ᐅᖃᓚᐅᑎᓯᐅᑏᑦ

You are here

ᑐᑭᒧᐊᒃᑎᑦᑎᔨ, ᓄᓇᓕᖕᓂ ᐊᐅᓚᑕᐅᔪᓄᑦ ᐃᓕᓐᓂᐊᖅᑐᖅ

ᓄᓇᓕᒃ: 
ᒥᑦᑎᒪᑕᓕᒃ-ᒥ
ᓇᓗᓇᐃᒃᑯᑕᖓ: 
04-506172
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᓱᓕᕝᕕᒃᓴᓕᒃ ᐃᓱᓕᓪᓗᓂ ᐊᐃᕐᕆᓕ 3, 2023
ᑲᑐᔾᔨᖃᑎᒌᖑᓂᖓ: 
ᑮᓇᐅᔾᔭᒃᓴᓇᔭᖅᑐᖅ: 
$111,566.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$ 24,214.00
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᓄᕕᐱᕆ 6, 2020 - 12:00am

ᑕᕝᕙᓂ ᐃᖅᑲᓇᐃᔭᖅᑎ ᐅᒃᐱᕆᔭᐅᔪᓐᓇᕆᐊᓕᒃ ᐊᒻᒪ ᐱᕋᔭᖕᓂᑰᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᐊᒐᖅ 518 ᒪᓕᒡᓗᒍ, ᐅᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑐᐊᖅ ᐱᓇᓱᒃᑕᐅᔪᓐᓇᖅᑐᖅ.

ᐊᖓᔪᖅᑳᓕᒃ ᑐᑭᒧᐊᒃᑎᑦᑎᔨ ᓄᓇᓕᖕᓂ ᐊᐅᓚᑕᐅᔪᓄᑦ ᕿᑭᖅᑖᓗᖕᒥᑦ, ᑐᑭᒧᐊᒃᑎᑦᑎᔨ ᓄᓇᓕᖕᓂ ᐊᐅᓚᑕᐅᔪᓄᑦ ᐃᓕᓐᓂᐊᖅᑎ ᐃᑲᔪᖃᑦᑕᕐᓂᐊᖅᑐᖅ ᐱᓕᕆᐊᒃᓴᖃᓕᖅᐸᓪᓕᐊᓗᓂᓗ ᐊᐅᓚᑦᑎᓂᕐᒥᑦ ᐊᑐᖅᑎᑦᑎᓂᕐᒥᑦ ᓇᐅᑦᑎᖅᓱᕐᓂᕐᒥᒡᓗ ᑕᒪᐃᓐᓂ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᐊᒃᓴᕐᓂᑦ 13 ᓄᓇᓕᐅᔪᓄᑦ ᕿᑭᖅᑖᓗᖕᒥ ᓄᓇᕗᒻᒥ; ᐅᐸᓗᖓᐃᔭᖅᓯᒪᔪᒃᑯᑦ ᑐᑭᒧᐊᒃᑎᑦᑎᓗᒍᑦ ᓯᕗᑎᐅᓗᒍᓗ ᐊᐅᓚᑦᑎᓂᕐᒥᑦ ᐱᓕᕆᐊᒃᓴᕐᓂᑦ; ᐅᖃᖃᑎᒋᕙᒡᓗᒋᑦ ᒥᓂᔅᑕᐅᑉ ᑐᒡᓕᖓ ᐊᒻᒪ ᒥᓂᔅᑕᐅᑉ ᑐᒡᓕᒃᑲᓐᓂᖓ ᐱᕙᓪᓕᐊᔪᓕᕆᔨᒃᑯᓐᓄᑦ ᐊᒥᓱᒻᒪᕆᖕᓄᑦ ᓄᓇᓕᖕᓂ ᒐᕙᒪᒥ ᐊᒻᒪ ᓄᓇᓕᖕᓂᑦ ᖃᓄᐃᔾᔪᑕᐅᔪᑦ ᒥᒃᓵᓄᑦ; ᖁᕝᕙᓯᒃᓯᒋᐊᖅᐸᒡᓗᒍᑦ ᐃᓂᖃᖅᑎᑦᑎᓗᒍᓗ ᓄᓇᓕᖕᓂ ᐱᕈᖅᐸᓪᓕᐊᑎᑦᑎᔪᓐᓇᕐᓂᕐᒥᑦ; ᓇᓗᓇᐃᖅᐸᒡᓗᒍᑦ ᒪᓕᒃᑕᐅᔭᕆᐊᖃᖅᑐᓕᒫᖅ ᒪᓕᒃᑕᐅᒐᓗᐊᕐᒪᖔᑦ ᖃᓄᑯᓘᔭᖅ ᓄᓇᓕᖕᓂ ᐱᓕᕆᐊᒃᓴᐅᔪᓄᑦ.

ᐊᐅᓚᑦᑎᔨᒻᒪᕆᐅᖃᑕᐅᑎᓪᓗᑎᑦ ᐃᖅᑲᓇᐃᔭᖃᑎᒋᕙᒡᓗᒋᓗ ᐊᕕᒃᑐᖅᓯᒪᔪᒃᑯᑦ ᑐᑭᒧᐊᒃᑎᑦᑎᔨᐅᔪᑦ, ᓄᓇᓕᖕᓂ ᐊᐅᓚᑕᐅᔪᓄᑦ ᒪᕐᕉᖑᔪᓂᑦ, ᐃᓕᓐᓂᐊᖅᑎ ᑐᓴᐅᒪᖃᑎᖃᖃᑦᑕᐃᓐᓇᕐᓂᐊᖅᑐᖅ ᕼᐋᒻᒪᓚᒃᑯᑦ ᑲᑎᒪᔨᖏᓐᓂᑦ, ᕼᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᓐᓂᑦ, ᐃᓄᐃᑦ ᑎᒥᖁᑎᖏᓐᓂᑦ, ᐊᓯᖏᓐᓂᒡᓗ ᐱᓕᕆᖃᑎᒋᕙᓪᓕᐊᔪᒪᓗᒋᑦ.  ᐃᓕᓐᓂᐊᖅᑎ ᓯᕗᓕᖅᑎᐅᓂᐊᖅᑐᖅ ᑐᑭᒧᐊᒃᑎᑦᑎᕙᒡᓗᓂᓗ ᐃᖅᑲᓇᐃᔭᖅᑐᓕᕆᔨᓄᑦ ᑮᓇᐅᔭᓕᕆᔨᓄᓪᓗ, ᐊᐅᓚᓪᓗᒋᑦ ᐊᕕᒃᑐᖅᓯᒪᔪᒃᑯᑦ ᐃᖅᑲᓇᐃᔭᖅᑎᐅᔪᑦ ᓄᓇᕗᑦ ᒐᕙᒪᖓᑦᑕ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᐊᒐᖏᒍᑦ, ᐊᑐᕈᓯᖏᒍᑦ, ᒪᓕᒡᓗᓂᓗ ᐊᖏᖃᑎᒌᒍᑎᒥᑦ, ᐊᖓᔪᖅᑳᕆᔭᐅᓗᓂᑦ ᑎᓴᒪᑦ ᐃᖅᑲᓇᐃᔭᖅᑎᓂᒃ ᐃᑲᔪᖅᑎᓂᒡᓗ ᐊᕕᒃᑐᖅᓯᒪᔪᑦ ᕿᑭᖅᑖᓘᑉ ᐅᐊᖕᓇᖓᓂ ᓂᒋᖓᓂᓗ ᑎᑎᕋᕐᕕᖕᓂᑦ ᒥᑦᑎᒪᑕᓕᖕᒥ ᐸᓐᓂᖅᑑᕐᒥᓗ.

ᐃᓕᓐᓂᐊᖅᑎᐅᓂᕐᒧᑦ ᐱᓕᕆᐊᒃᓴᖃᕈᒪᓗᒍᑦ, ᐃᖅᑲᓇᐃᔮᖅᑖᖅᑐᖅ ᓇᓗᓇᐃᒃᑯᑕᖃᕐᓂᐊᖅᑐᖅ ᓄᓇᓕᖕᓂ ᐊᐅᓚᑦᑎᔨᐅᓂᕐᒥᑦ, ᐱᕙᓪᓕᐊᔪᓕᕆᓂᕐᒥᑦ, ᑮᓇᐅᔭᓕᕆᓂᕐᒥᑦ, ᑭᒃᑯᑐᐃᓐᓇᕐᓄᑦ ᐊᐅᓚᑦᑎᔨᐅᓂᕐᒥᑦ ᓇᖕᒥᓂᕐᒥᓪᓘᓐᓃᑦ ᐊᐅᓚᑦᑎᔨᐅᓂᕐᒥᑦ, ᐊᕐᕌᒍ ᒪᕐᕉᒃ ᐊᔾᔨᐸᓗᖓᓂ ᐊᐅᓚᑦᑎᔨᐅᓂᑰᓗᓂᑦ, ᐊᕐᕌᒍ ᒪᕐᕉᒃ ᐱᕙᓪᓕᐅᔪᓕᕆᔨᐅᓂᑰᓗᓂᑦ, ᑐᑭᓯᐅᒪᓗᓂᑦ ᐃᓄᐃᑦ ᐅᖃᐅᓯᖓᓂᑦ, ᓄᓇᓕᖏᓐᓂᑦ, ᐃᓕᖅᑯᓯᖓᓂᑦ, ᓄᓇᖓᓂᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ.

ᐅᖃᕈᓐᓇᑦᑎᐊᕈᓂᑦ ᑎᑎᕋᕈᓐᓇᑦᑎᐊᕈᓂᓗ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐅᐃᕖᑐᓪᓘᓐᓃᑦ ᐊᑲᐅᓇᔭᖅᐳᖅ

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᕐᓂᖓ ᐃᓱᒪᒋᔭᐅᓇᔭᕐᒥᔪᑦ.

 

ᐃᖅᑲᓇᐃᔮᒃᓴᒧᑦ ᐱᓇᔪᒍᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᖅᑕᑎᑦ ᐱᔪᒪᔾᔪᑎ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᕐᓄᑦ ᓇᓗᓇᐃᔭᖅᓯᒪᔪᑦ ᓇᒃᓯᐅᑎᓗᒋᑦ ᐅᕗᖓ Igloolik_hr@gov.nu.ca.. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓐᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.
  • ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᓪᓗᒍ.
  • ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᖏᓐᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᙱᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᒃᑲᓐᓂᑐᐃᓐᓇᕋᔭᖅᑐᑦ.
  • ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᐱᔭᐅᔪᓐᓇᖅᑐᖅ ᓱᒃᑲᔪᒃᑯᑦ, ᐃᕐᖐᓇᖅᑕᐅᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.

 

 

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ