ᐅᖃᓚᐅᑎᓯᐅᑏᑦ

You are here

ᑎᑎᕋᖅᑎ ᑐᓵᔨ (3 ᐃᖅᑲᓇᐃᔮᒃᓴᑦ ᒪᒃᐱᖓᔪᑦ) ᓴᖅᑭᔮᖅᑎᑕᐅᒃᑲᓐᓂᖅᑐᖅ

ᓄᓇᓕᒃ: 
ᑎᑭᕋᕐᔪᐊᖅ-ᒥ
ᓇᓗᓇᐃᒃᑯᑕᖓ: 
10-506034
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᖅᑲᓇᐃᔭᐃᓐᓇᕐᓗᓂ
ᑮᓇᐅᔾᔭᒃᓴᓇᔭᖅᑐᖅ: 
$63,804.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$21,564.00
ᒪᑐᕝᕕᒃᓴᖓ: 
ᔫᓂ 05, 2020

ᑖᓐᓇ ᐃᖅᑲᓇᐃᔮᖅ ᐅᑉᐱᕆᔭᐅᔭᕆᐊᖃᓐᓇᖅᑐᒦᑉᐳᖅ ᐊᒻᒪᓗ ᐱᔭᕋᔭᒃᓯᒪᓂᑰᖏᒃᑲᓗᐊᕐᒪᖔᑦ ᖃᐅᔨᓴᖅᑕᐅᓯᒪᔭᕆᐊᖃᑉᐳᖅ ᐊᒻᒪᓗᒃᑕᐅᖅ ᖃᐅᔨᓴᖅᑕᐅᔭᕆᐊᖃᒻᒥᔪᖅ ᐊᑦᑕᓇᖅᑐᖃᖏᒃᑲᓗᐊᕐᒪᖔᑦ.

ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᐊᒐᖅ 518 ᒪᓕᒃᖢᒍ, ᐅᓇ ᐃᖅᑲᓇᐃᔮᒃᓴᖅ ᓄᓇᕗᒥᐅᓄᑦ ᐃᓄᖕᓄᑦᑐᐊᖅ ᐱᓇᔪᒃᑕᐅᔪᓐᓇᖅᑐᖅ.

ᐅᓂᒃᑳᑦᑕᖃᑦᑕᕐᓗᓂ ᑲᒪᔨᖓᓄᑦ ᐋᓐᓂᐊᖃᓐᓇᖏᑦᑐᓕᕆᔨᒃᑯᑦ ᐱᓕᕆᐊᔅᓴᖁᑎᖏᓐᓄᑦ ᑖᓐᓇ ᑎᑎᕋᖅᑎ ᑐᓵᔨ ᑐᓵᔨᐅᖃᑦᑕᓂᐊᖅᑐᖅ ᐱᓕᕆᑦᑎᐊᓂᒃᑯᑦ ᐊᒻᒪᓗ ᐃᓱᒪᒋᔭᖃᑦᑎᐊᕐᓗᓂ ᑐᓴᐅᒪᔭᐅᕈᓘᔭᕆᐊᖃᖏᓐᓂᖏᓐᓄᑦ ᐊᒻᒪᓗ ᑲᔪᓯᑎᑦᑎᖃᑦᑕᕐᓗᓂ ᐃᑲᔪᖅᑐᐃᔾᔪᑎᓂᒃ ᑕᒪᒃᑯᓄᖓ ᐋᓐᓂᐊᔪᓄᑦ/ᐱᔨᑦᑎᖅᑕᐅᔪᓄᑦ ᐊᒻᒪᓗ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᔨᐅᔪᓄᑦ. ᑖᓐᓇ ᐃᖅᑲᓇᐃᔮᖅ ᐃᓄᓐᓂᒃ ᐊᑦᑐᐊᓂᖃᒻᒪᑦ ᐃᓄᓐᓄᑦ ᐱᓪᓗᐊᑕᐅᓂᖃᓐᓂᖓᓄᑦ ᐊᑐᖅᑕᐅᓂᐊᖅᑐᓄᑦ ᐱᔨᑦᑎᕈᑎᓄᑦ, ᐋᓐᓂᐊᔪᑦ ᐅᓐᓂᓗᒃᓴᕈᑎᖏᓐᓄᑦ, ᑕᑯᔭᐅᒋᐊᓕᓐᓄᑦ ᓘᑦᑖᓄᑦ ᐊᒻᒪᓗ ᑐᑭᓯᒋᐊᕈᑎᓄᑦ, ᐊᒻᒪᓗ ᑕᐃᒪᐃᒻᒪᑦ ᖃᐅᔨᒪᓂᖃᑦᑎᐊᕆᐊᓕᒃ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ ᑕᒪᒃᑮᑎᒍᑦ ᑎᑎᕋᕈᓐᓇᓂᒃᑯᑦ ᐊᒻᒪᓗ ᐅᖃᓪᓚᒍᓐᓇᓂᒃᑯᑦ. ᑖᓐᓇ ᑎᑎᕋᖅᑎ ᑐᓵᔨ ᑎᑎᕋᖅᑎᐅᖃᑦᑕᓂᐊᕐᒥᔪᖅ ᐊᒻᒪᓗ ᐊᓯᒥᓂᒃ ᑲᒪᑎᑦᑎᖃᑦᑕᕐᓗᓂ ᐊᑐᖅᑕᐅᔭᕆᐊᖃᓐᓂᖏᑎᒍᑦ ᐱᔨᑦᑎᕈᑎᑦ ᑖᒃᑯᓇᓂ ᐊᐅᓚᑦᑎᕕᐅᔪᒥ/ᑎᑎᕋᖅᑎᐅᕙᑦᑐᓄᑦ ᐊᓪᓚᕕᒻᒥ.

ᑖᓐᓇ ᑐᓵᔨ ᑲᒪᒋᔭᖃᖃᑦᑕᓂᐊᖅᑐᖅ ᐃᓄᒃᑎᑑᓲᓂᒃ ᐱᔨᑦᑎᖅᑕᐅᔪᓂᒃ, ᑐᓵᔨᐅᓗᓂ ᐊᒻᒪᓗ ᓇᓗᓇᐃᖅᓯᕙᓪᓗᓂ ᐋᓐᓂᐊᔪᓄᑦ ᐊᒻᒪᓗ ᐃᓚᒌᑦ ᐋᓐᓂᐊᕕᒻᒥ ᐃᑲᔪᖅᑕᐅᔾᔪᑎᖏᓐᓄᑦ ᐊᑐᖅᑕᐅᖃᑦᑕᕆᐊᓕᓐᓄᑦ, ᐄᔭᒐᐃᑦ ᐊᒻᒪᓗ ᐋᓐᓂᐊᔫᑉ ᐃᑲᔪᖅᑕᐅᔾᔪᑎᒋᔭᕆᐊᓗᖓᓄᑦ ᐊᔪᕆᔅᓱᐃᔾᔪᓰᑦ, ᐱᖃᓯᐅᑎᓗᒍ ᑎᑎᕋᖃᑦᑕᕐᓗᓂ ᐊᑐᕆᐊᖃᓐᓂᐊᖅᑕᖏᓐᓂᒃ ᐋᓐᓂᐊᔫᑉ ᐃᓄᒃᑎᑐᑦ ᑎᑎᕋᓪᓗᒋᑦ ᐅᕝᕙᓘᓐᓃᑦ ᓇᓗᓇᐃᖅᑎᕆᔾᔪᑎᓂᒃ. ᐃᑲᔪᖃᑦᑕᓂᐊᕐᓗᓂ ᐊᓐᓂᐊᕕᐅᑉ ᐃᖅᑲᓇᐃᔭᖅᑎᖏᓐᓂᒃ ᐋᓐᓂᐊᔪᒥᒃ ᐱᕙᒌᔭᐃᓗᓂ ᐊᒻᒪᓗ ᐃᑲᔪᕐᓗᓂ ᖃᐅᔨᓴᖅᑕᐅᑎᓪᓗᒍ, ᐊᒻᒪᓗ ᑲᒪᒋᔭᖃᖃᑦᑕᕐᓗᓂ ᐊᑐᖅᑕᐅᖃᑦᑕᖅᑐᓂᒃ ᐱᓕᕆᐊᕐᖑᔪᓂᒃ ᐱᕙᒌᔭᐃᓂᒃᑯᑦ. ᐱᓕᕆᐊᖃᖃᑦᑕᓂᐊᕐᒥᔪᖅ ᐅᖄᓚᔪᓂᒃ, ᖃᐅᔨᓴᕐᓗᒋᑦ, ᓯᕗᓪᓕᐅᔾᔭᐅᔭᕆᐊᖃᒻᒪᖓᑦ ᐊᒻᒪᓗ ᑐᕌᖅᑎᑦᑎᖃᑦᑕᕐᓗᓂ ᐅᖄᓚᔪᓂᒃ, ᓱᒃᑲᔪᒃᑯᑦ ᐊᒻᒪᓗ ᖃᕋᓴᐅᔭᒃᑯᑦ ᑎᑎᕋᖅᑕᐅᔪᓂᒃ, ᐊᒻᒪᓗ ᑕᕝᕙᑲᐅᑎᒋᑦ ᐱᔭᐅᑎᖃᑦᑕᕐᓗᒋᑦ. ᐊᐅᓚᑦᑎᖃᑦᑕᓂᐊᕐᒥᔪᑎᑦ ᑲᓐᖑᓇᖅᑐᓂᒃ ᑎᑎᖅᑲᓂᒃ, ᓇᕿᑦᑕᖃᑦᑕᕐᓗᑎᑦ ᑎᑎᖅᑲᓂᒃ ᐊᒻᒪᓗ ᐅᓂᒃᑳᓂᒃ, ᑎᑎᖅᑲᖁᑎᒋᔭᐅᔪᑦ ᐊᖅᑭᒃᓯᒪᑦᑎᐊᕐᓗᒋᑦ ᐴᖅᑲᐃᕕᖏᑎᒍᑦ ᐊᒻᒪᓗ ᖃᕋᓴᐅᔭᒃᑯᑦ ᑎᑎᕋᑦᑎᐊᖅᓯᒪᕙᓪᓗᒋᑦ ᑕᕝᕙᓂ ᐋᓐᓂᐊᖃᓐᓇᖏᑦᑐᓕᕆᔨᒃᑯᑦ ᖃᕋᓴᐅᔭᖁᑎᖏᓐᓂ.

ᑖᓐᓇ ᐃᖅᑲᓇᐃᔭᖅᑎᐅᒐᔭᖅᑐᖅ ᖃᐅᔨᒪᓂᖃᑦᑎᐊᕐᓗᓂ ᐃᓄᒃᑎᑐᑦ ᑎᑎᕋᕈᓐᓇᑎᐊᕐᓗᓂ/ᐅᖃᕈᓐᓇᑎᐊᕐᓗᓂ, ᐋᓐᓂᐊᖃᓐᓇᖏᑦᑐᓕᕆᔨᒃᑯᑦ ᐱᓕᕆᐊᒃᓴᖏᓐᓂᒃ ᐊᒻᒪᓗ ᐱᔨᑦᑎᕈᑎᖏᓐᓂᒃ ᐊᒻᒪᓗ ᑐᑭᓯᐅᒪᑦᑎᐊᕐᓗᓂ ᐋᓐᓂᐊᔪᓂᒃ ᐸᖅᑭᔭᐃᓂᕐᒥᒃ ᐊᒻᒪᓗ ᐃᑲᔪᖅᑕᐅᔭᕆᐊᖃᓐᓂᖏᓐᓂᒃ. ᖃᕋᓴᐅᔭᒥᓪᓗ ᐊᑐᕈᓐᓇᑎᐊᕐᓗᑎᑦ ᐱᓕᕆᔾᔪᑎᖏᓐᓂᒃ ᐊᒻᒪᓗ ᐊᑦᔨᒌᖏᑦᑐᓂᒃ ᐊᓪᓚᒡᕕᐅᑉ ᐱᓕᕆᔾᔪᑎᖏᓐᓂᒃ.

ᐃᓕᓐᓂᐊᖅᓯᒪᓂᖃᓪᓗᑎᑦ ᒍᕋᐃᑦ 10-ᒥᒃ ᐊᑕᐅᓯᕐᒥᒃ ᐊᕐᕌᒎᒥᒃ ᑐᓵᔨᐅᖃᑦᑕᖅᓯᒪᓂᑯᓗᑎᑦ/ᑐᑭᓕᐅᕆᔪᓐᓇᖅᓯᓯᒪᓗᑎᑦ. ᐊᑦᔨᒌᖏᑦᑐᑦ ᐊᑐᖅᑕᐅᓯᒪᔪᑦ ᐃᓱᒪᒋᔭᐅᓂᐊᕐᒥᔪᑦ ᒪᑯᐊᓗ ᓯᕗᓂᐊᒍᑦ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐋᓐᓂᐊᖅᑐᓂᕆᓕᕐᒥ. WHMIS ᐊᒻᒪᓗ ᐅᓯᑲᑦᑕᕐᓂᖅ ᐅᓗᕆᐊᓇᖅᑐᓂᒃ ᐊᒻᒪᓗ ᐱᔨᑦᑎᕈᑎᓂᒃ ᓇᓗᓇᐃᒃᑯᑕᖅᑖᕆᐊᖃᕋᔭᖅᑐᑎᑦ ᓯᕗᓪᓕᖅᐹᒥᒃ ᐊᕐᕌᒍᐊᓂ ᐃᖅᑲᓇᐃᔭᓕᕈᕕᑦ.  CPR/ᐋᓐᓂᖅᑐᓕᕆᓂᖅ ᐱᒻᒪᕆᐅᕗᖅ, ᑭᓯᐊᓂᓕ ᐱᓕᒻᒪᔅᓴᔭᐅᒐᔭᕐᒥᔪᑎᑦ ᐱᓕᕆᔪᓐᓇᑎᐊᖁᓪᓗᑎᑦ.

ᐊᑐᖅᑕᐅᓯᒪᔪᑦ ᐊᑦᔨᒌᖏᑦᑐᑦ ᒪᑯᓂᖓ ᐃᓗᓕᖃᑉᐸᑕ ᐃᓕᓐᓂᐊᖅᓯᒪᓂᕐᒥᒃ, ᐃᖅᑲᓇᐃᔮᖃᖃᑦᑕᖅᓯᒪᓂᕐᒥᒃ, ᖃᐅᔨᒪᓂᕐᒥᒃ, ᐱᓕᕆᔪᓐᓇᕐᓂᖏᑦ ᐊᒻᒪᓗ ᖃᓄᐃᓕᐅᕈᓐᓇᕐᓂᖏᑦ ᑕᒪᒃᑯᐊ ᑕᑯᓇᒃᑕᐅᔪᓐᓇᑐᐃᓐᓇᕆᐊᖃᕆᕗᑦ.

ᐅᖃᕈᓐᓇᕐᓂᖅ ᓄᓇᕗᑦᒥ ᐅᖃᐅᓯᕐᓂᒃ ᐃᓕᓴᕆᔭᐅᓯᒪᔪᒥᒃ ᓇᓕᐊᓐᓂᑐᐃᓐᓇᖅ ᐱᒻᒪᕆᐅᕗᖅ.

ᖃᐅᔨᒪᓂᖃᕐᓂᖅ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᓐᓂᒃ, ᐃᓕᖅᑯᓯᕐᒥᒃ, ᓄᓇᒥᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᒻᒪᕆᐅᓗᐊᓐᖑᐊᖅᐳᖅ.

ᐃᖅᑲᓇᐃᔭᕈᓐᓇᖅᑐᑦ ᐊᑎᖏᓐᓂᒃ ᑎᑎᕋᖅᑐᖃᓪᓗᓂ ᐃᓕᔭᐅᒍᓐᓇᓂᐊᕐᓗᑎᒃ ᓯᕗᓂᒃᓴᒥᒃ ᐃᖅᑲᓇᐃᔮᒃᓴᓄᑦ ᐃᓐᓄᒃᓯᒪᖏᑦᑐᓄᑦ.

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ