ᐅᖃᓚᐅᑎᓯᐅᑏᑦ

You are here

ᑐᑭᒧᐊᖅᑎᑦᑎᔨ, ᑯᐊᐳᕇᓴᒧᑦ ᐱᔨᑦᑎᖅᑕᓂᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
03-505997
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$114,358 ᑎᑭᑦᑐᒍ $163,368 ᐊᑕᐅᓯᕐᒧᑦ ᐊᕐᕌᒍᒧᑦ
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᓄᕕᐱᕆ 6, 2020 - 11:59pm

ᑖᓐᓇ ᐊᑦᑐᖅᑕᐅᓴᖃᐃᑦᑐᒥᒦᑦᑐᖅ ᐃᖅᑲᓇᐃᔮᔅᓴᖅ ᐊᒻᒪ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᑖᓐᓇ ᐃᖅᑲᓇᐃᔮᔅᓴᖅ ᑭᒃᑯᓕᒫᓄᑦ ᒪᑐᐃᖓᔪᖅ

ᑮᓇᐅᔭᓕᕆᔨᒃᑯᑦ ᐃᑲᔪᖃᖅᑐᑦ ᑐᑭᒧᐊᖅᑎᑎᓪᓗᑎ ᓄᓇᕗᑦ ᒐᕙᒪᒃᑯᓐᓂᑦ (GN) ᐊᐅᓚᓂᖏᓐᓄᑦ ᑮᓇᐅᔭᓕᕆᓂᕐᒥᑦ ᐊᒻᒪ ᑮᓇᐅᔭᓕᕆᓂᕐᒧᑦ ᖃᐅᔨᓴᓂᕐᒥᑦ ᐊᒻᒪ ᐅᖃᐅᔾᔨᒋᐊᓂᕐᒥᑦ, ᐱᑕᖃᖅᑎᑎᓪᓗᑎ ᕿᑎᐊᓃᑦᑐᓂᑦ ᐊᒻᒪ ᐱᔨᑦᑎᖅᑕᓄᑦ−ᑐᕌᖓᔪᓄᑦ ᐊᐅᓚᓂᖏᓐᓄᑦ, ᐊᒻᒪ ᓴᑭᔫᑎᑦᑐᒍ ᑐᓐᖓᕕᐅᔪᓐᓇᕐᓂᖓ.

ᑯᐊᐳᕇᓴᒧᑦ ᐱᔨᑦᑎᖅᑕᓂᑦ ᐱᓕᕆᕕᖓ ᐃᑲᔪᖅᑐᐃᔪᑦ ᐊᐅᓚᓂᖃᑦᑎᐊᖅᑐᒥ ᖃᐅᑕᒫᑦ ᐊᐅᓚᓂᖏᓐᓄᑦ ᓯᐊᒻᒪᖅᓯᒪᓂᖅᓴᒧᑦ ᑮᓇᐅᔭᓕᕆᔨᒃᑯᓐᓄᑦ ᐱᑕᖃᖅᑎᑎᓪᓗᓂ ᐊᔾᔨᒌᖏᑦᑐᓂᑦ ᑮᓇᐅᔭᓕᕆᓂᕐᒧᑦ, ᐃᖅᑲᓇᐃᔭᖅᑐᓕᕆᓂᖅ ᐊᒻᒪ ᐊᐅᓚᓂᖏᓐᓄᑦ ᐱᔨᑦᑎᖅᑕᓂᑦ. ᓯᕗᓕᖅᑎᐅᓪᓗᓂ 15 ᐃᖅᑲᓇᐃᔭᖅᑎᓄᑦ, ᑐᑭᒧᐊᖅᑎᑦᑎᔨ, ᑯᐊᐳᕇᓴᒧᑦ ᐱᔨᑦᑎᖅᑕᓂᑦ ᐊᖏᔪᒥᑦ ᓯᕗᒧᒋᐊᖅᑎᑦᑎᔪᖅ ᑮᓇᐅᔭᓕᕆᔨᒃᑯᑦ ᐱᓕᕆᓂᖏᓐᓄᑦ ᐃᑲᔪᖅᑐᓂ ᐱᓕᕆᐊᖃᖅᑐᓂ ᑎᒥᐅᑉ ᐃᓗᐊᓂ ᐱᔭᐅᔭᕆᐊᖃᖅᑐᓂᑦ ᐊᓯᖏᓐᓄᑦ ᐱᓕᕆᕕᓐᓄᑦ.

ᑐᑭᒧᐊᖅᑎᑦᑎᔨ ᑲᒪᒋᔭᖃᕆᐊᖃᖅᑐᖅ ᑐᑭᒧᐊᖅᑎᑎᓪᓗᓂ ᑭᓇᐅᔭᓕᕆᔨᒃᑯᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐊᐅᓚᓂᖏᓐᓄᑦ, ᐱᖃᓯᐅᑎᓪᓗᓂ ᐊᑐᖅᑐᔅᓴᓕᐅᕐᓂᖅ ᐊᒻᒪ ᐸᕐᓇᐃᓂᖅ, ᑮᓇᐅᔭᖅᑐᓂᕐᒧᑦ ᐊᒻᒪ ᐅᓂᒃᑳᓕᐅᓂᕐᒧᑦ. ᐱᓗᐊᖅᑐᒥᑦ,  ᑐᑭᒧᐊᖅᑎᑦᑎᔨ ᓇᓗᓇᐃᖅᓯᔪᖅ ᐱᓕᕆᕕᐅᔪᖅ ᒪᓕᓐᓂᖃᕐᓗᓂ ᐊᕐᕌᒍᑕᒫᑦ ᑮᓇᐅᔭᐃᑦ ᖃᐅᔨᓴᖅᑕᐅᓂᖏᓐᓄᑦ ᐱᑕᖃᕆᐊᖃᖅᑎᑕᐅᔪᑦ, ᐊᒻᒪ ᐱᓯᒪᑦᑎᓪᓗᓂ ᓴᖏᔪᒥᑦ ᑮᓇᐅᔭᓕᕆᓂᕐᒧᑦ ᐊᐅᓚᑕᐅᓂᖏᓐᓄᑦ. ᑐᑭᒧᐊᖅᑎᑦᑎᔨ ᑲᒪᒋᔭᖃᕆᐊᖃᕆᐊᖃᕐᒥᔪᖅ ᐊᐅᓚᑦᑎᓂᕐᒥᑦ ᐱᓕᕆᕕᐅᑉ ᐃᖅᑲᓇᐃᔭᖅᑐᓕᕆᓂᖓᓄᑦ ᐊᐅᓚᓂᖏᑦ ᐊᒻᒪ ᐱᔨᑦᑎᖅᑕᓂᑦ, ᐱᖃᓯᐅᑎᓪᓗᑎ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᑲᒪᒋᔭᖃᓂᕐᒧᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑦ, ᐃᖅᑲᓇᐃᔭᖅᑎᓂᑦ ᐃᓕᓐᓂᐊᑎᑦᑎᓂᖅ ᐊᒻᒪ ᐱᕙᓪᓕᐊᑎᑦᑎᓂᕐᒥᑦ, ᓄᖅᑲᖓᑲᐃᓐᓇᖅᑐᓄᑦ ᐊᒻᒪ ᐅᐸᖃᑦᑕᕐᓂᖏᓐᓄᑦ, ᐊᑭᓕᖅᑕᐅᓂᖏᓐᓄᑦ ᐊᒻᒪ ᐃᑲᔫᓯᐊᑦ, ᐊᒻᒪ ᐃᖅᑲᓇᐃᔭᖅᑎᓄᑦ ᐱᓕᕆᓂᐅᔪᑦ. ᑖᓐᓇ ᐊᖏᔪᖅᑲᐅᑎᓂᑦ ᐃᖅᑲᓇᐃᔭᖅᑎᓂᑦ ᐃᖅᑲᓇᐃᔮᔅᓴᖅ ᑲᒪᒋᔭᖃᖅᑐᖅ ᓄᓇᕗᑦ ᒐᕙᒪᒃᑯᑦ ᐊᑦᑕᓇᕈᑎᐅᔪᓐᓇᖅᑐᓂᑦ ᐊᐅᓚᑦᑎᓂᕐᒧᑦ ᐱᓕᕆᐊᖅ, ᐱᖃᓯᐅᑎᓗᓂ ᓂᐅᕕᕐᓂᖅ ᓇᓪᓕᐅᒃᑯᒫᓂᑦ ᐊᑐᐊᒐᕐᓂᑦ.

ᐃᖅᑲᓇᐃᔮᑖᖅᑯᒥᓇᖅᑐᖅ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ ᓇᓗᓇᐃᒃᑯᑕᖃᓂᐊᖅᑐᖅ ᐃᓕᓴᕆᔭᐅᓯᒪᔪᒥᑦ ᓯᓚᑦᑐᓴᕐᕕᒃᔪᐊᒥᑦ. ᓇᒻᒥᓂᐅᔪᒥ ᐊᐅᓚᑦᑎᓂᕐᒥᑦ, ᑮᓇᐅᔭᓕᕆᓂᖅ, ᐃᓄᓐᓂᑦ ᐊᐅᓚᑦᑎᓂᖅ, ᐅᕝᕙᓘᓐᓃᑦ ᐊᓯᖏᑦ ᐊᑦᑐᐊᓂᓖᑦ ᐃᖅᑲᐃᔮᒧᑦ. ᐃᓚᓗᒍ, ᖃᑦᑏᓇᐅᓛᕆᓂᐊᖅᑕᖏᑦ ᑕᓪᓕᒪᑦ (5) ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐊᐅᓚᑦᑎᓂᕐᒥᑦ ᐊᑦᑐᐊᓂᓕᓐᓄᑦ ᐃᖅᑲᓇᐃᔮᒧᑦ. ᐱᔭᕇᖅᓯᓯᒪᓗᓂᐊᔪᖏᓐᓂᖃᓂᕐᒧᑦ ᐃᓕᓴᕆᔭᐅᓯᒪᔪᓂᑦ ᐊᑦᑐᐊᓂᓕᓐᓄᑦ ᑮᓇᐅᔭᓕᕆᓂᕐᒥᑦ ᐊᒻᒪ/ᐅᕝᕙᓘᓐᓃᑦ ᐃᖅᑲᓇᐃᔭᖅᑐᓕᕆᓂᕐᒥᑦ ᐱᑕᖃᕆᐊᖃᖅᑐᑦ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᑦᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ ᐅᖃᕈᓐᓇᕐᓗᓂ ᐊᑕᐅᓯᐅᓗᐊᖅᑐᒥ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᐱᑕᖃᕆᐊᖃᖅᑐᖅ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓐᓂ, ᓄᓇᓕᖏᓐᓂ, ᐱᖅᑯᓯᖏᓐᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐱᑕᖃᕆᐊᖃᖅᑐᑦ.

ᐊᔾᔨᐸᓗᖏᓐᓂ ᐱᓯᒪᑦᑎᔪᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ ᐊᒻᒪᐃᖅᑲᓇᐃᔭᖃᑦᑕᖅᓯᒪᓂᖓ ᐃᓱᒪᒋᔭᐅᓂᐊᖅᑐᑦ.

ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ GNHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ