ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐅᐊᑦᑎᔨᐅᑉ ᑐᖏᓕᖓ – ᑭᖑᕐᕕᑦᑎ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
Relief Deputy Sheriff
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$32.28/ᐊᕐᕌᒍᑕᒫᑦ, 37.5 ᐃᑲᕐᕋᑦ /ᐱᓇᓱᐊᕈᓯᖅ
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016

ᑖᓐᓇ ᐃᖅᑲᓇᐃᔮᖅ ᐃᑉᐱᒋᓱᑦᑎᐊᕆᐊᖃᕐᓇᖅᑐᖅ ᐱᕋᔭᔅᓯᒪᓐᖏᑲᓗᐊᕐᒪᖔᕐᓗ ᖃᐅᔨᓴᖅᑕᐅᒋᐊᓖᒃ, ᐅᓗᕆᐊᓇᓐᖏᒃᑲᓗᐊᕐᒪᖔᓪᓗ ᖃᐅᔨᓴᖅᑕᐅᒋᐊᖃᕆᓪᓗᓂ

ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᐃᖃᓗᐃᑦᒥ ᓄᓇᖃᖅᑐᓄᑐᐊᖅ

ᐊᖏᔪᖅᑳᖃᕐᓗᓂ ᐅᐊᑦᑎᔩᑦ ᑐᖏᓕᖓᓐᓄ, ᓵᔾᔭᒥᑦ, ᐅᐊᑦᑎᔨ ᑐᖏᓕᖓ ᐅᐊᑦᑎᖃᑦᑕᕐᓗᓂ ᐊᐅᓚᑦᑎᖃᑦᑕᕐᓗᓂᓗ ᐱᔨᑦᑎᕋᕐᓗᓂ ᓄᓇᕗᑦ ᐃᖅᑲᖅᑐᐃᕕᓕᕆᔨᒃᑯᖏᓐᓂ. ᐃᖅᑲᓇᐃᔮᖅᑖᖅᑐᖅ ᒪᓕᒋᐊᖃᕋᔭᕐᒥᔪᖅ ᑎᒃᑯᐊᖅᑕᐅᓗᓂ ᐅᐊᑦᑎᔨᐅᓂᕐᒧᑦ ᑐᖏᓕᖓᓐᓂ ᐊᒻᒪᓗ ᐸᓖᓯᑎᑐᑦ. ᑎᒃᑯᐊᖅᑕᐅᔪᖅ ᓴᓐᖏᓂᖃᕋᔭᖅᑐᖅ, ᐊᐅᓚᑦᑎᖃᑦᑕᕐᓗᓂ ᑲᒪᖃᑦᑕᕐᓗᓂᓗ ᒪᓕᓪᓗᒋᑦ ᒪᓕᒐᐃᑦ ᐊᒻᒪᓗ ᐃᖅᑲᖅᑐᐃᕕᓕᕆᓂᕐᒥᑦ ᐊᑐᖅᑕᐅᕙᑦᑐᑦ ᒪᓕᒐᐃᓪᓗ. ᐊᓪᓚᕕᒻᒥ ᑲᒪᒋᔭᐅᕙᑦᑐᓂᑦ ᐱᔨᑦᑎᕋᖃᑦᑕᕐᓗᓂ, ᓲᕐᓗ ᐊᓪᓚᑦᑎᐅᓂᕐᒥᑦ, ᓈᓚᑦᑏᑦ ᑲᒪᒋᖃᑦᑕᕐᓗᒋᑦ ᖃᖓᑦᑕᐅᑎᓕᕆᖃᑦᑕᕐᓗᓂᓗ ᐱᕋᔭᑦᑐᓕᕆᓂᕐᒧᑦ ᐃᓄᑐᐃᓐᓇᓄᓪᓗ ᐊᑎᓕᐅᕆᐊᓕᓐᓂ ᑲᒪᖃᑦᑕᕐᓗᓂ. ᐃᖅᑲᓇᐃᔮᖅᑖᖅᑐᖅ ᑲᒪᖃᑦᑕᕐᒥᓗᓂ ᐊᐅᓚᑦᑎᓂᕐᒥᑦ, ᐊᓪᓚᕕᓕᕆᓂᕐᒥᑦ ᐊᑐᓕᖅᑎᑦᑎᓂᕐᒥᓪᓗ ᐅᐊᑦᑎᐅᓂᕐᒧᑦ ᓄᓇᕗᒻᒥ ᐃᖅᑲᖅᑐᐃᕕᓕᕆᔨᒃᑯᓐᓂ ᒪᓕᓪᓗᒋᑦ ᒪᓕᒐᕐᔪᐊᑦ, ᐃᖅᑲᖅᑐᐃᕕᓕᕆᓃᑦ ᐊᑐᖅᑕᐅᕙᑦᑐᑦ ᐊᑐᐊᒐᐃᓪᓗ ᐊᒻᒪᓗ ᓄᓇᕗᒻᒥ ᑲᓇᑕᒥᓪᓗ ᐊᑦᑕᓇᖅᑕᐃᓕᒪᓂᕐᒧᑦ ᐅᐊᑦᑎᐅᓂᕐᒧᓪᓗ ᒪᓕᒐᐃᑦ.   

ᐃᖅᑲᓇᐃᔮᖅᑖᕋᓱᐊᖅᑐᑦ ᖁᑦᑎᓐᓂᖅᐹᒻᒥ ᐃᓕᓐᓂᐊᖅᓯᒪᔭᒻᒥᓂ ᐱᔭᕇᖅᓯᒪᓗᑎᑦ ᐊᔾᔨᐸᓗᖓᓐᓂᓪᓘᓐᓃᑦ (GED ᐅᕝᕙᓘᓐᓃᑦ PASS ᐃᓕᓐᓂᐊᓂᕐᒥᑦ) ᖃᑦᑏᓐᓇᐅᓂᖅᐹᒥᑦ ᐊᕐᕌᒍᒥᑦ ᐊᓪᓚᑦᑎᐅᖃᑦᑕᖅᓯᒪᓗᓂ, ᖃᐅᔨᒪᓗᓂᓗ ᐃᖅᑲᖅᑐᐃᕕᒻᒥ ᐊᓪᓚᑦᑎᐅᓂᕐᒥᑦ, ᑮᓇᐅᔭᓕᕆᓂᕐᒥᑦ, ᐊᒻᒪᓗ ᑐᓵᔨᐅᔪᓐᓇᕐᓗᓂ ᐊᒻᒪᓗ ᑐᔅᓯᕋᖅᑐᓂᑦ ᑲᒪᒍᓐᓇᕐᓗᓂ ᒪᓕᓪᓗᒋᑦ ᐃᖅᑲᖅᑐᐃᕕᓕᕆᓂᕐᒥᑦ ᐃᓕᖅᑯᓯᐅᕙᑦᑐᑦ ᐊᑐᐊᒐᐃᓪᓗ. ᐱᔪᓐᓇᕆᐊᖃᕐᒥᔪᖅ ᑮᓇᐅᔭᓕᕆᕐᒥᑦ ᑎᑎᕋᕈᓐᓇᕐᓗᓂ, ᐸᐃᑉᐹᖅᑎᒍᑦ ᖃᕋᐅᓴᔭᒃᑯᓪᓗ. ᑐᔅᓯᕋᖅᑐᖅ ᑎᒥᖓᑎᒍᑦ ᖃᓄᐃᒍᑎᖃᕆᐊᖃᓐᖏᑦᑐᖅ ᑲᒪᒍᓐᓇᑦᑎᐊᕐᓗᓂ ᐊᐅᓐᖏᓕᐅᕈᑎᑕᖃᓕᕐᓂᖅᑲᑦ ᐊᒻᒪᓗ ᐅᐊᑦᑎᒍᓐᓇᕐᓗᓂ ᐃᓄᑐᐃᓐᓇᕐᓂᑦ ᐊᒻᒪᓗ ᐃᖅᑲᖅᑐᐃᕕᐅᑉ ᐃᓗᐊᓂ. ᐃᖅᑲᓇᐃᔮᖅᑖᕋᓱᐊᖅᑐᖅ ᖃᐅᔨᒪᔭᕆᐊᖃᕐᒥᔪᖅ ᖃᕋᓴᐅᔭᓕᕆᓂᕐᒥᑦ ᐊᒻᒪᓗ ᐋᖅᑭᔅᓱᐃᔪᓐᓇᕐᓗᓂ ᐱᓕᕆᐊᖑᔭᕆᐊᓕᓐᓂ ᐃᓱᓕᑦᑕᕐᕕᖏᓐᓂᓪᓗ ᖃᐅᔨᒪᑦᑎᐊᕐᓗᓂ, ᖃᕋᐅᓴᔭᒃᑯᓪᓗ ᑮᓇᐅᔭᓕᕆᔾᔪᓯᓂᑦ ᖃᐅᔨᒪᓗᓂ ᐃᖅᑲᖅᑐᐃᕕᒻᒥᓪᓗ ᑲᒪᒍᓐᓇᕐᓗᓂ. ᐋᓐᓂᖅᑐᓄᑦ ᐃᑲᔪᕈᓐᓇᐅᑎᒥᑦ ᐸᐃᑉᐹᖃᕐᓗᓂ ᐊᒻᒪᓗ CPR/AED ᖁᑦᑎᓐᓂᓕᒻᒥᑦ C−ᒥᑦ ᐸᐃᑉᐹᖃᕐᓗᓂ ᐊᒻᒪᓗ ᓄᓇᕗᒻᒥ ᐊᖁᑦᑐᖅᓯᐅᑎᖃᕐᓗᓂ ᖁᑦᑎᓐᓂᓪᓕᒻᒥᑦ 5 ᐊᖁᑦᑐᖅᓯᐅᑎᖓ ᐊᒻᒪᓗ ᓄᓇᕗᒻᒥ ᖁᑦᑎᓂᓪᓕᒻᒥᑦ 4−ᒥᑦ ᐊᖁᑦᑐᖅᓯᐅᑎᒥᑦ ᑕᖅᑮᑦ ᐱᖓᓲᔪᖅᑐᑦ ᐃᓗᐊᓂ ᐱᓇᓱᒋᐊᖃᖅᑐᓂ ᐃᖅᑲᓇᐃᔮᖅᑖᖅᓯᒪᓕᖅᑎᓪᓗᒍ.

ᐊᑕᐅᓯᐅᖏᑦᑐᒥᑦ ᐅᖃᐅᓯᖃᕈᓐᓇᕐᓗᓂ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐱᖃᕆᐊᖃᖅᑐᖅ. ᖃᐅᔨᒪᑦᑎᐊᕐᓗᓂ ᐃᓄᐃᑦ ᐅᖃᐅᓯᖏᓐᓂ, ᓄᓇᓕᓐᓂᑦ, ᐱᖅᑯᓯᖏᓐᓂ, ᓄᓇᖓᓐᓂ ᐃᓄᐃᓗ ᖃᐅᔨᒪᔭᑐᖃᖏᓐᓂ ᐱᑕᖃᕆᐊᖃᓪᓚᕆᑦᑐᖅ.

ᐊᔾᔨᐸᓗᖏᓐᓂ ᐊᖏᖅᑕᐅᓯᒪᔪᓂᑦ ᑲᑎᖅᓱᖅᓯᒪᔪᓂᑦ ᐃᓕᓐᓂᐊᖅᓯᒪᒍᓐᓇᕐᒥᔪᖅ, ᖃᐅᔨᒪᓂᖃᕐᓗᓂ, ᐱᓕᒻᒪᔅᓯᒪᓗᓂ ᐊᒻᒪᓗ ᑲᒪᒍᓐᓇᕐᓗᓂ ᐃᓕᓐᓂᐊᖅᓯᒪᓗᓂᓗ ᐊᑐᖅᓯᒪᓗᓂᒋᓪᓗ ᑕᒪᒃᑯᐊ ᐃᓱᒪᖅᓴᖅᓯᐅᕈᑕᐅᒐᔭᕐᒥᔪᑦ.

ᐃᒻᒥᒃᑰᖅᑐᖅ ᐃᓱᒪᒋᔭᐅᔪᒪᓐᓂᖅᑲᑦ ᑭᖑᕐᕖᖃᑦᑕᕐᓗᓂ ᐃᖅᑲᓇᐃᔭᕐᓗᓂ ᐊᑎᓕᐅᖅᓯᒪᒋᐊᖃᕐᒥᔪᖅ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐃᖅᑲᓇᐃᔮᕆᓯᒪᔭᖏᓪᓗ ᑎᑎᕋᖅᓯᒪᔪᑦ ᑐᓂᓗᒋᑦ ᐊᒻᒪᓗ ᐃᖅᑲᖅᑐᖅᑕᐅᓯᒪᓐᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᓗᓂᓗ ᐃᖅᑲᓇᐃᔭᑲᐃᓐᓇᖃᑦᑕᕐᓂᐊᕐᓗᓂ ᐃᖅᑲᓇᐃᔭᖅᑎᖃᐅᖃᑦᑕᕐᓗᓂ ᑕᐃᑲᓂ ᐊᓪᓚᕕᖓᓐᓂ ᐃᓪᓗᐊᓘᑉ 935, ᓴᐳᑎᑦ, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑎᑎᕋᕐᓗᓂ ᐅᕗᖓ casualsiqaluit@gov.nu.ca.

 

 

ᑐᑭᓯᒋᐊᕐᕕᔅᓴᑦ: ᑮᓇᐅᔭᓕᕆᔨᒃᑯᑦ, ᓄᓇᕗᑦ ᒐᕙᒪᒃᑯᖏᑦ
ᑎᑎᖅᑲᓂᐊᕐᕕᖓᑦᑕ ᓈᓴᐅᑎᖓ 1000, ᓇᓗᓇᐃᒃᑯᑕᖓ 430,
ᐃᖃᓗᐃᑦ, ᓄᓇᕗᑦ X0A 0H0
ᐅᖄᓛᐅᑦ:(867) 975-6222  
ᐊᑭᖃᓐᖏᑦᑐᖅ:1-888-668-9993
ᓱᒃᑲᔪᒃᑯᑦ:   (867) 975-6220
ᖃᕋᓴᐅᔭᒃᑯᑦ: casualsiqaluit@gov.nu.ca

 

Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ