ᐅᖃᓚᐅᑎᓯᐅᑏᑦ

You are here

ᐆᒪᔪᓕᕆᓂᕐᒧᑦ ᐊᐅᓚᑦᑎᔨ - ᕿᑭᖅᑖᓘᑉ ᐅᐊᖕᓇᖓᓄ

ᓄᓇᓕᒃ: 
ᒥᑦᑎᒪᑕᓕᒃ-ᒥ
ᓇᓗᓇᐃᒃᑯᑕᖓ: 
13-506418
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᓂᕈᐊᖅᑕᐅᔪᖃᙱᑉᐸᑦ ᓄᓇᕗᒻᒥ ᓄᓇᑖᖃᑕᐅᓯᒪᔪᒥᑦ ᐃᖅᑲᓇᐃᔮᒃᓴᖅ ᐊᕐᕌᒍᓄᑦ ᐱᖓᓱᓄᑦ ᐃᖅᑲᓇᐃᔮᖑᑲᐃᓐᓇᓂᐊᖅᑐᖅ.
ᑮᓇᐅᔾᔭᒃᓴᓇᔭᖅᑐᖅ: 
$107,718
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$24,214

ᑖᓐᓇ ᐃᖅᑲᓇᐃᖅᔭᑎ ᐅᒃᐱᕆᔭᐅᔪᓐᓇᕆᐊᓕᒃ ᐊᒻᒪᓗ ᐱᕋᔭᖕᓂᑰᖕᒪᖔᑦ ᖃᐅᔨᓴᖅᑕᐅᒋᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᑭᒃᑯᓕᒫᓄᑦ. 

ᖃᐅᔨᒋᐊᕐᕕᐅᑦᑕᖅᖢᓂᑦ ᐊᕕᒃᑐᖅᓯᒪᓂᐅᔪᒃᑯᑦ, ᐆᒪᔪᓕᕆᓂᕐᒧᑦ ᐊᐅᓚᑦᑎᔨ ᐃᖅᑲᓇᐃᔮᖑᕗᖅ ᑲᒪᒋᔭᖃᖁᔭᐅᓪᓗᐊᑕᖅᖢᓂᑦ ᐊᕙᑎᓕᕆᔨᒃᑯᑦ ᐆᒪᔪᓕᕆᓂᕐᒧᑦ ᐱᓕᕆᐊᒃᓴᖏᓐᓂᑦ ᐊᐅᓚᑦᑎᓗᓂᓗ ᒪᓕᒐᓕᐊᑎᒍᑦ ᑲᒪᒋᔭᕆᐊᖃᖅᑕᖏᓐᓂᑦ ᐊᕕᒃᑐᖅᓯᒪᓂᐅᔪᒃᑯᑦ.  ᐊᕙᑎᓕᕆᔨᒃᑯᑦ ᑲᑐᔾᔨᖃᑎᖃᖃᑦᑕᐃᓐᓇᕆᐊᖃᖅᐳᑦ ᓄᓇᓕᖕᓂ, ᓄᓇᕗᒻᒥ, ᑲᓇᑕᒥ ᐊᕕᒃᑐᖅᓯᒪᔪᓂᒃ, ᐊᓯᖏᓐᓂ ᑭᒡᒐᖅᑐᖅᑕᐅᔪᓂᒃ, ᑲᓇᑕᓕᒫᒥᑦ ᐊᒻᒪ ᓄᓇᕐᔪᐊᕐᒥᑦ ᐆᒪᔪᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᖃᓄᐃᓕᐅᕈᑕᐅᔪᓂᒃ ᐱᑦᑎᐊᕐᓂᕐᒧᑦ ᐆᒪᔪᓂᒃ, ᐊᒻᒪ ᐊᕙᑎᓕᕆᔨᒃᑯᓐᓂᑦ ᖃᐅᔨᒋᐊᕐᕕᐅᕙᒃᖢᓂᑦ ᐊᕕᒃᑐᖅᓯᒪᓂᐅᔪᒥᑦ ᓂᕐᔪᑎᓂᒃ ᐊᐅᓚᑦᑎᓂᕐᒨᖓᔪᓄᑦ.  ᐱᓕᕆᖃᑎᒋᕙᒡᓗᒋᑦ ᐊᖑᓇᓱᒃᑐᓕᕆᔩᑦ, ᐊᕕᒃᑐᖅᓯᒪᔪᓂ ᐆᒪᔪᓕᕆᔨᕐᔪᐊᒃᑯᑦ, ᐊᕕᒃᑐᖅᓯᒪᔪᒃᑯᓪᓗ ᑐᓴᐅᒪᑎᑦᑎᔩᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᑦ ᐊᒻᒪ ᑲᒪᒋᔭᒃᓴᖃᕆᓪᓗᓂᑦ ᒐᕙᒪᐅᑉ ᐱᓕᕆᐊᒃᓴᕆᔭᖓᑦᑕ ᐃᓚᖏᓐᓂᑦ ᓄᓇᕗᒻᒧ ᐊᖏᖃᑎᒌᒍᑦ ᓄᓇᑖᕈᑎᓄᑦ, ᐱᓗᐊᖅᑐᒥᒃ ᑎᑎᕋᖅᓯᒪᓂᓕᒃ 5 ᐊᒻᒪ 9.

ᐅᖃᐅᔾᔪᐃᑦᑎᐊᖃᑦᑕᕐᓂᖅᑎᒍᑦ, ᑮᓇᐅᔭᖅᑐᑦᑎᐊᖃᑦᑕᕐᓂᖅᑎᒍᑦ, ᐱᓕᒻᒪᒃᓴᖃᑦᑕᕐᓂᖅᑎᒍᓪᓗ ᐊᒻᒪ ᒪᓕᑦᑎᐊᕈᑎᑎᒍᑦ, ᐃᖅᑲᓇᐃᔭᖅᑎ ᓇᓗᓇᐃᖃᑦᑕᕐᓂᐊᖅᐳᖅ ᓄᓇᕗᒻᒥᐅᑦ ᐊᖏᓂᖅᐹᒥᒃ ᐃᑲᔫᓯᐊᖃᑦᑕᕋᓗᐊᕐᒪᖔᑦ ᐊᑐᐃᓐᓇᐅᔪᓂᒃ ᓄᓇᒥᑦ ᐊᑐᒐᒃᓴᐅᔪᓂᑦ, ᐊᕙᑎᓕᕆᑦᑎᐊᖏᓐᓇᕐᓗᓂᑦ,

ᓯᕗᓂᒃᓴᒧᓪᓗ ᐊᑲᐅᙱᓕᐅᕈᑕᐅᓕᕐᓂᐊᙱᑦᑐᒃᑯᑦ. ᑖᓐᓇ ᐃᖅᑲᓇᐃᔮᖅ ᑐᓂᓯᓲᖑᕗᖅ, ᑲᒪᒋᔭᖃᓲᖑᕗᖅ ᐅᖃᐅᓯᒃᓴᖃᓲᖑᕗᕐᓘᓐᓃᑦ ᐱᔪᓐᓇᑎᓄᑦ ᐆᒪᔪᓕᕆᓂᕐᒧᑦ ᐱᖃᓯᐅᑎᓪᓗᓂᑦ ᐊᒥᓕᕆᔨᓄᑦ ᓂᕿᓕᕆᔨᓄᓪᓗ, ᖃᓄᐃᓕᐅᕈᑎᖃᕐᓂᕐᒧᑦ ᐱᕙᒌᔭᐅᑎᓄᑦ, ᐊᐅᓪᓚᕈᔾᔨᔨᓄᑦ, ᐊᖑᓇᓱᒃᑎᑦᑎᔨᓄᑦ, ᐆᒪᔪᓂᒃ ᖃᐅᔨᓴᖕᓂᕐᒧᑦ ᐊᒻᒪ ᓇᐅᑦᑎᖅᓱᕐᓂᕐᒧᑦ.  ᖃᐅᔨᒪᑦᑎᐊᕐᓗᓂᑦ ᖃᐅᔨᓴᕐᓂᕐᒥᑦ ᐊᖑᓇᓱᖕᓂᕐᒧᓪᓗ ᐊᐅᓚᑦᑎᔾᔪᓯᕐᓂᑦ, ᒪᓕᒐᓕᐊᖑᔪᓂᑦ ᐊᒻᒪ ᐊᑐᐊᒐᕐᓄᑦ ᐱᕙᓪᓕᐊᔾᔪᓯᕐᓂᑦ, ᒪᓕᒃᑎᑦᑎᓂᕐᒧᑦ ᒪᓕᖕᓂᕐᒧᓪᓗ ᐊᑐᕈᓯᕐᓂᑦ ᐊᒻᒪ ᐊᑐᑦᑎᐊᕆᐊᖃᕐᓂᕐᒥᑦ ᐃᓕᓐᓂᐊᖅᓯᒪᓂᖅ.

ᐃᖅᑲᓇᐃᔮᖅᑖᖅᑐᖅ ᐊᓂᒍᐃᔾᔪᑎᖃᕐᓂᐊᖅᑐᖅ ᐆᒪᔪᓂᒃ ᖃᐅᔨᓴᖅᑎᐅᓂᕐᒥᑦ ᐊᔾᔨᐸᓗᖓᓂᓘᓐᓃᑦ, x3Fio4 ᐊᕐᕌᒍᓄᑦ ᐊᔾᔨᐸᓗᖓᓂ ᐃᖅᑲᓇᐃᔭᕐᓂᑰᓗᓂᑦ ᐆᒪᔪᓕᕆᓂᕐᒧᑦ ᐊᐅᓚᑦᑎᔨᐅᓂᕐᒥᑦ, ᐱᖓᓱᑦ ᐊᕐᕌᒍᓄᑦ ᐊᖓᔪᖅᑳᖑᓂᑰᓗᓂᑦ, ᐱᕕᒃᓴᒥᑦ ᐊᐅᓚᑦᑎᕙᒡᓗᓂᑦ ᑮᓇᐅᔭᓂᒡᓗ ᐊᐅᓚᑦᑎᕙᒡᓗᓂᑦ. ᓄᓇᒃᑯᑦ ᐊᐅᓪᓚᖃᑦᑕᕈᓐᓇᕐᓗᓂᑦ ᐊᑐᕈᓐᓇᑦᑎᐊᕐᓗᓂᑦ ᐸᐸᑦᑎᔪᓐᓇᑦᑎᐊᕐᓗᓂᓗ ᐱᖁᑎᓂᒃ; ᖃᕆᓴᐅᔭᒃᑯᑦ ᑎᑎᖅᑲᓕᕆᔪᓐᓇᕐᓗᓂᑦ, ᓇᐃᓴᐅᓯᕆᔪᓐᓇᕐᓗᓂᑦ, ᐅᓂᒃᑳᕈᑎᓕᕆᔪᓐᓇᕐᓗᓂᑦ, ᐃᕐᖐᓐᓈᖅᑕᐅᑎᓕᕆᔪᓐᓇᕐᓗᓂᑦ ᑐᖅᑯᖅᑐᐃᔪᓐᓇᕐᓗᓂᓗ. ᐊᓂᒍᐃᔾᔪᑎᖃᕐᓗᓂᓘᓐᓃᑦ ᐆᒪᔪᓂᒃ ᐊᐅᓚᑦᑎᔨᐅᓂᕐᒧᑦ ᐃᓚᖃᕐᓗᒍᑦ 6 ᐊᕐᕌᒍᓄᑦ ᐃᖅᑲᓇᐃᔭᕐᓂᑰᓗᓂᑦ ᐆᒪᔪᓂᒃ ᐊᐅᓚᑦᑎᔨᐅᓂᕐᒥᑦ ᐊᑐᓂ ᓯᓚᒥᑦ ᐊᐅᓚᑕᐅᔪᓂᑦ ᐊᐅᓚᑦᑎᔨᐅᔪᓂᒡᓗ; ᐊᖁᑦᑐᓐᓇᐅᑎᖃᕐᓗᓂᑦ ᖁᑭᐅᑎᑖᕈᓐᓇᐅᑎᖃᕐᓗᓂᓗ. ᑐᓴᐅᒪᑎᑦᑎᔪᓐᓇᕐᓂᖅ ᑎᑎᕋᕈᓐᓇᕐᓂᕐᓗ ᐃᓄᒃᑎᑐᑦ ᐊᒻᒪᑦᑕᐅᖅ ᐱᓇᔪᒃᑐᓄᑦ ᐱᕚᓪᓕᕈᑕᐅᓯᒪᓂᐊᕆᕗᑦ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ, ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ.

ᓄᓇᕗᒻᒥ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐅᑯᐊᖑᕗᑦ, ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᓄᓇᕗᒻᒥ ᐅᖃᐅᓯᖅᑕᖏᓐᓂᒃ ᐊᑕᐅᓯᐅᙱᑦᑐᒥᒃ ᐅᖃᕈᓐᓇᖅᐸᑦ ᐊᑲᐅᑦᑎᐊᕋᔭᖅᑐᖅ.

ᐱᓇᔪᖃᑕᐅᔪᓐᓇᖅᑐᓂᒃ ᓯᕗᓂᒃᓴᒥ ᑎᑎᕋᖅᑕᐅᔪᖃᑐᐃᓐᓇᕆᐊᓕᒃ ᐃᓐᓄᒃᑕᐅᔭᕆᐊᓕᖕᓄᑦ.

 

ᐱᓇᓱᐊᕈᒪᒍᕕᑦ ᑖᔅᓱᒥᖓ ᐃᖅᑲᓇᐃᔮᒃᓴᒥᒃ, ᐃᕐᖐᓐᓈᖅᑕᐅᒃᑯᑦ ᑎᑎᕋᖅᑕᑎᑦ ᐱᔪᒪᔾᔪᑎ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᕐᓄᑦ ᓇᓗᓇᐃᔭᖅᓯᒪᔪᑦ ᓇᒃᓯᐅᑎᓗᒋᑦ ᐅᕗᖓ Igloolik_hr@gov.nu.ca.   ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑕᖓᑕ ᓈᓴᐅᑎᖓ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᑎᑕᐅᓂᐊᖅᑐᑦ.
  • ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖃᑕᐅᓂᐊᕐᓗᑎᒃ ᒪᓕᒃᖢᒍ ᓄᓇᕗᑦ ᐱᓕᕆᐊᖅᑖᖅᑎᑦᑎᓂᕐᒧᑦ ᐃᓱᒪᒋᔭᐅᖃᐅᑕᐅᔭᕆᐊᓕᖕᓄᑦ ᐊᑐᐊᒐᖅ.
  • ᐃᖅᑲᓇᐃᔮᒃᓴᑦ ᐃᓚᖏᑦ ᐱᕝᕕᐅᔭᕆᐊᖃᓲᖑᔪᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓐᓂᖅᐸᑕ ᖃᐅᔨᓴᕈᑎᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᖏᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ.
  • ᐃᖅᑲᓇᐃᔭᕈᓐᓇᑐᐃᓐᓇᕆᐊᓕᖕᓂᑦ ᓯᕗᓂᒃᓴᒧᑦ ᓴᓇᔪᖃᑐᐃᓐᓇᕆᐊᓕᒃ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᑲᔪᒃᑯᑦ, ᐃᕐᙲᓐᓈᖅᑕᐅᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓂᐊᖅᑐᑦ ᖃᐅᔨᑎᑕᐅᓂᐊᖅᐳᑦ.
Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ