ᐅᖃᓚᐅᑎᓯᐅᑏᑦ

You are here

ᑐᑭᒧᐊᖅᑎᑦᑎᔨ, ᓄᓇᕗᒻᒥ ᐃᒥᐊᓗᓐᓂᑦ ᐊᒻᒪ ᓱᕐᕋᓇᖅᑐᓂᑦ ᑲᒪᔩᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
03-506225
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᑖᓐᓇ ᐃᖅᑲᓇᐃᔮᔅᓴᖅ ᑭᓪᓕᖃᖅᑎᑕᐅᔪᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑐᐊᖅ.
ᑮᓇᐅᔾᔭᒃᓴᓇᔭᖅᑐᖅ: 
$111,566 - $159,380
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 23, 2020 - 11:59pm

ᑖᓐᓇ ᐃᖅᑲᓇᐃᔮᔅᓴᖅ ᐅᑉᐱᕆᔭᐅᔭᕆᐊᓕᒻᒦᑦᑐᑦ ᐊᒻᒪ ᓈᒻᒪᒋᔭᐅᔪᓂᑦ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᒪᓕᑦᑐᒍ ᑐᑭᒧᐊ ᕈᑦ 518, ᑖᓐᓇ ᐃᖅᑲᓇᐃᔮᔅᓴᖅ ᑭᓪᓕᖃᖅᑎᑕᐅᔪᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑐᐊᖅ.

ᓄᓇᕗᑦ ᒐᕙᒪᒃᑯᑦ (GN) ᕿᓂᖅᑐᑦ ᑲᒪᒋᔭᖃᑦᑎᐊᖅᑐᒥ, ᐱᔪᓐᓇᖅᑐᒥᑦ ᐊᒻᒪ ᑲᔪᖏᖅᓯᒪᔪᒥᑦ ᑐᑭᒧᐊᖅᑎᑦᑎᓗᓂ ᓄᓇᕗᒻᒥ ᐃᒥᐊᓗᓐᓂᑦ ᐊᒻᒪ ᓱᕐᕋᓇᖅᑐᓂᑦ ᑲᒪᔩᑦ (NULC) ᑐᑭᒧᐊᖅᑎᑦᑎᔨᒋᔭᐅᓗᓂ.

ᐃᖃᓗᓐᓃᑦᑐᖅ, ᐊᒻᒪ ᐊᖏᔪᖅᑳᖃᖅᑐᓂ ᑮᓇᐅᔭᓕᕆᔨᒃᑯᑦ ᐃᑲᔪᖅᑎᖓ ᑐᖏᓕᖓᓄᑦ ᒥᓂᔅᑕ, ᑐᑭᒧᐊᖅᑎᑦᑎᔨ ᐱᓕᕆᐊᖃᕆᐊᖃᖅᑐᖅ ᑲᒪᒋᔭᖃᕐᓗᓂ, ᐱᕙᓪᓕᐊᑎᑦᑎᓗᓂ, ᑮᓇᐅᔭᓕᐅᕈᓐᓇᓂᕐᒥᑦ ᐊᒻᒪ ᑲᒪᒋᔭᖃᑦᑎᐊᓂᕐᒥᑦ ᐊᐅᓚᑦᑎᓂᕐᒥᑦ ᓄᓇᕗᒻᒥ ᐃᒥᐊᓗᓐᓂᑦ ᐊᒻᒪ ᓱᕐᕋᓇᖅᑐᓂᑦ ᑲᒪᔩᑦ, ᓄᓇᕗᒻᒥ ᓂᐅᕕᐊᔅᓴᖃᖅᑎᑦᑎᔨᖓ ᐊᒻᒪ ᑐᓂᔭᐅᓂᖏᓐᓄᑦ ᐃᒥᐊᓗᐃᑦ ᐊᒻᒪ ᓱᕐᕋᓇᖅᑐᑦ.

ᓯᕗᓕᖅᑎᒋᔭᐅᓪᓗᓂ ᓄᓇᕗᒻᒥ ᐃᒥᐊᓗᓐᓂᑦ ᐊᒻᒪ ᓱᕐᕋᓇᖅᑐᓂᑦ ᑲᒪᔨᓄᑦ ᑐᑭᒧᐊᖅᑎᑎᔨ ᑲᒪᒋᔭᖏᑦ ᐃᓄᓐᓄᑦ ᐊᐅᓚᑕᐅᔪᑦ ᑎᑭᑎᑦᑎᔪᑦ ᐊᒻᒪ ᓂᐅᕕᔅᓴᖃᖅᑐᑎᑦ ᐊᓯᔾᔨᐸᓪᓕᐊᔪᓂᑦ ᓂᐅᕕᐊᔅᓴᓂᑦ ᓄᓇᕗᒻᒥᐅᓄᑦ. ᓄᓇᕗᒻᒥ ᐃᒥᐊᓗᓐᓂᑦ ᐊᒻᒪ ᓱᕐᕋᓇᖅᑐᓂᑦ ᑲᒪᔩᑦ ᐊᐅᓚᓂᖃᖅᑐᑦ ᓂᐅᕕᔅᓴᖃᖅᑐᑎᑦ ᓚᐃᓴᓐᓯᖃᖅᑐᓄᑦ ᐱᓕᕆᕕᓐᓄᑦ (ᓂᕆᔭᑐᕐᕖᑦ, ᑐᔪᕐᒥᕖᑦ, ᐃᒥᕋᓚᕝᕖᑦ, ᐊᓯᖏᓪᓗ) ᐊᒻᒪ ᓂᐅᕕᐊᔅᓴᖃᖅᑎᐅᓪᓗᑎ ᓂᐅᕕᕐᕕᑎᒍ ᓂᐅᕕᐊᔅᓴᓂᑦ ᐊᒻᒪ ᑕᕝᕗᖓᑦᑕᐅᑎᒋᑦ ᓂᐅᕕᖅᑐᒧᑦ ᑐᓂᔭᐅᔪᑦ. ᓄᓇᕗᒻᒥ ᐃᒥᐊᓗᓐᓂᑦ ᐊᒻᒪ ᓱᕐᕋᓇᖅᑐᓂᑦ ᑲᒪᔩᑦ ᐱᕈᐃᕙᓪᓕᐊᔪᑦ ᖃᓄᐃᓘᖃᑦᑕᕐᓂᖏᓐᓄᑦ ᑲᒪᒋᔭᖃᑦᑎᐊᖅᑐᑎᑦ, ᐊᑭᑦᑐᕋᐅᑎᖃᑕᐅᔪᓂᑦ, ᐊᒻᒪ ᓂᐅᕕᖃᑦᑕᖅᑐᓄᑦ ᐱᓕᕆᐊᖃᓗᐊᖅᑐᓂᑦ ᐱᔨᑦᑎᖅᑕᓂᑦ ᑲᑐᔾᔨᖃᑎᒌᖑᔪᑦᖅ. ᑐᑭᒧᐊᖅᑎᑦᑎᔨ ᐃᓚᒋᓪᓗᐊᑕᕆᔭᖓ ᑖᓐᓇ ᑐᕌᒐᖅ ᑎᑭᓪᓗᒍ.

ᓯᕗᓕᖅᑎᐅᓯᒪᓗᓂ, ᑐᑭᒧᐊᖅᑎᑦᑎᔨ ᐱᓕᕆᖃᑦᑕᖅᑐᖅ ᐊᐅᓚᓂᖏᓐᓄᑦ ᐃᓱᒫᓘᑕᐅᔪᑦ (ᓂᐅᕕᔅᓴᖅ ᓂᕈᙱᐊᕋᔅᓴᖅ ᐊᒻᒪ ᐊᑭᖓ ᐋᖅᑭᑦᑕᐅᓂᖓ, ᑭᓱᒐᓚᒃᑯᕕᓕᕆᓂᖅ ᐊᒻᒪ ᐱᖁᑎᓂᑦ ᐊᐅᓚᑦᑎᓂᕐᒧᑦ, ᓂᐅᕕᐊᔅᓴᐃᑦ ᐃᕙᓪᓕᐊᓂᖏᑦ, ᑐᓴᖅᑎᑦᑎᓂᕐᒧᑦ ᐊᒻᒪ ᖃᐅᔨᒪᔭᐅᓂᖏᓐᓄᑦ, ᐊᑐᖅᑐᔅᓴᓕᐅᕐᓂᖅ ᐊᒻᒪ ᐊᑭᑐᔪᓄᑦ ᐸᕐᓇᐃᓂᖅ, IT / e-commerce, ᐃᖅᑲᓇᐃᔭᖅᑐᓕᕆᓂᖅ, ᐊᓯᖏᓪᓗ). ᑐᑭᒧᐊᖅᑎᑦᑎᔨ ᑐᓂᓯᒻᒥᔪᖅ ᐊᑐᖃᑦᑕᖅᓯᒪᔭᖏᓐᓂ ᐊᒻᒪ ᐊᔪᖏᓐᓂᖏᓐᓂ ᐃᑲᔪᕐᓗᒋᑦ ᓄᓇᕗᑦ ᒐᕙᒪᒃᑯᑦ ᐱᓕᕆᐊᖃᕐᓗᑎᑦ ᓯᐊᒻᒪᖅᓯᒪᓂᖅᓴᒥ ᓄᓇᕗᒻᒧᑦ ᐃᓱᒫᓘᑕᐅᔪᑦ ᐊᑦᑐᓂᓖᑦ ᐃᒥᐊᓗᓐᓄᑦ ᐊᒻᒪ ᓱᕐᕋᓇᖅᑐᓄᑦ, ᐊᒻᒪ ᑕᕝᕙᓂ ᐱᔪᓐᓇᕐᓂᐅᔪᒥᑦ ᑐᓂᓯᖃᑦᑕᖅᑐᖅ ᐊᑐᐊᒐᒥ ᐱᕙᓪᓕᐊᑎᑕᐅᓂᖓ, ᒥᓂᔅᑕᒧᑦ ᓇ;ᓇᐃᔭᐃᖃᑦᑕᕐᓂᖅ, ᖃᐅᔨᓴᕐᓂᖅ ᐊᒻᒪ ᖃᐅᔨᓴᐃᓂᕐᒥᑦ, ᐊᒻᒪ ᐃᓄᓐᓂᖅ ᑐᓴᖅᑎᑦᑎᓂᕐᒥᑦ.

NULC ᑲᒪᒋᔭᕆᐊᖃᖅᑕᖏᓐᓂᑦ ᑲᒪᒋᔭᖃᑦᑎᐊᖅᑐᓂ ᓂᐅᕕᐊᔅᓴᖃᖅᑎ ᐃᒥᐊᓗᓐᓂᑦ ᐊᒻᒪ ᓱᕐᕋᓇᖅᑐᓂᑦ ᐱᒻᒪᕆᐅᓪᓗᒍ. ᑕᐃᒪᐃᓐᓂᖓᓄᑦ, ᑐᑭᒧᐊᖅᑎᑦᑎᔨ ᐃᑲᔪᖅᑐᖅ ᐊᑦᑕᓇᖏᑎᑦᑎᓂᖅᓴᒥᑦ ᐱᓇᓱᐊᖅᑕᐅᔪᓂᑦ ᓂᐅᕕᐊᔅᓴᐃᑦ ᑐᑭᓯᒋᐊᕈᑎᓂᑦ ᓴᖅᑭᔮᖅᑎᑕᐅᔪᓂᑦ ᐊᒻᒪ ᐊᓯᖏᑦ ᓴᖅᑭᔮᖅᑎᑦᑎᒍᑏᑦ ᐱᓕᕆᐊᑦ ᑲᒪᔩᑦ ᐱᔨᑦᑎᖅᑐᑦ (ᓲᕐᓗ, ᐱᓕᕆᐊᑦ ᐊᑦᑎᓪᓕᒋᐊᖅᑕᐅᓂᖏᓐᓄᑦ ᐊᖁᖃᑦᑕᖅᑐᑦ ᐃᒥᐊᓗᔅᓯᒪᔪᑦ).

ᐊᑕᖏᓕᒫᖅᑐᒍ, ᑐᑭᒧᐊᖅᑎᑦᑎᔨ ᓯᕗᓕᖅᑎᐅᔪᖅ ᐃᖅᑲᓇᐃᔭᖅᑎᓄᑦ ᖃᓂᒋᔭᐸᓗᖏᓐᓂ 30 NULC ᐃᖅᑲᓇᐃᔭᖅᑎᓂᑦ ᑲᖏᕐᖠᓂᕐᒥ ᐊᒻᒪ ᐃᖃᓗᐃᑦ. ᑐᑭᒧᐊᖅᑎᑦᑎᔨ ᐃᖅᑲᓇᐃᔭᖃᑎᖃᑦᑎᐊᖅᑐᖅ ᑮᓇᐅᔭᓕᕆᔨᒃᑯᓐᓂᑦ ᐊᒻᒪ ᐊᓯᖏᓐᓂᑦ ᓄᓇᕗᑦ ᒐᕙᒪᒃᑯᑦ ᑭᒡᒐᑐᖅᑐᓂ ᐊᒻᒪᓗᑦᑕᐅᖅ ᐱᓕᕆᖃᑎᒋᔭᖏᓐᓂ ᐊᓯᖏᓐᓂᑦ ᒐᕙᒪᖃᕐᕕᐅᔪᓂᑦ ᐊᒻᒪ ᓇᒻᒥᓂᖃᖅᑐᓂᑦ.

ᐃᖅᑲᓇᐃᔮᖅᑖᖁᒥᓇᖅᑐᖅ ᐱᓯᒪᑦᑎᓂᐊᖅᑐᖅ ᐃᓕᓴᕆᔭᐅᓯᒪᔪᒥᑦ ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᖅ ᓇᒻᒥᓂᕆᔭᐅᔪᓂᑦ ᐊᐅᓚᑦᑎᓂᕐᒥᑦ, ᐃᓄᓐᓂᑦ ᐊᐅᓚᑦᑎᓂᕐᒥᑦ, ᐅᕝᕙᓘᓐᓃᑦ ᐃᖅᑲᓇᐃᔮᒧᑦ ᐊᑦᑐᐊᓂᓖᑦ, ᐊᒻᒪᓗᑦᑕᐅᖅ ᐱᖓᓲᔪᖅᑐᓂᑦ [6] ᐊᕐᕌᒍᓂ ᐊᐅᓚᑦᑎᓂᕐᒧᑦ ᐃᖅᑲᓇᐃᔭᖃᑦᑕᖅᓯᒪᓗᓂ, ᐱᖃᓯᐅᑎᓪᓗᑎ ᐱᖓᓱᑦ (3) ᐊᕐᕌᒍᐃᑦ ᐊᖏᔪᖅᑲᐅᑎᓂᑦ ᐃᖅᑲᓇᐃᔭᖅᑎᐅᓯᒪᓗᓂ ᐊᑦᑐᐊᓂᓕᓐᓄᑦ ᐃᓄᓐᓄᑦ ᐊᒻᒪ/ᐅᕝᕙᓘᓐᓃᑦ ᓂᐅᕕᐊᔅᓴᖃᓂᕐᒧᑦ.

ᖃᐅᔨᒪᓂᖃᕐᓗᓂ e-commerce ᐊᒻᒪ ᐊᓯᖏᑦ ᐅᓪᓗᒥᒨᖓᔪᑦ ᓂᐅᕕᐊᔅᓴᓄᑦ ᐊᑐᖅᑕᐅᕙᑦᑐᑦ, ᐱᕙᓪᓕᐊᓂᖏᑦ, ᐊᒻᒪ ᐊᑐᖅᑕᐅᔭᕆᐊᓖᑦ ᐃᓱᒪᒋᔭᐅᓂᐊᖅᑐᑦ ᐱᑕᖃᕆᖃᓪᓚᕆᓪᓗᑎ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᑦᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᐅᖃᕈᓐᓇᕐᓗᓂ ᐊᑕᐅᓯᐅᓗᐊᖅᑐᓂᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᐱᑕᖃᕆᐊᖃᖅᑎᑕᐅᔪᖅ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᓐᓂᑦ, ᐱᖅᑯᓯᖏᓐᓂ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐱᑕᖃᕆᐊᖃᖅᑎᑕᐅᔪᑦ

ᐊᔾᔨᐸᓗᖏᓐᓂᑦ ᐱᓯᒪᑦᑎᔪᑦ ᓈᒻᒪᒋᔭᐅᔪᓂᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᐊᔪᖏᓐᓂᖓ ᐊᒻᒪ ᐱᔪᓐᓇᕐᓂᖏᑦ ᐃᓱᒪᒋᔭᐅᓂᐊᖅᑐᑦ.

ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᓯᒪᔪᑦ ᓴᖅᑭᖅᑎᑕᐅᔪᓐᓇᖅᑐᑦ ᐃᓐᓄᐃᓗᑎᑦ ᓯᕗᓂᔅᓴᒥᑦ ᐃᓐᓄᑦᑕᐅᓯᒪᖏᑦᑐᓂᑦ.

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᖃᕋᓴᐅᔭᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ GNHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ