ᐅᖃᓚᐅᑎᓯᐅᑏᑦ
LogoHome

You are here

ᐆᒻᒪᖅᑯᑎᓕᕆᓂᕐᒧᑦ ᐱᓕᕆᓯᒋᐊᖅᑎ − ᑐᓂᐅᖅᑲᐃᕙᓪᓕᐊᓂᕐᒧᑦ − (ᑕᐃᒪᐃᓚᐅᑲᑐᐃᓐᓇᖅᑐᖅ)

Community: 
ᐃᖃᓗᖕᓂ
Reference number: 
-
Type of employment: 
Salary: 
$104,500 to $123,864
Northern Allowance: 
$15,016

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑲᒪᒋᔭᒃᓴᖃᖅᑐᒃ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᒃ, ᑕᑎᒋᔭᒃᓴᐅᔪᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ.  ᓇᖕᒥᓂᒋᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᒻᒪᓗ ᐊᐅᓚᑕᐅᓪᓗᓂ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖂᓴᐅᑎᓂᒡᓗ ᓄᓇᕗᒻᒥᑦ.   ᐊᔾᔨᒌᖕᓂᖏᑦ ᐊᓯᖏᓐᓄᖅ ᐆᒻᒪᖁᑎᓕᕆᓂᕐᒧᑦ ᑲᓇᑕᒥ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᔾᔨᒌᖏᑦᑐᓂ ᐊᒃᓱᕈᕐᓇᖅᑐᖅᓯᐅᖃᑦᑕᖅᑐᑦ ᐊᐅᓚᑦᑎᓪᓗᑎᒃ 25−ᓂᒃ ᐃᓛᒃᑰᖅᑐᓂᒃ ᐃᒐᓯᐅᒻᒨᖅᑐᓂᒃ ᐆᒻᒪᖅᑯᓯᐅᕐᓂᕐᒧᑦ ᐃᓂᒋᔭᐅᔪᓂᒃ ᑐᓂᐅᖅᑲᐃᕙᓪᓕᐊᓂᕐᒧᓪᓗ ᐊᑐᖅᑕᐅᕙᒃᑐᓂᒃ ᐃᓂᓕᖕᓂᒃ ᑕᒪᐃᓐᓂ ᐊᑐᓂᑦ ᓄᓇᒋᔭᒃᑕ ᓄᓇᓕᖏᓐᓂ. 

ᐆᒻᒪᖅᑯᑎᓕᕆᓂᕐᒧᑦ ᐱᓕᕆᓯᒋᐊᖅᑎ − ᑐᓂᐅᖅᑲᐃᕙᓪᓕᐊᓂᕐᒧᑦ − (ᑕᐃᒪᐃᓚᐅᑲᑐᐃᓐᓇᖅᑐᖅ)

ᐃᖃᓗᖕᓂ ᓄᓇᕗᒻᒥ ᐃᓂᖃᖅᖢᓂ, ᐅᖃᕐᕕᖃᖅᐸᒃᖢᓂᓗ ᐊᐅᓚᑦᑎᔨᒋᔭᐅᔪᒧᑦ, ᐆᒻᒪᖅᑯᒻᒥᒃ ᓇᒧᙵᐅᑎᑦᑎᕙᓪᓕᐊᕙᖕᓂᕐᒧᑦ, ᑖᓐᓇ ᐃᓂᒋᔭᐅᔪᖅ ᑲᒪᒋᔭᒃᓴᖃᖅᐳᖅ ᐱᑎᑦᑎᕙᖕᓂᕐᒥᒃ ᐱᓕᕆᔾᔪᑕᐅᕙᒃᑐᓂᒃ ᐆᒻᒪᖅᑯᒻᒧᓪᓗ ᐊᑐᖅᑕᐅᕙᒃᑐᒧᑦ ᑕᐅᑦᑐᒃᓴᖓᓄᑦ ᐱᔨᑦᑎᕋᕐᓂᕆᔭᐅᔪᓂᒃ ᑕᒪᐃᒃᑯᓕᒫᖅ ᐱᓕᕆᐊᖑᔫᑉ ᐊᑐᖅᑕᐅᕙᓪᓕᐊᓂᖓᓄᑦ ᐆᒻᒪᖅᑯᒻᒥᒃ ᑐᓂᐅᖅᑲᐃᕙᖕᓂᕐᒧᑦ ᐱᓕᕆᐊᖑᔪᓂ ᑕᐅᑦᑐᒃᓴᓕᐅᕐᓂᕐᒥᑦ ᐱᓕᕆᐊᖑᓂᐊᓕᕐᓂᖓᓄᑦ.  ᑖᓐᓇ ᐃᓂ ᐱᔭᒃᓴᖃᖅᑎᑕᐅᕗᖅ ᓂᕈᐊᕆᔭᖃᕐᓂᕐᒥᒃ ᐊᑐᖅᑕᐅᓂᐊᖅᑐᓂᒃ ᑕᐅᒃᑐᒃᓴᓕᐅᖅᑕᐅᕙᓪᓕᐊᑎᓪᓗᒍ, ᓇᓗᓇᐃᔭᐃᓂᕐᒥᒃ ᑕᐅᑦᑐᒃᓴᖓᓄᑦ ᖃᓄᐃᓕᐅᖅᑐᖃᕆᐊᖃᕐᓂᖓᓂᒃ ᖃᓄᕐᓗ ᐆᒃᑐᕋᖅᑕᐅᓯᒪᓂᐊᕐᒪᖔᑕ, ᓇᓗᓇᕈᓐᓃᖅᑎᑦᑎᓗᓂ ᐱᑐᐃᓐᓇᐅᙱᑦᑐᓂᒃ ᐱᓕᕆᓂᕐᒧᑦ ᐃᓗᓕᖏᓐᓂᒃ ᑕᐅᑦᑐᒃᓴᖓᓄᑦ, ᓇᓗᓇᐃᒃᑯᑦᑎᖅᓯᓂᕐᒥᒡᓗ ᓇᕿᑦᑎᓗᓂ ᑎᑎᕋᐅᔭᖅᓯᒪᔪᓂᒃ ᑎᑎᕋᖅᑕᐅᓯᒪᔪᓂᒡᓗ.

ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:

  • ᑕᐅᑦᑐᒃᓴᓕᐅᖅᐸᒃᐳᖅ ᖁᓛᒎᖅᑐᓂᒃ ᓄᓇᐅᓪᓗ ᐃᑭᐊᖓᒎᖅᑐᓂᒃ ᑐᓂᐅᖅᑲᐃᕙᓪᓕᐊᓂᕐᒧᑦ ᐱᓕᕆᓯᒋᐊᕐᓂᕐᒧᑦ ᐱᓕᕆᐊᖑᔪᓂᒃ (ᑕᒪᐃᑦᒍᑦ ᐅᑎᖅᑎᑕᒃᓴᐅᔪᑎᒍᑦ ᐊᑭᑐᔪᑎᒍᓪᓗ) ᓇᓗᓇᙱᑦᑎᐊᖅᑐᒃᑯᑦ ᓇᓗᓇᐃᔭᐃᓂᕐᒥᒍᑦ ᖃᓄᖅ ᐊᖏᑎᒋᔪᓂᒃ ᐱᓕᕆᔪᖃᕆᐊᕐᒪᖔᑦ, ᐱᔭᕇᖅᓯᕙᒡᓗᓕ ᐊᑭᖏᓐᓄᑦ ᖃᔅᓯᑐᕐᓂᐊᕋᓱᒋᔭᐅᔪᓂᒃ, ᐱᓕᕆᕙᒡᓗᓂ ᐱᓕᕆᓯᒋᐊᕐᓂᕐᒧᑦ ᐊᑭᒋᔭᐅᓂᐊᕋᓱᒋᔪᓂᒃ, ᐱᓕᕆᕙᒃᖢᓂ ᐱᓕᕆᓯᒋᐊᕐᓂᕐᒧᑦ ᖃᔅᓯᐅᓇᓱᒋᓐᓈᓂᕐᓂᒃ, ᐋᖅᑭᒃᓱᐃᕙᓪᓕᐊᕙᒃᖢᓂᓗ ᐃᓗᓕᖃᐅᑦᑎᐊᖅᑐᓂᒃ ᑕᐅᑦᑐᒃᓴᖓᓄᑦᑎᑎᖃᐅᔭᖅᑕᐅᔪᓂᒃ (AutoCAD−ᑯᑦ).

  • ᐱᕙᒌᔭᐃᕙᒃᐳᖅ ᖃᐅᔨᓴᖅᓯᓂᕐᒧᑦ ᖃᐅᔨᓇᓱᒍᑕᐅᔪᓂᒃ ᓄᑖᙳᕆᐊᖅᑎᑕᐅᑐᐃᓐᓇᕆᐊᖃᕐᓂᖏᓐᓄᑦ ᐱᐅᓯᑎᑕᐅᒋᐊᑐᐃᓐᓇᕆᐊᖃᕐᓂᖏᓐᓄᓪᓗ ᐆᒻᒪᖅᑯᒻᒥᒃ ᓇᒧᙵᐅᑎᑦᑎᕙᓪᓕᐊᓂᕐᒧᑦ ᐱᓕᕆᐊᖑᔪᓂᒃ ᓴᓇᓂᕐᒧᓪᓘᓐᓃᑦ ᓄᑖᓂᒃ ᐃᓂᒋᔭᐅᓂᐊᖅᑐᓂᒃ.

  • ᐱᕙᒌᔭᖅᐸᒡᓗᒋᑦ ᐊᑭᑦᑐᕋᐅᑎᓄᑦ ᓇᓗᓇᐃᖅᓯᔾᔪᑎᑦ, ᐊᑭᑦᑐᕋᐅᑎᓄᑦ ᑎᑎᖅᑲᑦ, ᑎᑎᕋᐅᔭᖅᓯᒪᔪᑦ ᐊᒻᒪ ᐊᑭᒋᓂᐊᕋᓱᒋᔭᐅᔪᑦ ᐆᒻᒪᖅᑯᑎᒥᒃ ᓇᒧᙵᐅᑎᑦᑎᕙᓪᓕᐊᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᖑᔪᓄᑦ; 

  • ᐱᓕᕆᐊᖃᖅᐸᒃᐳᖅ ᐃᓂᒥ ᖃᐅᔨᓴᖅᓯᓂᕐᒥᒃ ᐱᓕᕆᐊᖑᔪᖅ ᓴᓇᔭᐅᕙᓪᓕᐊᓂᖓᓂ ᑭᒃᑯᓐᓄᓪ ᐱᓕᕆᐊᖑᓂᐊᕐᓂᖓᓄᑦ ᐱᓕᕆᓂᐅᔪᒥ, ᐱᑎᑦᑎᕙᒃᖢᓂᓗ ᐱᓕᕆᔾᔪᑎᓄᑦ ᐃᑲᔪᖅᑐᐃᓂᕐᒥᒃ ᐆᒻᒪᖅᑯᒻᒧᓪᓗ ᑕᐅᒃᑐᒃᓴᖓᓄᑦ ᕿᒥᕐᕈᐊᒃᑲᓐᓂᕐᓂᕆᔭᐅᔪᓂᒃ ᑐᓂᐅᖅᑲᐅᕙᓪᓕᐊᓂᐊᕐᓗᓂ ᐱᓕᕆᐊᖑᔪᓂ.

  • ᒪᓕᑦᑎᐊᖅᐸᒃᐳᖅ ᑕᒪᐃᓐᓄᓕᒫᖅ ᑲᓇᑕᒥᐅᓄᑦ ᐱᓕᕆᔾᔪᑎᓄᑦ ᐊᑐᖅᑕᐅᕙᒃᑐᓂᒃ ᐃᓚᖃᕐᓗᓂ ᑕᒪᓐᓇ ᑭᓯᐊᓂ ᑖᒃᑯᓄᖓᑐᐊᖑᙱᑦᑐᖅ, ᑲᓇᑕᒥᐅᓄᑦ  ᐆᒻᒪᖅᑯᑎᓕᕆᓂᕐᒧᑦ ᒪᓕᒃᑕᐅᕙᒃᑐᓄᑦ, ᑲᓇᑕᒥᐅᓂ ᐊᑐᖅᑕᐅᕙᒃᑐᓄᑦ ᑭᒃᑯᑐᐃᓐᓇᓄᑦ ᑲᑐᔾᔨᖃᑎᒌᑦᒪ ᐊᒻᒪᓗ ᑲᓇᑕᓕᒫᒥ ᐃᒡᓗᓕᐅᕐᓂᕐᒧᑦ ᒪᓕᑦᑕᐅᕙᒃᑐᓂᒃ.

ᐊᔪᙱᑕᕆᐊᖃᕐᒥᔭᖏᑦ ᐅᑯᐊᖑᒋᕗᑦ: 

  • ᖃᐅᔨᓴᖅᑎᔨᙳᕐᓂᕐᒧᑦ ᐃᓕᓴᕆᔭᐅᔾᔪᑎᖃᕐᓗᓂ ᐅᐊᔭᒨᖅᑐᓕᕆᔨᐅᓂᕐᒧᑦ;
  • ᑎᑎᕋᖅᑕᐅᓯᒪᓗᓂ ᓴᓇᔭᐅᓂᐊᖅᑐᓄᑦ ᐋᖅᑭᒃᓱᐃᔨᓪᓚᕆᖕᓄᑦ ᑎᑎᕋᖅᑕᐅᑲᐅᑎᒋᔪᓐᓇᕐᓗᓂᓗ ᓄᓇᕗᒻᒥ ᑲᑐᔾᔨᖃᑎᒌᑦ ᓴᓇᔭᐅᓂᐊᖅᑐᓄᑦ ᐋᖅᑭᒃᓱᐃᔨᓪᓚᕆᖕᓄᑦ ᓄᓇᒥᓪᓗ ᖃᐅᔨᓴᖅᑎᓄᑦ.
  • ᑕᓪᓕᒪᓂᒃ (5-ᓂᒃ) ᐊᕐᕌᒍᓂᒃ ᐊᑐᖅᑕᐅᕙᒃᑐᓄᑦ ᐱᓕᕆᖃᑦᑕᕐᓂᑰᓗᓂ  ᐆᒻᒪᖅᑯᒻᒥᒃ ᓇᒧᙵᐅᑎᑦᑎᕙᓪᓕᐊᕙᖕᓂᕐᒧᑦ.
  • ᐱᓕᕆᖃᑦᑕᕐᓂᑰᓗᓂ ᓴᙱᓗᐊᙱᑦᑐᒧᑦ voltage−ᒧᑦ, ᐊᖏᔪᒥᒃ ᐆᒻᒪᖅᑯᒻᒥᒃ ᑐᓂᓯᕙᓪᓕᐊᓂᕐᒧᑦ/ᓇᒧᙵᐅᑎᑦᑎᕙᓪᓕᐊᓂᕐᒧᑦ.
  • ᐱᓕᕆᓪᓚᕆᖃᑦᑕᕐᓂᑰᓗᓂ ᐆᒻᒪᖅᑯᒻᒥᒃ ᑐᓂᐅᖅᑲᐃᕙᓪᓕᐊᓂᕐᒧᑦ ᐊᑐᖅᑕᐅᕙᒃᑐᒧᑦ ᑕᐅᑦᑐᒃᓴᖏᓐᓄᑦ ᖃᕆᑕᐅᔭᕐᒥ ᐊᑐᖅᑕᐅᕙᒃᑐᓄᑦ ᓲᕐᓗ ᒪᑯᓄᖓ, PLS-CADD, ETAP, GIS ᐊᓯᖏᓐᓄᓪᓗ.

 

ᐱᖁᑎᑦ

  • ᐱᓕᕆᐊᒃᓴᓂ ᐊᐅᓚᑦᑎᔨᒻᒪᕆᐅᓂᕐᒧᑦ (PMP) ᐱᓕᕆᔪᓐᓇᖅᓯᑎᑕᐅᓂᖅ ᐃᑲᔫᑎᖃᕐᓂᐊᖅᐳᖅ ᐱᓇᔪᒃᑐᓄᑦ.
  • ᖃᐅᔨᒪᓗᓂ ᓄᓇᕗᒻᒥᒃ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
  • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.

ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $104,500−ᒥᑦ $123,864−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒻᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.

ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.

ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ hr@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU  X0C 0A0

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ.

ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.

 

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ