ᐅᖃᓚᐅᑎᓯᐅᑏᑦ

You are here

ᑐᓴᐅᒪᔾᔪᑎᓕᕆᔨᒻᒪᕆᒃ (ᑲᓲᒪᔾᔪᑏᑦ)

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
14-506166
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$99,743.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 23, 2020 - 11:59am

ᐅᓇ ᐃᖅᑲᓇᐃᔮᖅ ᓱᓕᔪᕐᓇᖅᑑᒋᐊᓕᒃ ᐊᓂᒍᐃᒋᐊᖃᖅᓱᓂ ᐱᕋᔭᑦᓯᒪᒻᒪᖔᖅ ᖃᐅᔨᓴᕈᑎᓂᒃ.

ᐅᓇ ᐃᖅᑲᓇᐃᔮᖅ ᒪᑐᐃᖓᔪᖅ ᑭᓇᒃᑯᓕᒫᓄᑦ ᐃᖅᑲᓇᐃᔮᖅᑖᕋᓱᐊᖅᑐᓄᑦ.

ᐊᖓᔪᖅᑳᖃᕐᓗᓂ ᐊᖓᔪᖅᑳᒥᒃ, ᑐᓴᐅᒪᔾᔪᑎᓕᕆᔨᓂ, ᑐᓴᐅᒪᔾᔪᑎᓕᕆᔨᒻᒪᕆᒃ (ᑲᓲᒪᔾᔪᑎᓂ) ᓯᕗᓕᖅᑐᖅ ᐱᓕᕆᖃᑎᒌᑦᑐᓄᑦ ᐊᐅᓚᑦᓯᓲᖑᑦᓱᓂ, ᖃᐅᔨᒪᔪᒻᒪᕆᒋᔭᐅᑦᓱᓂ ᐅᐊᔭᒨᖅᑐᓄᑦ, ᐃᖅᑲᓇᐃᔭᖅᑎᓂᓪᓗ ᑲᒪᑦᓱᓂ ᐃᓗᐊᓂ ᑐᓴᐅᒪᖃᑦᑕᐅᑎᓕᕆᔩᑦ. ᐱᖃᓯᐅᑎᑦᓱᓂ ᑲᒪᒋᒋᐊᓖᑦ ᒪᑯᐊ ᑳᑦᑐᓛᑦᑎᑦᓯᓃᑦ, ᐃᑲᕐᕋᑦᓴᓕᐅᕆᓂᖅ ᐃᑲᕐᕋᐃᑦ ᓯᓚᑖᒍᑦ ᐊᒻᒪᓗ ᖃᐅᔨᒪᔭᕆᐊᓕᓐᓄᑦ ᑐᑭᓯᒋᐊᕐᕕᐅᔨᐅᓗᓂ. ᑐᓴᐅᒪᔾᔪᑎᓕᕆᔨᒻᒪᕆᒃ (ᑲᓲᒪᔾᔪᑎᓄᑦ) ᐃᖅᑲᓇᐃᔭᖃᑎᖃᑦᓯᐊᕐᓂᐊᕐᒥᔪᖅ ᐊᖓᔪᖅᑳᒥᒃ, ᑲᓲᒪᓂᕐᒧᑦ ᐊᐅᓚᓂᐅᔪᓂ ᑎᑎᕋᖅᐸᓪᓕᐊᓗᓂ ᐃᓱᒪᓕᐅᕆᓗᓂᓗ ᐃᖅᑲᓇᐃᔮᖑᔪᓂᒃ ᕿᒥᕐᕈᓂᐅᔪᓅᖓᔪᓂᒃ, ᑐᑭᓯᐅᒪᔭᕆᐊᓕᓐᓄᑦ ᑐᑭᒧᐊᑦᑎᑦᓯᓗᓂ ᐊᒻᒪᓗ ᐃᓕᓐᓂᐊᕐᓂᐅᑦᓴᐅᔪᓂᒃ ᐋᖅᑭᑦᓱᐃᓗᓂ, ᐊᐅᓚᓂᐅᔪᓂᒃ ᕿᒥᕐᕈᓂᐅᔪᓂᒃ ᐊᓯᖏᓐᓂᓪᓗ ᑲᒪᒋᒋᐊᓕᓐᓂᒃ ᐊᑦᑐᐊᔪᓂᒃ ᑲᓲᒪᔾᔪᑎᓄᑦ ᐱᓕᕆᖃᑎᒌᑦᑐᓄᓪᓗ. ᑖᓐᓇ ᐃᖅᑲᓇᐃᔮᖅ ᖃᐅᔨᓴᕐᓂᖅᑕᖃᕆᐊᓕᒃ ᕿᒥᕐᕈᓂᐅᔪᓪᓗ ᐃᓗᓕᖅᑐᔪᓂᒃ ᑐᓴᐅᒪᖃᑦᑕᐅᑎᔾᔪᑎᓅᖓᔪᓂᒃ ᐃᓱᒫᓘᑕᐅᔪᓂᒃ ᐋᖅᑭᒋᓐᓇᐅᖏᑦᑐᓂᑦᒃ ᐊᑑᑎᓗᓂ ᑕᕝᕙᐅᔪᓂᒃ ᐊᐅᓚᓂᐅᓲᓂᒃ ᐱᐅᓯᐅᔪᓂᓪᓗ. ᐱᓗᐊᖅᑐᒥᒃ ᐃᓱᒪᑦᓴᖅᓯᐅᕈᑎᖃᓕᕈᓂ ᓴᖅᑭᐸᓪᓕᐊᔪᓂᒃ ᑐᑭᓯᒪᔭᕆᐊᓕᓐᓂᒃ ᐃᓚᒍᑦᓯᐅᑎᒋᐊᓕᓐᓂᒃ ᐃᓗᓕᖅᑐᔪᒧᑦ ᑕᕝᕙᐅᔪᒧᑦ ᐊᕙᑎᐅᔪᒧᑦ.

ᖃᐅᔨᒪᓃᑦ, ᐱᔪᓐᓇᕐᓂᐅᔪᓪᓗ ᑕᕝᕗᖓ ᐃᖅᑲᓇᐃᔮᕐᒧᑦ ᐱᔭᐅᒐᔪᓲᑦ ᐃᓕᑕᕆᔭᐅᔾᔪᑎᑖᕐᓂᒃᑯᑦ ᐊᑕᐅᓯᐅᒐᓗᐊᖅᐸᑦ ᑐᓴᐅᒪᔾᔪᑎᓕᕆᓂᕐᒨᖓᔪᖅ ᐃᓗᓕᖅᑐᔪᒥᓪᓗ ᖃᐅᔨᒪᓂᖃᕐᓗᓂ ᑐᓴᐅᒪᖃᑦᑕᐅᑎᔾᔪᑎᓅᖓᔪᓂᒃ ᐊᒻᒪᓗ ᐊᕐᕌᒍᓂᒃ ᓯᑕᒪᐅᔪᙱᒐᖅᑐᓂᒃ (7) ᐊᑦᑐᐊᔪᓂᒃ ᐱᓕᒻᒪᑦᓯᒪᓂᖃᕐᓗᓂ ᐊᖏᔪᐊᓗᒻᒥ ᐃᓗᓕᖅᑐᔪᓂᓗ ᐊᕙᑎᒥᐅᔪᒥᒃ ᐱᖃᓯᐅᑎᑦᓱᓂ ᖃᐅᔨᓴᕐᓂᖅ ᐊᖓᔪᖅᑳᕆᔭᐅᒧᓂᖅ ᐊᒻᒪᓗ/ᐅᕝᕙᓗ ᐱᓕᕆᖃᑎᒌᑦᑐᓄᑦ ᓯᕗᓕᖃᑦᑕᖅᓯᒪᓂᖅ. ᐱᓕᒻᒪᑦᓯᒪᓂᖅ ᐊᐅᓚᓂᕐᒨᖓᔪᓄᑦ ᑳᑦᑐᓛᒥᓪᓗ ᐊᐅᓚᑦᓯᓂᕐᒧᑦ ᐃᓗᐊᓂ IM/IT ᐊᕙᑎᖓᑕ ᐊᑑᑎᓕᒃ. ᖃᖓᑦᑕᖅᑎᑕᐅᓯᒪᔪᒃᑯᑦ ᑐᓴᐅᒪᖃᑦᑕᐅᑎᒍᓐᓇᕐᓂᖅ ᐊᑑᑎᓕᒃ.

ᐃᓕᑕᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᒃᑎᑐᑦ (ᐃᓄᐃᓐᓇᖅᑐᑦ), ᖃᓪᓗᓈᑎᑐᑦ ᐊᒻᒪᓗ ᐅᐃᕕᑎᑐᑦ. ᐅᖃᕈᓐᓇᕐᓂᖅ ᐊᑕᐅᓯᐅᙱᑦᑐᒥᒃ ᐅᖃᐅᓯᕐᒥᒃ ᐃᓕᑕᕆᔭᐅᓯᒪᔪᒥᒃ ᓄᓇᕗᒻᒥ ᐊᑑᑎᓕᒃ. ᖃᐅᔨᒪᓂᖅ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖏᓐᓂᒃ, ᐱᖅᑯᓯᕐᒥᒃ, ᓄᓇᒥᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑑᑎᓕᒃ.

ᐊᔾᔨᒐᓚᖏᑦ ᐃᓗᓕᖃᖅᑐᑦ ᓈᒻᒪᒋᔭᐅᔪᓂᒃ ᑲᑎᓯᒪᔪᓂᒃ ᐃᓕᓐᓂᐊᖅᓯᒪᓂᕐᒥᒃ ᐱᓕᒻᒪᑦᓯᒪᓂᕐᒥᓪᓗ ᐃᓱᒪᒋᔭᐅᑐᐃᓐᓇᕆᐊᓖᑦ.  

ᐱᔪᓐᓇᖅᑐᑦ ᑎᑎᕋᖅᑕᐅᑐᐃᓐᓇᕆᐊᓖᑦ ᐃᓐᓄᒋᐊᓕᑦᑕᖃᓕᖅᐸᑦ ᓯᕗᓂᕐᒥ ᐃᓐᓄᐃᒍᓐᓇᖁᓪᓗᒋᑦ.

 

ᑖᑦᓱᒥᖓ ᐃᖅᑲᓇᐃᔮᖅᑖᕋᓱᐊᕈᒪᒍᕕᑦ, ᑎᑎᖅᑲᑎᑦ ᐊᐅᑎᙳᐊᑕᖅᓯᓐᓇᒃᑭᑦ ᐃᖅᑲᓇᐃᔮᖅᑖᕋᓱᐊᕈᑎᑎᓪᓗ ᐅᕗᖓ GNHR@gov.nu.ca. ᐃᓚᒍᑦᑎᓯᐅᑎᙳᐊᑕᖅᓯᓐᓇᕈᒃ ᑐᑭᓯᒋᐊᕈᑎᐅᑉ #-ᖓ ᖃᕆᑕᐅᔭᒃᑯᑦ ᑎᑎᕋᖅᑕᓐᓂ.  

  • ᒐᕙᒪᒃᑯᖏᑦ ᓄᓇᕗᑦ ᑐᓂᒪᓂᖃᖅᑐᑦ ᓴᖅᑮᓂᕐᒧᑦ ᐊᒥᓲᓂᖅᓴᓂᒃ ᐃᖅᑲᓇᐃᔭᖅᖃᕈᒪᓪᓗᑎᒃ ᑐᑭᓯᒪᒃᑲᓐᓂᖁᓪᓗᒋ ᑭᙴᒪᒋᔭᐅᔪᓂᒃ ᓄᓇᕗᒻᒥᐅᓄᑦ ᐱᔨᑦᓯᑦᓯᐊᑲᓐᓂᖁᓪᓗᒋᑦ. ᓯᕗᓪᓕᐅᑎᔭᐅᓂᐊᖅᑐᑦ ᐃᓄᐃᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓇᓗᓇᐃᔭᐃᑦᓯᐊᕆᐊᓖᑦ ᐱᒐᓱᐊᕈᓐᓇᕐᓂᕐᒥᓂᒃ ᓯᕗᓕᐅᑎᔭᐅᓂᐊᕈᑎᒃ ᐊᑖᓂ ᓄᓇᕗᒻᒥ ᐃᖅᑲᓇᐃᔮᖅᑖᕋᓱᐊᖅᑐᓄᑦ ᐊᑐᐊᒐᐅᑉ.
  • ᐃᖅᑲᓇᐃᔮᑦ ᐃᓚᖏᑦ ᓈᒻᒪᓈᖅᓯᒪᔪᒥᒃ ᐱᕋᔭᑦᓯᒪᐅᑎᖃᙱᒃᑲᓗᐊᕐᒪᖔᑕ ᖃᐅᔨᓴᖅᑕᐅᓂᖃᕆᐊᓖᑦ. ᐱᕋᔭᑦᓯᒪᐅᑎᓂᒃ ᑎᑎᖅᑲᖁᑎᖃᕈᕕᑦ ᐃᓱᒪᑦᓴᐅᓯᖅᐅᕈᑕᐅᒍᓐᓃᕈᑎᒋᔾᔮᖏᑕᐃᑦ.  
  • ᑎᑎᕋᖅᑕᐅᓯᒪᔪᖃᑐᐃᓐᓇᕆᐊᓕᒃ ᐃᖅᑲᓇᐃᔮᑦᓴᓂᒃ ᐃᓐᓄᐃᑐᐃᓐᓇᕆᐊᓕᓐᓅᖓᔪᓂᒃ.
  • ᐃᖅᑲᓇᐃᔮᒥᒃ ᓇᓗᓇᐃᔭᐃᔾᔪᑏᑦ ᐱᔭᑦᓴᐅᔪᑦ ᓱᑲᑦᑐᒃᑯᑦ, ᖃᕆᑕᐅᔭᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ.
  • ᐊᐱᖅᓱᖅᑕᐅᒍᒪᔪᑦ ᑭᓯᐊᓂ ᖃᓄᐃᓕᔭᐅᒋᐊᕋᔭᖅᑐᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ