔪᖅ ᒪᓕᒐᐃᑦ ᐱᒻᒪᕆᐅᔪᑦ ᐃᓱᒪᒃᓴᖅᓯᐅᖅᓯᒪᔪᑦ ᓄᓇᕗᑦ ᐱᔭᕆᐊᖃᓪᓚᕆᒃᑕᖏᓐᓂᒃ, ᖃᓄᐃᑦᑑᓂᖓ ᐊᐱᖅᑯᑕᐅᔪᑦ, ᑕᐅᑐᒃᑕᐅᓗᐊᖅᑐᒥᒃ ᐊᑐᐊᒐᐃᑦ ᖃᐅᔨᓴᖅᑕᐅᔪᑦ ᐊᒻᒪ ᑲᔪᓯᑎᑕᐅᔪᖅ ᑭᒃᑯᑐᐃᓐᓇᕐᓂᒃ ᐊᒻᒪ ᓇᖕᒥᓂᖃᖃᑕᐅᔪᓄᑦ ᐊᑐᓕᖅᑎᓪᓗᒍ, ᑐᓴᖅᑎᑦᑎᓂᐊᖅᐳᑦ ᒐᕙᒪᒃᑯᑦ ᐅᐸᒃᑕᐅᕙᓪᓕᐊᔪᑦ ᐋᖓᔮᕐᓇᖅᑐᑦ ᐱᕈᖅᑐᕕᓂᕐᓂᒃ ᐊᑐᐊᒐᐃᑦ.

ᐊᐱᖁᑎᒃᓴᖃᕈᕕᑦ ᐱᔾᔪᑎᒋᓪᓗᒍ ᒪᓕᒐᖑᖅᑎᑕᐅᔪᖅ ᐋᖓᔮᕐᓇᖅᑐᓂᒃ ᐱᕈᖅᑐᕕᓂᕐᓂᒃ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ

ᓄᓇᕗᑦ ᒐᕙᒪᒃᑯᖏᓐᓄᒃ ᐃᕐᒌᓐᓇᒃᑯᑦ: cannabissurvey@gov.nu.ca.
 

ᐅᖃᐅᓯᕆᔭᑦ ᓄᓇᕗᑦ ᒐᕙᒪᒃᑯᖏᑦᑕ ᐋᖓᔮᖕᓇᖅᑐᑦ ᐱᕈᖅᑐᕕᓃᑦ ᒪᓕᒐᙳᖅᑎᑕᐅᓂᐊᖕᓂᖓᓄᑦ ᐊᐱᖅᓲᑎᖏᑦ

FAQs ᐋᖓᔮᕐᓇᖅᑐᑦ ᐱᕈᖅᑐᕕᓂᕐᓂᒃ ᒪᓕᒐᖑᖅᑎᑕᐅᔪᑦ

FAQs ᐋᖓᔮᕐᓇᖅᑐᑦ ᐱᕈᖅᑐᕕᓂᕐᓂᒃ ᐊᒻᒪ ᐋᓐᓂᐊᖃᖅᑕᐃᓕᒪᓂᖅ

FAQs ᐋᖓᔮᕐᓇᖅᑐᑦ ᐱᕈᖅᑐᕕᓂᕐᓂᒃ ᐊᑐᖅᑕᐅᒐᔪᒃᑐᒃᑯᑦ ᑐᓴᐅᒪᔭᐅᔭᕆᐊᓖᑦ