ᐅᖃᓚᐅᑎᓯᐅᑏᑦ
LogoHome

You are here

ᐆᒻᒪᖅᑯᑎᓕᕆᓂᕐᒧᑦ ᐱᓕᕆᓯᒋᐊᖅᑎ − ᑐᓂᐅᖅᑲᐃᕙᓪᓕᐊᔪᓕᕆᔨ − ᑕᐃᒪᐃᓚᐅᑲᑐᐃᓐᓇᖅᑐᖅ

ᓄᓇᓕᒃ: 
ᐃᖃᓗᖕᓂ
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$106,587 to $126,340
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016

ᓄᒃᑭᒃᓴᕈᒃ ᐃᖅᑲᓇᐃᔮᕆᔪᓐᓇᖅᑕᑦ ᐅᑭᐅᖅᑕᖅᑐᒥ!

ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᑎᒍᑦ ᐆᒻᒪᕆᒃᑎᐊᖅᑐᑦ ᐱᓕᕆᖃᑦᑕᖅᓯᒪᓂᑰᑦᑎᐊᖅᑐᑦ ᐱᓕᕆᕝᕕᖕᒥ ᐱᓕᕆᔨᒻᒪᕇᑦ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᕈᓐᓇᑦᑎᐊᖅᑐᒥ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᓂᒃ ᓄᓇᕗᓕᒫᒥ.

ᐱᓕᕆᖃᑎᒌᓐᓂᖅ ᓄᓇᕗᒻᒥ

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᕕᒃᓴᖃᑦᑎᐊᖅᑎᓪᓗᑎᓪᓗ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᑲᑕᒡᓗᑎᑦ, ᐃᖃᓗᑲᑕᒡᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᒨᖓᑦᑎᐊᖅᑐᓂ ᓴᓇᙳᐊᖅᑕᐅᔪᓂ ᓂᔾᔭᐅᓯᔭᖅᑕᐅᔪᓂᒡᓗ, ᓄᓇᕗᑦ ᐃᓂᐅᕗᖅ ᐃᓕᓐᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᒻᒪᓗ ᐊᐅᓚᑕᐅᓪᓗᓂ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᑕᐅᑐᒃᖢᒋᑦ ᐊᓯᖏᑦ ᐃᒡᓗᓂ ᐊᑐᖅᑕᐅᕙᒃᑐᑦ ᑲᓇᑕᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓵᑦᑎᐊᕐᒥᐅᑕᖃᖅᐳᖅ ᐊᔾᔨᖃᙱᑦᑐᓂᒃ ᐊᓂᒍᖅᑎᓐᓇᓱᒋᐊᓕᖕᓂᒃ ᐊᐅᓚᑦᑎᓂᕐᒥᓂ 25-ᓂᑦ ᐃᓛᒃᑰᖅᑐᓂᒃ ᐃᒐᓯᐅᑎᒨᖅᑐᓂᒃ ᐆᒻᒪᖅᑯᓯᐅᕈᑎᓄᑦ ᐃᓂᓂᒃ ᓇᒧᙵᖅᑎᑦᑎᕙᓪᓕᐊᓂᕐᒧᓪᓗ ᐊᑐᖅᑕᐅᕙᒃᑐᑦ ᐃᓂᖃᖅᑐᑦ ᑕᒪᐃᓐᓂ ᐊᑐᓂᑦ ᐊᕕᒃᓯᒪᓂᕐᒥ ᓄᓇᓕᖕᓂ.

ᐆᒻᒪᖅᑯᑎᓕᕆᓂᕐᒧᑦ ᐱᓕᕆᓯᒋᐊᖅᑎ − ᑐᓂᐅᖅᑲᐃᕙᓪᓕᐊᔪᓕᕆᔨ − ᑕᐃᒪᐃᓚᐅᑲᑐᐃᓐᓇᖅᑐᖅ

ᐃᖃᓗᖕᓂ ᓄᓇᕗᒻᒥ ᐃᓂᖃᖅᖢᓂ, ᐅᖃᕐᕕᖃᖅᐸᒃᖢᓂᓗ ᐊᐅᓚᑦᑎᔨᒋᔭᐅᔪᒧᑦ, ᐆᒻᒪᖅᑯᒻᒥᒃ ᓇᒧᙵᐅᑎᑦᑎᕙᓪᓕᐊᕙᖕᓂᕐᒧᑦ ᐆᒻᒪᖅᑯᑎᓕᕆᓂᕐᒧᑦ ᐱᓕᕆᓯᒋᐊᖅᑎ − ᑐᓂᐅᖅᑲᐃᕙᓪᓕᐊᔪᓕᕆᔨ ᑲᒪᒋᔭᒃᓴᖃᖅᐳᖅ ᐱᑎᑦᑎᕙᖕᓂᕐᒥᒃ ᐱᓕᕆᔾᔪᑕᐅᕙᒃᑐᓂᒃ ᐆᒻᒪᖅᑯᒻᒧᓪᓗ ᐊᑐᖅᑕᐅᕙᒃᑐᒧᑦ ᑕᐅᑦᑐᒃᓴᖓᓄᑦ ᐱᔨᑦᑎᕋᕐᓂᕆᔭᐅᔪᓂᒃ ᑕᒪᐃᒃᑯᓕᒫᖅ ᐱᓕᕆᐊᖑᔫᑉ ᐊᑐᖅᑕᐅᕙᓪᓕᐊᓂᖓᓄᑦ ᐆᒻᒪᖅᑯᒻᒥᒃ ᑐᓂᐅᖅᑲᐃᕙᖕᓂᕐᒧᑦ ᐱᓕᕆᐊᖑᔪᓂ ᑕᐅᑦᑐᒃᓴᓕᐅᕐᓂᕐᒥᑦ ᐱᓕᕆᐊᖑᓂᐊᓕᕐᓂᖓᓄᑦ.  ᑖᓐᓇ ᐃᓂ ᐱᔭᒃᓴᖃᖅᑎᑕᐅᕗᖅ ᓂᕈᐊᕆᔭᖃᕐᓂᕐᒥᒃ ᐊᑐᖅᑕᐅᓂᐊᖅᑐᓂᒃ ᑕᐅᑦᑐᒃᓴᓕᐅᖅᑕᐅᕙᓪᓕᐊᑎᓪᓗᒍ, ᓇᓗᓇᐃᔭᐃᓂᕐᒥᒃ ᑕᐅᑦᑐᒃᓴᖓᓄᑦ ᖃᓄᐃᓕᐅᖅᑐᖃᕆᐊᖃᕐᓂᖓᓂᒃ ᖃᓄᕐᓗ ᐆᒃᑐᕋᖅᑕᐅᓯᒪᓂᐊᕐᒪᖔᑕ, ᓇᓗᓇᕈᓐᓃᖅᑎᑦᑎᓗᓂ ᐱᑐᐃᓐᓇᐅᙱᑦᑐᓂᒃ ᐱᓕᕆᓂᕐᒧᑦ ᐃᓗᓕᖏᓐᓂᒃ ᑕᐅᑦᑐᒃᓴᖓᓄᑦ, ᓇᓗᓇᐃᒃᑯᑦᑎᖅᓯᓂᕐᒥᒡᓗ ᓇᕿᑦᑎᓗᓂ ᑎᑎᕋᐅᔭᖅᓯᒪᔪᓂᒃ ᑎᑎᕋᖅᑕᐅᓯᒪᔪᓂᒡᓗ.

ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:

  • ᑕᐅᑦᑐᒃᓴᓕᐅᖅᐸᒃᐳᖅ ᖁᓛᒎᖅᑐᓂᒃ ᓄᓇᐅᓪᓗ ᐃᑭᐊᖓᒎᖅᑐᓂᒃ ᑐᓂᐅᖅᑲᐃᕙᓪᓕᐊᓂᕐᒧᑦ ᐱᓕᕆᓯᒋᐊᕐᓂᕐᒧᑦ ᐱᓕᕆᐊᖑᔪᓂᒃ (ᑕᒪᐃᑦᒍᑦ ᐅᑎᖅᑎᑕᒃᓴᐅᔪᑎᒍᑦ ᐊᑭᑐᔪᑎᒍᓪᓗ) ᓇᓗᓇᙱᑦᑎᐊᖅᑐᒃᑯᑦ ᓇᓗᓇᐃᔭᐃᓂᕐᒥᒍᑦ ᖃᓄᖅ ᐊᖏᑎᒋᔪᓂᒃ ᐱᓕᕆᔪᖃᕆᐊᕐᒪᖔᑦ, ᐱᔭᕇᖅᓯᕙᒡᓗᓕ ᐊᑭᖏᓐᓄᑦ ᖃᔅᓯᑐᕐᓂᐊᕋᓱᒋᔭᐅᔪᓂᒃ, ᐱᓕᕆᕙᒡᓗᓂ ᐱᓕᕆᓯᒋᐊᕐᓂᕐᒧᑦ ᐊᑭᒋᔭᐅᓂᐊᕋᓱᒋᔪᓂᒃ, ᐱᓕᕆᕙᒃᖢᓂ ᐱᓕᕆᓯᒋᐊᕐᓂᕐᒧᑦ ᖃᔅᓯᐅᓇᓱᒋᓐᓈᓂᕐᓂᒃ, ᐋᖅᑭᒃᓱᐃᕙᓪᓕᐊᕙᒃᖢᓂᓗ ᐃᓗᓕᖃᐅᑦᑎᐊᖅᑐᓂᒃ ᑕᐅᑦᑐᒃᓴᖓᓄᑦᑎᑎᖃᐅᔭᖅᑕᐅᔪᓂᒃ (AutoCAD−ᑯᑦ).
  • ᐱᕙᒌᔭᐃᕙᒃᐳᖅ ᖃᐅᔨᓴᖅᓯᓂᕐᒧᑦ ᖃᐅᔨᓇᓱᒍᑕᐅᔪᓂᒃ ᓄᑖᙳᕆᐊᖅᑎᑕᐅᑐᐃᓐᓇᕆᐊᖃᕐᓂᖏᓐᓄᑦ ᐱᐅᓯᑎᑕᐅᒋᐊᑐᐃᓐᓇᕆᐊᖃᕐᓂᖏᓐᓄᓪᓗ ᐆᒻᒪᖅᑯᒻᒥᒃ ᓇᒧᙵᐅᑎᑦᑎᕙᓪᓕᐊᓂᕐᒧᑦ ᐱᓕᕆᐊᖑᔪᓂᒃ ᓴᓇᓂᕐᒧᓪᓘᓐᓃᑦ ᓄᑖᓂᒃ ᐃᓂᒋᔭᐅᓂᐊᖅᑐᓂᒃ.
  • ᐱᕙᒌᔭᖅᐸᒡᓗᒋᑦ ᐊᑭᑦᑐᕋᐅᑎᓄᑦ ᓇᓗᓇᐃᖅᓯᔾᔪᑎᑦ, ᐊᑭᑦᑐᕋᐅᑎᓄᑦ ᑎᑎᖅᑲᑦ, ᑎᑎᕋᐅᔭᖅᓯᒪᔪᑦ ᐊᒻᒪ ᐊᑭᒋᓂᐊᕋᓱᒋᔭᐅᔪᑦ ᐆᒻᒪᖅᑯᑎᒥᒃ ᓇᒧᙵᐅᑎᑦᑎᕙᓪᓕᐊᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᖑᔪᓄᑦ; 
  • ᐱᓕᕆᐊᖃᖅᐸᒃᐳᖅ ᐃᓂᒥ ᖃᐅᔨᓴᖅᓯᓂᕐᒥᒃ ᐱᓕᕆᐊᖑᔪᖅ ᓴᓇᔭᐅᕙᓪᓕᐊᓂᖓᓂ ᑭᒃᑯᓐᓄᓪ ᐱᓕᕆᐊᖑᓂᐊᕐᓂᖓᓄᑦ ᐱᓕᕆᓂᐅᔪᒥ, ᐱᑎᑦᑎᕙᒃᖢᓂᓗ ᐱᓕᕆᔾᔪᑎᓄᑦ ᐃᑲᔪᖅᑐᐃᓂᕐᒥᒃ ᐆᒻᒪᖅᑯᒻᒧᓪᓗ ᑕᐅᒃᑐᒃᓴᖓᓄᑦ ᕿᒥᕐᕈᐊᒃᑲᓐᓂᕐᓂᕆᔭᐅᔪᓂᒃ ᑐᓂᐅᖅᑲᐅᕙᓪᓕᐊᓂᐊᕐᓗᓂ ᐱᓕᕆᐊᖑᔪᓂ.
  • ᒪᓕᑦᑎᐊᖅᐸᒃᐳᖅ ᑕᒪᐃᓐᓄᓕᒫᖅ ᑲᓇᑕᒥᐅᓄᑦ ᐱᓕᕆᔾᔪᑎᓄᑦ ᐊᑐᖅᑕᐅᕙᒃᑐᓂᒃ ᐃᓚᖃᕐᓗᓂ ᑕᒪᓐᓇ ᑭᓯᐊᓂ ᑖᒃᑯᓄᖓᑐᐊᖑᙱᑦᑐᖅ, ᑲᓇᑕᒥᐅᓄᑦ  ᐆᒻᒪᖅᑯᑎᓕᕆᓂᕐᒧᑦ ᒪᓕᒃᑕᐅᕙᒃᑐᓄᑦ, ᑲᓇᑕᒥᐅᓂ ᐊᑐᖅᑕᐅᕙᒃᑐᓄᑦ ᑭᒃᑯᑐᐃᓐᓇᓄᑦ ᑲᑐᔾᔨᖃᑎᒌᑦᒪ ᐊᒻᒪᓗ ᑲᓇᑕᓕᒫᒥ ᐃᒡᓗᓕᐅᕐᓂᕐᒧᑦ ᒪᓕᑦᑕᐅᕙᒃᑐᓂᒃ.

 

ᐊᔪᙱᑕᕆᐊᖃᕐᒥᔭᖏᑦ ᐅᑯᐊᖑᒋᕗᑦ: 

  • ᖃᐅᔨᓴᖅᑎᔨᙳᕐᓂᕐᒧᑦ ᐃᓕᓴᕆᔭᐅᔾᔪᑎᖃᕐᓗᓂ ᐅᐊᔭᒨᖅᑐᓕᕆᔨᐅᓂᕐᒧᑦ;
  • ᑎᑎᕋᖅᑕᐅᓯᒪᓗᓂ ᓴᓇᔭᐅᓂᐊᖅᑐᓄᑦ ᐋᖅᑭᒃᓱᐃᔨᓪᓚᕆᖕᓄᑦ ᑎᑎᕋᖅᑕᐅᑲᐅᑎᒋᔪᓐᓇᕐᓗᓂᓗ ᓄᓇᕗᒻᒥ ᑲᑐᔾᔨᖃᑎᒌᑦ ᓴᓇᔭᐅᓂᐊᖅᑐᓄᑦ ᐋᖅᑭᒃᓱᐃᔨᓪᓚᕆᖕᓄᑦ ᓄᓇᒥᓪᓗ ᖃᐅᔨᓴᖅᑎᓄᑦ.
  • ᑕᓪᓕᒪᓂᒃ (5-ᓂᒃ) ᐊᕐᕌᒍᓂᒃ ᐊᑐᖅᑕᐅᕙᒃᑐᓄᑦ ᐱᓕᕆᖃᑦᑕᕐᓂᑰᓗᓂ  ᐆᒻᒪᖅᑯᒻᒥᒃ ᓇᒧᙵᐅᑎᑦᑎᕙᓪᓕᐊᕙᖕᓂᕐᒧᑦ.
  • ᐱᓕᕆᖃᑦᑕᕐᓂᑰᓗᓂ ᓴᙱᓗᐊᙱᑦᑐᒧᑦ voltage−ᒧᑦ, ᐊᖏᔪᒥᒃ ᐆᒻᒪᖅᑯᒻᒥᒃ ᑐᓂᓯᕙᓪᓕᐊᓂᕐᒧᑦ/ᓇᒧᙵᐅᑎᑦᑎᕙᓪᓕᐊᓂᕐᒧᑦ.
  • ᐱᓕᕆᓪᓚᕆᖃᑦᑕᕐᓂᑰᓗᓂ ᐆᒻᒪᖅᑯᒻᒥᒃ ᑐᓂᐅᖅᑲᐃᕙᓪᓕᐊᓂᕐᒧᑦ ᐊᑐᖅᑕᐅᕙᒃᑐᒧᑦ ᑕᐅᑦᑐᒃᓴᖏᓐᓄᑦ ᖃᕆᑕᐅᔭᕐᒥ ᐊᑐᖅᑕᐅᕙᒃᑐᓄᑦ ᓲᕐᓗ ᒪᑯᓄᖓ, PLS-CADD, ETAP, GIS ᐊᓯᖏᓐᓄᓪᓗ.

ᐃᑲᔪᕐᓂᖃᕋᔭᖅᑐᑦ:

  • ᖃᐅᔨᒪᓗᓂ ᓄᓇᕗᒻᒥᒃ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
  • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
  • ᐱᓕᕆᐊᒃᓴᓂ ᐊᐅᓚᑦᑎᔨᒻᒪᕆᐅᓂᕐᒧᑦ (PMP) ᓂᕈᐊᖅᑕᐅᓯᒪᓗᓂ.

ᐊᔾᔨᖏᓪᓗ ᐊᒻᒪ ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐃᖅᑲᓇᐃᔭᖃᑦᑕᖅᓯᒪᓂᖏᓪᓗ ᐃᓱᒪᒋᔭᐅᓂᐊᖅᑐᑦ.

ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $106,587−ᒥᑦ $126,340−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒻᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.

ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.

ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᔪᒥᓴᐅᑏᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ hr@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ, ᑎᑎᖅᑲᒃᑯᕕᒃ. 420, ᖃᒪᓂ`ᑐᐊᖅ, ᓄᓇᕗᑦ X0C 0A0

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.

ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ