ᐅᖃᓚᐅᑎᓯᐅᑏᑦ

You are here

ᑐᑭᒧᐊᖅᑎᑦᑎᔨ, ᐊᑐᐊᒐᕐᓂᑦ ᐊᒻᒪ ᐸᕐᓇᐃᓂᕐᒧᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
09-506250
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑲᑐᔾᔨᖃᑎᒌᖑᓂᖓ: 
ᑮᓇᐅᔾᔭᒃᓴᓇᔭᖅᑐᖅ: 
$108,844 – $155,492
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 30, 2020 - 11:59pm

ᑖᓐᓇ ᐃᖅᑲᓇᐃᔮᔅᓴᖅ ᐅᑉᐱᕆᔭᐅᔭᕆᐊᓕᒻᒦᑦᑐᑦ ᐊᒻᒪ ᓈᒻᒪᒋᔭᐅᔪᓂᑦ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᐊᖏᔪᖅᑳᖃᖅᑐᓂ ᑐᖏᓕᖓᓂ ᒥᓂᔅᑕ , ᐃᓕᓐᓂᐊᕐᓂᓕᕆᓂᕐᒧᑦ, ᑐᑭᒧᐊᖅᑎᑦᑎᔨ, ᐊᑐᐊᒐᕐᓂᑦ ᐊᒻᒪ ᐸᕐᓇᐃᓂᕐᒧᑦ (ᑐᑭᒧᐊᖅᑎᑦᑎᔨ) ᐱᓕᕆᖃᕆᐊᖃᖅᑐᖅ ᓯᕗᓕᖅᑎᐅᓂᕐᒧᑦ, ᑲᒪᒋᔭᖃᓂᕐᒧᑦ, ᐊᐅᓚᑕᐅᓂᖏᓐᓄᑦ ᐊᒻᒪ ᐊᐅᓚᑦᑎᓂᕐᒧᑦ ᐱᓕᕆᐊᓂᑦ ᐊᒻᒪ ᐱᔨᑦᑎᖅᑕᓂᑦ ᐱᑕᖃᖅᑎᑕᐅᔪᑦ ᐊᑐᐊᒐᕐᓂᑦ ᐊᒻᒪ ᐸᕐᓇᐃᓂᕐᒧᑦ ᐱᓕᕆᕕᖓᓂᑦ ᐊᒻᒪᓗ ᑖᒃᑯᐊ ᑐᕌᒐᖏᑦ ᐱᓕᕆᕕᒻᒧᑦ ᑎᑭᑕᐅᓗᑎ ᐊᐅᓚᓂᖃᑦᑎᐊᖅᑐᓂᑦ ᐊᒻᒪ ᐊᑐᕐᓂᖃᑦᑎᐊᖅᑐᓂᑦ ᓇᓗᓇᐃᖅᓯᓯᓐᓈᖅᑐᑎ ᖁᕝᕙᓯᓛᓂᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᑐᐊᒐᕐᓂᑦ ᐊᒻᒪ ᐱᔨᑦᑎᖅᑕᓂᑦ ᓄᓇᕗᒻᒥ. Tᐃᖅᑲᓇᐃᔮᑖᖅᑐᖅ ᑲᒪᒋᔭᖃᕐᒥᔪᖅ ᐊᐅᓚᑦᑎᓂᕐᒥᑦ ᐊᑐᐊᒐᐃᑦ ᐊᒻᒪ ᒪᓕᒐᐃᑦ ᐱᕙᓪᓕᐊᑎᑕᐅᓂᖏᑦ ᐊᒻᒪ ᓇᓗᓇᐃᖅᓯᓪᓗᓂ ᒪᓕᓐᓂᖃᓂᕐᑦ ᐱᓕᕆᕕᒻᑦ ᐱᓕᕆᐊᕆᒋᐊᖃᖅᑕᖏᓐᓂᑦ ᐊᑖᓂ ᐱᔭᔅᓴᐅᓂᖏᓐᓄᑦ ᑐᑭᓯᒋᐊᕈᑏᑦ ᐊᒻᒪ ᓴᐳᒻᒥᑦᑎᓂᕐᒧᑦ ᑲᓐᖑᓇᖅᑐᓂᑦ ᐱᖁᔭᖅ (ATIPP). ᑐᑭᒧᐊᖅᑎᑦᑎᔨ, ᐊᑐᐊᒐᕐᓂᑦ ᐊᒻᒪ ᐸᕐᓇᐃᓂᕐᒧᑦ ᑕᓪᓕᒪᓄᑦ ᑐᓴᖅᑎᑦᑎᕕᐅᕙᑦᑐᖅ; ᐊᑐᐊᒐᐃᑦ, ᐊᐅᓚᑦᑎᔨ, ᐸᕐᓇᐃᓂᖅ, ᑐᓴᖅᑎᑦᑎᓂᖅ ᐊᒻᒪ ᖃᐅᔨᓴᐃᓂᖅ, ᐃᓄᐃᑦ ᖃᐅᔨᒪᔭᑐᖃᖏᑦ/ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᐅᓚᑦᑎᔨ, ᒪᓕᒐᕐᓂᑦ ᖃᐅᔨᓴᖅᑎ (x2).

ᑐᑭᒧᐊᖅᑎᑦᑎᔨ ᑲᒪᒋᔭᖃᖅᑐᖅ ᑐᑭᒧᐊᖅᑎᑦᑎᓂᕐᒥᑦ ᐊᒻᒪ ᐃᑲᔪᓂᕐᒥᑦ ᐱᕙᓪᓕᐊᑎᑕᐅᓂᖓ ᐊᒻᒪ ᕿᒥᕐᕈᔭᐅᓂᖓ ᐱᓕᕆᕕᒻᒧᑦ ᒪᓕᒐᐃᑦ ᐊᒻᒪ ᐊᑐᐊᒐᐃᑦ, ᓇᓗᓇᐃᔭᐃᓂᖅ ᐊᒻᒪ ᐃᓱᒪᓕᐅᓂᕐᒧᑦ ᑎᑎᕋᖅᓯᒪᔪᓂᑦ, ᐱᓕᕆᕕᒻᒧᑦ ᑐᓴᐅᒪᔾᔪᑎᓕᕆᓂᖅ ᐊᒻᒪ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓ ᐃᓗᓕᖏᓐᓂᑦ. ᑐᑭᒧᐊᖅᑎᑦᑎᔨ ᐊᑐᐊᒐᕐᓂᑦ ᐃᖅᑲᓇᐃᔭᖃᑎᖃᖃᑦᑕᖅᑐᖅ ᐊᓯᖏᓐᓂᑦ ᐱᓕᕆᕕᓐᓂᑦ ᐊᑐᐊᒐᕐᓂᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᐃᓱᒫᓘᑕᐅᔪᓂᑦ ᐊᑦᑐᐊᓂᖃᖅᑐᑦ ᐊᒥᓱᒐᓚᓐᓂᑦ ᐱᓕᕆᕕᓐᓂᑦ, ᐱᓕᕆᕕᐅᑉ ᐃᓗᐊᓂ ᑐᑭᓯᒋᐊᕈᑎᓂᑦ ᑐᓂᓯᖃᑦᑕᕐᓂᖅ. ᐱᔭᔅᓴᐅᓂᖏᑦ ᑐᑭᓯᒋᐊᕈᑏᑦ, ᐊᒻᒪ ᐊᓯᖏᑦ ᐊᐅᓚᓂᖏᓐᓄᑦ ᐃᑳᖃᑦᑕᐅᑎᔪᓄᑦ. ᑐᓴᐅᒪᔾᔪᑎᓕᕆᓂᒃᑯᑦ ᐱᓕᕆᕕᒻᒧᑦ ᐊᒻᒪ ᐃᑲᔪᕐᓂᖅ ᒥᓂᔅᑕᐅᑉ ᐊᓪᓚᕕᖓᓂ, ᑖᓐᓇ ᐃᖅᑲᓇᐃᔮᔅᓴᖅ ᐊᖏᔪᒥᑦ ᐱᓕᕆᐊᖃᕆᐊᖃᖅᑐᖅ ᐱᓕᕆᕕᐅᑉ ᖃᓄᐃᓘᖃᑦᑕᕐᓂᕆᔭᖓ ᐃᓄᓐᓄᑦ. ᐃᓚᒋᐊᒃᑲᓂᕐᓗᒍ ᐃᖅᑲᓇᐃᔮᑖᖅᑐᖅ ᑲᒪᒋᔭᖃᖅᑐᖅ ᐊᐅᓚᑦᑎᓂᕐᒥᑦ ᐊᑐᐃᓐᓇᕈᖅᑕᐅᓂᖏᓐᓄᑦ ᑐᑭᓯᒋᐊᕈᑏᑦ ᒥᓂᔅᑕᒧᑦ ᐊᒻᒪ ᑐᖏᓕᖓᓄᑦ ᒥᓂᔅᑕ ᑭᒡᒐᖅᑐᐃᓗᓂ ᐱᓕᕆᕕᒻᒥᑦ ᐃᓗᐊᓂ ᒐᕙᒪᒥᑦ, ᓄᓇᕗᒻᒥ, ᑲᓇᑕᒥ ᐊᒻᒪ ᐃᓛᓐᓂᒃᑯᑦ ᓯᓚᕐᔪᐊᒥᑦ.

ᖃᐅᔨᒪᓂᖏᑦ, ᐊᔪᖏᓐᓂᖏᑦ, ᐊᒻᒪ ᐱᔪᓐᓇᕐᓂᖏᑦ ᐱᑕᖃᕆᐊᖃᖅᑎᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐅᑯᑎᒎᓇ ᐃᓕᓴᕆᔭᐅᓯᒪᔪᒥᑦ ᓯᓚᑦᑐᓴᕐᕕᒃᔪᐊᒥ ᐱᔭᕇᖅᓯᓯᒪᓂᕐᒧᑦ ᓇᓗᓇᐃᒃᑯᑕᖅ ᐃᓕᓐᓂᐊᕐᓂᓕᕆᓂᕐᒥᑦ ᐅᕝᕙᓘᓐᓃᑦ ᐊᑦᑐᐊᓂᓕᓐᓄᑦ ᐃᖅᑲᓇᐃᔮᒧᑦ. ᑕᓪᓕᒪᓂᑦ (5) ᐊᕐᕌᒍᓂ ᐃᖅᑲᓇᐃᔭᖃᑦᑕᖅᓯᒪᓗᓂ ᐃᓕᓐᓂᐊᑎᑦᑎᔨᐅᓗᓂ, ᐅᕝᕙᓘᓐᓃᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᑐᐊᒐᕐᓂᑦ ᖃᐅᓕᓴᖅᑎ, ᐅᕝᕙᓘᓐᓃᑦ ᐊᔾᔨᒋᐸᓗᑦᑕᖓᓂ ᐃᖅᑲᓇᐃᔭᖃᑦᑕᖅᓯᒪᓗᓂ ᐱᑕᖃᕆᐊᖃᖅᑎᑕᐅᔪᑦ. ᐱᖓᓱᑦ (3) ᐊᕐᕌᒍᓂ ᐃᖅᑲᓇᐃᔭᖃᑦᑕᖅᓯᒪᓗᓂ ᐊᐅᓚᑦᑎᓂᕐᒥᑦ / ᐊᖏᔪᖅᑳᖑᓂᕐᒥᑦ ᐱᑕᖃᕆᐊᖃᖅᑎᑕᐅᔪᖅ. ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᖅ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓ ᐃᓄᓐᓄᑦ ᐃᓱᒪᒋᔭᐅᔪᑦ ᐱᑕᖃᕆᐊᖃᖅᑎᑕᐅᓪᓗᑎ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᑦᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᐅᖃᕈᓐᓇᕐᓗᓂ ᐊᑕᐅᓯᐅᓗᐊᖅᑐᒥᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᐱᑕᖃᕆᐊᖃᖅᑎᑕᐅᔪᖅ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᓐᓂᑦ, ᐱᖅᑯᓯᖏᓐᓂ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐱᑕᖃᕆᐊᖃᖅᑎᑕᐅᔪᑦ.

ᐊᔾᔨᐸᓗᖏᓐᓂ ᐱᓯᒪᑦᑎᔪᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᐃᓱᒪᒋᔭᐅᓂᐊᖅᑐᑦ.

ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᓯᒪᔪᑦ ᓴᖅᑭᖅᑎᑕᐅᔪᓐᓇᖅᑐᑦ ᐃᓐᓄᐃᓗᑎᑦ ᓯᕗᓂᔅᓴᒥᑦ ᐃᓐᓄᑦᑕᐅᓯᒪᖏᑦᑐᓂᑦ.

 

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᖃᕋᓴᐅᔭᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ GNHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ