ᐅᖃᓚᐅᑎᓯᐅᑏᑦ

You are here

ᑎᑎᕋᖅᑕᐅᓯᒪᔪᖅ ᐋᓐᓂᐊᓯᐅᖅᑎ, ᐸᐸᑕᐅᖏᓐᓇᕆᐊᓕᓐᓂᒃ ᑲᒪᔨ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
10-03-320-164LA 10-03-320-165LA
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$86,608.00 - $110,562.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$ 18,517.00

 

ᑖᓐᓇ ᐃᖅᑲᓇᐃᔮᖅ ᐊᑦᑐᖅᑕᐅᒋᐊᑭᓐᓇᖅᑐᖅ ᖃᐅᔨᓴᖅᑕᐅᓂᖓᖅ ᐱᕋᔭᑦᓴᐅᓯᒪᑎᖃᓐᖏᒃᑲᓗᐊᕐᒪᖔᖅ ᑲᔪᓯᑦᓯᐊᕆᐊᓕᒃ.

ᐅᓇ ᐃᖅᑲᓇᐃᔮᑦᓴᖅ ᒪᑐᐃᖓᔪᖅ ᐃᖅᑲᓇᐃᔮᖅᑖᕋᓱᐊᖅᑐᓕᒫᓄᑦ.

ᑎᑎᕋᖅᑕᐅᓯᒪᔪᖅ ᐋᓐᓂᐊᓯᐅᖅᑎ ᐸᐸᑕᐅᖏᓐᓇᕆᐊᓕᓕᕆᔪᖅ ᐃᓚᒋᔭᐅᕗᖅ ᐋᓐᓂᐊᔪᓂᒃ ᐱᓕᕆᐅᔾᔨᖃᑎᒌᑦᑐᓄᑦ ᓇᓗᓇᐃᖅᓯᓲᖑᑦᓱᑎᒃ ᖃᓄᐃᒻᒪᖔᖅ ᐋᓐᓂᐊᔪᖅ ᐊᐅᓚᔾᔭᒋᐊᕈᑎᖃᓲᖑᑦᓱᑎᒃ ᐋᓐᓂᐊᓂᖓᓄᑦ ᐋᓐᓂᐊᒍᑎᒋᑐᐃᓐᓇᕆᐊᓕᖏᓐᓄᓘᓐᓃᑦ; ᐸᕐᓇᐅᑎᖃᓲᖅ ᐊᐅᓚᔾᔭᒋᐊᕈᑎᖃᖅᓱᓂᓗ ᑲᒪᒋᒋᐊᕆᐊᓕᓐᓂᒃ; ᕿᒥᕐᕈᓲᖑᑦᓱᓂ ᖃᓄᐃᓕᖓᓂᖓᓂᒃ ᐋᓐᓂᐊᔫᑉ ᑭᖑᕐᖓᒍᑦ ᑎᑭᐅᒪᔭᕆᐊᓖᑦ,  ᒪᓕᒐᐃᑦ ᐊᒻᒪᓗ ᐃᓗᓕᖏᑦᑕ ᐋᓐᓂᐊᓯᐅᖅᑎᐅᑉ ᐱᐅᓯᖏᑦᑕ ᑐᕌᒐᖃᖅᓱᓂ ᑲᔪᓯᑎᑦᓯᓂᕐᒥᒃ ᐅᑎᖅᑎᑦᓯᓂᕐᒥᓪᓗ ᐋᓐᓂᐊᔫᑉ ᖃᓄᐃᓐᖏᑦᓯᐊᕐᓂᖓᓄᑦ. ᐃᖅᑲᓇᐃᔮᖅᑕᖅᑐᖅ ᐊᖓᔪᖅᑳᓕᒃ ᐋᓐᓂᐊᓯᐅᖅᑎᓄᑦ ᐊᖓᔪᖅᑲᒥᒃ, ᐸᐸᑕᔪᓂᒃ ᑲᒪᔨ ᑭᕙᓪᓕᐅᑉ ᐋᓐᓂᐊᕕᖓᓂ ᑎᒍᒥᐊᖅᓱᓂᓗ ᐊᑐᐃᓐᓇᐅᑎᑦᓯᓂᕐᒥᒃ ᐋᓐᓂᐊᓯᐅᖅᑏᑦ ᐱᔨᑦᓯᕋᐅᑎᖏᓐᓂᒃ ᑲᑐᔾᔨᖃᑎᖃᕐᓂᕐᒥᓪᓗ ᐊᓯᒥᓂᒃ ᐊᓐᓂᐊᖅᑐᓕᕆᔨᓂᒃ ᐊᒻᒪᓗ ᐱᔨᑦᓯᕋᐅᑎᓂᒃ ᐋᓐᓂᐊᔪᓄᑦ, ᐃᖅᑲᓇᐃᔮᖅᑖᖅᑑᑉ ᖃᓄᖅᑑᕐᓂᖏᑦ ᐃᓱᒪᓕᐅᕈᑎᖏᓪᓗ ᐊᑦᑐᐃᓂᖃᓲᑦ ᖃᓄᖅ ᐱᔨᑦᓯᕋᐅᑏᑦ ᐊᑐᐃᓐᓇᐅᒻᒪᖔᑕ, ᐊᑦᑐᐃᓂᖃᑐᐃᓐᓇᕋᑎᓪᓗ ᐱᔨᑦᓯᕋᐅᑎᓂᒃ ᑭᓯᐊᓂᑦᑕᐅᖅ ᐊᑭᒋᔭᐅᔪᓂᒃ ᐱᔨᑦᓯᕋᐅᑎᓄᑦ ᒪᓂᒪᑎᑕᐅᔪᓄᑦ.

ᑎᑎᕋᖅᑕᐅᓯᒪᔪᖅ ᐋᓐᓂᐊᓯᐅᖅᑎ, ᐸᐸᑕᐅᔭᕆᐊᓕᓕᕆᔪᖅ ᐊᑐᐃᓐᓇᐅᑎᑦᓰᖅ ᐋᓐᓂᐊᔪᒧᑦ (ᐃᒻᒥᒃᑯᑦ, ᓇᒻᒥᓂᖏᓐᓄᑦ ᓄᓇᓕᓐᓄᓪᓗ) ᐸᐸᑕᐅᔪᓄᑦ ᐋᓐᓂᐊᓯᐅᖅᑏᑦ ᐱᔨᑦᓯᕋᐅᑎᖏᓐᓄᑦ ᐊᕕᑦᑐᖅᓯᒪᔪᓂ ᐋᓐᓂᐊᖅᑐᓕᕆᔨᒃᑯᓐᓄᑦ ᐃᓄᓕᕆᔨᒃᑯᓄᓪᓗ ᒥᓂᔅᑕᐅᕕᐅᔪᒥ ᐱᖅᑯᓯᖃᑎᑎᒌᓐᖏᑦᑐᓂ ᓴᐳᔾᔨᓂᐊᕐᓗᑎᒃ ᐅᑎᖅᑎᑦᓯᓗᑎᓪᓗ ᖃᓄᐃᓐᓂᐅᔪᓂᒃ ᐋᓐᓂᐊᔪᓄᑦ, ᐊᔪᕈᑎᓕᓐᓄᑦ ᐊᓪᓛᑦ ᑐᖁᒦᑦᑐᓄᑦ. ᑲᑐᔾᔨᖃᑎᖃᓲᖅ ᐊᓯᖏᓐᓂᒃ ᐋᓐᓂᐊᖅᑐᓕᕆᔨᓂᒃ ᐊᑐᐃᓐᓇᐅᑎᑦᓯᑦᓱᑎᒃ ᐋᓐᓂᐊᖅᑐᓕᕆᓂᕐᒧᑦ ᐱᔨᑦᓯᕋᐅᑎᓂᒃ ᑐᓐᖓᕕᖃᖅᓱᑎᒃ ᐋᓐᓂᐊᓯᐅᖅᑏᑦ ᐱᐅᓯᕆᓲᖏᓐᓂᒃ ᓴᐳᔾᔨᓂᐊᕐᓗᑎᒃ ᐅᑎᖅᑎᑦᓯᓗᑎᓪᓗ ᐋᓐᓂᐊᔪᓂᒃ, ᐊᔪᕆᑎᓕᓐᓂᒃ ᑐᖁᒦᑦᑐᓂᓪᓗ. ᐃᓚᐅᑎᓐᖃᖅᐸᓪᓗᓂ ᑐᑭᓯᐅᒪᔭᕆᐊᓕᓐᓄᑦ / ᐱᕚᓪᓕᕈᑎᑦᓴᓄᑦ ᐃᒻᒥᓅᖓᔪᓄᑦ ᐃᖅᑲᓇᐃᔭᖃᑎᖏᓐᓄᓪᓗ ᖃᐅᔨᒪᓂᖅᑖᐸᓪᓕᐊᓗᓂ ᐋᓐᓂᐊᓯᐅᖅᑎᐅᓂᕐᒨᖓᔪᓂᒃ ᐃᒻᒥᓂᓪᓗ ᖃᐅᔨᓴᖅᐸᓪᓗᓂ ᐱᕚᓪᓕᕈᑎᑦᓴᓂᒃ ᕿᓂᕐᓗᓂ ᐱᔪᓐᓇᕐᓂᖃᑦᓯᐊᕈᒪᓗᓂ ᖃᓄᑐᐃᓐᓇᖅ ᐱᔪᓐᓇᕆᐊᓕᓐᓄᑦ. ᐊᓪᓚᕝᕕᓕᕆᓂᕐᒨᖓᔪᓂᒃ ᑲᒪᕙᓪᓗᓂ, ᒪᓕᑦᓯᐊᕐᓗᓂ ᐱᖅᑯᓯᐅᒋᐊᓕᓐᓂᒃ ᑎᑭᐅᒪᔭᕆᐊᓕᓐᓂᒃ ᐋᓐᓂᐊᓯᐅᖅᑎᓄᑦ ᐊᓯᖏᓐᓂᓪᓗ ᑲᒪᒋᒋᐊᓕᓐᓂᒃ ᑲᒪᕙᓪᓗᓂ.

ᐃᓱᒪᒋᔭᐅᓂᐊᕈᓂ ᑕᕝᕗᖓ ᐃᖅᑲᓇᐃᔮᒧᑦ, ᐃᖅᑲᓇᐃᔮᖅᑖᖅᑐᖅ ᐃᒪᐃᑦᑐᖃᕆᐊᓕᒃ:

ᐃᓕᓐᓂᐊᖅᓯᒪᓂᕐᒧᑦ ᐸᐃᑉᐹᖁᑎᖃᕐᓗᓂ ᐋᓐᓂᐊᓯᐅᖅᑎᐅᓂᕐᒧᑦ.

ᑎᑎᕋᖅᑕᐅᒍᓐᓇᕐᓗᓂ RNANT/NU

ᐆᒻᒪ,ᓯᑦᑐᓕᕆᒍᓐᓇᕐᓗᓂ CPR ᐊᕐᕌᒍᑕᒫᓪᓗ ᓄᑖᕈᖅᑎᖃᑦᑕᕆᐊᖃᖅᓱᑎᒃ.

ᖃᐅᔨᒪᓂᖅ ᒫᓐᓇ ᐊᐅᓚᓂᐅᔪᓂᒃ ᐋᓐᓂᐊᖅᑐᓕᕆᓂᕐᒨᖓᔪᓂᒃ/ᐋᓐᓂᐊᑦᑕᐃᓕᒪᑎᑦᓯᓂᕐᒧᑦ ᐱᐅᓯᐅᔪᓂᒃ ᐊᐅᓚᓂᐅᔪᓂᓪᓗ.

ᐱᔪᓐᓇᕐᓂᖃᑦᓯᐊᕐᓗᓂ ᑐᓴᐅᒪᖃᑦᑕᐅᑎᓂᕐᒧᑦ/ᐃᓕᓐᓂᐊᑎᑦᓯᓂᕐᒧᓪᓗ ᐃᒻᒥᒃᑯᑦ ᑲᑎᒪᐅᖅᑐᓂᓪᓘᓐᓃᑦ ᐱᖅᑯᓯᖃᖃᑎᒌᓐᖏᑦᑐᓂᒃ.

ᐃᖅᑲᓇᐃᔮᖅᑖᖅᑐᑦ  ᑲᑦᓱᖓᐃᓐᓂᖃᕆᐊᓖᑦ ᐱᔭᕇᕐᓂᕐᒧᑦ ᐃᓘᓐᓇᖏᓐᓂᒃ ᐸᐃᑉᐹᖁᑎᑖᕈᑕᐅᒋᐊᓕᓐᓂᒃ ᐊᐅᓚᓂᐅᔪᓂᒃ ᒪᓂᒪᑎᑕᐅᔪᓂᒃ ᐃᖅᑲᓇᐃᔭᕐᕕᒻᒥ.

ᐃᖅᑲᓇᐃᔮᖅᑖᖅᑐᖅ ᑲᑦᓱᖓᐃᓐᓂᖃᕆᐊᓕᒃ ᐃᖅᑲᓇᐃᔭᕈᒪᓂᕐᒥᒃ ᐱᖅᑯᓯᖃᖃᑎᒌᓐᖏᑦᑐᓂ.

ᐸᐸᑦᓯᒍᓂ ᐊᑕᐅᓯᕐᒥᒃ ᐊᑕᐅᓯᐅᓐᖏᑦᑐᒥᓪᓘᓐᓃᑦ ᐅᑯᓇᓂ ᐱᔪᒥᓇᕋᔭᖅᑐᖅ ᑭᓯᐊᓂ ᐸᐸᑦᓯᑦᑕᐅᑎᒋᒋᐊᑐᓐᖏᑦᑐᖅ ᐃᖅᑲᓇᐃᔮᖅᑖᓕᕈᓂ: ᖁᐊᖅᓵᕐᓇᖅᑐᒃᑰᖅᑐᓂᒃᐃᓅᓕᓴᐃᓂᖅ (BTLS), ᓯᕗᕙᖅᓯᒪᔪᒥᒃ ᐆᒻᒪᓯᑦᑐᓕᕆᒍᓐᓇᕐᓂᖅ (ACLS) ᐃᕐᓂᐊᓂᒃ ᐆᒻᒪᐃᒍᓐᓇᕐᓂᖅ (NALS), ᓇᔾᔨᐊᓂᒃ ᖃᐅᔨᕐᓴᓂᖅ, ENPC ᐅᕝᕙᓗ PALS, NRP,                     ALARM/ESW/FHS, ᐋᓐᓂᖅᑎᕆᓂᖅᑕᖃᓐᖏᑦᑐᒥ ᖁᐊᖅᓵᕐᓇᖅᑐᒃᑰᖅᑐᓂᒃ ᐃᑲᔪᕐᓂᒃ ASIST ᐅᕝᕙᓗ ᐃᓱᒪᒃᑯᑦ ᐊᓐᓂᐊᖅᑐᓕᕆᓂᖅ, ᐃᖏᒥᒃ ᖃᐅᔨᓴᕈᓐᓇᕐᓂᖅ, ᐃᓂᕐᓱᑦᑐᓕᕆᓂᖅ ᐃᕐᓂᓱᑦᓰᒍᓐᓴᕐᓗᓂᓗ ᓇᔾᔨᔪᓂᒃ ᐃᓕᓐᓂᐊᖅᓯᒪᑦᓯᐊᕐᓗᓂ, ᖁᐊᖅᓵᕐᓇᖅᑐᒃᑰᕐᓂᕐᒥᓪᓗ.

ᐱᖅᑯᓯᖃᖃᑎᒌᓐᖏᑦᑐᓂᒃ ᐃᓕᓐᓂᐊᕈᑎᖃᖅᓯᒪᓂᖅ ᖃᕆᑕᐅᔭᓕᕆᒍᓐᓇᕐᓂᕐᓗ. ᐅᖃᕈᓐᓇᕐᓂᖅ ᐃᓄᒃᑎᑐᑦ ᖃᓪᓗᓈᑎᑐᓪᓗ ᐃᑲᔫᑎᓕᒃ.

ᐃᓕᑕᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐅᑯᐊ ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ.  

ᖃᐅᔨᒪᓂᖅ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᓐᓂᒃ, ᐱᖅᑯᓯᖓᓐᓂᒃ, ᓄᓇᒥᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑑᑎᖃᖅᑐᖅ.

ᐃᖅᑲᓇᐃᔮᖅᑖᕋᓱᐊᕈᒪᒍᕕᑦ ᑖᑦᓱᒪᓐᖓᑦ, ᖃᕆᑕᐅᔭᒃᑯᑦ ᐊᐅᓪᓚᑎᓐᖑᐊᑕᖅᓯᓐᓇᒃᑭᑦ ᑎᑎᖅᑲᑎᑦ ᐃᖅᑲᓇᐃᔮᕆᖃᑦᑕᖅᓯᒪᔭᑎᓪᓗ 

 

ᑎᑎᕋᕐᕕᑦᓴᖅ:  ᒥᓂᔅᑕᐅᕕᖓᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
                 ᒐᕙᒪᒃᑯᖏᑦ ᓄᓇᕗᑦ
                 ᑎᑎᖅᑲᓂᐊᕐᕕᖓ 1000, ᐴᖅᑲᐃᕕᒃ 1000
                 ᐃᖃᓗᐃᑦ, ᓄᓇᕗᑦ X0A 0H0
                 ᐅᖄᓚᐅᑎ:(867) 975-8600 EXT 5012  
                ᐊᑭᖃᓐᖏᑦᑐᖅ:1-888-668-9993
               ᓱᑲᑦᑐᒃᑯᑦ: (867) 975-6220
               ᖃᕆᑕᐅᔭᒃᑯᑦ: Latienza@gov.nu.ca

Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ