ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᑎᑎᕋᕐᕕᓕᕆᔨᐅᑉ ᐃᑲᔪᖅᑎᖓ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
05-505945
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᖅᑲᓇᐃᔭᐃᓐᓇᕋᔭᖅᑐᖅ
ᑮᓇᐅᔾᔭᒃᓴᓇᔭᖅᑐᖅ: 
$59,826
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517.00
ᒪᑐᕝᕕᒃᓴᖓ: 
ᐄᐳᕈ 03, 2020

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᐊᒐᖅ 518 ᒪᓕᒃᓗᒍ, ᐅᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑦᑐᐊᖅ ᐱᓇᓱᒃᑕᐅᔪᓐᓇᖅᑐᖅ.

ᒪᓕᒐᓕᕆᔨᒃᑯᑦ, ᐃᑲᔪᖅᑕᐅᕕᓕᕆᔩᑦ ᓯᕗᒃᑲᑕᖅᑐᑦ ᐱᕋᔭᒃᐸᑦᑐᓄᑦ ᐃᖅᑲᖅᑐᐃᕕᓕᕆᓂᕐᒥᑦ ᓴᐳᒻᒥᑎᓪᓗᑎ ᓄᓇᓕᖕᓂ ᐱᕋᔭᒃᑐᓄᑦ ᐊᐅᓚᑕᐅᓂᖏᓐᓄᓪᓗ. ᒪᓕᒐᓕᕆᔨᒃᑯᑦ ᐊᐅᓚᑦᑎᔨᐅᔪᑦ ᑎᒍᔭᐅᓯᒪᔪᓂ ᐃᑲᔪᖅᓱᐃᕙᒃᖢᑎᒡᓗ ᐱᕋᔭᒃᓯᒪᔪᓂᑦ ᐱᐅᓂᖅᓴᑯᑦ ᐱᐅᓯᖃᖁᓪᓗᒋᑦ ᐊᒻᒪᓗ ᐱᖅᑯᓯᖃᕐᓗᑎᒡᓗ.

ᐅᖃᕐᕕᖃᖅᐸᒡᓗᓂ ᐃᑲᔪᖅᑕᐅᕕᐅᑉ ᐊᖓᔪᖅᑳᖓᓄᑦ, ᑕᕝᕙᓂ ᐃᓂᐅᔪᒥ ᐊᑐᐃᓐᓇᐅᑎᑦᑎᖃᑦᑕᕐᓂᐊᖅᑐᖅ ᐱᓕᕆᐊᒃᓴᓂ ᑲᒪᒋᔭᖃᕐᓂᕐᒥᒃ, ᐊᐅᓚᑦᑎᓂᕐᒥᒃ ᑎᑎᕋᕐᕕᓕᕆᓂᒃᑯᓪᓗ ᐃᑲᔪᖅᓱᐃᓂᕐᒥᒃ ᑎᑎᕋᕐᕕᖕᒧᑦ.  ᑖᓐᓇ ᐃᖅᑲᓇᐃᔭᖅᑎᑖᕆᔭᐅᔪᖅ ᖃᐅᔨᓴᖃᑦᑕᕐᓂᐊᖅᑐᖅ ᐃᖏᕐᕋᑦᑎᐊᕋᓗᐊᕐᒪᖔᑦ ᐱᓕᕆᑦᑎᐊᕋᓗᐊᕐᒪᖔᓪᓗ ᑎᑎᕋᖅᑎᓂ ᐃᑲᔪᖅᓱᐃᓂᕐᒥᒃ ᐊᓯᖏᓐᓂᒡᓗ ᐱᔨᑦᑎᕋᐅᑎᓂᒃ ᐅᐸᒃᑕᐅᖅᑳᖅᐸᒃᑐᓄᑦ ᐊᐅᓚᑦᑎᔨᓄᓪᓗ ᐃᑲᔪᖅᑕᐅᔭᕆᐊᓖᑦ ᐱᓕᕆᐊᒃᓴᖏᑦ, ᐊᑭᓕᖅᑕᐅᔪᒪᔾᔪᑏᑦ ᐊᓯᖏᓪᓗ ᑎᑎᕋᕐᕕᖕᒥ ᐱᓕᕆᐊᒃᓴᑦ/ ᐱᓕᕆᕙᓪᓕᐊᓂᖏᑦ ᓯᕗᓪᓕᐅᔾᔭᐅᒐᓗᐊᕐᒪᖔᑦ ᑐᕌᖅᑎᑕᐅᔭᕆᐊᓖᓪᓗ ᐱᔭᐅᔭᕆᐊᓕᖕᓂ ᐱᔭᐅᖃᑦᑕᕋᓗᐊᕐᒪᖔᑦ, ᐱᔭᕆᐊᖃᕌᖓᑦ. ᑕᕝᕙᓂ ᐃᓂᐅᔪᒥ ᐱᒻᒪᕆᐅᔪᖅ ᐊᑑᑎᖃᑦᑎᐊᕐᓂᖓᓄᑦ ᑎᑎᕋᕐᕕᖕᒥ ᐃᖏᕐᕋᓂᕆᔭᖓᓄᑦ. ᑎᑎᕋᕐᕕᓕᕆᔨᐅᑉ ᐃᑲᔪᖅᑎᖓ ᐅᔾᔨᖅᓱᖃᑦᑕᕐᓂᐊᖅᑐᖅ ᐊᖓᔪᖅᑳᑦ ᐅᐸᒃᑕᐅᖅᑳᖅᐸᒃᑐᓪᓗ ᐃᖅᑲᓇᐃᔭᖅᑏᑦ ᐃᑲᔪᖅᓱᖅᑕᐅᑦᑎᐊᕋᓗᐊᕐᒪᖔᑦ. ᑲᒪᒋᔭᐅᖏᓐᓇᙱᒃᑲᓗᐊᕐᓗᓂ ᑎᑎᕋᖅᑎᐅᔪᖅ ᐱᓕᕆᑦᑎᐊᕆᐊᖃᖃᑦᑕᕐᓂᐊᖅᑐᖅ ᐃᒻᒥᒃᑰᕈᓐᓇᕐᓗᓂᓗ ᐱᓕᕆᐊᒃᓴᖃᕐᔪᐊᕋᓗᐊᖅᑎᓪᓗᒋᑦ ᐱᕕᑭᒃᑲᓗᐊᖅᑎᓪᓗᒋᓪᓗ.

ᑖᓐᓇ ᓂᕈᐊᖅᑕᐅᔪᖅ ᑐᓵᖃᑦᑕᕐᓂᒃᑯᑦ ᖃᐅᔨᒪᓂᖃᓪᓗᐊᖅᑐᖅ ᖃᐅᑕᒫᑦ ᐊᔪᕈᓐᓃᕈᑕᐅᕙᒃᑐᓂ ᐊᑐᖅᑕᐅᔾᔪᓯᖏᓐᓂᒡᓗ, ᖃᐅᔨᒪᓂᖃᑦᑎᐊᕐᓗᓂ ᐱᓕᕆᔾᔪᓯᕆᔭᐅᔪᓂ ᓇᖕᒥᓂᖃᖅᑐᓄᑦ ᐊᑐᖃᑦᑕᖅᓗᑎᒃ ᖃᐅᔨᓴᕈᑎᓂᒃ, ᐅᖃᐅᓯᕐᓂ ᑎᑎᕋᕈᓯᕐᓂᒡᓗ, ᐊᑐᐊᒐᓂᒃ, ᒪᓕᒐᕐᓂ ᒪᓕᒐᕐᓅᖓᔪᓂᒡᓗ ᐊᒃᑐᐊᓂᖃᖅᑐᓄᑦ ᒐᕙᒪᒃᑯᑦ ᐱᒍᔾᔨᔨᖏᓐᓄᑦ, ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂ/ᐊᐅᓚᑦᑎᔨᖏᓐᓂᒃ ᐊᒻᒪ FOIPPA−ᒥ (ᑐᑭᓯᒋᐊᕈᓐᓇᕐᓂᕐᒧᑦ ᐊᒻᒪ ᓴᐳᑎᔭᐅᓯᒪᓂᖏᓐᓄᑦ ᑲᙳᓇᖅᑐᓕᕆᓂᕐᒧᑦ ᐱᖁᔭᖅ), ᑐᓵᖃᑦᑕᕐᓂᒃᑯᑦ ᖃᐅᔨᒪᓂᖃᕐᓗᓂ ᐃᓅᖃᑎᒌᑦ ᐱᓕᕆᖃᑎᒌᒃᐸᖕᓂᖏᓐᓂᒃ, ᐊᔪᙱᑦᑕᕆᐊᖃᕐᓂᕐᒥᒃ ᖃᕆᑕᐅᔭᓄᓪᓗ ᐃᓕᐅᖅᑲᐃᔪᓐᓇᕐᓗᓂ ᐲᔭᐃᔪᓐᓇᕐᓗᓂᓗ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ/ᑐᓴᖅᑕᐅᑎᑦᑎᔾᔪᑎᓕᕆᓂᕐᒥ/ᑐᒃᓯᕋᐅᑕᓕᕆᓂᕐᒥ/ᐊᑐᖅᑕᐅᔾᔪᓯᖏᓐᓂᒃ ᐋᖅᑭᒃᓱᐃᒃᑲᓐᓂᖅᐸᒡᓗᓂᓗ ᐊᔾᔨᒌᙱᕈᓘᔭᖅᑐᓂ ᐊᑑᑎᖃᑦᑎᐊᖅᑐᓂ ᐃᓕᐅᖅᑲᕆᐊᓕᖏᓐᓂᒃ, ᑎᑎᖅᑲᓂᒃ, ᐅᓂᒃᑳᓕᐊᕆᔭᐅᔪᓂ ᖃᕆᑕᐅᔭᒃᑯᓪᓗ ᑭᑉᐹᕆᒃᓯᓕᖅᓯᒪᔪᓂ ᐱᓕᕆᐊᖃᕐᓂᕐᒥᒃ ᐊᒻᒪ ᐊᑐᓕᖅᑎᑦᑎᓂᕐᒥᒃ ᑐᓴᒐᒃᓴᓂᒃ ᑲᑎᖅᓱᐃᕝᕕᖕᒥ ᖃᕆᑕᐅᔭᑎᒍᑦ, ᑲᒪᒋᔭᖃᕐᓂᕐᒥᒃ ᐊᒻᒪ ᓈᓴᖅᓯᒪᔪᑦ ᓇᖕᒥᓂᖁᑎᒋᔭᑦ ᐱᖁᑎᖏᓐᓂᒃ ᑎᑎᕋᕐᕕᖕᒥ ᓂᐅᕕᕐᕕᕋᓛᕐᒥᓗ ᐱᖁᑎᖏᓐᓂᒃ. ᒥᑭᓛᒥ ᖁᕝᕙᓯᖕᓂᓕᖕᒥ 10 ᐃᓕᓐᓂᐊᖅᓯᒪᕐᓂᖃᕐᓗᓂ ᐊᒻᒪ ᐊᕐᕌᒍᓕᒫᒥ ᐱᓕᕆᖃᑦᑕᖅᓯᒪᓂᑰᓗᓂ ᑎᑎᕋᕐᕕᖕᒥ ᐊᔪᙱᑕᐅᔭᕆᐊᓕᒃ ᑖᔅᓱᒧᖓ ᐃᓂᐅᔪᒧᑦ.

ᓄᓇᕗᒻᒥ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐅᑯᐊᖑᕗᑦ, ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ.

ᓄᓇᕗᒻᒥ ᐅᖃᐅᓯᖅᑕᖏᓐᓂᒃ ᐊᑕᐅᓯᐅᙱᑦᑐᒥᒃ ᐅᖃᕈᓐᓇᖅᐸᑦ ᐊᑲᐅᑦᑎᐊᕋᔭᖅᑐᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ, ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᑐᖃᕐᒥᑦ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᑲᐅᑦᑎᐊᕋᔭᖅᑐᖅ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᖃᖅᑐᓂ ᓴᓇᔪᖃᑐᐃᓐᓇᕆᐊᓕᒃ ᓯᕗᓂᒃᓴᒧᑦ ᐃᖅᑲᓇᐃᔮᒃᓴᑦ ᐃᓄᖃᖏᑦᑐᑦ ᐃᓐᓇᒍᓐᓇᖁᓗᒋᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ