ᐅᖃᓚᐅᑎᓯᐅᑏᑦ

You are here

ᑎᑎᕋᕐᕕᓕᕆᔨᐅᑉ ᐃᑲᔪᖅᑎᖓ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
10-506311
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᖅᑲᓇᐃᔭᐃᓐᓇᕋᔭᖅᑐᖅ
ᑮᓇᐅᔾᔭᒃᓴᓇᔭᖅᑐᖅ: 
$63,804.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517.00
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 30, 2020 - 12:00am

ᒪᓕᒃᖢᒍ ᐃᖅᑲᓇᐃᔭᖅᑐᓕᕆᓂᕐᒧᑦ ᑐᑭᒧᐊᕈᑦ 518, ᐅᓇ ᐃᖅᑲᓇᐃᔮᒃᓴᖅ ᓄᓇᕗᒥᐅᑕᓄᑦ ᐃᓄᖕᓄᑦ ᑲᖏᖅᖠᓂᕐᒥᐅᑕᑐᐊᓄᑦ ᑐᕌᒐᔪᖅ.

ᐅᖃᖅᐸᒡᓗᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᐊᑦ ᑐᑭᒧᐊᒃᑎᑦᑎᔨᖓᓐᓄᑦ; ᐅᓇ ᐃᖅᑲᓇᐃᔮᒃᓴᖅ ᐱᕐᔪᐊᖑᕗᖅ ᐊᑑᑎᖃᑦᑎᐊᖅᑐᓄᑦ ᐊᐅᓚᑦᑎᔾᔪᑎᓄᑦ ᑎᑎᕋᕐᕕᖕᒥ ᖃᐅᔨᒪᔾᔪᑕᐅᔪᓐᓇᖅᖢᓂ ᐃᖅᑲᓇᐃᔭᖅᑎᑦ ᐃᑲᔪᖅᓱᖅᑕᐅᑦᑎᐊᕐᓂᖏᓐᓂᒃ. ᐃᖅᑲᓇᐃᔭᓕᕐᓂᐊᕈᕕᑦ ᑲᒪᒋᖃᑦᑕᕐᓂᐊᖅᐳᑎᑦ ᑎᑎᕋᕐᕕᖕᒥ ᐊᐅᓚᓂᕆᔭᐅᔪᓂᒃ ᓈᒻᒪᖅᑰᑦᑎᓗᑎᑦ ᖃᐅᔨᒪᓗᒋᓪᓗ ᐃᑲᔪᖅᓱᐃᔾᔪᑎᑦ ᐊᒻᒪ ᐊᐅᓚᓂᕆᔭᐅᔪᑦ ᐊᑐᐃᓐᓇᐅᑎᑕᐅᓗᑎᒃ ᐊᐅᓚᑦᑎᔾᔪᑎᑦ ᑎᑎᕋᕐᕕᖕᒥ. ᑲᒪᔨᐅᓂᐊᕆᕗᑎᑦ ᑲᑎᒪᓂᐅᓂᐊᖅᑐᓂᒡᓗ ᐋᖅᑭᒃᓯᕙᒡᓗᑎᑦ ᖃᐅᔨᒪᒋᐊᖅᐸᒡᓗᒋᑦ ᐃᖅᑲᓇᐃᔭᖅᑎᑦ ᑲᑎᒪᖃᑕᐅᒋᐊᓕᑦ ᑲᑎᒪᖃᑕᐅᔪᓐᓇᕐᒪᖔᑕ, ᑲᑎᒪᒋᐊᓕᑦ ᓈᒻᒪᒃᐸᒡᓗᑎᒃ, ᐊᒻᒪ ᑲᑎᒪᔾᔪᑎᒃᓴᑦ ᑎᑎᖅᑲᐃᓪᓗ ᐋᖅᑭᑦᑎᐊᖅᓯᒪᔪᒥᒃ ᐱᕙᒌᔭᖅᐸᒡᓗᒋᑦ. 

ᐃᖅᑲᓇᐃᔭᓕᕐᓂᐊᖅᑐᖅ ᓯᕗᓕᖅᑎᒋᔭᐅᓂᐊᖅᐳᖅ ᑎᑎᕋᕐᕕᖕᒥ ᐊᐅᓚᑦᑕᕆᐊᓕᑦ ᐊᐅᓚᑦᑎᐊᖏᓐᓇᕐᓗᓂᒋᑦ ᐅᖃᓘᑎᑦ ᑭᐅᕙᒡᓗᓂᒋᑦ, ᐅᖃᓗᒃᑐᑦ ᑎᑎᕋᖅᐸᓪᓕᐊᖏᓐᓇᕐᓗᓂᒋᑦ, ᑐᓴᒐᒃᓴᓕᐅᖅᐸᒡᓗᓂᓗ ᐱᑦᑎᐊᓕᓗᓂ, ᐃᑲᔪᑦᑎᐊᕐᓗᓂ ᐊᒻᒪ ᐃᓱᒪᑦᑎᐊᕈᓐᓇᕐᓗᓂ, ᐳᓛᖅᑐᑦ ᑐᙵᓱᒃᑎᑉᐸᒡᓗᓂᒋᑦ ᐃᖅᑲᓇᐃᔭᖅᑎᓪᓗ ᑐᓴᐅᒪᑎᑉᐸᒡᓗᓂᒋᑦ ᖃᐃᓂᖏᓐᓂᒃ, ᐅᓪᓗᖅᓯᐅᑎ ᑎᑎᕋᕐᕕᒃᓴᓪᓗ ᐊᑐᐃᓐᓇᐅᑏᓐᓇᕐᓗᒋᑦ, ᑎᑎᕋᖅᑕᐅᓂᑯᓂᒃ ᑎᑎᖅᑲᙳᖅᑎᑦᑎᕙᒡᓗᓂ, ᑎᑎᕋᖅᓯᒪᔪᓂᒃ ᐅᖃᓕᒫᑦᑎᐊᒃᑲᓐᓂᖅᐸᒡᓗᓂ, ᐋᖅᑭᒃᓱᐃᕙᒡᓗᓂ ᐊᒻᒪ ᐅᓄᖅᑐᓕᐅᖅᐸᒡᓗᓂ ᑎᑎᖅᑲᓂᒃ.   ᑐᓂᐅᖅᑲᐃᖃᕙᒡᓗᓂᓗ ᑎᑎᖅᑲᐅᓯᐊᖅᑐᓂᒃ ᑎᑎᕋᕐᕕᖕᒥᐅᑕᓂᒃ ᑲᒪᒋᓗᒋᑦ, ᑲᔪᓯᑎᑦᑎᕙᒡᓗᓂ ᐱᓕᕆᐊᖑᔪᒃᓴᓂᒃ ᓴᖅᑭᑦᑎᕙᒡᓗᓂ ᓇᓗᓇᐃᖅᓯᔾᔪᑎᒃᓴᓂᒃ ᐱᔾᔪᑕᐅᖏᓐᓇᖅᑐᓂᒃ ᖃᐅᔨᒪᓗᒋᓪᓗ ᐃᓱᓕᕝᕕᒃᓴᕆᔭᐅᔪᑦ ᓈᒻᒪᖅᑰᑦᑎᒐᓗᐊᕐᒪᖔᑕ.  ᖃᐅᔨᒪᓂᐊᖅᐳᑎᑦ ᐊᑦᑕᕐᓇᙱᑦᑐᓂᒃ ᐊᒻᒪ ᑲᒪᔨᐅᓗᑎᑦ ᐱᓕᕆᕝᕕᖕᒥᐅᓄᑦ ᓂᐅᕕᕈᓐᓇᐅᑎᓂᒃ (LCA's), ᑲᔪᓯᑏᓐᓇᕐᓗᒋᑦ ᐊᐅᓚᑏᓐᓇᕐᓗᓂᒋᓪᓗ ᑎᑎᕋᕐᕕᖕᒥ ᐃᓚᒃᓴᑦ ᓈᓴᖅᑕᐅᒋᐊᖃᖅᐸᒃᑐᑦ, ᐃᒡᓗᒥᐅᑕᑦ ᐊᒻᒪ ᐱᖁᑎᑦ ᑕᐃᒪᐃᑦᑕᕆᐊᖃᕌᖓᑦ.  ᑲᒪᒋᔭᒃᓴᕆᒃᑲᓐᓂᕐᓂᐊᖅᑕᖓ ᐃᖅᑲᓇᐃᔭᖅᑎᑦ ᐃᖅᑲᓇᐃᔭᕆᐊᕐᓂᖏᑦ ᓄᖅᑲᖓᓂᖏᓪᓗ ᑎᑎᕋᖅᐸᓪᓕᐊᖏᓐᓇᕐᓗᒋᑦ, ᐊᒻᒪ ᑕᖅᑭᑕᒫᑦ ᐃᑲᕐᕋᓕᐅᕈᑎᑦ ᐱᐊᓂᒃᓯᒪᖕᒪᖔᑕ ᓈᒻᒪᖕᒪᖔᑕᓗ ᖃᐅᔨᓴᖅᐸᒡᓗᓂᒋᑦ. ᐊᓯᖏᑦ ᐱᓕᕆᐊᒃᓴᑦ ᐱᓕᕆᐊᕆᔭᐅᖁᔭᐅᔪᑦ.

ᖃᐅᔨᒪᓂᖏᑦ, ᐊᔪᙱᓐᓂᖏᓐᓂᖏᓪᓗ ᐱᔭᐅᒐᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐃᓕᓐᓂᐊᕈᑎᖏᓐᓂᑦ ᐱᔭᕇᖅᓯᓯᒪᓗᓂ ᐊᒻᒪᓗ ᐊᕐᕌᒍᒥ ᐊᑕᐅᓯᕐᒥ ᐊᔾᔨᖓᓂ ᐃᓕᓐᓂᐊᖅᓯᒪᓂᑰᓗᓂ. ᐃᖅᑲᓇᐃᔮᖅᑖᕋᓱᒃᑐᓂᒃ ᐊᐱᖅᓱᖅᑎᐅᖃᑕᐅᓂᐊᕈᕕᑦ; ᖃᐅᔨᒪᑦᑎᐊᕆᐊᖃᖅᐳᑎᑦ ᑎᑎᕋᕐᕕᖕᒥ ᐊᐅᓚᑦᑎᓂᕐᒧᓪᓗ ᐊᑐᖅᑕᐅᔾᔪᓯᕐᓂᒃ, ᖃᐅᔨᒪᓗᓂ ᑎᑎᖅᑲᓂᒃ ᐊᐅᓚᑦᑎᓂᕐᒥᑦ, ᖃᕆᓴᐅᔭᕐᒥᑦ ᐊᑐᕈᓐᓇᕐᓗᓂ, ᑎᑎᖅᑲᓕᐅᕈᑎᒥᑦ, ᐃᕐᖐᓐᓈᖅᑕᐅᒻᒥᑦ ᓈᓴᐅᓯᕆᔾᔪᑎᓂᒡᓗ. ᐊᒻᒪᓗ, ᐃᓅᖃᓐᓂᕐᓗᑎᑦ, ᐱᔪᒃᓯᑦᑎᐊᕐᓗᑎᑦ, ᐃᓛᒃᑰᕈᓐᓇᕐᓗᑎᑦ ᐱᓕᕆᔪᓐᓇᕐᓗᑎᓪᓗ ᑲᒪᒋᔭᐅᖏᓐᓈᓗᙱᓪᓗᑎᑦ ᐃᑲᔪᕆᐊᓖᓪᓗ ᐱᔨᑦᑎᕋᑦᑎᐊᖅᐸᒡᓗᒋᑦ ᐃᑲᔪᕐᓗᒋᑦ ᑐᓴᐅᒪᑎᓪᓗᒋᓪᓗ ᐃᖅᑲᓇᐃᔭᖅᑎᑦ, ᓯᓚᑖᓃᑦᑐᑦ ᑐᑦᑕᕐᕕᒋᔭᐅᔪᑦ ᐊᒻᒪ ᐱᓕᕆᕝᕖᑦ ᐊᒻᒪ ᐃᓄᐃᑦ. ᑲᑐᔾᔨᖃᑎᒌᒡᕕᖕᒥ ᐱᓕᕆᔪᓐᓇᑦᑎᐊᕐᓗᑎᑦ ᐃᓄᑑᒐᓗᐊᕐᓗᑎᓪᓗ ᐱᓕᕆᔪᓐᓇᑦᑎᐊᕐᓗᑎᑦ ᐃᓱᓕᕝᕕᒃᓴᕆᔭᐅᔪᑦ ᐊᐴᑎᓚᐅᙱᓐᓂᖏᓐᓂᒃ.  ᑐᓴᖅᑕᐅᕈᓘᔭᕆᐊᖃᙱᑦᑐᓂᒃ ᑐᓴᖅᑕᐅᑎᑦᑎᕙᙱᓪᓗᑎᑦ ᐃᓱᒪᖅᓲᑎᒋᕙᙱᓪᓗᒋᓪᓗ ᑲᒪᒋᓂᐊᕐᓗᒋᑦ ᐃᒃᐱᖕᓂᖅᓴᕋᐃᓐᓇᖅᑐᑦ ᐊᒻᒪ ᑕᒪᐅᙵᕈᓘᔭᕆᐊᖃᙱᑦᑐᑦ ᑎᑎᖅᑲᑦ ᐱᔭᐅᔭᕆᐊᖃᖃᑦᑕᕐᓂᐊᖅᑐᑦ.

ᐅᖃᓪᓚᒍᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐃᓕᓴᕆᔭᐅᓯᒪᔪᓂ ᐅᖃᐅᓯᕐᓂᑦ ᐊᑑᑎᖃᑦᑎᐊᕐᓂᐊᖅᐳᖅ. ᐃᓄᐃᑦ ᐅᖃᐅᓯᖓᓂ, ᓄᓇᓕᖕᓂ, ᐱᖅᑯᓯᖏᓐᓂ, ᓄᓇᒥ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᖃᐅᔨᒪᔭᖃᕈᓂ ᐊᑑᑎᖃᑦᑎᐊᕐᓂᐊᖅᐳᖅ.

ᐊᔾᔨᖏᓪᓗ ᐊᒻᒪᓗ ᑲᑎᓪᓗᒋᑦ ᐃᓕᓐᓂᐊᖅᓯᒪᓂᖓ, ᐱᓕᕆᔪᓐᓇᕐᓂᖓᓗ ᐃᓱᒪᒋᔭᐅᑐᐃᓐᓇᕆᐊᓕᑦ.

ᐃᖅᑲᓇᐃᔭᕈᓐᓇᖅᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᒥᒃ.

 

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᓗᒍ ᑎᑎᖅᑲᓕᐊᑦ ᐃᖅᑲᓇᐃᔮᖅᑖᕋᓲᑎᓪᓗ ᐅᕗᖓ KivalliqHR@gov.nu.ca. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᒡᓗᒍ.
  • ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᖏᓐᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᙱᑐᐃᓐᓇᕆᐊᖃᖅᑐᑦ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᖃᕆᑕᐅᔭᒃᑯᑦ ᐃᕐᖐᓐᓈᐅᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ